19 اقپان كۇنى قازاقستان دەنساۋلىق ساقتاۋ مينيسترلىگى كوروناۆيرۋسپەن تاعى 961 ناۋقاس، 10 ءولىم تىركەلگەنىن، اۋرۋعا وسىعان دەيىن شالدىققان 1144 ادامنىڭ جازىلىپ شىققانىن حابارلادى.
قازاقستان كوروناۆيرۋس ناۋقاستارىنىڭ ستاتيستيكاسىن ەكى بولەك جۇرگىزىپ كەلەدى. ءبىرى – ۆيرۋس جۇققانى پتر تەستىمەن دالەلدەنگەن ناۋقاستاردىڭ دەرەگى (كۆي+)، ءبىرى – پتر تەستىمەن دالەلدەنبەگەن، ءبىراق اۋرۋ بەلگىلەرى بويىنشا كوروناۆيرۋسقا ۇقسايتىن پنەۆمونيا ناۋقاستارىنىڭ دەرەگى (كۆي-).
961 ناۋقاستىڭ 901-ىندە پتر تەستى وڭ ناتيجە كورسەتكەن. قالعانىنا كوروناۆيرۋس پنەۆمونياسى دياگنوزى قويىلعان. جاڭا تىركەلگەن 10 ءولىمنىڭ توعىزى كۆي+ ناۋقاستارى، بىرەۋى كۆي- ناۋقاستارى قاتارىندا بولعان.
پتر تەستىمەن راستالعان ناۋقاستاردىڭ ايماق بويىنشا دەرەگى مىناداي:
نۇر-سۇلتان قالاسىندا – 24224 (+136 ادام ناۋقاستار تىزىمىنە قوسىلدى)،
الماتى قالاسىندا – 24044 (+103)،
شىعىس قازاقستان وبلىسىندا – 21453 (+61)،
اتىراۋ وبلىسىندا – 16848 (+39)،
پاۆلودار وبلىسىندا – 16728 (+103)،
قاراعاندى وبلىسىندا – 14960 (+57)،
اقمولا وبلىسىندا – 12946 (+86)،
باتىس قازاقستان وبلىسىندا – 12412 (+83)،
سولتۇستىك قازاقستان وبلىسىندا – 11993 (+39)،
قوستاناي وبلىسىندا – 11714 (+69)،
الماتى وبلىسىندا – 10334 (+57)،
شىمكەنت قالاسىندا – 6040 (+10)،
جامبىل وبلىسىندا – 5807 (+14)،
تۇركىستان وبلىسىندا – 4233 (+2)،
ماڭعىستاۋ وبلىسىندا – 4179 (+5)،
اقتوبە وبلىسىندا – 4151 (+20)،
قىزىلوردا وبلىسىندا – 3759 (+17).
كۆي+ ناۋقاستارىنىڭ جالپى سانى وسىمەن 205 825-كە جەتىپ وتىر. ونىڭ 189 ء750-ى جازىلعان، 13 ء392-سى ەمدەلىپ جاتىر. بۇل ساناتتاعى ناۋقاستاردىڭ ء2683-ى قايتىس بولعان. دەنساۋلىق ساقتاۋ مينيسترلىگى بۇل ستاتيستيكاعا كوروناۆيرۋس جۇقتىرعانى راستالعان، ءبىراق "وزگە سەبەپتەن ءولدى" دەگەن جۇزدەگەن ادامدى كىرگىزبەي وتىر.
ستاتيستيكاسى بىلتىر تامىزدان بەرى جۇرگىزىلىپ كەلە جاتقان كۆي- ناۋقاستارىنىڭ سانى 48 887-گە جەتتى. ونىڭ 40 ء101-ى جازىلىپ شىققان، ء605-ى قايتىس بولعان.
قازاقستاندا جەرگىلىكتى ساراپشىلار كوروناۆيرۋس ستاتيستيكاسىنىڭ ازايتىلىپ كورسەتەتىنىن ايتادى. بىلتىر ماۋسىم، شىلدە ايلارىندا پتر تەستى تەرىس ناتيجە كورسەتكەن، ءبىراق اۋرۋ بەلگىلەرى بويىنشا كوروناۆيرۋسقا ۇقسايتىن پنەۆمونيا جاعدايلارى كۇرت كوبەيگەن.
ءتۇرى: سەركە اقپاراتتارى
جولدانعان ۋاقىتى: 12:30 - 2021/02/19
