نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: ەگەمەن قازاقستان ماقالالارى مەن جاڭالىقتارى

جولدانعان ۋاقىتى: 23:24 - 2021/02/23

Нақты Көзі: https://egemen.kz/article/266569-basty-nazarda-–-eldinh-munh-muqtadgy

كوللاجدى جاساعان امانگەلدى قياس، «ەQ»

حالىقتىڭ ماسەلەسى كۇن تارتىبىنەن تۇسپەيدى

ار وڭىردەگى ءتۇرلى دەڭگەيدەگى اكىمدەر مەن باسقارما باسشىلارى الەۋمەتتىك جەلىلەرگە جاپپاي تىركەلگەنى بەلگىلى. ءتىپتى، تىكەلەي ەفيردە حالىقپەن تىلدەسكەندەرى دە بولدى. دەسە دە، كوبى ءالى كۇنگە دەيىن الەۋمەتتىك جەلىنىڭ شەكتەن تىس اشىقتىعىنان جاسقاناتىن سەكىلدى.

وسىدان ەكى جىلعا جۋىق ۋاقىت بۇرىن ق.توقاەۆ Twitter پاراقشاسىندا «Egemen Qazaqstan» گازەتىندە جاريالانعان «تەمىر جولدى جاعالاپ توپ بالا ءجۇر» ماقالاسىنا نازار اۋدارعان-دى. پرەزيدەنت «سەكسەۋىل كەنتىندە 360 بالا كۇندەلىكتى مەكتەپكە بارۋ ءۇشىن 13 رەلستى كەسىپ وتەتىنىن وقىدىم. بۇل – وتە وزەكتى ماسەلە. ونى شەشۋ ءۇشىن ۇكىمەت ناقتى شارالار قابىلداۋى قاجەت» دەگەن قىسقاشا جازبا جاريالادى. ناتيجەسىندە، قىزىلوردا وبلىسىنىڭ سەكسەۋىل كەنتىندە باستالعان 300 بالاعا ارنالعان مەكتەپ قۇرىلىسى اياقتالىپ قالدى.

بيىلعى وقۋ جىلىندا تاپسىرىلۋى ءتيىس مەكتەپتىڭ اشىلۋى پاندەمياعا بايلانىستى توقتاپ تۇر. شەنەۋنىكتەر پرەزيدەنتتىڭ باقىلاۋىنا الىنعان بۇل وڭىردە توزىعى جەتكەن اۋرۋحانانىڭ دا بارىن ەسكەرسە كەرەك، مەكتەپپەن قاتار جاڭا اۋرۋحانا قۇرىلىسىنا دا كىرىسكەن. بىلتىر اياقتالادى دەگەن قۇرىلىس جۇمىستارى باياۋ ءجۇرىپ جاتقانعا ۇقسايدى. مۇنى جاقىندا ءوڭىر باسشىسى حالىققا ەسەپ بەرۋ كەزدەسۋىندە راستاپ، اۋرۋحانانى بيىل قالايدا ىسكە قوساتىنىن مالىمدەدى.

ەلىمىزدىڭ شىعىس وڭىرىندە بۇقتىرما سۋ قويماسى ارقىلى وتەتىن «قىزىل تۋ» وتكەلى جۇرتتى ابدەن اۋرە-سارساڭعا سالعانى بەلگىلى. بۇل ماسەلە دە پرەزيدەنت نازارىنان تىس قالعان جوق. «Egemen Qazaqstan» گازەتىنە جاريالانعان ماقالادان كەيىن ول ۇكىمەتكە شىعىس قازاقستان وبلىسى اكىمدىگىمەن بىرگە بۇقتىرما سۋ قويماسىنا كوپىر سالۋ ءۇشىن قارجى ءبولۋ ماسەلەسىن قاراستىرۋدى تاپسىردى. جاقىندا شالعايدا جاتقان اۋدانداردى وبلىس ورتالىعىمەن بايلانىستىراتىن بۇقتىرما سۋ قويماسى ارقىلى وتەتىن كوپىردىڭ قۇرىلىسى باستالاتىنى ءمالىم بولدى. حالىقتىڭ ەلۋ جىل كۇتكەن ارمانى ورىندالاتىن كۇن دە الىس ەمەس.

ق.توقاەۆتىڭ الەۋمەتتىك جەلىلەر ارقىلى ەلدىڭ تىنىس-تىرشىلىگىنەن جان-جاقتى حاباردار بولىپ وتىرۋى قىزمەتىنىڭ اجىراماس بولىگىنە اينالدى. قوعامدا قىزۋ تالقىلانىپ جاتقان «وتباسىلىق-تۇرمىستىق زورلىق-زومبىلىققا قارسى ءىس-قيمىل تۋرالى» زاڭ جوباسى دا مەملەكەت باسشىسىنىڭ نازارىنان تىس قالعان جوق. جاۋاپتى ورگاندارعا جوبا نورمالارىن مۇقيات قاراپ، بارلىق پىكىردى ەسكەرۋ تاپسىرىلدى. وسى سەكىلدى مىسالدار پرەزيدەنتتىڭ ەكى جىلعا جۋىق تاجىريبەسىندە جەتەرلىك.

مەملەكەت باسشىسىنىڭ ءباسپاسوز حاتشىسى بەرىك ءۋالي «Egemen Qazaqstan»-عا بەرگەن سۇحباتىندا قاسىم-جومارت كەمەلۇلىنىڭ الەۋمەتتىك جەلى ارقىلى تاپسىرما بەرۋدى قولايلى سانايتىنىن ايتقان ەدى. «بۇل – پرەزيدەنتتىڭ قوعامداعى بولىپ جاتقان ءار پروبلەمانى ەستىپ، ءبىلىپ، كورىپ وتىرعانىنىڭ بەلگىسى. مۇنداي جۇمىس ءستيلى ۋاقىت ۇنەمدەۋ تۇرعىسىنان وتە ءتيىمدى ەكەنىن كورسەتتى. سەبەبى بەرىلگەن تاپسىرمالار دەر كەزىندە نازارعا الىنىپ، ءتيىستى شەشىمىن تابادى»، دەدى ءب.ۋالي.

قازاقستان پرەزيدەنتى حالىقتى تولعاندىرعان كەز كەلگەن ماسەلەنىڭ نازاردان تىس قالمايتىنىن ايتىپ، ولاردىڭ كۇن تارتىبىنەن تۇسپەيتىنىن ىسىمەن دالەلدەپ تە ءجۇر.

وركەنيەت ولشەمى

پرەزيدەنت تاپسىرمالارىنا ورالاتىن بولساق، وسىعان دەيىن ساياسي رەفورمالاردىڭ ەكى پاكەتى ۇسىنىلعان ەدى. رەفورمالاردىڭ العاشقى پاكەتى 2019 جىلى 20 جەلتوقساندا تانىستىرىلىپ، ول ارقىلى پارتيانى تىركەۋ جەڭىلدەپ، ايەلدەر مەن جاستارعا 30 پايىزدىق كۆوتا بەرىلدى. پارلامەنتتىك وپپوزيتسيا ينستيتۋتى ەنگىزىلدى. قىلمىستىق كودەكستىڭ 130-بابىن دەكريميناليزاتسيالاۋ جانە 174-بابىن ىزگىلەندىرۋ ىسكە استى. ميتينگىلەر تۋرالى زاڭ قابىلداندى. ساياسي رەفورمالاردىڭ ەكىنشى پاكەتىن مەملەكەت باسشىسى 2020 جىلى 1 قىركۇيەكتە جاريا ەتتى. پرەزيدەنت اۋىل اكىمدەرىن سايلاۋ كەرەگىن ايتتى. سونداي-اق ونلاين-پەتيتسيالار ءۇشىن ءبىرىڭعاي ينستيتۋت قۇرۋدى تاپسىردى. ازاپتاۋعا، ادام ساۋداسىنا قارسى ءىس-قيمىل جانە ازاماتتاردى كيبەربۇزۋشىلىقتان قورعاۋ ءۇشىن زاڭنامانى جەتىلدىرۋ كەرەگىن جەتكىزدى.

دەگەنمەن كەيبىر ماسەلەلەر ءالى دە ورىندالماي كەلە جاتقانىن بايقاۋعا بولادى. ماسەلەن، پرەزيدەنت ۇلتتىق كەڭەستىڭ ەكىنشى وتىرىسىندا وسىدان ءبىر جىل بۇرىن اۋىلشارۋاشىلىق جەرلەرىن ءتيىمدى پايدالانۋ ماسەلەسىن كوتەرگەن ەدى. الايدا جەرگىلىكتى بيلىك وكىلدەرى جاعدايدى ءالى دە يگەرە الماي كەلەدى. ناتيجەسىندە، مەملەكەت باسشىسى جاقىندا وتكەن ۇكىمەتتىڭ كەڭەيتىلگەن وتىرىسىندا جايىلىمدار ماسەلەسىنە ارنايى توقتالدى. پارلامەنت ءماجىلىسىنىڭ VI شاقىرىلىم دەپۋتاتى جەكسەنباي̆ دۇيسەباەۆ «جايىلىمدار تۋرالى» زاڭدا كورسەتىلگەن نورمالار ساقتالعاندا مۇنداي ماسەلە تۋىنداماس ەدى دەگەن پىكىردە. ول زاڭ بويىنشا مالى جوق شارۋاشىلىقتاردىڭ جايىلىمدىق جەرىن تارتىپ الۋعا بولاتىنىن، ال جەرگىلىكتى اتقارۋشى ورگان قۇجاتقا پىسقىرىپ تا قارامايتىنىن ايتادى. جالپى، قوردالانعان ماسەلەلەردىڭ كەيبىرى وسى سەكىلدى بيلىكتىڭ شارا قولدانباۋىنان تۋىنداۋى عاجاپ ەمەس. قۇقىقتىق نەگىز بار، الايدا ورىنداۋشىلار وعان ءمان بەرمەيدى.

بىلىم بەرۋ سالاسىندا دا ءبىراز وزگەرىستەر بولدى. پرەزيدەنت باستامالارىنىڭ ءبىرقاتارى بىردەن كۇشىنە ەنسە، كەيبىر ۇزاق مەرزىمدى جوبالار ەندى جۇزەگە اسپاق. مەملەكەت باسشىسى 2025 جىلعا دەيىن 650 مىڭنان اسا ورىندى قامتيتىن 800 مەكتەپ، اۋىلداعى كەيبىر مەكتەپتەر ءۇشىن 114 ينتەرنات، 700-دەن اسا سپورت زالىن سالۋ، مەكتەپتەردى بەينەباقىلاۋ جۇيەسىمەن جابدىقتاپ، بالالاردىڭ قاۋىپسىزدىگىن قامتاماسىز ەتۋ، زاماناۋي سانيتارلىق تالاپتارعا ساي جاعداي جاساۋ، بەس جىل ىشىندە كەمى 90 مىڭ ورىنعا ارنالعان جاتاقحانا سالۋ سەكىلدى ماسەلەلەردى كوتەردى. بۇل جوسپارلاردى جۇزەگە اسىرۋ ءۇشىن ءبىلىم بەرۋ سالاسى ۇلكەن وزگەرىستەردى قاجەت ەتەتىنى ءسوزسىز. ودان بولەك ق.توقاەۆتىڭ بولاشاق پەداگوگتەردىڭ شاكىرتاقىسىن 26 مىڭ تەڭگەدەن 42 مىڭ تەڭگەگە دەيىن كوتەرۋ، دوكتورانتتاردىڭ ستيپەندياسىن 150 مىڭ تەڭگەگە دەيىن كوبەيتۋ سەكىلدى تاپسىرمالارى قىركۇيەكتەن باستاپ جۇزەگە اسا باستاعانىن ايتا كەتكەن ءجون. دەگەنمەن جىل سايىن كەمى 100 عالىمنىڭ الەمنىڭ جەتەكشى عىلىمي ورتالىقتارىندا عىلىمي تاعىلىمدامادان وتۋىنە قارجى ءبولۋ ماسەلەسى پاندەمياعا بايلانىستى تۇرالاپ قالعانعا ۇقسايدى. ۇلتتىق ۋنيۆەرسيتەتتەردىڭ دوكتورانتتارى شەتەلدىك تاعىلىمداماعا شىعۋعا رۇقسات الا الماي اۋرەگە ءتۇسىپ ءجۇر.

بيىلعى جاقسى جاڭالىقتارىنىڭ ءبىرى – ازاماتتاردىڭ زەينەتاقى جيناعىن تۇرعىن ءۇي جاعدايىن جاقسارتۋعا قولدانا الۋى بولدى. كوپتەن بەرى تالقىلانىپ كەلگەن باستامانىڭ ناتيجەسىندە 18 اقپانداعى جاعداي بويىنشا بجزق-عا 142 951 ءوتىنىش كەلىپ تۇسكەن ەكەن. ونىڭ ىشىندە جالپى سوماسى 520 ملرد تەڭگە بولاتىن 96 602 ادامنىڭ ءوتىنىشى قابىلدانعان. قارجى ازاماتتاردىڭ ارنايى شوتىنا جىبەرىلگەن. باسپانالى بولۋدى قالاعان ازاماتتاردىڭ ءۇمىتى ارتىنشا سۋ سەپكەندەي سەيىلدى. ويتكەنى زەينەتاقى جيناعىنىڭ ءبىر بولىگىن قولدانۋعا بولاتىنى تۋرالى حاباردان كەيىن ەلدە باسپانا باعاسى وسە باستاعان. باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك ءجۇمانعاريننىڭ ايتۋىنشا، 2020 جىلعى قىركۇيەكتەن باستاپ 2021 جىلعى قاڭتار ارالىعىنداعى كەزەڭدە باستاپقى تۇرعىن ءۇي نارىعىنداعى باعالار 5 پايىزعا وسكەن. ال 2019 جانە 2020 جىلداردىڭ ءدال وسىنداي كەزەڭىندە بۇل كورسەتكىش 3 پايىزدان اسپاعان. مامان مۇنى سۇرانىستىڭ كۇرت ارتۋىمەن بايلانىستىرىپ وتىر. ەل پرەزيدەنتى ۇكىمەتتىڭ كەڭەيتىلگەن وتىرىسىندا وسى ماسەلەگە قاتىستى تاپسىرما بەردى. پرەزيدەنتتىڭ پىكىرىنشە، مەملەكەتتىك ورگاندار تۇرعىندار مەن قۇرىلىس كومپانيالارىنىڭ باسشىلارىنا تۇسىندىرمە جۇمىستارىن جۇرگىزىپ، نارىقتاعى الىپ-ساتارلىق وپەراتسيالارعا شەكتەۋ قويۋى كەرەك. ۇكىمەتكە ەكى اپتا ىشىندە تۇرعىن ءۇي ساياساتىن جەتىلدىرۋ بويىنشا جاڭا ۇسىنىستار توپتاماسىن ەنگىزۋ تۋرالى تاپسىرما بەرىلگەن-دى.

وسىعان وراي كۇنى كەشە ۇكىمەت وتىرىسىندا ەلدەگى تۇرعىن ءۇي ساياساتىنا جاڭا تاسىلدەر ەنگىزۋ ماسەلەسى قارالىپ، ءبىرقاتار شارالار ۇسىنىلدى. يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي ساياساتىن رەفورمالاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تۇجىرىمداماسى دايىندالعانىن مالىمدەدى.

مەملەكەت باسشىسىنىڭ ەكى جىلعا جۋىق ۋاقىت ىشىندە اتقارعان قىزمەتى قازاقستاندى داۋلەتتى دە دەموكراتيالىق ەلدەردىڭ قاتارىنان كورىنۋگە جاسالىپ جاتقان قادام دەپ باعالاۋعا بولادى. قاسىم-جومارت كەمەلۇلى قابىلداعان پاراساتتى شەشىمدەرىنەن وركەنيەت ولشەمى مەنمۇندالايتىنى انىق.

بوزجىرا: كۇدىك پەن ءۇمىت

«تابيعاتتى قورعاۋ – مەملەكەتتىك ماڭىزى زور ءىس» دەپ اتاپ وتكەن قاسىم-جومارت توقاەۆتىڭ قورشاعان ورتانى قورعاۋ سالاسىنا ايرىقشا كوڭىل بولەتىنى بەلگىلى. وسىعان دەيىن مەملەكەت باسشىسى قوعامدا قىزۋ تالقىعا تۇسكەن كوكجايلاۋ كۋرورتىنىڭ قۇرىلىسىنا، اعاشتاردى وتاۋعا، كوبەيتۇزدىڭ لاستانۋىنا، بوزجىراداعى ءقوناقۇي قۇرىلىسىنا قاتىستى ۇستانىمىن ناقتى كورسەتكەن ەدى.

پرەزيدەنت 2019 جىلى الماتىنىڭ الەۋمەتتىك-ەكونوميكالىق دامۋ ماسەلەلەرى جونىندەگى كەڭەستە ءوڭىردىڭ ەكولوگيالىق احۋالىنا الاڭدايتىنىن بايقاتقان. الما اعاشتارىن اياۋسىز وتاۋعا جول بەرگەن شەندىلەردى سىناپ، الماتى قالاسى اكىمىنىڭ ورىنباسارى ەرلان قوجاعاپانوۆقا «كوكتوبە» جارتاستارىندا بولعان كوشەتتەردى لاقتىرىپ تاستاۋ دەرەگىنە قاتىستى سوگىس تە جاريالاعان بولاتىن. سول جيىندا الماتىنىڭ ايگىلى اپورتىن جاڭعىرتۋدى تاپسىرعان. وبلىستىق اۋىل شارۋاشىلىعى باسقارماسىنىڭ مالىمەتىنشە، 2012-2018 جىلدار ارالىعىندا 728،8 گەكتار جەرگە اپورت سورتىن وتىرعىزعان 214 شارۋاشىلىققا جەرگىلىكتى بيۋدجەت قاراجاتى ەسەبىنەن 670،4 ملن تەڭگە سۋبسيديا بەرىلگەن ەكەن. ناتيجەسىندە، «اپورت» الماسى باعىنىڭ كولەمى 2000 گا جەتسە، ال كوشەت سانى 416 مىڭ دانانى قۇراعان.

ودان بولەك مەملەكەت باسشىسى وسى جيىندا ەكولوگتاردىڭ پىكىرىن العا تارتا وتىرىپ، كوكجايلاۋدا تاۋ-شاڭعى كۋرورتىن سالۋ جوباسىمەن اينالىسۋعا تىيىم سالدى. وسىلايشا بىرنەشە جىلعا سوزىلعان داۋلى ماسەلەنىڭ نۇكتەسىن پرەزيدەنت قويعان. ازاماتتاردىڭ تابيعي دەمالىس ورىندارىنداعى جاپپاي مادەنيەتسىزدىگى دە ەلىمىزدەگى ءجيى ايتىلاتىن سىنداردىڭ بىرىنە اينالدى. پاندەميا كەزىندە اقمولا وبلىسىنداعى كوبەيتۇز كولىنە اعىلعان كەلۋشىلەردىڭ ارەكەتتەرى جۇرتشىلىقتى اشۋعا بۋلىقتىردى دەۋگە دە بولار. وسىعان بايلانىستى ق.توقاەۆ بۇل وقيعانىڭ وسكەلەڭ ۇرپاققا جۇرگىزىلەتىن ەكولوگيالىق اعارتۋ جۇمىستارىنىڭ تۇيتكىلدەرىن اشىپ بەرىپ، ءبىلىم، ەكولوگيا، اقپارات مينيسترلىكتەرىنە بۇل ماسەلەنى جۇمىستارىنىڭ باسىم باعىتى رەتىندە قاراستىرۋى كەرەك ەكەنى ايتىلدى. پرەزيدەنتتىڭ ءباسپاسوز حاتشىسى بەرىك ءۋالي ءوز سۇحباتىندا مەملەكەت باسشىسى ەكولوگيالىق اعارتۋ جۇمىستارىنا ەرەكشە ءمان بەرەتىنىن اتاپ وتكەن-دى.

جاقىندا قوعامدى دۇرلىكتىرگەن تاعى ءبىر ماسەلە – ماڭعىستاۋ وبلىسىنداعى بوزجىرا قورىعى اۋماعىنداعى ءقوناقۇيدىڭ قۇرىلىسى بولعان. پرەزيدەنت حالىقتىڭ قارسىلىعىن تۋدىرعان جوبانى قايتا قاراۋ جونىندە تاپسىرما بەردى. الايدا بوزجىرانىڭ جىرى ءالى دە تاۋسىلار ەمەس. مەملەكەت باسشىسىنىڭ بۇل تاپسىرماسى قانشالىقتى ورىندالاتىنى بولاشاقتىڭ ەنشىسىندە، ءالى كۇنگە ينۆەستورلار ءبىر جاق، جەرگىلىكتى حالىق ءبىر جاق بولىپ، ماسەلەنىڭ ءتۇيىنى تولىققاندى تارقاتىلماي تۇر.

جاقىندا عانا ۇكىمەتتىڭ كەڭەيتىلگەن وتىرىسىندا ق.توقاەۆ ەكولوگيا ماسەلەسى ۇكىمەت پەن قوعامنىڭ ۇدايى باقىلاۋىندا بولۋى كەرەك ەكەنىن تاعى دا ايتتى. ەكولوگيا سالاسىندا اتقارىلىپ جاتقان جۇمىستاردىڭ بارىسى مەن تيىمدىلىگىن قوعامدىق باقىلاۋدا ۇستاۋ قاجەتتىلىگى دە كوتەرىلدى. بۇل ماقساتتا ينتەراكتيۆتى كارتا دايىندالاتىن بولادى. سونداي-اق پرەزيدەنت ۇكىمەتكە 2021-2025 جىلدارعا ارنالعان «جاسىل قازاقستان» ۇلتتىق جوباسىن ازىرلەۋدى تاپسىردى.

ەل پرەزيدەنتىنىڭ حالىقتى الاڭداتقان ماسەلەنى شەشۋ جولدارىن تابۋدى تاپسىرۋى جۇمىستىڭ جارتىسى عانا بولسا، ونىڭ ورىندالۋى مەن جۇزەگە اسۋى كەلەسى تۇيتكىلدى ماسەلە. بايقاعانىمىزداي، ۇكىمەت پەن جەرگىلىكتى اتقارۋشى بيلىك ءوز مىندەتتەرىن ءاردايىم ۋاقتىلى ءارى ءتيىمدى ورىنداي بەرمەيتىنى كوزگە ۇرىپ تۇرادى. بۇل رەتتە مەملەكەتتىك باسقارۋ جۇيەسىنىڭ ۇيلەسىمدى جۇمىس اتقارۋى تاباندى ەڭبەك پەن وزگەرىستى قاجەت ەتەدى.


كەلۋ قاينارى: http://www.elarna.net/koru.php?tur=4&id=1359870

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


نۇر-سۇلتاندا قاراۋسىز ق 2 مينوت
اۆستراليادا الەمدەگى ۇي 4 مينوت
گەرمانيادا لوكداۋن تاعى 4 مينوت
تالعار مەن ەڭبەكشىقازاق 5 مينوت
جوعارعى سوتتىڭ ەكى سۋدي 5 مينوت
اقىلبەك كۇرىشباەۆ اسىل 5 مينوت
3 ناۋرىز كۇنى ەلىمىزگە 8 مينوت
تەڭگەنىڭ السىرەۋىنە نە 8 مينوت
2025 جىلعا دەيىن 11 مىڭ 11 مينوت
وقۋشىلاردى قاققان جول-ك 14 مينوت
مەركۋري مەن ساتۋرن جايى 14 مينوت
ورتالىق كوميتەت كەڭسەسى 14 مينوت
قۇرىلىس جانە تۇرعىن ۇي- 14 مينوت
جارمەڭكەدە جۇمىس ۇسىندى 14 مينوت
تەننيس: نەدوۆەسوۆ جۇپتى 14 مينوت
يراكتا اقش-تىڭ اسكەري ب 14 مينوت
الماتىدا داۋعا قالعان ا 14 مينوت
قازاقستاننىڭ جەتى وبلىس 14 مينوت
ءبىر تاڭ | ادەبيەت پورت 14 مينوت
قازاقستان ازىق-تۇلىك قا 20 مينوت
ەلوردادا ايەلدەردىڭ ەكو 20 مينوت
3 ناۋرىز كۇنى قازاقستان 20 مينوت
«ادالدىق الاڭى» كەڭسەسى 23 مينوت
ورالدا كوپىردىڭ استىنان 23 مينوت
شىمكەنتتە پوليتسەيلەر ج 24 مينوت
ۇستازدار ۇيىندەگى قايىر 26 مينوت
تاجىكستان بيلىگى Facebo 26 مينوت
اقپان ايىندا 9725 ءدىني 29 مينوت
قىزىل سۋ ءقاۋپى كۇشەيدى 29 مينوت
قازاقستان ەلشىلىكتەرى ق 29 مينوت