ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-07-21488310821 %79 %
2019-07-22557193641 %59 %
2019-07-2311141237 %63 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 13:35 - 2019/07/10

تاۋعا شىعۋ - تاپتىرماس تىنىعۋ ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


تاۋعا شىعۋ - تاپتىرماس تىنىعۋ

جاز مەزگىلىندە تىنىعۋدىڭ، اپتاپ ىستىقتان الشاقتاۋ ءجۇرۋدىڭ جولدارىن ىزدەيمىز. تابيعاتى تاماشا ايماقتار مەن اۋا رايى سالقىن مەكەندەرگە ساياحات جاساۋدى جوسپارلايمىز. ودان قالا بەردى سۋعا ءتۇسىپ، سەرگىپ قايتۋعا اسىعامىز. ال تاۋعا شىعۋ جايىندا ويلانىپ كورگەن كەزىڭىز بولدى ما؟

تاۋعا شىعىپ، ساف تازا اۋامەن تىنىستاپ، بيىك شىڭنان اينالاڭا ءبىر كوز تاستاۋدىڭ ءوزى ءبىر باقىت ەمەس پە؟ اسىرەسە، الاتاۋ بوكتەرىندەگى الماتى تۇرعىندارى مەن قوناقتارى ءۇشىن بۇل باقىتتى سەزىنۋدىڭ زور مۇمكىندىگى بار. سەبەبى المالى شاھاردا تاۋعا شىعۋ ءۇشىن ارنايى ءىس-شارالار ءجيى وتەدى. جىل سايىن الپينيادا ۇيىمداستىرىلادى. سونىڭ ءبىرى - نۇرسۇلتان شىڭىن باعىندىرۋ.

الپينيادا - تاۋعا شىعاتىن جانداردىڭ وليمپياداسى

بيىل ۇيىمداستىرىلعان الپينياداعا 5000-نان استام ادام قاتىستى. ونىڭ ىشىندە ەۋروپا مەن ازيا ەلدەرىنەن كەلگەن قوناقتار دا بار.

"نۇرسۇلتان شىڭى" ىلە الاتاۋىنىڭ تيان-شان جوتاسىنىڭ سولتۇستىك بەتكەيىندە جاتىر. 4376 مەتر بيىكتىكتە ورنالاسقان.

بيىل تاۋعا كوتەرىلۋ ءۇشىن الپينيستەر تاڭعى ساعات 3-4-تەن باستاپ جولعا اتتاندى. الپينيادا جولىنا جاس پەن جاسامىس تا، كاسىبي الپينيست پەن اۋەسقوي سپورتشىلار دا شىقتى. اراسىندا تالاي جىلدان بەرى ۇزبەي كەلىپ جۇرگەندەرى دە بار. العاش رەت بيىك شىڭدى باعىندىرعىسى كەلگەندەر دە كەزدەستى. ال بىرنەشە رەت شىعىپ، تاجىريبە جيناعاندار بۇل جولى دايىندالىپ-اق كەلگەن. سولاردىڭ ءبىرى - "Effective Media Liaison" (tengrinews.kz، vesti.kz جانە massaget.kz) ديرەكتورى سۇڭقار قارابالين.

تاۋ وزىنە تارتىپ تۇرادى

- وزگە جاققا شىعا قالساڭ، الماتىنىڭ تاۋىن ساعىناسىڭ. تەڭىز جاعاسىنداعى قالالارعا بارساڭ، سۋىنا ءبىر سۇڭگىپ شىعۋعا اسىعاسىڭ، ءارى قىزىعاسىڭ. وسىندا تۇرسام كۇنىگە تۇسەر مە ەدىم دەپ ويلايسىڭ. ولار دا كۇنىگە تۇسە بەرمەيتىنى راس. سول سياقتى ءبىز دە تاۋ جاقىن بولسا دا كۇنىگە شىعا بەرمەيمىز.

ەڭ العاش رەت 2001 جىلى بيىك تاۋعا شىعىپ كوردىم. ودان كەيىن كىشىگىرىم تاۋدىڭ سىلەمدەرىنە بارىپ ءجۇردىم. سەرۋەندەپ شىقتىم، قوناقتاردى قىدىرتىپ باردىم، ءبىراق ارنايى بارۋدىڭ ءساتى كوپ تۇسپەدى. دەگەنمەن العاش بارعاندا بيىگىنە دەيىن جەتە الماعاندىقتان، ءبىر شىعۋدى الداعى ماقسات رەتىندە جوسپارلادىم.

الپينيادا جايلى ەسىتىپ جاتسام، قولىم بوساپ جاتسا، قاتىسۋعا اسىعامىن. تاۋ وزىنە تارتىپ تۇرادى. 2017 جىلى تاعى ءبىر رەت وسى شىڭنىڭ بيىگىن باعىندىرسام دەپ باردىم. ءبىراق اۋا رايىنا بايلانىستى ەڭ بيىگىنە شىعۋ جولى ەرتە جابىلىپ قالدى، - دەيدى.

ەڭ بيىگىن باعىندىرۋعا بەل بۋدىم

"ەر كەزەگى ۇشكە دەيىن" دەمەكشى، بيىل سۇڭقار بولاتۇلى ءۇشىنشى رەت نۇرسۇلتان شىڭىن بەتكە الدى. جوسپار دا وزگەشە: ەرتەرەك تاۋدى بەتكە الىپ، سوندا تۇنەۋ، تاڭ اتا بيىك شىڭعا كوتەرىلۋ.

- ساعات 17:30 شاماسىندا تالعار اسۋى (3200 م) ارقىلى جولىمىزدى باستادىق. ساعات 8-دەن اسقاندا جاڭبىر جاۋا باستادى. كيىم سۋ بولماس ءۇشىن، شاتىرىمىزدى تىكتىك. بىزدەن وزىپ كەتكەندەر دە بولدى. تاماعىمىزدى دايىنداپ، تىنىعۋعا توقتادىق. جولسەرىكتەرمەن تانىسىپ، اڭگىمە-دۇكەن قۇردىق. ءان سالعاندارى دا بار. تاۋدىڭ سالقىنىن كوڭىلدىڭ ىستىق ىقىلاسى جىلىتقانداي بولدى. 6 ادام بولىپ توپ قۇردىق. ءبىراق اراسىنان ەڭ بيىك شىڭىنا يسپانيادان كەلگەن اندرەاس ۋەسكا ەكەۋمىز شىعاتىن بولدىق. وزگەلەر ءتۇرلى سەبەپتەرمەن ارى قاراي ساپارلارىن سوزعان جوق. ءبىر شەتىنەن ولاردىڭ اقىلمەن شەشىم قابىلداعاندارى دا ءجون بولدى. سەبەبى، تاۋ قاتەلىكتى كەشىرمەيدى، ەركەلىكتى كوتەرمەيدى، - دەيدى.

نۇرسۇلتان شىڭىنا شىعۋ ءۇشىن يسپانيادان كەلگەن

الاتاۋدىڭ بيىگىن باعىندىرۋ ءۇشىن الىس جانە جاقىن شەت ەلدەردەن كەلەتىن كاسىپقوي نەمەسە اۋەسقوي الپينيستەر از ەمەس. قالانى قۇشاعىنا الىپ جاتقان الىپ تاۋلاردىڭ ءتۇر-تۇلعاسى كىم-كىمدى بولسىن قىزىقتىرارى حاق. سۇڭقار قارابالينمەن جولسەرىك بولعان اندرەاس نۇرسۇلتان شىڭىن باعىندىرۋ ءۇشىن يسپانيادان كەلىپتى. ماقساتى - ەڭ بيىگىنە كوتەرىلۋ.

- جارتى ساعات بۇرىن عانا قالادان شىققان ەدىم. اسپالى جول ارقىلى تاۋدان ءبىر-اق شىقتىم. بۇل جەر وتە ادەمى ەكەن. الماتىعا كەلۋدەگى ءبىر ماقساتىم، وسى الپينياداعا قاتىسۋ بولاتىن. وسىندا كۇتىپ العان تانىسىم دەنساۋلىعىنا بايلانىستى شىعا العان جوق. مەن العان بەتىمنەن قايتقان جوقپىن. جالعىز بولسا دا شىعۋعا بەل بۋدىم. جاقسى جولسەرىكتەرمەن جولىقتىم. ولار ماعان كوپ كومەكتەستى. ءتىپتى يسپان تىلىندە ءان دە ايتىپ بەردى. ەستەن كەتپەس سەزىم، - دەدى ۋەسكا Vesti.kz تىلشىسىنە بەرگەن سۇقباتىندا.

- تاۋعا شىققاندا يسپانيادان كەلگەن تۋريستپەن تانىسام دەپ كىم ويلاعان؟ ءتىپتى ەكەۋمىز ءبىر شاتىرعا قوندىق. سەبەبى وزگەلەردى مازالاماي، ەرتە تاۋعا شىعۋدى جوسپارلادىق، - دەيدى سۇڭقار بولاتۇلى.

شىڭعا شىعۋ ءۇشىن كەزەك كۇتەسىڭ

نۇرسۇلتاننىڭ بيىگىنە شىعاتىن جول بىرەۋ عانا. ارنايى كەندىر ارقاندار كومەگىمەن جوعارى ورمەلەيتىن تۇسى بار. وسى جەرگە كەلگەندە كوپشىلىك كەزەك كۇتەدى. كەيبىرى قايمىعىپ، وسى شىققانىم دا جەتەر دەپ كەرى قايتادى.

- تۇندە لاگەردە قالاتىندار ءبىراز ۋاقىت ءان ايتىپ، اڭگىمە-دۇكەن قۇرىپ وتىردى. ال ءبىز ەرتەرەك شىعۋ ءۇشىن تىنىعىپ الماق بولدىق. ءبىراق تۇنگى ساعات 2-دەن اسا تاۋعا شىعىپ بارا جاتقانداردىڭ داۋىسىن ەسىتىپ جاتتىم. 3-تەن اسا اندرەاس ەكەۋمىز دە تاۋدى بەتكە الدىق. زاتتارىمىزدىڭ ءبىرازىن لاگەردە قالدىردىق. جولدىڭ ءبارى تاس، ءارى مۇز. ونىڭ ۇستىنە قاراڭعى بولعاندىقتان، جىلدام ءجۇرۋ مۇمكىن ەمەس. ساعات 5-30-دا مەجەلى جەرگە دە جەتتىك. ۇيىمداستىرۋشىلاردىڭ تىزىمىنە تىركەلدىك. ولار كەي قۇرال-جابدىقتاردى (كاسكا، ارقان، ت.ب.) دايىنداپ تا قويعان ەكەن. بىزدە ءبارى بولدى.

شىڭىنا شىعۋ ءۇشىن كەزەك كۇتەسىڭ. ءبىز ساعات 9-عا دەيىن ءبىر ورىندا تۇردىق. ەڭ بيىك شىڭىنا شىققاندا ء133-شى بولىپ تىركەلدىم. ال تۇسكەن كەزدە ءالى 50-60 ادام كەزەك كۇتىپ تۇرعانىن بايقادىم. وسى كەزدە اۋا رايى دا بۇزىلىپ، شىعۋ توقتاتىلعانىن ەستىدىم. ابىروي بولىپ، بيىل ۇلگەردىم، - دەيدى.

تاۋعا شىعۋ دايىندىقتان باستالادى

ادام ءبىر ءىستى باستار كەزدە الدىن الا جوسپار قۇرىپ، ارنايى دايىندالادى. تاۋعا شىعار الدىندا دا دايىندىق كەرەك. الدىمەن ءتۇرلى جاتتىعۋلار جاساپ، ءوزىڭنىڭ فيزيكالىق كۇشىڭدى سىناپ كورگەننىڭ كەمشىلىگى بولمايدى. سونداي-اق، پسيحولوگيالىق دايىندىق تا قاجەت. شىدام، ءتوزىم مەن سابىرلى بولۋ ماڭىزدى. ودان كەيىن بارىپ كەرەك-جاراعىڭدى دايىندايسىڭ.

- وسى جىلعى الپينياداعا قاتىسۋشىلار كوپ بولدى. اراسىندا العاش رەت تاۋعا شىققانداردى دا جولىقتىردىم. ارنايى توپ بولىپ دايىندالىپ كەلگەندەر دە بار. ءبىرىنشى رەت شىققاندار تاۋداعى اۋا رايىن ەسكەرە بەرمەيدى. جەڭىل كيىنگەندەرى دە بولدى. ال تاۋداعى اۋا رايى بولەك، قالاداعى اۋا رايى بولەك. تاۋ باسىندا اۋا رايى مىڭ قۇبىلىپ تۇرادى. باسى - قىس، باۋىرى - جاز.

تاۋعا جالعىز شىقپاۋ كەرەك. العاش رەت بولسا، ءتىپتى مۇنداي شەشىم قابىلداۋعا بولمايدى. وسىنداي الپينياداعا قاتىسىپ، تاجىريبە جيناعان ابزال. سەبەبى مۇندا جول كورسەتەتىن ادامدار بولادى، ءارى ارنايى جالاۋشالار ارقىلى باعىت كورسەتىلىپ تۇرادى، - دەيدى سۇڭقار بولاتۇلى.

تاۋعا شىققاننان تۇسكەن قيىن

سىز ءۇشىن تاۋعا شىققان قيىن با، الدە تۇسكەن قيىن با؟ - دەپ تە سۇراپ قالدىق. سۇڭقار بولاتۇلى ءۇشىن تاۋعا شىققاننان تۇسكەن قيىنداۋ ەكەن. ونىڭ سەبەبى دە بار.

- يسپانيادان كەلگەن ازامات ەكەۋمىز نۇرسۇلتان شىڭىنا شىعىپ، بىرگە كەرى قايتاتىن بولدىق. ول قايتار جول وڭاي بولادى عوي، ازىراق ۋاقىت كەتەدى دەپ ايتىپ قالدى. ءبىراق قايتار جولعا دا سونشا ۋاقىت كەتەتىنىن ايتتىم. سەبەبى شىعار كەزدە ماقساتىمىز بولدى، تالپىندىق. جەتەمىز دەپ ەشتەڭەگە ءمان بەرگەن جوقپىز. بويىمىزدا كۇش-قۋات بولدى. ال قايتاردا شىڭعا شىققاننان كەيىن بوساڭسىپ قالاسىڭ. اۋا رايى ىسىپ كەتۋى دە مۇمكىن. سوندىقتان قايتار جول قيىنداۋ بولۋى مۇمكىن. نە دە بولسا بوساڭسىماۋ كەرەك، - دەپ جاۋاپ قايىردى.

تاۋعا نە الا بارۋ كەرەك؟

وسى ورايدا تاۋعا شىعاتىندار مەن بيىگىن باعىندىرۋدى جوسپارلاپ جۇرگەندەر ءۇشىن قاجەت بولاتىن زاتتار ءتىزىمىن ۇسىنا كەتۋدى ءجون ساناپ وتىرمىز.

كەرەك كيىم-كەشەكتەر

تابانى قاتتى ىڭعايلى اياقكيىم;
اياق قاجالماس ءۇشىن قالىڭداۋ شۇلىق; (اۋىستىراتىنىن دا سالىپ الىڭىز);
جاڭبىرعا ارنالعان كيىم;
سپورتتىق شالبار نەمەسە شولاق شالبار;
اۋىستىراتىن جەڭىل جەيدە (تەرلەگەن جاعدايدا كەرەك بولادى);
جىلى جەمپىر (قىستا جىلى كۇرتەشە كيىڭىز);
باس كيىم;
قولعاپ;
مويىنوراعىش;
كۇننەن قورعايتىن كوزىلدىرىك;
ارنايى تاياقتار; (قاجەت دەپ تاپساڭىز)

تاۋعا شىققان سوڭ سۋرەتكە ءتۇسۋ مەن ايرىقشا تابيعاتتى سۋرەتكە تۇسىرگىڭ-اق كەلەدى. ول ءۇشىن اۋىرلىق ەتپەيدى دەسەڭ ارنايى فوتواپپارات العان ءجون. سۋرەتتى ساپالى تۇسىرەتىن سمارتفونىڭىز بولسا، وندا ءتىپتى جاقسى. ال ونى قۋاتتايتىن قوسىمشا اككۋمۋلياتور الۋدى ۇمىتپاڭىز.

تاعى دا قاجەت بولۋى مۇمكىن:

كۇننەن قورعايتىن كرەم;
مەديتسينالىق جاپسىرما;
كەنەدەن قورعايتىن سپرەي;
باس اۋىرعاندا ىشەتىن دارىلەر;

ىشىپ-جەۋگە نە الۋ كەرەك؟

اۋىزسۋ;
تەرموسپەن ءشاي نەمەسە كوفە;
ىرىمشىك، شۇجىقپەن جاسالعان بۋتەربرود;
جەمىس-جيدەك;
شوكولاد;
قايناتىلعان كارتوپ، جۇمىرتقا;

تاۋدا اداسىپ قالساڭىز...

تاۋعا شىعار الدىندا كەرەك زاتتىڭ بارلىعىن العانىڭىزعا كوز جەتكىزىڭىز. قالتاشام، قاعاز كارتا، شاعىن كارەمات نەمەسە توسەك قاپ، جازدىگۇنى شىقساڭىز دا جىلى كيىم، پىشاق، سىرىڭكە سياقتى توتەنشە جاعدايدا كەرەك بولاتىن زاتتىڭ بارلىعى سومكەدە بولعانى دۇرىس.

سونىمەن ءسىز جولىڭىزدى جوسپارلاپ، سومكەڭىزگە كەرەك-جاراقتىڭ ءبارىن سالىپ، جولىڭىزدىڭ كوشىرمەسىن جاقىندارىڭىزعا قالدىرىپ، دوستارىڭىزبەن تاۋعا شىقتىڭىز. ءبىراق كۇتپەگەن جەردەن اداسىپ كەتتىڭىزدەر نەمەسە دوستارىڭىزدى تاپپاي قالدىڭىز دەلىك. نە ىستەۋ كەرەك؟

1. قورقىنىشقا بوي الدىرماڭىز

ادامدار ادەتتە كەشقۇرىمدا اداسادى. ءتۇن جاقىنداعان سايىن ۇرەي كوبەيە بەرەدى. مۇندايدا دۇرلىگىپ قورقا بەرۋگە بولمايدى. اداسىپ كەتكەنىڭىزدى ەرتەرەك سەزىنسەڭىز، ناقتى ىسكە كوشە باستايسىز. ازىق، سۋدى ۇنەمدەپ، سالقىنقاندى بولاسىز. تاۋ ىشىندە ءموبيلدى بايلانىس بولمايدى. دەسە دە اۋىق-اۋىق ءالسىز بولسا دا بايلانىس پايدا بولۋى مۇمكىن. ەڭ ءبىرىنشى 109 نومىرىنە حابارلاسىپ، ءوزىڭىز بىلەتىن بارلىق اقپاراتتى ايتىڭىز.

2. اشىق جەرگە شىعىڭىز

سىزدىڭ جوعالىپ كەتكەنىڭىزدى بىلەتىن ادامىڭىز بولسا، قۇتقارۋ قىزمەتىنە حابارلاسىپ، ىزدەۋ جۇمىستارى باستالاتىنىنا سەنىڭىز. سوندىقتان اشىق جەرگە شىعىپ، كۇتىڭىز. بۇل اعاش اراسىندا، جوتالاردىڭ قۋىسىندا جۇرگەننەن جاقسى. قۇتقارۋشىلاردىڭ تاۋىپ الۋ ىقتيمالدىعى ارتادى.

3. ۇيىقتاماڭىز

اداسىپ بولدىرعان ادامنىڭ ۇيىقتاپ كەتۋى قيىن ەمەس. قالىڭ ۇيقىعا بەرىلگەن ادام قۇتقارۋشىلاردىڭ داۋىسىن ەستىمەي قالۋى ابدەن مۇمكىن. سوندىقتان تۇنگى ۋاقىتتا وت جاعىپ، بارىنشا سەرگەك بولۋ كەرەك.

تاۋ اۋرۋى دەگەنىمىز نە؟

تاۋدا 3500 مەتر بيىكتىكتەن كەيىن وتتەگى ازداۋ بولادى. سوندىقتان ادام دەنساۋلىعىنا اسەرىن تيگىزۋى مۇمكىن. مۇنى "بيىكتىك اۋرۋى" نەمەسە "تاۋ اۋرۋى" دەپ اتاپ جاتادى. ونىڭ بەلگىلەرى: السىزدىك، بوساڭسۋ، جۇرەك قاعىسىنىڭ جيىلەۋى، مەڭ-زەڭ بولۋ، ۇيقىسىزدىق، تابەت تارتپاۋ، دەمىگۋ، لوقسۋ، قۇسۋ جانە ت.ب. ادەتتە اعزانىڭ جاڭا جاعدايعا بەيىمدەلۋىنە 3-4 كۇن كەتەدى. ەگەر بۇل اۋرۋ بەلگىلەرى بايقالسا، وندا ودان ارى بيىككە شىعۋدى توقتاتقان ءجون.

وتتەگى جەتىسپەۋشىلىگىنە توزبەۋ، III-IV اتقارىمدىق ساناتتاعى ستەنوكارديا، 3 دارەجەلى گيپەرتونيا اۋرۋى، سوزىلمالى بۇيرەك اۋرۋى، سوماتيكالىق سىرقاتتاردىڭ اۋىر كەزەڭدەرى (ميوكارد ينفاركتى، مي قان اينالىمىنىڭ اۋىر تۇردە ءبۇلىنۋى، گيپەرتونيالىق كۇرت اسقىنۋ، برونح دەمىكپەسى جانە ت.ب.)، جۇرەك-قان تامىرلارىنىڭ اۋرۋلارى، وكپە اۋرۋلارى، سوزىلمالى قابىنۋ ۇدەرىستەرىنىڭ قوزعان كەزەڭدەرى، اسقىنعان جۇقپالى اۋرۋلارى بار جانداردىڭ تاۋعا شىقپاعانى ءجون.

جۇكتى ايەلدەر تەڭىز دەڭگەيىنەن 2500 مەتر بيىكتىككە دەيىن شىداي السا دا، تاۋعا شىعۋدىڭ قاجەتى جوق. ويتكەنى، شامادان تىس دەنەگە تۇسەتىن اۋىرلىق دەنساۋلىققا كەرى اسەرىن تيگىزۋى بەك مۇمكىن.

تاۋعا شىعۋ - ەش شىعىنسىز دەمالۋ

تازا اۋادا تىنىستاپ، تابيعات قۇشاعىندا تىنىعۋ - جانعا شيپا. تاۋعا شىعۋ ءۇشىن كوپ شىعىن دا قاجەت ەمەس. دەمالىستا ويىن-ساۋىق ورتالىقتارىنا اقشا جۇمساعانشا، تاۋعا بارىپ دەمالىپ قايتۋعا بولادى. باستىسى - وزىڭە دەگەن سەنىم.

"تاۋعا شىققان سوڭ شارشايسىڭ، قايداعى تىنىققان" دەگەن وي ءسىزدى بيلەپ الۋى مۇمكىن. ءبىراق شارشاپ شالدىققاننان بۇرىن، تاۋعا شىقساڭىز جان-دۇنيەڭىز تىنىعىپ قايتادى. "مەن تاۋلىقپىن" دەپ تاۋ-تاستى جاڭعىرتا ولەڭ وقىپ، "تاۋ ىشىندە"، "قاراڭعى تۇندە تاۋ قالقىپ" دەپ ءان شىرقاپ قايتساڭىز، ءتىپتى كەرەمەت ەمەس پە؟!



كەلۋ قاينارى: http://www.elarna.net/koru.php?tur=41&id=1021384

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ەلوردادا جەدەل جاردەم ب 4 مينوت
ءۇندىستان ايعا لۋنوحودى 11 مينوت
قاراعاندى وبلىسىندا زيا 14 مينوت
شي جينپيڭنىڭ جاڭا ٴداۋى 14 مينوت
ەلىمىزدە ەكولوگياعا زال 24 مينوت
ءۇندىستان ايعا عالامشار 26 مينوت
23 شىلدە: تۋعان كۇن يەل 1 ساعات
استاناداعى قايعىلى وقيع 1 ساعات
دارىگەرلەر ورمەكشى شاقق 1 ساعات
«ايبىندى 70 جىل، جاڭا د 1 ساعات
توقاەۆ ەڭبەك دەمالىسى ق 1 ساعات
قاراعاندىدا «مەكتەپكە ج 1 ساعات
مۇناي باعاسى كوتەرىلدى 1 ساعات
اەحا باس ديرەكتورى يۋكي 1 ساعات
«جۇڭگو جوعارى ساپالى دا 1 ساعات
الداعى كۇندەرى اۋا رايى 1 ساعات
الماتىدا ءباسپاسوز ءماس 2 ساعات
23 شىلدە. قازاقپارات كۇ 2 ساعات
ورتالىقتاعى 93 تاراۋ جى 2 ساعات
پرەزيدەنت جانىنان جاڭا 2 ساعات
اقتاۋدا بالاعات سوزدەر 2 ساعات
قازاقستاننىڭ 3 قالاسىند 2 ساعات
احمەتجان ءپىرىمقۇلوۆ قر 2 ساعات
شينجياڭ: جوعارى دەڭگەيل 2 ساعات
تەگىن Adidas اياق كيىمد 2 ساعات
نۇرسۇلتان نازارباەۆتى ت 3 ساعات
نۇر-سۇلتاندا جانە ءتورت 3 ساعات
مەملەكەتتىك كەڭەستىڭ شي 3 ساعات
يراندا امەريكالىق تىڭشى 3 ساعات
اقتوبە قالاسىنىڭ جاڭا ا 3 ساعات