ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-07-20447195040 %60 %
2019-07-21488310821 %79 %
2019-07-22493174140 %60 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 15:05 - 2019/07/10

قۇنانباەۆا ايمەرەكە. وتانىم، ساعان ايتامىن! ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


قۇنانباەۆا ايمەرەكە. وتانىم، ساعان ايتامىن!

ەلدىڭ ەرتەڭى سانالاتىن تالانتتى جاستاردى قولداۋ، جاس قالامگەرلەردىڭ شىعارمالارىن ناسيحاتتاۋ ماقساتىندا Massaget.kz پورتالى"وتانىم، ساعان ايتامىن"اتتى پروزالىق ونلاين-بايقاۋىن جاريالاعان بولاتىن.بايقاۋ ERG كومپانياسىنىڭ قولداۋىمەن ءوتىپ جاتىر. نازارلارىڭىزعا بايقاۋدىڭ كەزەكتى قاتىسۋشىسىقۇنانباەۆا ايمەرەكەنىڭ شىعارماسىن ۇسىنامىز.

قۇنانباەۆا ايمەرەكە ءابدىماجيتقىزى – 1996 جىلى قىزىلوردا قالاسىندا دۇنيەگە كەلگەن. 2016 جىلى م.مامەتوۆا اتىنداعى قىزىلوردا پەداگوگيكالىق جوعارى كوللەدجىن "ينفورماتيكا" ماماندىعى بويىنشا تامامداعان. "بولاشاق" ۋنيۆەرسيتەتىنىڭ تۇلەگى.

***

وتان - وتكەنىمىزدى تانىپ، باعالاي ءبىلۋ، ەڭ اۋەلى، ءوزىمىزدى قادىرلەي ءبىلۋ.
(احمەت بايتۇرسىنۇلى)

التاي مەن اتىراۋدىڭ اراسىندا ۇزىننان-ۇزاق سوزىلعان ۇشقان قۇستىڭ قاناتى مەن جۇگىرگەن اڭنىڭ اياعى تالاتىن ۇلان-بايتاق ۇلى دالانىمەكەن ەتكەن، ازاتشىل، ءور رۋحتى "كوك بورىگە" تەڭەلگەن تۇركى حالقىنىڭ ءبىرۇرپاعى بولعان، العاش تۇلپار باپتاپ جەلمەن جارىسىپ، قۇس تورەسى بۇركىت پەن سۇڭقاردى سامعاتقان، بايىردان ءدىن يسلام-دىڭگەگىم دەپ، ءسالت-داستۇرىن دارىپتەگەن، جەتىمىن جىلاتپاي، جەسىرىن قاڭعىتپاعان، قارتىن قازىناعا تەڭەپ قاستەرلەگەن قازاق دەگەن حالىقتىڭ ۇرپاعىمىز. نايزانىڭ ۇشىمەن، بىلەكتىڭ كۇشىمەن ەل-جەرىن قورعاعان، ءبىر اۋىز سوزبەن قارا قىلدى قاق جارىپ، ۇرپاق ەركىندىگى ءۇشىن جان بەرىسپەي، ولىمنەنۇياتكۇشتى دەپ وتكەن اتا-بابالارىمىزدىڭ ءۇمىتىن اقتار جالعاسىمىز.

"اۋەلى ءتاڭىرى جەرگە بەرەدى،
جەرگە بەرسە ەلگە بەرەدى"، – دەپ، ءتاڭىرى جەرگە دە، ەلگە دە بەرەرىن اياماعان ۇلانعايىر، ءوز الدىنا تاۋەلسىز مەملەكەتپىز. جەر كارتاسىن الىپ قاراساڭىز ەۋرازيا قۇرلىعىندا كەرەگەسىن كەڭگە جايىپ، الەم مەملەكەتتەرى اراسىندا توعىزىنشى ورىنعا جايعاسقان. مۇناي مەن كومىرىن، التىن مەن تەمىرىن قوينىنا ساقتاپ، كوگى مەن جەرىندە جان-قۇسىن سايراتىپ، تابيعاتىمەن تالايدى تامساندىرعان ەلمىز. تولارساقتان ساز كەشىپ، ات اۋىزدىقپەن سۋ ىشكەن، قولىنا نايزا الىپ، ەرلەۋلى اتقا قونعان باتىر دا قايسار، "كوكتەن ءتاڭىرى باسپاسا، جەر ايىرىلىپ جاتپاسا، كىم قورلار قالىڭ تۇركى ەلىن؟!" – دەپ كۇلتەگىن باتىر ايتقانداي، ءور رۋحىمەن تالايدىڭ مىسىن باسقان ەرجۇرەك ۇلتپىز. تاريح قويناۋىنا ۇڭىلسەڭىز بۇگىنگىمىز بەن كەلەشەگىمىز ءۇشىن عيبرات الار وقيعالار مەن ەل تۇتاستىعى ءۇشىن كۇرەسكەن ۇلى تۇلعالارىمىزدىڭ وشپەس ءىزى جاتىر.

تاريحىمىزدىڭ ءاربىر كەزەڭى ۇلت تاعدىرىن ءوز تاعدىرىنان بيىك قويىپ، ەل ەرتەڭى ءۇشىن كۇرەسكەن باتىرلارىمىزدىڭ ارقاسىندا قالاندى. تاريحي كەڭىستىكتە "قازاق" بولىپ قالىپتاسۋ جولىندا ۇلتتىق، رۋحاني كوشىمىزدى باستاپ، تاۋەلسىز مەملەكەتتىڭ ىرگەسىن قالاعان زيالىلارىمىزدىڭ ەسىمدەرى ۇرپاق جۇرەگىندە التىن ارىپتەرمەن جازىلارى ءسوزسىز.

ەڭ العاش "قازاق" اتاۋىمەن حاندىق قۇرعان كەرەي مەن جانىبەك سۇلتاندارىمىزدان باستاپ، تاۋەلسىز، زايىرلى "قازاقستان" مەملەكەتى بولىپ قالىپتاسۋ جولىندا قانشاما تاريحي-ساياسي وقيعالار مەن تۇلعالارىمىز تۇر. ەل تۇتاستىعىنا ولشەۋسىز ۇلەس قوسىپ، حالقىمىزدى ءبىر شاڭىراققا جيناپ، ءبىر ارناعا توعىستىرعان ۇلى حانىمىز ابىلاي مەن قول استىندا جۇدىرىقتاي جۇمىلعان قاراكەرەي قابانباي، قانجىعالي بوگەنباي، شاپىراشتى ناۋرىزباي سىندى باتىرلارىمىزدىڭ ەڭبەكتەرى ەرەن. ال، وتانىمىز بوداندىق قامىتىنا ورانعان تۇستا، ازات ويعا ۇمتىلىپ، اسىل يدەيا توڭىرەگىندە "الاش" ۇرانىمەن ەل اراسىنان سۋىرىلىپ شىققان ۇلت جاناشىرلارىنىڭ ءومىر جولدارى تالايعا ءمالىم.

"مەن – قازاق، قازاقپىن دەپ ماقتانامىن،
ۇرانعا الاش دەگەن اتتى الامىن.
سۇيگەنىم قازاق ءومىرى، ءوزىم قازاق،
مەن نەگە قازاقتىقتان ساقتانامىن؟" – دەپ، الاشتىڭ بەلدى قايراتكەرىنىڭ ءبىرى سۇلتانماحمۇت تورايعىروۆ ولەڭىمەن پاتريوتتىق سەزىمىن كورسەتىپ قانا قويماي، ۇلتقا ۇندەۋ تاستادى. قازاقتىڭ ەركىندىگىن مۇرات ەتىپ، الەمدىك وركەنيەت ايقاسىندا جويىلىپ كەتپەي، جەرى مەن تىلىنەن، رۋحى مەن تاريحىنان ايىرىلماي، تاۋەلسىز مەملەكەت ساناتىنا ەنۋى استە الاش زيالىلارىنىڭ ارقاسىندا بولدى. ءاليحان بوكەيحانوۆ، احمەت بايتۇرسىنۇلى، حالەل دوسمۇحامبەتوۆ، مۇحامەتجان تىنىشباەۆ، جۇسىپبەك ايماۋىتۇلى، بەيىمبەت مايلين، ساكەن سەيفۋللين، ماعجان جۇماباەۆ سىندى زيالىلارىمىز وتان ءۇشىن عانا ەمەس، ۇلتتىق تاربيە، ءبىلىمدى ۇرپاق ءۇشىن كۇرەستى.

"الاشتىق" ارىستارىمىزدىڭ باستاعان تولقىنى ۇلتتىق قاناۋدان سوڭ دا تولاستامادى. ءار ۇلتتىڭ ءوز جەرى، شەجىرەسى، تاريحى بولاتىنى سەكىلدى ء"ار ۇلتقا ءوز كوسەمى" دەپ ۇران ەتكەن قازاق جاستارىنىڭ سەرپىلىسىنەن كەيىن عانا تاۋەلسىز مەملەكەتكە اينالدىق.

اتا-بابامىزدىڭ "جەرىمىزدى ۇرپاق ءۇشىن ساقتايمىز!" – دەپ ۇران ەتكەنىندەي، عاسىرلىق كۇرەستىڭ ارقاسىندا ميراس ەتىلگەن جەر مەن ەل تۇتاستىعىن ساقتاۋ ەندىگى كەزەكتە ۇرپاققا امانات. تىستەگەننىڭ اۋزىندا، ۇستاعاننىڭ قولىندا كەتىپ، ۇلى ويشىل اباي اقىنىمىزداي "قالىڭ ەلىم، قازاعىم، قايران جۇرتىم" دەپ جىرلار زامان قايتا تۋماسا ەكەن. ول ءۇشىن ەلگە نە قاجەت؟ ءبىرىنشى كەزەكتە ءتىلىمىز بەن دىنىمىزگە، سالتىمىز بەن رۋحاني قۇندىلىقتارىمىزعا دەگەن سىي-قۇرمەتىمىزدى ارتتىرۋ، ءالميساقتان ۇلتتىق تاربيەمىزدى ناسيحاتتاۋ، وتانعا دەگەن پاتريوتتىق سەزىمىمىزدى نىعايتۋ، رۋحىمىزدى قۋاتتاۋ. قازاقى ەرلىك پەن باتىر بولمىسىنىڭ ايقىن يەسى باۋىرجان مومىشۇلى: "مەنىڭشە، ۇلتتىق نامىس بولماسا، ۇلت باتىرلارى دا بولمايدى. سونىمەن قاتار ول، ەڭ الدىمەن، ەلىنىڭ پاتريوتى اتانباسا، باتىرى دا ەمەس"، – دەپ تۇجىرىم جاساعان ەدى. وسى تۇستا رەسەيدىڭ ۇلى رەفورماتور پاتشايىمى ەكاتەرينا ءىى-نىڭ: "قازاقتار وزدەرىنىڭ كىم ەكەنىن بىلسە، الەمدى جاۋلاپ الادى"، – دەگەن ءسوزى ويعا ورالادى.

شىنىندا، ءاربىر قازاق ءوزىنىڭ "قازاق" ەكەنىن ۇمىتپاي، ۇلت پەن ۇرپاق ساباقتاستىعىن ساقتاپ، ەل، جەر يگىلىگى ءۇشىن ايانباي ەڭبەك ەتۋى قاجەت. وسىناۋ عاسىرلارعا جالعاسقان ۇلى ءدۇبىر، دۇربەلەڭنەن كەيىن عانا ۇرپاق ءۇشىن جارقىن بولاشاقتىڭ تاڭى اتىپ، ەركىندىك پەن تەڭدىك ەسىگى ايقارا اشىلدى. ەندىگى كەزەكتە تار جول، تايعاق كەشىپ، كوگىمىزدە تاۋەلسىزدىك تۋىن جەلبىرەتكەن باتىرلارىمىزدىڭ ەرەن ەڭبەكتەرىن جاستار ءقادىر تۇتىپ، قاستەرلەي بەرمەك. "التىن انام، وتانىم، سەنەن ايار جانىم جوق" دەر جاستار تۇرعاندا وتانعا كەلەر ءقاۋىپ جوق ەكەنى تايعا تاڭبا باسقانداي–اق. اتا–بابالارىمىزدىڭ ۇلت بولىپ قالىپتاسۋ جولىنداعى ساياسي جانە رۋحاني كۇرەسىندەگى نەگىزگى ماقسات، وراسان مىندەت، ول وتان ىرگەسىن نىعايتۋ، سول ارقىلى ەلدىگىمىزدى "ماڭگىلىك ەل" دارەجەسىنە كوتەرۋ بولسا، ماڭگىلىك ەل قازاق جاستارى ءۇشىن – ماڭگىلىك قازاق ەلى عانا!
تەك قازاق دەپ ايتىلادى ۇرانىمىز،
باتىرلار سارقىتىمىز سىنالعان ءجۇز.
اتار تاڭ جارقىن كۇننىڭ جارشىسىنداي،
وتان ءۇشىن قانات قاققان قىرانىمىز!



كەلۋ قاينارى: http://www.elarna.net/koru.php?tur=41&id=1021440

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


«سارىارقا - ادالدىق الا 4 مينوت
اقش-تا 47 مىڭ تۇرعىن جا 6 مينوت
تيانشان تورى 15 مينوت
سانكت-پەتەربۋرگتە SUP-س 15 مينوت
الماتىلىق ونەرپازدار گر 16 مينوت
ءۇندىستاندا الاپات تاسق 25 مينوت
پورتۋگاليادا ورمان ورتى 1 ساعات
ارىستىق 100 بالا كاسپيد 1 ساعات
قاراعاندى وبلىسىندا كوم 1 ساعات
وسى ارانى باسىپ كورىڭىز 1 ساعات
ادىلبەك نيازىمبەتوۆ قاز 1 ساعات
پاۆلودار وبلىسىندا ەكى 1 ساعات
ءبىلىم ءمينيسترى ۋنيۆەر 1 ساعات
قارقاراداعى توي: قالىبە 1 ساعات
سقو-نىڭ جاس ءورت سوندىر 1 ساعات
وسى ارانى باسىپ كورىڭىز 1 ساعات
ۋۆەكوۆەچەنا پاميات جەنش 1 ساعات
ورالدا مەيرامحانا ورتەن 1 ساعات
پوليتسەيلەر اپتاپ ىستىق 1 ساعات
سقو-دا ءبىر وتباسى جيدە 1 ساعات
قازاقستاندا 23 شىلدەدە 1 ساعات
ءمۇعالىمنىڭ مارتەبەسىنە 1 ساعات
الماتىدان 153 شاقىرىم ق 1 ساعات
اتىراۋدىڭ كەيبىر اۋداند 2 ساعات
اقتوبە وبلىسىندا 8 ادام 2 ساعات
جارتى جىلدا قازاقستانعا 2 ساعات
35 ارىس تۇرعىنىنا شيپاج 2 ساعات
ۆ ارىسي بولەە 400 دەتيا 2 ساعات
قازاقستاندا ونەركاسىپتى 2 ساعات
شىمكەنتتە 3 جاسار قىزدى 2 ساعات