ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-21580410755 %45 %
2019-08-22656264749 %51 %
2019-08-23315216063 %37 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەگەمەن قازاقستان ماقالالارى مەن جاڭالىقتارى

جولدانعان ۋاقىتى: 10:54 - 2019/03/29

2

قاراعاندى تەحنولوگيا جانە سەرۆيس كوللەدجى دە ءبىز كۇندەلىكتى تۇرمىستا قىزمەتىنە جۇگىنەتىن شاشتاراز، تىگىنشى، تەحنيك-جوندەۋشىلەر، اياق كيىم شەبەرلەرى جانە ءىس قاعاز­دا­رىن جۇرگىزۋشىلەر سياقتى مامانداردى دايارلايدى. وقۋ ورنىمەن جاقىنىراق تانىسقاندا، ونىڭ قابىرعاسىندا ءبىلىم الىپ جاتقان 400-دەن استام ستۋدەنتتىڭ كۇنى ەرتەڭ جۇمىسسىز قالمايتىنىنا دەگەن سەنىم كۇشەيە تۇسەدى.

«بىزدىڭ جۇمىسىمىزداعى ەڭ باستى كورسەتكىش، – دەيدى كوللەدج ديرەكتورى جۇماعالي ماعزيەۆ، – ديپلوم العان تۇلەكتەرىمىزدىڭ جۇمىسپەن بارىن­شا قامتاماسىز ەتىلۋى. بۇل ءۇشىن ستۋدەنت­­تەرىمىزگە ساپالى، حالىق­­ارا­­لىق ستاندارت­تار­عا ساي ءبىلىم بەرىپ، بولاشاق كادرلاردى بىلىكتى ەتىپ شىعا­رۋ­عا بار كۇشىمىزدى سالامىز». وسى باعىتتا كوللەدجدە قولعا الىنعان تىڭ جوبالار دا جەتەرلىك. ءبىلىم وشاعىندا وقىتىلاتىن بارلىق ماماندىق بويىنشا الەۋمەتتىك سەرىكتەستەرمەن تىعىز قارىم-قاتى­ناس ورناتىلعان. مۇنىڭ ءوزى ەرتەڭ تۇلەكتەردىڭ جۇمىس­سىز قال­ماۋىنا بەرىك كەپىل بولا الادى. ال بۇگىنگە دەيىنگى ستاتيس­تيكالىق كور­سەت­كىشكە سۇيەن­سەك، ديپلوم العان ستۋدەنت­تەردىڭ شامامەن العاندا 60 پايىز­دان استامى ماماندىق بويىنشا جۇ­مىسقا ورنالاسادى ەكەن.

زامان تالابىنا ساي جۇمىس ىستەۋ­گە ۇمتىلعان كوللەدجدە بىلتىر وبلىس­تا تۇڭعىش رەت اۆتومات­تان­دىرىلعان كيىم ۇلگىسىن جاساۋ (ساپر) جۇيەسى بويىنشا ارنايى كۋرستى ماسكەۋدەن كەلگەن ماماندار ۇيىمداستىرىپ، وقىتۋشىلار سەرتيفيكات جانە قاشىقتىقتان وقۋعا ارنالعان ءۇش ايلىق سىناق كىلتىن الدى. سونىمەن قاتار بيىل كوللەدج باسشىلىعى ە.بوكەتوۆ اتىنداعى قارا­عاندى مەملەكەتتىك ۋنيۆەر­سي­تەتىمەن كەلىسىمشارتقا وتىرىپ، وقۋ ورنىنان «كولىك جانە كاسىپ­­تىك وقىتۋ» كافەدراسىنىڭ فيليا­لىن اشقان. بۇدان بولەك، وقۋ ورنىندا مۇمكىن­دى­گى شەكتەۋلى جان­دار­عا ارنالعان ينكليۋ­زيۆتىك توپ اشىلعالى جاتىر. وندا ناشار ەستيتىن 8 بالا تىگىنشى، ال دەنساۋلىعى ءدال سونداي جانە اقىل-ەسىندە جەڭىل-جەلپى اۋىتقۋشىلىق بار تاعى ءۇش ستۋدەنت اياق كيىم شەبەرى مامان­دىعىنا وقيتىن بولادى.

كوللەدجدىڭ ستۋدەنتتەرى ەلىمىزدە جىل سايىن ءوتىپ تۇراتىن WorldSkills كا­سىپ­تىك شەبەرلىك كونكۋرسىنا 2016 جىلدان بەرى قاتىسىپ كەلەدى. باي­قاۋ­دىڭ وبلىستىق دەڭگەيدەگى سىنىندا وقۋ ورنىنىڭ ستۋدەنتتەرى جۇلدەدەن قۇر قالىپ كورگەن ەمەس. مىسالى، 2016 جىلى كوللەدج ستۋدەنتى اياۋلىم يۋسۋپبەكوۆا «شاشتاراز ونەرى» اتالىمى بويىنشا 2-ورىن السا، ارادا ءبىر جىل وتكەندە ماقپال حاسەنوۆا ەسىمدى شاكىرت «تىگىن ءوندىرىسى جانە كيىمدەردى ۇلگىلەۋ» بويىنشا 1-ورىندى جەڭىپ الىپ، رەسپۋبليكالىق سىنعا جولداما الدى. ول سول جىلى وتكەن رەسپۋبليكالىق چەمپيوناتتا فينا­ليست اتاندى. 2018 جىلى كوللەدج ستۋدەنتى جانايىم ماقسۇت وبلىس­تىق سىندا «ديزاين جانە كيىمدى مودەلدەۋ» اتالىمى بو­يىنشا ۇزدىك شىعىپ، رەسپۋبليكالىق سا­يىستا باق سىناۋ مۇمكىندىگىنە يە بولدى. ال بىلتىر قاراشا ايىندا استانادا وتكەن قازاقستان چەمپيوناتىندا ول قاراعاندى وبلىسى بو­يىنشا تۇڭعىش رەت التىن مەدالعا يە بولىپ، رەسەيدىڭ قازان قالاسىندا وتە­تىن «WorldSkills قازان-2019» حالىق­ارالىق چەمپيوناتىنا قاتىسۋ جولداماسىن جەڭىپ الدى.

ج.ماقسۇت كول­لەد­جدىڭ 2-كۋرسىن­دا وقيدى. ۇستازى گۇلنار جۇمينا­نىڭ ايتۋىنشا، قاز­ىر­گى تاڭ­دا ولار الەم چەمپيوناتىنا قىزۋ دايىن­دىق جۇرگىزىپ جاتىر ەكەن. ەڭ ءبىرىنشى كەزەكتە ءاربىر قاتىسۋشى اعىل­شىن ءتىلىن جەتىك مەڭگەرۋى كەرەك. ويتكەنى حالىقارالىق سايىس شارتى بويىنشا ۇمىتكەرلەرگە تاپسىرما اعىلشىن تىلىندە بەرىلەدى، قاتىسۋشىلار دا قازىلار الدىندا جۇمىستارىن تۇگەلدەي سول تىلدە ءتۇسىن­دىرىپ وتىرۋى كەرەك.

«قازانداعى الەم چەمپيوناتى ءۇش كەزەڭ بويىنشا وتەدى. ۇمىت­­كەرلەر ءبىرىنشى ەسكيز جاسايدى، ودان كەيىن ماكەتپەن جۇمىس ىستەيدى. سودان سوڭ بارىپ پالتو تىگە­تىن بولادى. قازىرگى ۋاقىتتا دايىن­دىق جۇمىستارى ءوز الدىنا، جانايىم ەكەۋمىز اعىلشىن ءتىلى­نىڭ وقىتۋشىسى توعجان سماعۇل­وۆا­­دان دا ارنايى ءدارىس الىپ ءجۇرمىز»، دەيدى گ.جۇمينا.

تاياۋدا قاراعاندى تەحنولوگيا جانە سەرۆيس كوللەدجىندە پارلامەنت سەناتىنىڭ دەپۋتاتى ر.ابدىكەروۆ بول­ىپ، وقۋ ورنى­نىڭ تىنىس-تىرشى­لىگىمەن تانىستى. سەناتور ستۋدەنت­تەر­دىڭ يننوۆاتسيالىق تۇرعىداعى جەتىستىكتەرى مەن وقۋ كابينەتتەرىنىڭ تەحني­كالىق جابدىقتالۋىنا ريزا­شى­لىق ءبىلدىردى.

«سىزدەر قازىرگى تاڭدا جانە بولا­شاق­تا زور سۇرانىسقا يە ماماندىق يەلەرىن دايارلاپ جاتىرسىزدار، – دەدى رىسقالي ابدىكەروۆ. – كوللەدجدىڭ ماتەريال­دىق-تەحني­كا­­لىق بازاسىنىڭ زامانعا ساي جاب­دىق­تالۋى كوڭىلدەن شىقتى. ستۋدەنت­تەردى حالىقارالىق باعدار­لا­­مالاردىڭ تالاپتارىنا ساي وقى­تۋ­عا دەگەن ۇمتىلىستىڭ، جاڭا­شىل­­دىققا قۇشتارلىق پەن ىزدەنىستىڭ ءىزسىز قالمايتىنى بەلگىلى. مۇنىڭ ءبارى ەلباسىنىڭ تەحنيكالىق جانە كاسىپتىك ءبىلىم بەرۋدىڭ جاڭا جۇيەسىن قالىپتاستىرۋ بويىنشا الدىمىزعا قويعان مىندەتتەرىن ورىنداۋ بارىسىندا جەمىسىن بەرەدى دەپ ويلايمىن».

سونىمەن قاتار سەنات دەپۋتاتى كوللەدج ماقتانىشى جانايىم ماقسۇت پەن ونىڭ تالىمگەرى گۇلنار جۇمينامەن اڭگىمەلەسىپ، ولاردىڭ قازان قالاسىندا وتەتىن «WorldSkills قازان-2019» الەم چەمپيوناتىنا دايىندىقتارىمەن تانىسىپ، الداعى ايتۋلى سىننان سۇرىن­بەي وتۋگە تىلەكتەستىك ءبىلدىردى.

قازىرگى تاڭدا قاراعاندى وبلى­سى بويىنشا كەزىندە اتاعى جەر جارعان كاسىپورىندار قايتادان قال­پىنا كەلتىرىلە باستادى. ونىڭ قاتار­ىنا اباي تىگىن فابريكاسى مەن قاراعاندى اياق كيىم فابريكاسىن جاتقىزۋعا بولادى. بولاشاقتا جەڭىل ونەر­كاسىپتىڭ اتالعان وشاقتارى تو­لىق قۋاتىمەن جۇمىس ىستەپ كەتكەندە، كەنشىلەر استانا­سىنداعى تەحنولوگيا جانە سەرۆيس كول­لەدجىن ءبىتىرىپ شىققان بىلىكتى كادرلاردىڭ دا دالادا قالماسىنا سەنىم مول.

قايرات ءابىلدا،

«Egemen Qazaqstan»

قاراعاندى


كەلۋ قاينارى: http://www.elarna.net/koru.php?tur=4&id=974131

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


الماتىداعى جەتىسۋ اۋدان 2 مينوت
ۆولەيبولدان ازيا چەمپيو 6 مينوت
اسقار مامين اقتوبەدەگى 6 مينوت
وسى ارانى باسىپ كورىڭىز 6 مينوت
كاكوە زناچەنيە يمەەت رە 11 مينوت
ارزان پاتەر ۋادە ەتكەن 11 مينوت
قازاقستاندىق ۇستازدار ع 11 مينوت
تانىمال سپورتشى ۋاليح 16 مينوت
تيانشان تورى 16 مينوت
شينجياڭنىڭ تۇڭعىش كەڭ ە 16 مينوت
گانسۋ اقساي: ءتۇرلى شار 16 مينوت
باسەكەلەستىرىپ ساتۋ قيم 16 مينوت
ايەلدەر ۆالەيبول قۇراما 16 مينوت
قوعام حاۋىپسىزدىگى تارا 16 مينوت
وسى ارانى باسىپ كورىڭىز 16 مينوت
قازاق جالقاۋ ەمەس، ءبىر 16 مينوت
التاي كولگىنوۆ جاڭبىر س 17 مينوت
1 مىڭ گا ورمان قالپىنا 23 مينوت
مەملەكەت باسشىسى قاراعا 23 مينوت
زيالى قاۋىم ابايعا ارنا 26 مينوت
گولوۆكين مەن دەرەۆيانچە 26 مينوت
وزبەكستان زۇڭليى جۇڭگود 26 مينوت
قازاقستان پرەزيدەنتى قا 29 مينوت
ساياحاتشىلار نەلىكتەن ب 1 ساعات
تيانشان تورى 1 ساعات
الداعى ءۇش تاۋلىككە ارن 1 ساعات
قازاق كۇرەسىن مەكتەپ با 1 ساعات
پريشاحتينسكىدە شالعاي ا 1 ساعات
شىمكەنت مەدرەسە كوللەدج 1 ساعات
مۇمكىندىگى شەكتەۋلى جاس 1 ساعات