ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-071600666656 %44 %
2019-12-082923931263 %37 %
2019-12-09740202561 %39 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 12:10 - 2019/07/11

مەيرحانوۆا ايگەريم. وتانىم ساعان ايتامىن ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


مەيرحانوۆا ايگەريم. وتانىم ساعان ايتامىن

ەلدىڭ ەرتەڭى سانالاتىن تالانتتى جاستاردى قولداۋ، جاس قالامگەرلەردىڭ شىعارمالارىن ناسيحاتتاۋ ماقساتىندا Massaget.kz پورتالى"وتانىم، ساعان ايتامىن"اتتى پروزالىق ونلاين-بايقاۋىن جاريالاعان بولاتىن.بايقاۋ ERG كومپانياسىنىڭ قولداۋىمەن ءوتىپ جاتىر. نازارلارىڭىزعا بايقاۋدىڭ كەزەكتى قاتىسۋشىسى مەيرحانوۆا ايگەريمنىڭ شىعارماسىن ۇسىنامىز.

مەيرحانوۆا ايگەريم نۇرجانقىزى – 2002 جىلى 3 قاراشادا، تاراز قالاسىندا دۇنيەگە كەلگەن. 2009 جىلدان باستاپ №12 مەكتەپ – گيمنازياسىندا ءبىلىم الامىن. "كىتاپ وقىپ ميلليونەر بول" بايقاۋىنىڭ لاۋرەاتى.

وتانىم ساعان ايتامىن
تۋعان جەردى ءسۇيۋ – پارىز،
سۇيۋ ءۇشىن ءبىلۋ – پارىز،
قاسيەتىن ۇعۋ – پارىز،
كۇزەتىندە تۇرۋ – پارىز.
م. الىمباەۆ.


جازۋ ۇستەلى... مۇقاباسى كونەرگەن "جىراۋلار پوەزياسى" شالقاسىنان اشىلىپ جاتىر. ەرىكسىز كوز جۇگىرتتىم... كوكىرەگىمدى كەرنەگەن وي قولىما قالام ۇستاتتى...

"جاباعىلى جاس تايلاق جارداي اتان بولعان جەر، جاتىپ قالىپ ءبىر توقتى جايىلىپ مىڭ قوي بولعان جەر، جارى مەنەن سايى تەڭ، جارلىسى مەن بايى تەڭ" – دەپ گۋمانيستىك ۇرانداعان بابالار ارمانى بىرلىك بولاتىن. ول – قازتۋعاننان قالعان، قازاقتان قالعان ۇلگى ەدى.

ەكىمىڭجىلدىق تاريحى مەن تاعىلىمى تەرەڭ، مەرەيلى مەكەنىم... ۇلى دالامنىڭ ورمان-كولى دە، تاۋ-تاسى دا، وزەنى مەن قۇمى دا، ءاربىر ۇلكەندى– كىشىلى تاسى ءبىزدىڭ التىن تاعىمىز. وزىڭدەي كەڭ دالانى بابالارىمىز ەلىن ارمان مۇراتتارىنا جەتكىزۋ ءۇشىن، كوسەگەسىن كوگەرتىپ، شاڭىراعىن شالقىتۋ ءۇشىن، جۇمىر جەردىڭ بەتىندە ۇلت بولىپ ورنىعىپ، اسىل ارماندارىنا قول جەتكىزۋ ءۇشىن، كوك تۋىن كوككە كوتەرىپ، ايبارىنان جەل ەسكەن، وردالى جۇرت اتانۋ ءۇشىن ابىز اتالارىمىز، ناعىز ءباhادۇر-باتىرلارىمىز ەرتە تۇرىپ، كەش جاتىپ، قاباعىنا قار، كىرپىگىنە مۇز قاتىپ، جورتۋىلداپ، ەلىمنىڭ قامىن ويلاپ، ىرگەسىن بەكىتىپ، قارىننىڭ قامىن ەمەس، وتانىمنىڭ قامىن، ماڭگىلىك ءوڭىردىڭ تاريحىن بىزگە كەلەر ۇرپاققا امانات ەتىپ بەرگەن.

بۇل ءوڭىردىڭ تابيعاتى مەن بەرەكەسىن ءبىر كورگەننەن قىزىقپاعاندار كەمدە–كەم. كوكتەمدەگى قىزعالداقتى جوتالارى، سارىمساقتى، جۋالى ساي–سالاسى، اڭ–قۇسقا تولى الاتاۋى مەن قاراتاۋىنىڭ قويناۋلارى، بالىعى تاۋداي تۋلاعان بيلىكولى كىمنىڭ بولسا دا كوزىنىڭ نۇرىنا، كوڭلىنىڭ ءان–جىرىنا اينالاتىنى ءسوزسىز. قازاق ەلى زامانا كوشىنىڭ الدىندا بولىپ، كەڭ–بايتاق ەلىمىزدە تابىستى بولىپ، شىعارماشىلىق بيىكتەردەن كورىنىپ، تاڭداۋلىلار مەن ۇزدىكتەردىڭ قاتارىندا بولۋى بۇكىل قازاقتىڭ ار–نامىسىنا، ۇجدانىنا اينالعان – باۋىرجان مومىشۇلى مەن شەرحان مۇرتازا باستاعان ۇلى تۇلعالارىمىزدىڭ ەرەڭ ەڭبەگى جانىمىزعا نۇر بولىپ قۇيىلادى.

"بۇل دالا ۇلى دالا ناناسىڭ با؟
تاڭىرىم ءناسىپ ەتكەن كوك استىندا...
بولاشاقتىڭ كەمەسى قازاق ەلى،
"ماڭگىلىك ەل" تەڭىزىنىڭ جاعاسىندا".

مەن ءۇشىن تۋعان جەرىمنىڭ كۇنى دە قىمبات، ءتۇنى دە قىمبات. ونىڭ ماڭدايىمنان سيپاعان سامال جەلى، بويىما جىلۋ دارىتقان توپىراعى قىمبات. تۋعان جەرىمنىڭ قازىنامىزعا اينالعان، كونەنىڭ كوزى، تاريحتىڭ ءوزى بولعان سىنىق كوزە مەن قۇمىرا دا، قالالارعا مىڭ بۇلاقتىڭ بىرىنەن سۋ جەتكىزگەن قۇبىر دا، ساۋدا–ساتتىقتىڭ دانەكەرى بولعان تيىن دا، جاۋدان قورعانۋعا ارنالعان قارۋ–جاراق تا، ءتىپتى نە ءۇشىن پايدالانعانى بەلگىسىز سىنىق تاسى دا ءبىز ءۇشىن قىمبات. ەلىمنىڭ ءاربىر كىشىپەيىل، قاراپايىم، اقجۇرەك، دوستىققا ادال ادامدارى مەن ءۇشىن باۋىرىمداي ىستىق.

وتانىم! قازاقستانىم! تاربيەنىڭ دە، ساناڭدا قالىپتاسار تەكتىلىكتىڭ دە، ادامي قارىم–قاتىناس پەن بەرەكە–بىرلىكتىڭ دە تاعىلىمدى ورداسى وسى تۋعان جەرىڭ ەمەس پە؟ جارتى الەمدى ارالاپ شىقساق تا ءبىز ءۇشىن ەڭ ادەمى، انالارىمىزدىڭ قۇشاعىنداي ىستىق، اكەلەرىمىزدىڭ مەيىرىمىندەي قىمبات جەر، ول – ءبىزدىڭ اتامەكەنىمىز. سان مىڭداعان قىرقىسۋ مەن قان توگىستەردەن وتكەن اتا–بابالارىمىز مۇرا ەتىپ قالدىرعان تۋعان ولكەمىز جايىندا ءسوز قوزعاعاندا جۇرەگىم ەلجىرەيدى. مەنىڭ تۋعان جەرىم، وتانىم – قازاقستان رەسپۋبليكاسىنىڭ تۇڭعىش پرەزيدەنتى ن.ا.نازارباەۆتىڭ سوزىمەن ايتقاندا: ء"بىزدىڭ تاريحىمىزدىڭ التىن دىڭگەگى، رۋحاني بايلىق تەمىرقازىعى" اتانعان تاراز قالاسى، ەجەلگى جانە ورتا عاسىرلار وركەنيەتىنىڭ اسا ءىرى ورتالىقتارىنىڭ ءبىرى. مەن العاش سۋىن ىشكەن، مەنى الديلەپ سۇيگەن، ماعان سەنگەن، تۋعان جەرىم – تارازىم... جەڭىلمەس كۇشىمىز – وسى جۇرەگىمىزدەگى وتانىمىزعا، ەل نامىسىنا، تۋعان جەرگە، وسكەن ەلگە دەگەن تۇڭعيىق، يىرىمدەرى سايازدانعان سەزىمىمىزدە.

"تۋىڭدى كوتەر،
تۋىڭدى كوتەر، تۋىڭدى!
تۋىڭدى كوتەر!
تاپتاتپاۋ ءۇشىن تۇعىردى.
نەلىكتەن ەرلەر كوتەرىپ تۋىن جىعىلدى،
نەلىكتەن ەرلەر استىنا تۋدىڭ جيىلدى.
وتانىڭ – بىرەۋ،
جۇرەگىڭ – بىرەۋ،
تۋ – بىرەۋ.
سوندىقتان ءجون عوي "جۇرەكتەن تۋىم تۋدى" دەۋ".

وتانى، جۇرەگى، تۋى ءبىر ەل – قازاقستان، – دەپ ماقتانىشپەن ايتار ەدىم.

تۋعان جەردىڭ ءقادىرىن ءبىلۋ، تاريحىن تاعىلىمداۋ، جۇرەگىمىزگە وتانسۇيگىشتىك قابىلەتىن ءسىڭىرىپ، توڭىرەگىمىزگە ادامگەرشىلىك پەن ىزگىلىك ساۋلەلەرىن توگۋ، وسى اتامەكەنىمىزدىڭ تاريحىن قانىمەن جازعان بابالارىمىزدىڭ، باتىرلار مەن ءسوز باستاعان شەشەندەرىمىزدىڭ، قايراتكەرلەرىمىزدىڭ ارقاۋى. تابيعاتى تاماشا، جەرى دە، ەلى دە دارحان قازاقستاننىڭ كىشكەنە عانا ءبىر بولىگى – تاراز قالاسى. بال-بالالىعىمنىڭ مەكەنى – تارازىم. ارمانىنا قاراي اسىعىپ، ءلۇپىل قاققان جۇرەكتەردىڭ ءسان-تۇرلى قيالدارىن جۇزەگە اسىرىپ، سان-قيلى تاعدىرلاردى توعىستىرىپ جاتقان كەرەمەت تە كوركەم قالا. تارتىلعان سىمداي بوي تۇزەگەن كوشەلەرى مەن جىمىڭ قاققان شامداردىڭ ساۋلەلەرى الىس ءبىر قيالارعا شاقىراتىنداي. شاھار ءسانى مەن داريا سۇلۋلىعى ساباقتاسىپ، كەرەمەت ءبىر تىلسىم ءتىل، اۋەزدى ۇنمەن سەزىم قىلىن شەرتەدى.

ومىر جولىنىڭ الپاۋىت باسپالداقتارىن اتتاپ، ۇلكەن ۇمىتتەر مەن ارماندارعا جول اشقان تۋعان جەرىم. مەنىڭ تۋعان جەرگە دەگەن ساعىنىش سازىم جەر ءجانناتى اتانعان وسى تارازىما ارنالادى. مۇنداعى وبلىس ورتالىعى ماڭىنداعى تۋعان ولكەنىڭ بوستاندىعى ءۇشىن قاسيەتتى سوعىس اشىپ، 95 جاسىندا قايتىس بولعان جاۋىنگەر شاحماحمۋد پەن ارۋ ايشا ماحابباتىنىڭ نىشانى رەتىندە تانىمال ايشا ءبيبى مەن قاراحان كەسەنەسى، اينالاسىندا جالبىز ءيىسى اڭقىعان، سۋى كاۋسار – تالاس وزەنى ساعىنىش دەگەن سەزىممەن ۇشتاسىپ، جۇرەگىمنىڭ تۇكپىرىندە بەرىك ورناپ، كوڭىل تولقىنىن تەربەتىپ، قاستەرلى قۇندىلىققا اينالعانى قاشان! تارازدان 40 شاقىرىم جەردەگى سالىنۋى اياقتالماي قالعان اقىرتاس قۇرىلىسى دا ءوزىنىڭ اۋقىمدىلىعىمەن تاڭ قالدىرادى. ەجەلگى زاماننىڭ وسىنداي ەسكەرتكىشتەرى ءوز اتامەكەنىن ءسۇيىپ، تۋعان جەرىن قۇرمەتتەي بىلگەن تاكاپپار، ەرجۇرەك ءارى ەڭبەكقور ادامداردىڭ ءومىر سۇرگەنىن دالەلدەيدى.

شۋ وزەنىنىڭ سولتۇستىگىندە ايگىلى بەتپاقدالا ءشولى، جازىقتاردىڭ كەي جەرلەرىندە سيرەك جوتالار مەن الاسا جوندار تۇرىندەگى قىرلارى، اڭ-قۇسى، ساي-سالاسى، بيىك اسپان، جۋسان مەن دەرمەنە، ءشوپتىڭ كەرمەكتەۋ ءيىسى تانىمدىق ماڭىزى ۇلكەن جۇمىر جۇرەگىمنەن قايتپاس تاعىلىمى. اعا ۇرپاقتىڭ ەرلىگىن جالعاستىرۋشى، ۇلتىمىزدىڭ ايبىنى، مەملەكەتىمىزدىڭ تىرەگى وسىنداي تاۋەلسىز، ەركىن، باتىل بولۋى كەرەك.

دانا حالقىمىز "اركىمنىڭ تۋعان جەرى – مىسىر شاھارى" – دەپ بەكەر ايتپاعان. تۋعان ەلگە، جەرگە دەگەن سۇيىسپەنشىلىك ءاردايىم ادامدى العا جەتەلەپ وتىرادى. تاراز – كوز الدىمىزدا جىل ساناپ ەمەس، اي ساناپ ەمەس، كۇن ساناپ، اڭىزعا بەرگىسىز شىندىقپەن ءوسىپ كەلە جاتقان نۇرلى قالا. ۇلتتىق نامىسىمىزدى قوزعاپ، ادەت-عۇرىپ، سالتىمىزعا، رۋحاني بايلىعىمىزعا دەگەن قۇرمەت سەزىمىنە بولەپ، سۇيىسپەنشىلىككە جەتەلەيدى. اسىرەسە جاستاردىڭ بويىندا ەلدىك رۋحتى، ۇلتجاندىلىق سەزىمدى قالىپتاستىرۋعا اسەرى ەرەكشە كۇشتى. تاراز تەك قانا اكىمشىلىك قالا ەمەس، حالىقارالىق دەڭگەيدەگى جوعارى وقۋ ورىندارى، عىلىمي مەكەمەلەرى، تەاترلارى مەن مۋزەيلەرى بار مادەنيەتتىڭ قايناعان قازانىنا اينالعان قالا. ورتاق مۇددە، اۋىزبىرلىك، ۇلتارالىق كەلىسىم مەن دە تاتۋلىقتىڭ كىلتى دە سەنىمدى تاراز بولىپ قالماق. ەل مەرەيىن وسىرەر ەلباسىمىزدىڭ ۇستانعان سىندارلى ساياساتىنىڭ ارقاسىندا تاراز اسقاقتاپ، ەلىمىز قارىشتاپ دامىپ، قاناتىن كەڭ جايۋدا. قالامىز جىلدان-جىلعا كوركەيىپ، ەگەمەن ەل بولعانىمىزدىڭ ايعاعىنا، وركەندەۋىمىزدىڭ كورىنىسىنە، دوستىققا ادال، سەرتكە بەرىك سالتى بار قازاقستاندىقتاردىڭ ورتاق مەنتاليتەتىنە اينالىپ كەلە جاتىر.

تۇڭعىش پرەزيدەنتىمىز ن.ا.نازارباەۆتىڭ قازاقستان حالقىنا ارنالعان "جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى" اتتى بيىلعى جىلعى جولداۋىندا: "ادام – ەلدىڭ باستى بايلىعى... ەلدى جاڭعىرتۋ ستراتەگياسىن ىسكە اسىرۋدىڭ تابىستىلىعى، ەڭ الدىمەن، قازاقستاندىقتاردىڭ بىلىمىنە، الەۋمەتتىك جانە دەنە بولمىسى، كوڭىل-كۇيلەرىنە بايلانىستى"، – دەلىنگەن.

وسىنداي ساياساتتى ۇستانىپ وتىرعان ەلمەن الەمنىڭ جەتەكشى ەلدەرىنىڭ كوشباسشىلارى مەن بەدەلدى حالىقارالىق ۇيىمداردىڭ باسشىلارى وزدەرىن قازاقستاننىڭ دوسى سانايدى. ءبىز مۇنى ماقتانىش ەتۋگە ءتيىسپىز. قازاقستاننىڭ جوعارى حالىقارالىق بەدەلى ءبىزدىڭ ەلىمىزگە ەۋروپاداعى قاۋىپسىزدىك جانە ىنتىماقتاستىق جونىندەگى ۇيىمعا ءتوراعا بولۋعا مۇمكىندىك بەردى. بۇل– ءبىز ءۇشىن ۇلكەن ابىروي.

قازاق ەگەمەن ەل بولىپ، وزگە ەلدەرمەن تەرەزەسى تەڭ بولۋدى قانشاما ارمانداعان ەدى. ەندى، مىنە، سول ارمان ورىندالدى. ەلى ءۇشىن ەڭىرەپ وتكەن ەرلەردىڭ ەڭبەگى ەش بولعان جوق. ەلىمىزدىڭ كەشەگى تاريحىنىڭ ساحناسىندا جەرى ءۇشىن ون جىل بويى اتتان تۇسپەگەن قازاقتىڭ جانىبەك پەن كەرەي حاندارى ات ويناتقان كۇيى قالامىزعا ماڭعازدانا قاراپ تۇر. بۇل – ءبىزدىڭ تارازىمىز، جايقالعان كونە قالامىز، ۇرپاقتان-ۇرپاققا اڭىز بولىپ ايتىلار ارداقتى تارازىم، قازاق ەلىنىڭ تاريحى ساقتالعان مەكەن!



كەلۋ قاينارى: http://www.elarna.net/koru.php?tur=41&id=1021823

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


پوەزيا اللەياسى” اشىلدى 1 مينوت
پايعامبارىمىزدىڭ ادامدا 1 مينوت
حابارلاندىرۋ!  – 11 مينوت
بيىل تۇركىستاندا 2،5 مل 19 مينوت
بالانى ءجيى ماقتاسا، ول 1 ساعات
باس ءمۇفتي استانادان ات 1 ساعات
نورۆەگيالىق ەكى عالىم ا 1 ساعات
ساياساتكەر ەرتەڭ جانە ا 1 ساعات
قازاقتىڭ تۋىن ۇستاعان ا 1 ساعات
جاڭا جىلدى تويلاعاندارد 1 ساعات
گاندبولدان الەم چەمپيون 1 ساعات
پاراساتتىلار ءوز ومىرىن 1 ساعات
9 جەلتوقسان. تۋعان كۇن 1 ساعات
ەمشىلەر كەسەدى، كۇيدىرە 2 ساعات
باس ءمۇفتي الماتىلىق قا 2 ساعات
دۇيسەنبىگە ارنالعان اۋا 2 ساعات
ديماشتى نيۋ-يوركتەگى جا 2 ساعات
نيۋ-يوركتە ديماشتى جانك 2 ساعات
9 جەلتوقسان. قازاقپارات 2 ساعات
ەسكە ساقتاۋمەن ەمەس، ءو 3 ساعات
中国哈萨克语广播网 3 ساعات
بايگە! بايگە! بايگە! &# 3 ساعات
中国哈萨克语广播网 3 ساعات
تيانشان تورى 3 ساعات
اتىراۋدا جەڭىل كولىكپەن 3 ساعات
中国哈萨克语广播网 4 ساعات
تيانشان تورى 4 ساعات
تيانشان تورى 4 ساعات
عالىمدار سولاقاي ادامدا 4 ساعات
中国哈萨克语广播网 4 ساعات