ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-19580345151 %49 %
2019-08-20544275358 %42 %
2019-08-21470360156 %44 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 07:20 - 2019/06/12

سال اۋرۋىنا شالدىققان الماتىلىق جەڭىمپاز اتانعان ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


سال اۋرۋىنا شالدىققان الماتىلىق جەڭىمپاز اتانعان

Tengrinews.kz رەداكتسياسى «قازاقستاننىڭ دارىندى بالالارى» اتتى جوبانى جارىققا شىعارعانىن حابارلاعان ەدىك. بۇل جوبا اياسىندا جاس بولعانىنا قاراماستان جەتىستىككە جەتكەن بالالار جايلى ماقالالار جارىق كورەدى. بۇگىنگى كەيىپكەر 15 جاستاعى الماتىلىق بوزبالا – امير يساەۆ. ول نۇر-سۇلتان قالاسىندا مەنتالدى اريفمەتيكادان وتكەن ەۋرازيا ينتەللەكتۋالدىق وليمپياداسىندا ءۇشىنشى ورىنعا جانە كۋبوكقا يە بولعان.

«بالالاردىڭ تسەرەبرال سال اۋرۋىنا» (دتسپ) شالدىققان بوزبالا قازاقستان، بەلارۋس، وزبەكستان، رەسەي سياقتى ەلدەردىڭ 1000-نان استام قاتىسۋشىلارى قاتىناسقان وليمپيادانىڭ جۇلدەگەرى اتاندى. ايتپاقشى، وليمپيادا بارىسىندا رەكورد ورناتىلدى – «ماتەماتيكالىق ماتريتسانى شەشۋ بويىنشا ەڭ كوپ قاتىسۋشىلار» تىركەلدى. بۇل رەكورد World Records Union جانە Asia Book of Records كىتابىنا ءتۇستى. 935 بالا قيىن تاپسىرمالاردى ءبىر ۋاقىتتا شەشكەن. بۇل جاعدايدى رەكوردتار كىتابىنىڭ مۇشەسى روي چوۆدحۋرى بيسۆارووپ باعالاعان.

اتا-اناسىنىڭ بالاعا دەگەن ماحابباتى مەن قامقورلىعىنىڭ ارقاسىندا ونىڭ ءومىرى وزگە بالالاردان بولەكتەنىپ تۇرعان جوق. كىشكەنتاي كۇنىنەن ول سالاۋاتتى ءومىر سالتىن ۇستانادى: فۋتبول، شاحمات وينايدى، اعىلشىن ۇيرەنەدى، ءان سالادى، بيلەيدى جانە بولاشاققا جارقىن جوسپار قۇرادى.

امير 10 جاسقا تولعاندا، اكەسى ونى ءوي-ورىسىن دامىتۋ ءۇشىن مەنتالدى اريفمەتيكا ورتالىعىنا بەرگەن. سول ۋاقىتتان باستاپ، وسى سالا بويىنشا جاتتىعىپ كەلە جاتقان بالا بۇگىندە ۇلكەن جەتىستىكتەرگە جەتىپ وتىر. ءقازىر ول كىتاپتىڭ تۇتاس ازباتسىن جاتتاپ الا الادى. بويداعى قابىلەتىن شىڭداپ كەلە جاتقان بالا وسى ۋاقىتقا دەيىن ءتۇرلى وليمپيادالارعا قاتىسىپ، ەكىنشى، ءۇشىنشى ورىنعا يە بولعان.

«مەن بۇل بايقاۋعا قاتىسۋ ءۇشىن بىرنەشە اي جاتتىقتىم. اقتىق كەزەڭدە كىشكەنە تولقىدىم، الايدا، ءوزىمدى تولىق باقىلاۋدا ۇستاي الدىم. ءۇشىنشى ورىن مەن ءۇشىن سونداي ماڭىزدى. وسىدان كەيىن، ودان ءارى تالپىنۋعا كومەگىن تيگىزدى»، - دەدى امير يساەۆ.

امير – 2016 جىلى وتكەن «بالاپان جۇلدىز» بايقاۋىنىڭ لاۋرەاتى، «بالالار اسفالتكە سۋرەت سالادى» كونكۋرسىنىڭ ءبىرىنشى ورىن يەگەرى. 2014 جىلى ەلوردادا وتكەن «بارلىق ارماندار ورىندالادى» قايىرىمدىلىق كونتسەرتىندە بالالار ءۇيىنىڭ تاربيەلەنۋشىلەرىمەن بىرىگىپ «قارا جورعا» ءبيىن بيلەگەن. ول بۇل بايقاۋدا باتىرحان شۇكەنوۆپەن تانىستى. سونىمەن قاتار، ول «بالالارعا ءومىر سىيلا»، «جولدى جۇرگەن ادام جەڭەدى» فيلمدەرىنە تۇسكەن.امير رەسەيدىڭ تانىمال فۋتبولشىسى اندرەي ارشاۆينمەن دە كەزدەسكەن. ول ۋاقىتتا فۋتبولشى الماتىنىڭ «قايراتىندا» ويناپ جۇرگەن ەدى.

امير بيىل سەگىزىنشى سىنىپتى اياقتادى. مەكتەپتە ءالى ەكى جىل وقيتىنىنا قاراماستان، ول بولاشاق ماماندىعىن تاڭداپ قويعان.

«مەن اكەم مەن اعامنىڭ ءىزىن جالعاپ زاڭگەر بولامىن دەپ شەشتىم. بىرىنشىدەن، بۇل بەدەلدى ماماندىق. ەكىنشىدەن، مەن ءساتسىز جاعدايعا تاپ بولعان جاقسى ادامداردى قورعاعىم كەلەدى. ادىلەتسىز شەشىم قابىلدانعاندا، مەن ولارعا قورعان بولعىم كەلەدى. قازىرگى ۋاقىتتان وسى سالاعا، سوت ىستەرىنە قاتىستى باعدارلامالار مەن فيلمدەر قارايمىن. بۇرىن مەن ۋكراينانىڭ ترۋسكاۆەتس قالاسىنداعى دارىگەرىم ۆلاديمير يليچ كوزياۆكين سياقتى دارىگەر بولعىم كەلەتىن. الايدا، دارىگەر بولۋ ءۇشىن ادامدا سول سالاعا دەگەن اۋەستىك بولۋ كەرەكتىگىن ءتۇسىندىم. بولاشاقتىڭ قالاي بولاتىنىن كورە جاتارمىز»، - دەپ وي ءبولىستى امير يساەۆ.

جوعارىدا ايتىپ وتكەندەي، ءبىزدىڭ كەيىپكەرىمىز فۋتبول سپورتىن جاقسى كورەدى. ول تەلەديداردان فۋتبول ماتچتارىن باقىلاپ وتىرادى جانە فۋتبولعا قاتىستى ۆيدەوويىنداردى ويناعاندى جاقسى كورەدى. وعان كىشكەنتاي كۇنىنەن باستاپ ءتۇرلى فۋتبول كلۋبتاردىڭ جەيدەلەرىن سىيعا تارتقان. ءقازىر ونىڭ كوللەكتسياسىندا 50-دەي فۋتبول فورماسى بار.

«مەن فۋتبولدى قاتتى جاقسى كورەمىن، كىشكەنتاي كۇنىمنەن باستاپ فۋتبول قارايمىن. اۋلاداعى، مەكتەپتەگى دوستارىممەن بىرىگىپ ءجيى فۋتبول ويناپ تۇرامىن. تەلەديداردان فۋتبول ماتچتارىن، چەمايوناتتاردى ۇزبەي قاراپ جۇرەمىن. ەكى جىل بۇرىن مەن «رەال مادريد» كومانداسىنا جانكۇيەر ەدىم، ال ءقازىر «چەلسيگە» قولداۋ بىلدىرەمىن. مەنىڭ اعام، ءدال وسى «چەلسيدىڭ» فاناتى، اقىرىندا ول مەنى دە بۇل كومانداعا جاقتاس بولۋعا كوندىردى. ءبىراق، ماعان اتاعان ەكى كوماندام دا ۇنايدى. ايتپاقشى، مەن ون ەكى جاسقا تولعاندا مەنىڭ جاقىندارىم ماعان توسىن سىي جاسادى. ولار يسپانيالىق «رەال ماديد» اكادەمياسىنىڭ جاتتىقتىرۋشىلارى الماتىعا كەلگەندە، ولارعا ۇسىنىس ءبىلدىرىپ مەنىمەن كەزدەسۋ ۇيىمداستىردى. جاتتىقتىرۋشىلار وزدەرىنىڭ قولتاڭبالارى قويىلعان دوپتى جانە كلۋبتىڭ جەيدەشەسىن ماعان سىيعا تارتتى. مەن قاتتى قۋاندىم»، - دەيدى بوزبالا.

امەريكالىق تانىمال بوكسشى روي دجونس تا اميرگە قولتاڭباسى قويىلعان بوكس قولعابىن سىيعا تارتىپتى.

2015 جىلى وليمپيادا چەمپيونى الەكساندر ۆينوكۋروۆ اميرگە ۆەلوسيپەد سىيلادى. بۇل كەزدەسۋدى ۇيىمداستىرۋعا ارۋجان ساين كومەكتەسكەن.

«مەن ول كۇنى سىيلىق الامىن دەپ مۇلدە ويلاماعان ەدىم. اكەم ەكەۋىمىز ويىن-ساۋىق ورتالىعىنا بارعانبىز، ال ول جەردە مەنى ۇلكەن سىيلىق كۇتىپ تۇرعان ەكەن. بۇل ەكى دوڭعالاقتى ۆەلوۆيپەدتى مۇلدە كۇتپەدىم، قۋانىشىمدا شەك بولعان جوق»، - دەيدى امير.

جاقىندا، اتا-اناسى وعان ەرەسەكتەرگە ارنالعان ءۇش دوڭعالاقتى ۆەلوسيپەد الىپ بەرىپتى. ەندى قالا كوشەلەرىندە سەرۋەندەۋ امير ءۇشىن ىڭعايلى بولا ءتۇستى. امير فۋتبول جەيدەلەرىنەن بولەك رەتروموبيلدەردى دە جينايدى. ويىنشىقتاردى ساقتايتىن جەكە شكافىندا ەسكى اۆتوكولىك تۇرلەرىنىڭ ءتۇر-تۇرىن كەزدەستىرۋگە بولادى.

2018 جىلى نۇر-سۇلتان قالاسىندا بالالارعا ارنالعان «قازاقستان، بالاعا قامقور» فورۋم-فەستيۆالىندە امير بۇل شاراعا دارىندى بالا رەتىندە قاتىستى.

اميردىڭ ايتۋىنشا، ونىڭ وسىنداي بيىك شىڭداردى باعىندىرۋىنا، كەزدەسكەن ءتۇرلى قيىندىقتارمەن كۇرەسە الۋىنا اتا-اناسى، تۋعان-تۋىستارى سەبەپكەر بولدى.

«بۇل ومىردەگى ەڭ باستى نارسە – جىگەر جانە رۋحاني مىقتىلىق. وسى قاسيەتتەر ادامنىڭ بويىنان تابىلسا، ول ادام جەتىستىككە جەتە الادى. مەنىڭ جاقىندارىم مەنى ءاردايىم قولداپ وتىرادى. مەكتەپتە نەمەسە بايقاۋلاردا جولىم بولماي قالسا، ولار ءارقاشان جانىمنان تابىلىپ، جىلى سوزدەرىن ايتىپ جىگەرلەندىرەدى. قاتارلاستارىما «ەشقاشان مويىماڭدار» دەگىم كەلەدى جانە بىلىڭدەر، سەنىڭ قاسىڭدا ساعان سەنەتىن ادامدار ءجۇر، - دەپ اق تىلەگىن اقتاردى امير.

يساەۆتار وتباسىندا امير ءۇشىنشى بالا. 16 جىلدىق ۇزىلىستەن كەيىن دۇنيەگە كەلگەن امير زۋحرا مەن كەنجەبايدىڭ وتباسىنا ۇلكەن قۋانىش اكەلدى. ءبىراق، اناسى ۋاقىت وتە بالانىڭ دەنساۋلىعى جاقسى ەمەستىگىن اڭعارادى. راسىندا، سول ۋاقىتتا اتا-اناعا دتسپ جايلى حابار بەرىلەدى.

«دياگنوزدى بىلگەندە، مەن باسىندا سەنە المادىم. ءوزىمدى، دارىگەرلەردى كىنالادىم. سوسىن، ءوز-وزىمدى قولعا الىپ، دارىگەرلەردەن بۇل اۋرۋ جايلى اقپارات جيناي باستادىم. ۋاقىت وتە ۇلىمنىڭ ەرەكشە قابىلەتتەرگە يە ەكەنىن ۇقتىم. امير ءبىزدىڭ ءومىرىمىزدى تۇبەگەيلى وزگەرتىپ جىبەردى. ۇلكەن ۇلىم ءاميردىڭ ارقاسىندا ماماندىعىن اۋىستىرىپ، ءقازىر تۇلعالىق دامۋ بويىنشا ترەنەر بولدى. ەكىنشىم، ءورت ءسوندىرۋشى بولىپ قىزمەت ىستەيتىن، اميرگە كومەكتەسىپ ءجۇرىپ ماسساج جاساۋدى مەڭگەرىپ الدى. ءقازىر وسى باعىتتا ەڭبەكتەنىپ، ەرەكشە قابىلەتتى بالالارعا ارنالعان جاتتىعۋ زالىن اشقالى جاتىر. مەن ءاميردى دۇنيەگە اكەلەردە دارىگەرلەر «بالاڭىز جۇرە المايدى، سويلەي المايدى» دەگەن. الايدا، امير كوپشىلىكتى ءوزىن مويىنداتتى. ول بالا كەزىنەن ءوزىن ءتۇرلى سالادا دامىتقىسى كەلدى. سول سەبەپتى، ءبىز ونى انگە، بيگە، شاحماتقا، ءتۇرلى ۇيىرمەگە بەردىك. ءقازىر ول ەرجەتىپ كەلەدى. العا قويعان ماقساتتارى بار. مەن ونىڭ جانى قالاعان جۇمىسپەن اينالىسقانىن قالايمىن جانە ءوزى قالاعان ماماندىقتى تاڭداۋىنا مۇمكىندىك بەرەمىن. ءبىز تەك ونى قولداپ، قاسىنان تابىلاتىن بولامىز. ءاربىر اتا-انا بالاسىن ءسۇيۋ كەرەك جانە مىنا ورتادا مىقتى ازامات بولىپ قالىپتاسۋىنا جاعداي جاساۋ كەرەك»، - دەيدى زۋحرا يساەۆا.

اميردىڭ دەنساۋلىعىنداعى وزگەرىستەر ۋكرايناداعى ترۋسكاۆەتس قالاسىنداعى كلينيكاعا بارىپ كەلگەننەن كەيىن بىلىنە باستاعان.

«بىرىنشى بارعاندا ءبىز بالانىڭ بويىنان جاقسى وزگەرىستەردى بايقادىق. ەكىنشى رەت بارىپ كەلگەننەن كەيىن جارتى جىل وتكەندە ۇلىم ءوزى وتىرا الدى. ول كەزدە امير، نەبارى ەكى جاستا ەدى. ءتورت جاسىندا اياققا تۇرىپ، جۇرە باستادى. ايتپاقشى، ۇلىمنىڭ نەشە جاستا سويلەگەنىن بىلەسىز بە؟ 9 ايىندا. «انا» دەگەن ءسوزدى انىق ەستىدىم. جارتى جىلدان كەيىن سويلەممەن سويلەيتىن بولدى. ول اۆتوموبيلدەردىڭ بارلىق ماركاسىن جاتقا ءبىلدى. ءبىر كۇنى كولىكپەن كەلە جاتساق، «اناشىم، قاراشى، كاماز جىلاپ تۇر، ال مىنا دجيپ وعان ۇرسىپ تۇر. ال اناۋ تۇرعان «تويوتا» كۇلىپ تۇر»، - دەيدى. ول كولىكتەردى وزگەشە تانيتىن. ەموتسيا ارقىلى كولىكتى سيپاتتايتىن»، - دەپ كۇلدى ءاميردىڭ اناسى.

كەنجەباي يساەۆ ءاميردىڭ ومىرىندەگى ەڭ ماڭىزدى ادامداردىڭ قاتارىندا. پولكوۆنيك دارەجەسىنە دەيىن كوتەرىلىپ، پوليتسيادا قىزمەت ەتكەن اكەسى ۇلىن ەمدەۋمەن تولىققاندى اينالىسۋ ءۇشىن جۇمىسىن تاستاۋعا ءماجبۇر بولعان.

«دارىگەرلەر بىزگە، «اتا-اناسىنىڭ بىرەۋى بالانىڭ قاسىندا ۇنەمى بولعان جاعدايدا عانا ناتيجە بولادى» دەگەننەن كەيىن مەن جۇمىستان شىعىپ، بالامنىڭ قاسىندا بولدىم. ترۋسكاۆەتسكە العاش بارعاندا ۇلىمدى اناسى اپاردى. ەكىنشى مارتە بارعاندا ءوزىم الىپ باردىم. ول كەزدە ول 1 جاس 9 ايلىق ءسابي ەدى. «اۋرۋشاڭ بالاڭدى قالاي ادام قىلماقشىسىڭ» دەپ دوستارىم تاڭقالاتىن. ەشتەڭە ەمەس، قولىمنان كەلدى، ونىمەن قوسا وزگەلەرگە دە كومەكتەستىم. بۇنداي دياگنوزدى كورگەندە ەرلى-زايىپتىلار اجىراسىپ كەتىپ جاتادى. ەڭ قورقىنىشتىسى، اكەلەرى ايەلىنە بار اۋىرتپالىقتى ارتىپ، تايىپ تۇرادى. ترۋسكاۆەتسكە بارعاندا، ءدال ءبىز سياقتى ۋايىممەن بارعان 200-دەي ادام بولدى. سونىڭ ىشىندە تەك ءۇش-اق اكە ءجۇر. ايەلدەرمەن سويلەستىم، «اكەسى ءبىزدى تاستاپ كەتتى» دەگەن نازىك جاندىلار كوپ. ەركەكتەر بارلىق كىنانى ايەلىنى ءۇيىپ، «مەن تازامىن» دەپ كەتىپ قالاتىن كورىنەدى. جوق، بۇنداي ساتتە ەرلى-زايىپتىلار اراسىندا اتالعان جاعداي ورىن الماۋ كەرەك. ەركەك مىقتىلىعىن كورسەتىپ، اۋىرتپالىقتى كوتەرە ءبىلۋ كەرەك»، - دەيدى ءاميردىڭ اكەسى كەنجەباي يساەۆ.

ناۋقاستانعان بالانى ەمدەتۋ ءۇشىن ەرلى-زايىپتىلار تەك ۋكايناعا عانا ەمەس، قىتايعا، قىرعىزستانعا دا بارعان. ءار ساپار سايىن كەمىندە $5000 قاجەت بولعان. بۇنداي قاراجاتتى جيناۋعا اتا-اناعا تۋىسقاندارى مەن جاقىندارى كومەكتەسكەن. سونىمەن قاتار، ارۋجان سايننىڭ قايىرىمدىلىق قورى دا قول ۇشىن سوزىپتى. بۇرىنعى الماتى قالالىق ءماسليحات دەپۋتاتى عالىم ساديبەكوۆ تە قولىنان كەلگەن كومەگىن كورسەتكەن.

«بىز ءۇشىن، امير – قۇدايدىڭ بىزگە بەرگەن سىيى. ول ءبىزدىڭ ءومىرىمىزدى، ويلاۋ جۇيەمىزدى وزگەرتتى. مەن 30 جىل ميليتسيادان قىزمەت ەتتىم. ونىڭ قاسىندا جۇرگەندە مەن بارلىعىن ۇمىتامىن. ءبىز ءارقاشان بىرگەمىز. بىرگە ءان ايتامىز، ساحناعا شىعامىز، بيلەيمىز، ءتۇرلى كونكۋرستارعا قاتىسامىز. ۇلىمنىڭ قۋانىشىنا كوزايىم بولىپ ءجۇرىپ مەنىڭ ءومىرىم تولىعىمەن وزگەردى»، - دەيدى ۇلىن قۇشاعىنا العان كەنجەباي يساەۆ.

وسىدان بىرنەشە جىل بۇرىن، كەنجەباي دوستارىنىڭ جانە ۇيعىر دياسپوراسىنىڭ قولداۋىمەن مۇگەدەك بالالارعا ارنالعان «امير» قوعامدىق قورىن قۇردى. ول ءقازىر ۇلىمەن بىرگە بالالارعا ارنالعان ءتۇرلى مەرەكەلىك شارالار ۇيىمداستىرىپ، كومەككە ءزارۋ بالالارعا قولىنان كەلگەنىنشە قولداۋ بىلدىرەدى.

Tengrinews.kz رەداكتسياسى دارىنىمەن كوپتى مويىنداتىپ جۇرگەن تالانتتى بالالاردى ناسيحاتتاۋ ماقساتىندا «قازاقستاننىڭ دارىندى بالالارى» جوباسىن ىسكە قوستى. ءبىزدىڭ ەلىمىزدە ءتۇرلى سالا بويىنشا جاستىعىنا قاراماستان جەتىستىك جولىن تاپقان بالالار از ەمەس. ەگەر ءسىز داۆيد سياقتى دارىنىمەن كوپتەن ەرەكشەلەنىپ تۇرعان بالانىڭ اتا-اناسى نەمەسە تانىسى بولساڭىز رەداكتسيا پوشتاسىنا kids@tn.kz حات جولداڭىز. سونىمەن قاتار، Tengrinews.kz سايتىندا كورسەتىلگەن تەلەفون نومىرىنە قوڭىراۋ شالۋ ارقىلى رەداكتسيامەن بايلانىسا الاسىز.

جوبا ERG كومپانياسىنىڭ قولداۋىمەن جۇزەگە اسۋدا. سونىمەن قاتار، وسىعان دەيىن ERG كومپانياسىمەن بىرلەسكەن «باتىرلار ارامىزدا»، «جەڭىمپازدار» جوبالارى جارىققا شىققان ەدى.



كەلۋ قاينارى: http://www.elarna.net/koru.php?tur=41&id=1007717

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ايدوس ۇكىباي: پارتيا مي 3 مينوت
«ارىس اپاتى» دەرەكتى ءف 3 مينوت
تاربيەسىز ءبىلىم – ادام 4 مينوت
«جەتى كۇن». 17.08.2019 6 مينوت
بريتان عالىمدارىنىڭ قاز 8 مينوت
«ميلليون كىمگە بۇيىرادى 9 مينوت
ءمۇعالىم مارتەبەسى – ە 11 مينوت
جاستار جىلىنا جوسپارلان 12 مينوت
«حابار» اگەنتتىگى» اق ب 15 مينوت
ءداستۇرلى شەبەرلىكپەن ە 18 مينوت
KASE قورىتىندىسى: $1 = 18 مينوت
3 - رەتكى مەملەكەتتىك 18 مينوت
قازاقستان مەن اقش جاستا 18 مينوت
«Topjarǵan» مۋزىكالىق ش 18 مينوت
پارتيانىڭ بەلسەندى مۇشە 18 مينوت
تيانشان تورى 18 مينوت
حالىقارالىق «جەزكيىك» ف 18 مينوت
يران مەديالاردى: انگىلي 18 مينوت
باياناۋىلدا اسىق اتۋ سپ 21 مينوت
«Central Asia’s Got Tal 21 مينوت
ساتى سايىندا — «ا 22 مينوت
ەرجان ماكسيم Junior Eur 24 مينوت
تيان-شان تاۋىندا جوعالع 27 مينوت
ارنايى شىعارىلىم. مەملە 27 مينوت
ن. نازارباەۆ وقۋ ورىندا 28 مينوت
جولاۋشىلار پويىزىندا شى 28 مينوت
ويۋ-ورنەكتەردى قولدانۋ 29 مينوت
تۇرىك اكتەرى بۋراك وزچي 1 ساعات
Central Asia’s Got Tale 1 ساعات
بىرلىك – قىمبات قازىنا 1 ساعات