ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: سەركە اقپاراتتارى

جولدانعان ۋاقىتى: 11:10 - 2020/05/21

Нақты Көзі: https://serke.org/news/ukraina-alayakh-ahmetovany-khazakhstangha-khajtarady

ۋكراينا الاياق احمەتوۆانى قازاقستانعا قايتارادى | Serke.org

ۋكراينا الاياق احمەتوۆانى قازاقستانعا قايتارادى none

ۋكراينانىڭ جوعارعى سوتى قاشقىن بلوگەر جانارا احمەتوۆانى (لاقاپ اتى جاننا بوتا) قازاقستانعا ەكستراديتسيالاۋ جونىندە شەشىم شىعاردى. مۇنداي شەشىمگە جانى شىعىپ كەتە جازداعان ول كەشە ۇلىن قاسىنا ەرتىپ الىپ، كيەۆتەگى مارينسكي سارايى الدىندا نارازىلىق ءبىلدىردى. ءوزىن قاشقىن بانكير مۇحتار ءابىليازوۆتىڭ سەرىگى سانايتىن جانارا احمەتوۆا سوت شەشىمىنىڭ ساياسي استارى بار ەكەنىن ايتىپ ويبايلادى.

نارازىلىق اكتسياسى كەزىندە احمەتوۆا «بۇعان دەيىن جەتكەن جەتىستىگىمىزدىڭ ءبارىن جوققا شىعاراتىن، كارانتين ۋاقىتىندا شىققان شەشىمدى كەشە الدىق، قازاقستان كارانتين شارالارى كەزىندە كەز كەلگەن ساتتە مەنى دەپورتاتسيالاي الادى» دەدى. ونىڭ بىلايعى جۇرتقا ونشا تۇسىنىكسىزدەۋ ءسوزىن تاپسىرلەپ كورەيىك.

قاشقىن بلوگەردىڭ «جەتىستىگىمىز» دەپ جۇرگەنى – وسى جىلدىڭ باسىندا شىعارىلعان كيەۆ اپەللياتسيالىق اكىمشىلىك سوتىنىڭ شەشىمى. بۇل شەشىمدە ۋكراينانىڭ ميگراتسيا قىزمەتىنىڭ جانار احمەتوۆاعا بوسقىن مارتەبەسىن بەرۋدەن باس تارتۋىنا نەگىز جوق ەكەنى ايتىلعان. بۇعان نارازى بولعان مەملەكەتتىڭ ميگراتسيا قىزمەتى جوعارعى سوتقا شاعىمدانىپ، احمەتوۆانى ەكستراديتسيالاۋعا جاتاتىن تۇلعا – قىلمىستىق جاۋاپكەرشىلىكتەن قاشىپ جۇرگەن ادام ەكەنىن دالەلدەپ شىقتى.

جانارا احمەتوۆانىڭ «قازاقستان كارانتين شارالارى كەزىندە كەز كەلگەن ساتتە مەنى دەپورتاتسيالاي الادى» دەگەن سوزىندە ءمان بار. ءقازىر جانارا احمەتوۆانىڭ ەكستراديتسيالاۋدان جالتارىپ ءۇشىنشى ەلگە قاشىپ كەتۋى قيىن. كوروناۆيرۋس پاندەمياسى جاعدايىندا ءومىر ءسۇرىپ جاتقان ەلدەر شەكاراسىن بەكىتىپ وتىر. ەكى ەل اراسىنداعى اۋە قاتىناسى اشىلسا، جانارا احمەتوۆانى بالاسىمەن قوسا قازاقستانعا الىپ كەلەدى.

ۋكراينا دەموكارتيالىق ەلدەردىڭ قاتارىنا جاتادى. سوندىقتان كەز كەلگەن ءىستىڭ ساياسي سيپاتىن انىقتاۋعا تىرىسادى، ەگەر ارىزدانۋشى قاشىپ كەتكەن ەلىندە ساياسي استارمەن قۋعىندالسا، ونداي قاشقىنعا ساياسي باسپانا بەرەدى. جانار احمەتوۆانىڭ بالاسىن ەرتىپ ۋكرايناعا قاشىپ بارىپ تابان تىرەۋنىڭ سەبەبى دە سول. ول ءوزىنىڭ قازاقستاندا جاساعان قىلمىسىن جاسىرىپ قالۋعا تىرىسقانىمەن وعان ۋكراينا قۇقىق قورعاۋ ورگاندارى سەنبەي وتىر.

text

جانارا احمەتوۆانىڭ سوزىنە سەنبەۋگە نەگىز بار. العاشىندا ونىڭ وپپوزيتسياعا دا، جۋرناليستيكاعا دا، ابىليازوۆكە دە قاتىسى بولعان جوق. جانارا احمەتوۆا 2007-2009 جىلدار ارالىعىندا جۇرتقا «ارزان ءۇي الىپ بەرەم»، «اقشاڭدى پايدالى بيزنەسكە سالىپ ەسەلەپ كوبەيتەم» دەگەن سياقتى ءارتۇرلى ۇسىنىس ايتىپ، ۋادەنى ۇيىپ-تۇگىپ، بىرنەشە ازاماتتان جالپى سوماسى 25 ملن تەڭگە العان. بۇل سول كەزدەگى ۆاليۋتا باعىمى بويىنشا 150 مىڭ دوللارعا شامالاس قاراجات. بۇل سوما پوليتسيا مەن سوتقا ارىزدانۋشىلاردىڭ ارىزىندا كورسەتىلگەن تسيفر عانا. الاياققا الدانىپ قالعانىن وزىنە ۇيات ساناپ، سوتقا ارىزدانۋدى ءجون ساناماعان تاعى بىر-ەكى كاسىپكەر تاعى بار.

«وتىرىكتىڭ قۇيىعى ءبىر تۇتام» دەگەن راس قوي. كوپ ۋاقىت وتپەي-اق جانارا احمەتوۆا ادامداردى الداپ، اقشا تاۋىپ جۇرگەن الاياقتاردىڭ ءبىرى ەكەنى ءمالىم بولادى. وعان الدانىپ، اقشاسىنان ايىرىلىپ قالعاندار 2009 جىلدان باستاپ پوليتسياعا، كەيبىرى سوتقا ارىزداندى. سول جىلدىڭ ءساۋىر ايىندا جانارا احمەتوۆاعا قارسى بىرنەشە تالاپ-ارىزدى بىرىكتىرىپ قاراعان سوت ونى ءىرى كولەمدەگى قارجى الاياقتىعىن جاساعان دەپ ايىپتاپ 7 جىلعا باس بوستاندىعان ايىرۋ جونىندە، سونداي-اق ونىڭ دۇنيە-مۇلكىن تاركىلەپ، ماتەريالدىق زاپا شەككەندەردىڭ شىعىنىن جابۋعا شەشىم شىعارادى. ءبىراق، سوتتىڭ بۇل ەكى شەشىمى دە دە جۇزەگە اسپاي قالادى. سەبەبى ج.احمەتوۆا وسى كەزدە بالا تۋىپ العان بولاتىن.

بالالى ايەلدى تۇرمەگە جابۋ گۋمانيستىك ۇستانىمعا قايشى بولعان سوڭ، سوت بالاسى 12 جاسقا تولعانعا شەيىن جانارا احمەتوۆانىڭ جازا مەرزىمىن وتەۋدى كەيىنگە، ياعني 2021 جىلعا شەگەرەدى. مۇنى زاڭ تىلىندە پروباتسيا دەپ اتايدى. سوتتالۋشىعا قولدانىلاتىن بۇل شەكتەۋدە قاندايدا ءبىر زاڭ بۇزباۋعا، قىلمىس جاساماۋعا، العان قارىزىن مۇمكىندىگىنشە وتەۋگە، جاس بالاسىن تاستاپ كەتپەي باعىپ-قاعۋعا مىندەتتەمە الىنادى.

جانارا احمەتوۆاعا قاتىستى سوت شەشىمىنىڭ ەكىنشى بولىگى دە جۇزەگە اسپادى. سەبەبى، ونىڭ ءوز اتىنا راسىمدەلگەن دۇنيە-مۇلىك تابىلمادى. ال ول بولسا، ءوز ەركىمەن ازاماتتاردان العان قارىزىن قايتارۋعا ءتىپتى دە ارەكەتتەنگەن جوق. سوندىقتان، جانارا احمەتوۆاعا الدانىپ قالعاندار قايتادان سوتقا جۇگىندى. 2016 جىلدىڭ جازىندا الماتى قالاسىنىڭ مەدەۋ اۋداندىق سوتى قايتادان جانارا احمەتوۆانىڭ ازاماتاردان العان جالپى سوماسى 25 ملن تەڭگە قارىزىن قايتارۋىن مىندەتتەيتىن شەشىم شىعاردى. بورىشكەر الدىمەن 2 ملن تەڭگەگە جۋىق بەرەشەگىن وتەۋ كەرەك بولاتىن. ءبىراق، تاعى دا ول بۇل سومانى دا قايتارۋعا ارەكەتتەنبەدى. بۇل دا وعان زاڭ بويىنشا قولدانىلعان پروباتسيا شارتتارىن بۇزۋ ەدى. ونىڭ ۇستىنە ج.احمەتوۆاعا الدانىپ قالعاندار اقشاسىن قايتارىپ الۋ ءۇشىن زاڭ بويىنشا قۋىنۋدى كۇشەيتتى. مۇنىڭ ءبارى جانارا احمەتوۆانىڭ باسىنا قارابۇلتتى قويۋلاتا تۇسكەنى بەلگىلى. و باستان اككى ارەكەتتەردى جەتىك مەڭگەرىپ العان العان جانارا احمەتوۆا «قورعانۋدىڭ ەڭ ءتيىمدى ءادىسى – قارسى شابۋىلداۋ» دەسە كەرەك، قوعامدىق ساياسي بەلسەندى ارەكەتكە كوشتى. سوت شەشىمىن ورىنداۋشىلار مەن پوليتسيانىڭ ءاربىر ارەكەتىنە ول ساياسي استار بەرىپ، «مەنى ساياسي كوزقاراسىم ءۇشىن قۋعىنداپ جاتىر» دەگەن بايبالامعا باستى.

2017 جىلدىڭ ناۋرىز ايىنىڭ سوڭىندا الماتىنىڭ بىرنەشە تۇرعىنىن الداپ، كوپ اقشاسىن الىپ تالاي جىلدان بەرى بەرمەي جۇرگەن بلوگەر جانارا احمەتوۆا توعىز جاسار بالاسىن ەرتىپ ۋكرايناعا قاشىپ كەتتى.

جانارا احمەتوۆانىڭ جوعارىدا ايتىلعان الاياقتىعىنا ۋكراينانىڭ قۇقىق قورعاۋ ورگاندارى قانىق. سوندىقتان وعان ساياسي باسپانا بەرمەيدى، زاڭ بويىنشا ونى ەكستراديتسيالاۋعا نەگىز بار. ەگەر ونى قازاقستانعا الىپ كەلسە، جانارا احمەتوۆاعا الاياقتىق قىلمىسىنىڭ جازا مەرزىمىنە پروباتسيالىق شارتتى بۇزىپ قاشىپ كەتكەنى ءۇشىن قوسىمشا جىل جامالادى.

بەرىك مىڭجاسار

ايدارى: دۇربى 21.05.2020 19

قاتىستى مازمۇن


كەلۋ قاينارى: http://www.elarna.net/koru.php?tur=39&id=1183224

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


تاماشا تۇرمىسقا ۇمتىلۋ 1 سەكوند
پوليتسيا قىزمەتكەرلەرى 29 سەكوند
شۆەتسيا بيلىگى پاندەميا 29 سەكوند
قازاقستاندا ۇلتتىق پارك 5 مينوت
قازاق دالاسىنداعى زۇلما 10 مينوت
سەمەي – ءۇرجار باعىتىند 11 مينوت
سۋميااگين امارتايۆان: ا 20 مينوت
رايونعا توتە قاراستى ور 20 مينوت
كوروناۆيرۋسپەن كۇرەس قا 20 مينوت
پرەزيدەنت ۇندەۋى تاريحي 20 مينوت
تاەكۆوندودان جارىستاردى 20 مينوت
اقش-تا افروامەريكالىق ا 29 مينوت
دامىلسىز كۇرەس جۇرگىزىپ 1 ساعات
شقو-دا ان-2 ۇشاعى ورتەن 1 ساعات
ساياسي قۋعىن-سۇرگىنگە ۇ 1 ساعات
توقاەۆ ساياسي قۋعىن-سۇر 1 ساعات
بەرىك ءۋالي: الاش ارىست 1 ساعات
سەمەي - ءۇرجار باعىتىند 1 ساعات
الماتىنىڭ مەشىتتەرى جۇم 1 ساعات
رەسەيدە تاۋلىك ىشىندە 8 1 ساعات
ۇلتتىق پاركتەر كاۋاپحان 1 ساعات
اتىراۋدا 5 جىل ۇزىلىستە 1 ساعات
قارجاۋباي سارتقوجا: مەم 1 ساعات
ساياسي قۋعىن-سۇرگىن قۇر 1 ساعات
ۇمتىل زارىققان. جاسىل ت 1 ساعات
"پارلامەنتتىك وپپو 1 ساعات
ساياسي قۋعىن-سۇرگىن قۇر 1 ساعات
شي جينپيڭ 45-ءنومىرلى ء 1 ساعات
20 جىلدىقتارىن تويلاعان 1 ساعات
قازاقستاننىڭ كەي وڭىرىن 2 ساعات