ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-171587416432 %68 %
2019-10-181098330835 %65 %
2019-10-19000 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: سەركە اقپاراتتارى

جولدانعان ۋاقىتى: 23:10 - 2019/01/27

كەيبىر ورالماندار قىتايعا قىزمەت جاساپ ءجۇر مە؟ | Serke.org

كەيبىر ورالماندار قىتايعا قىزمەت جاساپ ءجۇر مە؟

الەۋمەتتىك جەلىدە قۇرىلعان «تاۋەلسىز جۋرناليستەر كلۋبىنىڭ» مۇشەسى توقتار جاقاش قازاقستانداعى قىتايدىڭ مۇددەسىن كۇيتتەپ جۇرگەن ورالاماندار مەن قوعامدىق ۇيىمدار جونىندەگى «قازاقستانداعى «قىتاي شپيوندارى» كىمدەر؟» اتتى زەرتتەۋىنىڭ ء4-بولىمىن جاريالادى. زەرتتەۋدىڭ العاشقى ءۇش ءبولىمى بىرىكتىرىلىپ، «قىتاي قازاقستانداعى «مۇددەسىن» كىم كۇيتتەپ ءجۇر؟» دەگەن تاقىرىپپەن serke.org سايتىندا جاريالانعان. تومەندە سول زەرتتەۋدىڭ جالعاسىن جاريالاپ وتىرمىز.

قازاقستانداعى «قىتاي شپيوندارى» كىمدەر؟-4

وسى تاقىرىپقا جازىلعان ءۇش ماقالا دا قوعامدا قىزۋ تارتىس تۋعىزدى. قازاقستان زايىرلى، اشىق قوعام عوي. توپ-توپقا ۇيىسىپ، مەملەكەتىمىزدىڭ بولاشاعىنا قارسى جىمىسقى ارەكەتتەر ويلاستىرعانداردىڭ جولىن كەسەمىز، اۋزىنا قۇم قۇيامىز! ءبىز ءالى ەشكىمدى ناقتى «شپيون» دەپ اتاعان جوقپىز. بار بولعانى – رەسمي اقپاراتتارعا سۇيەنە وتىرىپ، ەلدى تولعانتقان ساۋالداردى ورتاعا تاستادىق. ال مەملەكەت مۇددەسى، ۇلتىمىزدىڭ مۇددەسى، ۇرپاعىمىز بەن بولاشاعىمىزدىڭ مۇددەسى - جەكە باسىمىزدىڭ مۇددەسىنەن ءارقاشان بيىك! ءبىز وسى ماسەلە بويىنشا جۋرناليستىك زەرتتەۋدى باستادىق. بۇل زەرتتەۋدىڭ ءبىر شەتى ءا دەگەننەن دۇكەن ءماسىمحان مىرزانىڭ شابىنا شوق تۇسكەندەي اسەر ەتىپتى. ءوزىنىڭ استاناداعى ەۋرازيا ۋنيۆەرسيتەتىندە قىتاي فيلولوگياسى كافەدراسىنىڭ مەڭگەرۋشىسى ەكەنىن ايتا كەلىپ، بىلاي دەپتى: «بۇگىنگە دەيىن قىتاي ەلشىلىگى جالپى قۇنى 50 مىڭ اقش دوللارى تۇراتىن ەكى كابينەت (بىرەۋى ارنايى كابينەت، تاعى بىرەۋى لينگوفون كابينەتى) جاساقتاپ بەردى. سونداي-اق جىل سايىن كافەدرا ۇستازدارى مەن ستۋدەنتتەرگە قىتايعا بارىپ وقيتىن 10 شاقتى ءبىلىم گرانتتارىن(باكالاۆر، ماگيستراتۋرا، دوكتارانتۋرا) ءبولىپ تۇرادى. مۇنىڭ ءوزى تۇپتەپ كەلگەندە جۇمىستىڭ تالابى...»، – دەپ ءۇش نۇكتە قويادى. بۇل سويلەمنىڭ ءوزى ءبىراز ويعا جەتەلەيدى. ويتكەنى، قىتاي ەلشىلىگى – بيزنەستىڭ قۇلاعىن ۇستاعان الپاۋىت ەمەس، ارنايى سونداي جوبالارعا گرانت بولەتىن قور ەمەس. بار بولعانى – شەتەلدىڭ قازاقستانداعى ديپلوماتيالىق ميسسياسى. ال ديپلوماتيالىق ميسسيادا بوتەن مەملەكەتتىڭ مۇددەسى ءۇشىن وڭدى-سولدى قاراجات قايدان بولسىن؟ قىتايتانۋ ماماندارىن ازىرلەۋ ءۇشىن قىتايدىڭ ءوزى قارجى ءبولىپ، مامانداردى قىتايدا وقىتساق – جەتىسكەن ەكەنبىز! ء"ما اقشا، ءما، قۇرال-جابدىق. ءبىزدى زەرتتەڭدەرشى" دەپ پە؟ قازاقستان قىتاي ەلشىلىگىنە الاقان جاياتىنداي سونشاما سورلى مەملەكەت پە ەدى؟! شەتەلدىكتەر ءبىزدىڭ ءبىلىم-عىلىم سالامىزعا قانداي مۇددە ءۇشىن قول سۇعىپ وتىر؟ ۋنيۆەرسيتەت باسشىلىعى مۇنداي قوماقتى قارجىدان نەگە باس تارتپاعان؟ ەگەر، بوتەن مەملەكەت ءبىزدىڭ ەلىمىزدەگى وقۋ ورىندارىنا، ونىڭ ستۋدەنتتەرى مەن وقىتۋشىلارىنا ارنايى قارجى ءبولىپ جاتسا – بۇل ماسەلەنى ارنايى ورگاندار تۇپكىلىكتى زەرتتەپ، قاتتى نازارعا الۋى ءتيىس. ويتكەنى، بۇل ۇلتتىق قاۋىپسىزدىككە تونگەن ۇلكەن قاتەر!

ال ءبىز بولساق، ءوز تاراپىمىزدان دۇكەن ءماسىمحان مىرزاعا : «قىتايدىڭ رەسمي سايتتارى جاريالاعان مىنا اقپاراتقا نە دەيسىز؟» دەپ سۇراق قويىپ وتىرمىز. سىلتەمەسى مۇندا: http://www.chinaql.org/n1/2018/0901/c421026-30265666.html…. كوشىرمەسىن تاعى دا جاريالاپ وتىرمىز.

ء

قازاقتىلدى اۋديتورياعا تۇسىنىكتى بولۋى ءۇشىن شەتەلدەن ورالعان جانە شەتەلدەگى قىتايلار فەدەراتسياسىنىڭ رەسمي سايتىنداعى اقپاراتتى اۋدارايىق. وندا «شەتەلدەگى قىتايلار 10-شى كوميتەتكە سايلاندى»، دەپ جازادى دا ءتىزىمنىڭ بەسىنشى قاتارىندا (قىزىل سىزىقپەن قورشادىق) «قازاقستاننان ءۇش ادام: انحۋساي، دۇكەن ءماسىمحان، ءاليا دجاناپۋر» دەپ جازىلعان. بۇل – الىپ-قاشتى وسەك ەمەس، اياڭ ەمەس، قىتايدىڭ جوعارعى كەڭەسى، ساياسي بيۋروسى، كوممۋنيستىك پارتياسىنىڭ رەسمي دەرەك كوزى! سوندا ءبىز كىمگە سەنۋىمىز كەرەك؟ ەگەر، مۇنداي ەمەس بولسا، دۇكەن ءماسىمحان مىرزا نە سەبەپتى قىتايدىڭ وسىناۋ ورگاندارىنا حات جازىپ، اقپاراتتى تەرىستەۋدى تالاپ ەتپەيدى؟

ال وسى تىزىمدەگى ء«اليا دجاناپۋر» دەگەن كىم؟» دەگەن سۇراق بويىنشا دا ىزدەندىك. سويتسەك، ءاليا ءجانابىلقىزى – قىتاي قازاقتارىنا كەڭىنەن تانىمال ءجانابىل دەگەن بۇرىنعى مەملەكەتتىك قىزمەتكەر، قازاقتىڭ ناعىز ۇلت جاناشىرىنىڭ كەنجە قىزى بولىپ شىقتى. ءاليا ءالى قازاقستان ازاماتتىعىن الماعان، جامبىل وبلىسىنىڭ جاڭاتاس ماڭىنا تۇرمىسقا شىققان. ءۇش جىلدان بەرى «شەتەلدەگى قىتايلاردىڭ قازاقستانداعى اسسوتسياسى جانە قىتاي-قازاقستان دوستىق اسسوتسياسى جانە شىڭجانداعى تۇراقتىلىقتى دامىتۋعا ۇلەس قوسۋ» اتتى قوعامدىق ۇيىمدى قازاقستان ادىلەت مينيسترلىگىندە تىركەي الماي كەلە جاتىر ەكەن. جاقىن ارادا ول ۇيىمنىڭ اتىن «جىبەك جولى» دەپ وزگەرتىپ، تىركەۋگە ۇسىنىپتى. قازاقستانىڭ ايدالاداعى شىڭجاندا نەسى بار ەكەنىن ءبىز تۇسىنە الماي وتىرعان جايىمىز بار. ءاليا تۋرالى قىتايدىڭ قازاقستانداعى ەلشىلىگى رەسمي سايتىندا مىنا ماتەريالعا كوزىمىز ءتۇستى: http://kz.china-embassy.org/chn/sgxx/sgdt/t1623767.htm…

ماقالانىڭ قىسقاشا مازمۇنى مىناداي: «2018 جىلدىڭ 20 جەلتوقسانىندا قىتاي ەلشىسى شەتەلدەگى قىتايلاردىڭ قازاقستانداعى اسسوتسياسى ءتورايىمى ءاليا جانابىلقىزىمەن كەزدەستى... ەلشى چجان شەتەلدەگى قىتايلاردىڭ قىتاي اسسوتسياسى شەتەلدەگى قىتايلارعا قامقورلىق، ولاردىڭ شەتەلدەگى مۇددەسىن قورعاۋعا، قىتايدىڭ قازاقستانعا دەگەن دوستىق ساياساتىن تاراتۋعا جانە قىتاي مادەنيەتىن ناسياحاتتاۋعا ۇلەس قوسۋعا دايىن ەكەنىن ايتتى». قازاق قوعامىنا بەيتانىس ءاليا ءجانابىلقىزى جايىندا قىتاي باسىلىمدارى نە دەيدى؟ قىتايدىڭ مىنا سايتى «قىتايلاردىڭ شەتەلدەگى دياسپورا كوميتەتىنىنىڭ» شەتەلدەن سايلانعان وكىلدەرىنىڭ ءتىزىمىن جاريالاپتى. قازاقستاننان ءۇش ادامنىڭ ءاتى-جونى كورسەتىلگەن: ءاليا ءجانابىلقىزى، انحۋساي دەگەن دۇڭگەن، جانە... «جەبەۋ» رەسپۋبليكالىق قوعامدىق ۇيىمىنىڭ ءتوراعاسى ءومارالى ادىلبەك.

http://www.liucixinx.com/cdjnyjj//m/14256.html… سكريندەلگەن نۇسقاسىن قوسا سالىپ وتىرمىز. ءومارالى ادىلبەك ءبىزدىڭ سوڭىمىزدان ءتۇسىپ، «الدەكىمدەر تاپسىرىسپەن جازعىزىپ وتىر» دەگەنشە، نەگە وسى اقپاراتتى جاريالاپ وتىرعان قىتاي مەملەكەتتىك ورگاندارىنا بارىپ شاعىمدانبايدى؟ ەگەر، قىتايدىڭ شەتەلدەگى دياسپوراسى بولۋعا ءوتىنىش بەرمەسە، بارىپ، رەسمي تۇردە جوققا شىعارسىن! ءبىزدىڭ بىلۋىمىزشە، «شەتەلدەگى قىتايلار كوميتەتىنىڭ» ارنايى جارعىسى بار. سول جارعىعا سايكەس، بۇل مەملەكەتتىك ۇيىم ەشكىمدى سىرتتان وزدەرىنە مۇشە قىلىپ قوسىپ قويمايدى. قىتايدىڭ شەتەلدەگى دياسپوراسى بولىپ اتانۋ ءۇشىن، جارعىنىڭ 5-تارماعىنا ساي ءوتىنىش جازۋ كەرەك. ەندەشە، وسى ادامداردىڭ قايسىسى قازاقستانداعى قىتاي بولۋعا ءوتىنىش جازدى ەكەن؟ كەرەك دەسەڭىز، جارعىنىڭ قىتايشا نۇسقاسىن دا وسىندا سالايىن: http://www.gqb.gov.cn/news/2009/0423/1/13675.shtml…

ۋيندوۋستىڭ كومەگىمەن وسى سايتتىڭ ءبارىن ورىس تىلىنە اۋدارىپ، ءبىر شولىپ شىعۋعا بولادى. ءبىزدىڭ زەرتتەۋ ماقالالارىمىزدان سوڭ، ۇيىم جەتەكشىسى ءومارالى ادىلبەك ەكى رەت ماسەلەنى جوققا شىعارىپ، سۇقباتتار جاريالادى. ەكى سۇقباتتى دا مۇقيات وقىپ شىقتىق. شىنىن ايتقاندا، قۇر سوزبەن اقتالۋدان باسقا ناقتى دەرەك، ءتىپتى دەسەڭىز نيەت تە تاپپادىق. «قازاق-قىتاي قارىم-قاتىناسى قايدا بەتالىپ بارادى؟» دەگەن سۇقباتىن ەرىنبەي سوڭىنا دەيىن وقىپ شىقتىق. http://www.jebeu.kz/e/action/ShowInfo.؟classid=4&id=1219

مۇندا، بايقاساڭىز، «قىتايداعى تۇرمە» دەگەن ءبىر اۋىز ءسوز جوق. ءتىپتى، قانشاما قازاق كوگەندەلىپ، ءومىرىن وكسىتىپ، تۋىستارىنان تىرىدەي ايىرىلىپ جاتسا دا «قامالدى، قاماپ تاستادى» دەپ ايتپايدى. «ساياسي ۇيرەنۋگە كىرىپ كەتتى» دەپ ايتادى. سىرتتاي قاراپ وتىرساڭ – قىتايدىڭ قازاعى جاپپاي ساياسي ۇيرەنۋگە ءوز ەرىكتەرىمەن كىرىپ جاتقان سياقتى. وسىنداي كوڭىل-كۇي بەرەدى. جالپى، «جەبەۋ» ۇيىمىنىڭ رەسمي سايتى وسى باعىتتى ۇستانادى. ونىڭ بىردە-بىر ماقالاسىنان «قىتايدا تۇرمەگە قامادى» نەمەسە «تۇرمەدە ازاپ شەكتى»، «تۇرمەگە قامالىپ، تۋىستار اجىراپ قالدى» دەگەن ءسوز جازىلمايدى. بۇل نەنى بىلدىرەدى؟

«جەبەۋ» سايتىندا ءبىزدىڭ زەرتتەۋگە قاتىستى «اقپاراتتى اۋدارعان «قىتاي كونسۋلىن قورعايتىن ەرىكتىلەر جيىنى» دەپ تاقىرىپتىڭ ءوزىن قاتە اۋدارعان. دۇرىسى قىتاي كونسۋلىنىڭ كونسۋلدىق قىزمەت وتەۋ اۋماعىنداعى ەرىكتىلەرى بولادى» دەپ جازادى. ءبىز وسى ماسەلەنىڭ انىق-قانىعىنا كوز جەتكىزۋ ءۇشىن قىتاي ءتىلىن 6-دارەجەدە بىلەتىن، حالىقارالىق سەرتيفاكتى بار مامانمەن جولىقتىق، ينتەرنەتتەگى اۋدارماشىلارمەن سۇقباتتاستىق. ءبارىنىڭ ايتۋىنشا، ءبىزدىڭ اۋدارما دۇرىس بولىپ شىقتى. مىسالى، مىنا يەروگليفتەر 年度优秀领保志愿者 – قازاقشالانعاندا «كونسۋلدى قورعاۋ ەرىكتىلەرى» بولىپ اۋدارىلادى. جەبەۋلىكتەر ايتقانداي «قىتاي كونسۋلىنىڭ كونسۋلدىق قىزمەت وتەۋ اۋماعىنداعى ەرىكتىلەرى» دەپ جازسا، وعان مىنا يەروگليفتەر قولدانىلعان بولار ەدى 领事辖区志愿者. ال مىنا سويلەم 年度优秀领保志愿者 «چجان جىلدىڭ 7 وزات كونسۋلدى قورعاۋ ەرىكتىسى ماراپاتتالدى» دەپ اۋدارىلادى. مىنا جازۋ 承诺书 «جەبەۋلىكتەر ايتقانداي ءوزارا سەنىمحاتقا قول قويۋ» ەمەس، «مىندەتتەمە حاتقا قول قويدى» دەگەندى بىلدىرەدى. شاعىن اقپاراتتى وسىنشاما بۇرمالاۋ جەبەۋلىكتەرگە نە ءۇشىن كەرەك بولدى ەكەن؟

ء

بىز تاياۋدا عانا «جەبەۋ» ۇيىمىنىڭ جەتەكشىسى ءومارالى ادىلبەكتىڭ شىڭجاندا وتكەن "قىتاي حالىقتىق ساياسي ءماسليحات كەڭەسىنىڭ" كەزەكتى ەكىنشى جيىنىنا قاتىسقانى جايلى حابارلاعان ەدىك. وندا شەتەلدەگى "قىتاي دياسپوراسىنىڭ ءىس-قيمىلدارى، العا قۇرىلاتىن جوسپارلارى تالقىلانىپ، ناقتى شەشىمدەر" قابىلدانادى. مۇنداي ساياسي جيىنعا شەتەلدىكتەر قاتىستىرىلماق تۇگىلى، بوساعادان سىعالاتپايدى. ال ءبىراق ءومارالى ادىلبەكتىڭ قىتايداعى ساياسي جيىنعا قاتىسۋىنا ءبىزدىڭ ءتيىستى ورىندار رۇقسات بەردى مە، بەرمەدى دە، بىلە الماي وتىرمىز.

ء

بىر قاراعاندا، جەبەۋلىكتەر قىتايداعى قازاق ماسەلەسىن ديپلوماتيالىق جولمەن شەشەىيك دەپ ۇراندايدى. ءبىراق وزدەرى تولىق ساياسي باعىتقا بەت بۇرعان. ءبىراق ول كىمنىڭ ساياساتى؟ ءبىزدىڭ بە، باسقانىڭ با؟..

ايتپەسە، "جەبەۋ" ۇيىمى جانە ونىڭ باسشىسى ءومارالى ادىلبەك قىتايدىڭ رەسمي ورگاندارىندا نە ءۇشىن "قازاقستانداعى قىتاي دياسپوراسى" بولىپ تىركەلگەن؟ ونىڭ جاۋابى تەك وزدەرىنە عانا بەلگىلى.

توقتار جاقاش
تاۋەلسىز جۋرناليستەر كلۋبى


كەلۋ قاينارى: http://www.elarna.net/koru.php?tur=39&id=939543

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


باس مەشىتتەگى قايىرىمدى 9 مينوت
ماڭعىستاۋعا جاڭا وكىل ي 24 مينوت
中国哈萨克语广播网 24 مينوت
وسى ارانى باسىپ كورىڭىز 24 مينوت
قىتايلىق تاۋار تيەلگەن 1 ساعات
قىزىلوردالىق جىگىتتەر ۇ 1 ساعات
اتىراۋعا جاڭا وكىل يمام 1 ساعات
قالامگەرلەر سايىسىنىڭ ك 1 ساعات
كاتالونيادا ەرەۋىلگە قا 1 ساعات
دەمالىس كۇندەرى ەلورداد 1 ساعات
اقش سيرياداعى كۇردتەردى 1 ساعات
中国哈萨克语广播网 1 ساعات
قاراعاندىدا اۆتوبۋس اۋد 1 ساعات
سەمەي وڭىرىنە جاڭا وكىل 1 ساعات
قاراعاندىدا جولاۋشىلار 1 ساعات
رايىمبەك ساتىبالدى feat 1 ساعات
中国哈萨克语广播网 1 ساعات
اقمولا وبلىسى ەلدەگى قۇ 1 ساعات
قىزىلورداداعى كوپ سالال 2 ساعات
جامبىلدا «جومارت جۇرەك» 2 ساعات
KeshYou - Hosh endi ءبى 2 ساعات
اقتاۋداعى داعدارىس ورتا 2 ساعات
تسۋكەربەرگ: Facebook سا 2 ساعات
اللانىڭ كوركەم ەسىمدەرى 2 ساعات
中国哈萨克语广播网 2 ساعات
الماتىدا قىزىمەن بىرگە 2 ساعات
اقتوبەلىك وتباسىلاردا ق 2 ساعات
نازارباەۆ 1 ناۋرىزعا دە 2 ساعات
وسى ارانى باسىپ كورىڭىز 2 ساعات
اۋديوكاسسەتالار قايتا و 2 ساعات