ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16000 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 13:30 - 2019/09/11

فرانتس بەككەنباۋەر – نەمىس فۋتبولىنىڭ كايزەرى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


فرانتس بەككەنباۋەر – نەمىس فۋتبولىنىڭ كايزەرى

فرانتس بەككەنباۋەرەسىمى قورعانىس شەبىندە ونەر كورسەتكەن شەبەر فۋتبولشى ءھام اتى اڭىزعا اينالعان جاتتىقتىرۋشى رەتىندە جاھاندىق فۋتبول تاريحىنا ماڭگىلىككە جازىلدى. ونىڭ الەم چەمپيوناتىن فۋتبولشى رەتىندە دە، جاتتىقتىرۋشى رەتىندە دە جەڭگەن العاشقى ادام ەكەنىن فۋتبول ويىنىنان حابارى جوقتاردىڭ وزدەرى دە بىلەتىن شىعار. بۇل اتاقكايزەر فرانتس العان جالعىزجەتىستىك ەمەس.


گەرمانيا قۇراماسى
ءۇشىن 100 ويىندا ونەر كورسەتكەن العاشقى دا، "التىن دوپپەن"ەكى مارتە (1972 جانە 1976 جىلدارى)ماراپاتتالعان العاشقى فۋتبولشى دا – وسىبەككەنباۋەر.فۋتبول جانكۇيەرلەرى فرانتس ساتتىلىكتى قۇرساقتا جاتقان كەزىنەن-اق سەرىك ەتتى دەيدى. ولاي دەيتىن سەبەبى، ميۋنحەندە دۇنيەگە كەلگەن بەككەنباۋەردىڭ بۇل سپورتتان الىس بولۋعا ەش مۇمكىندىگى جوق ەدى.

فرانتس مانسابىن "ميۋنحەن-1906"كلۋبىندا باستاپ، كەيىن اتاعى دۇركىرەپ تۇرعان "باۆارياعا"اۋىسادى.1959 جاس ويىنشىنىڭ باعى جانعان جىل بولدى. تالاپتى جاستى گەرمانيا جاستار قۇراماسىنىڭ جاتتىقتىرۋشىسى دا بىردەن بايقادى.

جاستايىنان العىرلىعىمەن كوزگە تۇسكەن فرانتس فۋتبول الاڭىنىڭ سىرتىندا دا ءومىر بار ەكەنىن ۇمىتپادى. 1962 جىلى 17 جاستان اسقان شاعىندا ساقتاندىرۋ اگەنتى مەكەمەسىنەن تاجىريبە وتپەك بولادى. مۇنى ەستىگەن "باۆاريا"فۋنكتسيونەرلەرى بەككەنباۋەردەن ايىرىلىپ قالماس ءۇشىن ەشكىم باس تارتا الماس باعا كورسەتىلگەن كەلىسىمشارت ۇسىنادى. وسىلايشا كايزەر ءومىرىن ماڭگىلىككە فۋتبولعا ارناۋ تۋرالى شەشىم قابىلدايدى.

فرانتس بەككەنباۋەر فۋتبولدا وتە سيرەك كەزدەسەتىن امبەباپ ويىنشى ەدى. ورتالىق شەپتە دە، قوس قاناتتا دا، قورعانىستا دا، ءتىپتى، شابۋىلشى رەتىندە دە تاپتىرماس شەبەر بولاتىن. "باۆاريا"قۇرامىنداعى العاشقى رەسمي ماتچتى "سانكت-پاۋلي"كلۋبىنا قارسى وينادى. سول جاق شەپ شابۋىلشىسى پوزيتسياسىندا ونەر كورسەتكەن فرانتس ءبىر دە ءبىر گول سوقپاسا دا، ۇتىمدى مانەۆرلەرىمەن جانكۇيەرلەر جادىندا ساقتالىپ قالدى. سول كەزدەسۋدە "باۆاريا""سانكت-پاۋليدى"4-0 ەسەبىمەن شاڭ قاپتىرعان ەدى.

1965 جىلى جاس ماماننىڭ بولاشاعىن انىقتايتىن وقيعا ورىن الدى. ول ۇلتتىق قۇراماداعى دەبيۋتى بولاتىن. دەبيۋت شۆەتسيا قۇراماسىمەن 1966 جىلعى الەم چەمپيوناتىنا ىرىكتەۋ كەزەڭدەگى شەشۋشى ويىنعا سايكەس كەلدى. بۇل گەرمانيانىڭ مۋنديالعا جولداما الاتىن-المايتىنىن انىقتايتىن اسا ماڭىزدى كەزدەسۋ ەدى. اقىر اياعى فرانتستىڭ كومانداسى الاڭ يەلەرىن 2-1 ەسەبىمەن ۇتىپ، ءاچ-نا اتتاندى. سول ويىننان بەككەنباۋەردىڭ ناعىز ليدەر ەكەنى بايقالدى، ودان كەيىنگى 10 جىل بويى دا سولاي بولىپ قالدى.

"باۆاريانىڭ"سول كەزدەگى جاتتىقتىرۋشىسى حەلمۋت شيون بەككەنباۋەردى جاڭا پوزيتسيادا سىناپ كورمەك بولادى. "ليبەرو"، ياعني، سوڭعى قورعاۋشى فۋتبول الەمى ءۇشىن تانسىق دۇنيە ەدى. فرانتستىڭ ناعىز امبەباپ ويىنشى ەكەنىنىڭ ارقاسىندا ليبەرو تەك شابۋىلدارعا تويتارىس بەرۋشى عانا بولماي، قارسىلاستاردىڭ ويناۋ مانەرىن قاداعالاپ، ءوز كومانداسىن ادەمى يگەرۋگە مۇمكىندىك بەرەتىن پوزيتسياعا اينالدى.

بەككەنباۋەر فۋتبول الاڭىن تۇتاس باقىلاي الاتىن قىراعى ويىنشى بولدى، ناق ءبىر كومپيۋتەر سەكىلدى بارلىق مۇمكىن بولار نۇسقالاردى لەزدە انىقتاپ، ۇنەمى ەڭ ءتيىمدى شەشىم قابىلداي بىلۋىمەن ەرەكشەلەندى. ول شابۋىل ۆەكتورىن مۇلتىكسىز باعىتتاپ، ديريجەر سەكىلدى ماتچتىڭ تەمپىن باسەڭدەتەر نە ارتتىرار تۇستى ءدال تاباتىن. كوماندالاستارىن شابۋىلدا قولداۋ كورسەتەتىن ساتتەردە جەبەپ، قورعانىسقا كومەك كەرەك ۋاقىتتا كوماندالاستارىنان ارتقى شەپكە قايتۋدى تالاپ ەتىپ وتىردى. ونىڭ "كايزەر"اتانۋىنا سەبەپ بولعان قاسيەتى – حاس شابۋىلشىلىق قارىمى مەن قورعاۋشى پراگماتيزمىنىڭ ءبىر ادامدا ۇيلەسىم تابۋى ەدى. بەككەنباۋەر الاڭدا قۇددى بالەرينا سەكىلدى ءمىنسىز قوزعالاتىن.

بەككەنباۋەردىڭ ويىنداعى پوزيتسياسىنا قاتىستى الەم ەكى ايىرىلدى. جانكۇيەرلەردىڭ ءبىر قاتارى كايزەر فرانتس ناق وڭ جامباسىنا كەلەتىن ىسپەن اينالىسىپ ءجۇر دەسە، ەكىنشىلەرى ونىڭ قورعانىستا بولۋى بار تالانتىن قۇردىمعا كەتىرۋمەن پارا-پار دەسىپ جاتتى. فۋتبولشىنى قورعانىس مىندەتتەمەلەرىنەن بوساتىپ، الاڭعا ەركىن سۋرەتكەر رەتىندە اتتاندىرۋ كەرەك دەيتىن سوڭعىلارى. بۇل قايشى پىكىرلەردىڭ ءورشىپ تۇرعان شاعى 1966 جىلعى مۋنديالدىڭ فينالىنداعى نەمىستەر جەڭىلىسىمەن بايلانىستى بولدى. سول ويىن اعىلشىنداردىڭ چەمپيون اتانۋىمەن اياقتالعان ەدى.

بىراق ۋاقىت وتە بەككەنباۋەر ليبەرو پوزيتسياسىن بۇرىنعىدان بەتەر يگەرىپ الدى. گەرمانيا قۇراماسى مەن "باۆاريا" كومانداسىنىڭ وسىدان كەيىنگى جەتىستىكتەرىنىڭ ءبارى فرانتستىڭ سوڭعى قورعاۋشى مىندەتىن ءمىنسىز ورىنداۋىمەن تىكەلەي بايلانىستى بولدى.

بەككەنباۋەردىڭ حاس سۇرمەرگەن ەكەنىن ايتپاي وتۋگە بولماس. گول سوعۋدا جولى بولعىش ەدى. اسىرەسە، الەم چەمپيوناتتارىن ايتساڭىزشى. 1970 جىلى مەكسيكادا وتكەن مۋنديالدا سول اعىلشىنداردان 0-2 ەسەبىمەن ۇتىلىپ جاتىپ، كەنەتتەن سالعان فرانتستىڭ گولىنان شابىت العان كوماندا ويىندى جەڭىسپەن اياقتاعان ەدى. 1972 جىلى گەرمانيا قۇراماسى كسرو-نى 3:0 ەسەبىمەن ايقىن باسىمدىقپەن ۇتىپ، ەۋروپا چەمپيونى اتاندى. ال 1974 جىلى گەرمانيا قۇراماسىنىڭ كاپيتانى فرانتس بەككەنباۋەر گوللانديالىقتارمەن بولعان فينالدىق كەزدەسۋدەن كەيىنFIFA التىن كۋبوگىن اسپانعا كوتەرىپ، ويىنشى رەتىندە الەم چەمپيونى اتانعان ساتىندە جاسىل الاڭدا سالتانات قۇرعان بولاتىن.

وسى تريۋمفتان كەيىن بەككەنباۋەر قۇراما ساپىندا 2 جىل ونەر كورسەتىپ، جالپى سانى 103 ماتچقا قاتىسقاننان كەيىن ويىنشى مانسابىن اياقتاۋ تۋرالى شەشىم قابىلدايدى. "جاسىم كەلدى" دەگەندى العا تارتقان فرانتس ەندىگىدە ءوز تاجىريبەسىمەن ءبولىسىپ، جاس فۋتبولشىلارعا باعىت كورسەتەر جاتتىقتىرۋشى جولىن تاڭدايدى. وسى شەشىمنىڭ باستاۋى كەزىندە پەلە مانسابىن اياقتاعان اقش-تىڭ "كوسموس"كومانداسى بولدى. بەككەنباۋەردىڭ كەلۋىمەن مۇحيتتىڭ ارعى جاعىندا فۋتبول ونەرىنىڭ مارتەبەسى ارتىپ، ستاديون جانكۇيەرلەرگە تولا باستادى.

"كوسموستى"4 ماۋسىم بويى جاتتىقتىرعاننان كەيىنكايزەر فرانتس وتانىنا قايتا ورالدى. بۇل كەزەڭ، ناقتىراق ايتساق، 1984 جىل گەرمانيا قۇراماسىندا الدىڭعى تولقىندى جاڭاسى الماستىرعان وتپەلى شاققا سايكەس كەلدى. ۇلتتىق قۇراما ءۇشىن اسا اۋىر ۋاقىتتا بەككەنباۋەر جاتتىقتىرۋشى مىندەتىنە قايتا كىرىستى.

فرانتس كومانداسىنا تۇسكەن العاشقى ماڭىزدى سىناق 1986 جىلعى الەم چەمپيوناتى بولاتىن. اقتىق مارەدە ديەگو مارادوناداي "قۇدايى" بار ارگەنتيناعا ەسە جىبەردى دەمەسەڭىز، فينالعا دەيىن جەتىپ، جانكۇيەرلەر جۇرەگىنە ءۇمىت وتىن جاعا ءبىلدى.

ەسەسىنە بەككەنباۋەر اقىسىن 1990 جىلى يتاليادا وتكەن مۋنديالدا قايتاردى. بۇل جولى دا فينالدا ارگەنتينالىقتارمەن جولىققان نەمىستەر 1-0 ەسەبىمەن رەۆانش الدى. وسىلايشا كايزەر فرانتس جاتتىقتىرۋشى رەتىندە دە الەم چەمپيونى اتانىپ، ناعىز تاريحي وقيعاعا سەبەپكەر بولدى.

جەڭىستى مۋنديالدان كەيىن بەككەنباۋەر قۇراماداعى جۇمىسىن تاستاپ، ءوزىنىڭ تۋعان كومانداسى"باۆارياعا"قايتا ورالدى.اڭىز ادام وسى كۇنگە دەيىن اتالعان كوماندانىڭ پرەزيدەنتى قىزمەتىن اتقارادى.

P.S. ءارى ويىنشى، ءارى جاتتىقتىرۋشى رەتىندە الەم چەمپيونى اتانعان تاعى 2 ادام بار، ولار:ماريو زاگاللومەنديدە دەشام.



كەلۋ قاينارى: http://www.elarna.net/koru.php?tur=41&id=1046555

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ا كاكوۆ تۆوي ناماز؟! | 13 مينوت
الماتى وبلىسىنداعى جول 13 مينوت
شامالعانداعى اپاتقا قات 16 مينوت
قاراعاندى وبلىسىندا جاڭ 28 مينوت
پويىز بەن اۆتوبۋستىڭ سو 1 ساعات
باس كولىك پروكۋراتۋراسى 1 ساعات
"اقىرىنا دەيىن اۆت 1 ساعات
بوكستان الەم چەمپيوناتى 1 ساعات
بولاشاق وليمپياداعا اپا 1 ساعات
باس كولىك پروكۋراتۋراسى 1 ساعات
الماتى وبلىسىندا پويىز 2 ساعات
پويىز بەن اۆتوبۋستىڭ سو 2 ساعات
بوكستان الەم چەمپيوناتى 2 ساعات
پويىز بەن اۆتوبۋس سوقتى 2 ساعات
بوكستان الەم چەمپيوناتى 2 ساعات
ءدىني بىرلەستىكتەرمەن ب 2 ساعات
سەنبىلىك كەيىنگە شەگەرى 2 ساعات
قپل: «استانا» مەن «قاير 2 ساعات
پويىز بەن اۆتوبۋستىڭ سو 2 ساعات
باس ءمۇفتي سەنات توراعا 2 ساعات
پويىز بەن اۆتوبۋستىڭ سو 3 ساعات
الماتى وبلىسىندا جولاۋش 3 ساعات
الماتى وبلىسىندا جولاۋش 3 ساعات
كۇرەس تۇرلەرىنەن ءاچ: ا 4 ساعات
شينجياڭ حابارلارى شينجي 4 ساعات
پرەزيدەنت الماتىلىقتارد 4 ساعات
شينجياڭ حابارلارى اۆتون 4 ساعات
اتىراۋ وبلىسىندا جول اپ 4 ساعات
بوكس: رەسەيدەگى الەم چە 5 ساعات
وسى ارانى باسىپ كورىڭىز 5 ساعات