ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: سەركە اقپاراتتارى

جولدانعان ۋاقىتى: 21:00 - 2020/05/19

Нақты Көзі: https://serke.org/news/rektor-advokat-pen-zhurnalisti-sotkha-berdi.-nege

رەكتور ادۆوكات پەن ءجۋرناليستى سوتقا بەردى. نەگە؟ | Serke.org

رەكتور ادۆوكات پەن ءجۋرناليستى سوتقا بەردى. نەگە؟ none

اقتاۋداعى «كاسپي» مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ» رەكتورى بەرىك احمەتوۆ «ار-نامىسىما جانە ىسكەرلىك بەدەلىمە نۇقسان كەلتىردى» دەپ، شەككەن مورالدىق شىعىنىنا 2 ملن تەڭگە تالاپ قىلىپ بەلگىلى ادۆوكات ءلاززات احاتوۆانى سوتقا بەردى. سونداي-اق، بەرىك احمەتوۆ جاۋاپكەر رەتىندە جۋرناليست توقتار جاقاشتى دا سوتقا تارتىپ، ودان فەيسبۋك الەۋمەتتىك جەلىسىندەگى جازباسىن تەرىستەۋدى تالاپ ەتىپ جاتىر. ارىزدانۋشىنىڭ تالابى بويىنشا ورىس تىلىندە وتەتىن سوتتىڭ العاشقى وتىرىسى 22 مامىردا باستالادى.

داۋعا ۇلاسىپ، سوتقا جەتكەن ماسەلەنىڭ مانىنە كەلەيىك. 2015 جىلى بەرىك احمەتوۆ تۇركىستانداعى حالىقارالىق قازاق-تۇرىك ۋنيۆەرسيتەتىندە جۇمىس ىستەپ جۇرگەن كەزىندە تۇركياعا ساپارلايدى. تۇركياداعى ءقوناقۇي مە، جەزوكشەلەر ءۇيى مە، ول جاعى بەلگىسىز، الدەبىر عيمىراتتا دەمالادى. وسى جەردە تۇسىرىلگەن ۆيدەودا بەرىك احمەتوۆ ۇستىنە وقالى شاپان، باسىنا پاديشاحتاردىڭ باس كيىمىنە ۇقسايتىن قالپاق كيىپ، بىرنەشە قۇسجاستىققا سۇيەنىپ كرەسلودا وتىرادى. ونىڭ الدىندا جارتىلاي جالاڭاش، بىلقىلداعان قىز بوكسە ءبيىن بيلەپ جۇرەدى. ءبيشى قىز ارا-تۇرا ءيتتىڭ باسىنداي ەكى انارىن دىرىلدەتىپ بەرىك احمەتوۆكە تاقالىپ-تاقالىپ قويادى. پاديشاح كيىمىندەگى بەرىك ءبيشى قىزدىڭ كەۋدەسىنە مە، الدە ىشقىرىنا ما، بىلمەيمىز، دوللار قىستىرىپ جىبەرەتىندەي يشارا جاسايدى، قىز بۇتكىل دەنەسىن دىرىلدەتە بيلەپ شەگىنىپ كەتەدى. وسى قيمىل ۆيدەودا بىرنەشە مارتە قايتالانادى...

وتكەن جىلدىڭ اياعىندا جۋرناليست توقتار جاقاش الگى ۆيدەونى فەيسبۋكتەگى پاراقشاسىنا كوشىرىپ سالىپ، ونىڭ قاسىنا پوست جازعان. سول جازبا ىشىندەگى «مىنا ۆيدەودا جالاڭاش قىزدىن ەمشەگىنە قايتا-قايتا اقشا قىستىرىپ جۇرگەن جارتىقۇداي احمەتوۆ بەرىك». «بالكىم، سول اقشا جاعدايى تومەن وتباسىنىڭ اۋزىنان جىرىپ الىپ، بالاسىنىڭ وقۋى ءۇشىن تىرنەكتەپ تاپقان سوڭعى تيىنى شىعار»، «تەڭىز جاعالاۋىندا ورنالاسقان ۋنيۆەرسيتەت بالانسىنداعى اسحانا، مەيرامحانا، دەمالىس ورىنى سياقتى كوپتەگەن نىساندى اقىسىز-پۇلسىز تامىر-تانىستارىنا بەزۆوزمەزدنو تاراتىپ تاستاعان» دەگەن ءسوز تىركەستەرى بار ەدى.

توقتار جاقاشتىڭ سول پوستىنا جۇزدەگەن ادام پىكىر جازدى. سولاردىڭ ءبىرى ادۆوكات ءلاززات احاتوۆا «ايتقاڭىنىزعا تولىق قوسىلامىن، توقتار اعا. كىم ايتسا دا راس اقپارات بەرىپتى. مەن سول وقۋ ورنىندا ءبىر جىل ىستەپ، وسى ايتىلعاندارعا كۋا بولعانمىن» دەپ پىكىر قالدىرعان. ونىڭ بۇل پىكىرى توقتار جاقاش پوستىنداعى «...ۋنيۆەرسيتەت بالانسىنداعى اسحانا، مەيرامحانا، دەمالىس ورىنى...» ماسەلەسىنە قاتىستى جازىلعان. رەكتور بەرىك احمەتوۆ وسى پىكىرى ءۇشىن ءلاززات احاتوۆانى سوتقا تارتىپ، ودان 2 ملن تەڭگە ءوندىرىپ الماقشى. بەرىك احمەتوۆتىڭ جارتىلاي جالاڭاش قىزدارمەن بىرگە دەمالىپ جۇرگەن ۆيدەوسىن سالىپ، سوعان ارناپ پوست جازعان ءجۋرناليستى بىلاي ىسىرىپ قويىپ، سوتقا باستى جاۋاپكەر رەتىندە ءلاززات احاتوۆانى تارتۋىندا گاپ بار. بۇل تاقىرىپتان ازداپ اۋىتقىپ كەتەتىن ماسەلە بولعاندىقتان وعان باسقا ماقالا ارنالادى. ازىرگە، بىلدەي ءبىر ۋنيۆەرسيتەتتىڭ رەكتورى بەرىك احمەتوۆتىڭ مورالدىق كەلبەتىن كورسەتەتىن ۆيدەونى تۇسىرۋگە جانە ۆيدەونىڭ ينتەرنەتكە تارالىپ كەتۋىنە قاتىسى جوق ادامداردىڭ سوتقا بەرۋ سەبەبىن تۇسىندىرە كەتەيىك.

اقتاۋداعى قۇپيا دەرەككوزدىڭ مالىمەتىنشە، ۆكونتاكتە الەۋمەتتىك جەلىسىندە 2015 جىلدان بەرى ءالسىن-السىن قايتا جاريالانىپ جۇرگەن ۆيدەو 2019 جىلى فەيسبۋكتا قايتا جاريالانعان سوڭ، ءبىلىم ءمينيسترى قاراماعىنداعى رەكتوردىڭ قىلىعىنا نالىپ قاتتى شامدانعان. ول رەكتور بەرىك احمەتوۆتان جارتىلاي جالاڭاش قىزدارمەن كوڭىل كوتەرىپ جۇرگەن وقيعاعا تۇسىنىك بەرۋدى تالاپ ەتكەن. ال بەرىك احمەتوۆ ءوز كەزەگىندە «ونىڭ ءبارى جالعان» دەگەن سىڭايدى ءۋاج ايتىپتى جانە اقپاراتتى تەرىستەتۋگە ۋادە بەرىپتى.

«سول ۋادەمەن بەرىك احمەتوۆ رەكتورلىق ورىنتاعىن ساقتاپ وتىر» دەيدى دەرەككوز. ونىڭ ايتۋىنشا، احمەتوۆ جارتىلاي جالاڭاش قىزدارمەن بولعان دەمالىستىڭ ۆيدەوسىنا قاتىستى داۋدىڭ دابىرا بولىپ كەتكەنىن، اسىرەسە ءقازاقتىلدى قاۋىم اراسىندا ماسەلەنىڭ تاعى تالقىعا تۇسكەنىن قالامايدى. سوندىقتان ول سوتقا ارىزدى ورىس تىلىندە بەردى جانە سوتتىڭ ورىسشا ءوتۋىن تالاپ ەتىپ وتىر. ول ادۆوكاتى ارقىلى سوتقا باق وكىلدەرىن قاتىستىرماۋ جونىندە دە ءوتىنىش ايتقان. ارينە، مۇنىڭ ءبارى ارىزدانۋشىنىڭ قۇقىعى. دەگەنمەن، داۋعا ۇلاسقان فەيسبۋكتەگى پوست تا، وعان جازىلعان پىكىرلەر دە قازاقشا بولاتىن، تالاپكەر دە، جاۋاپكەر دە قازاق. ىلعي قازاقتاردىڭ ورىسشا سوتتاسىپ جاتقانىن قازاق قوعامى قالاي قابىلدار ەكەن؟!

مۇندا باسا نازار اۋداراتىن تاعى ءبىر جايت بار. وقياعا بولعان جەردەن تۇسىرىلگەن ۆيدەودا بەرىك احمەتوۆتى بەينەسى انىق، ءتىپتى ءبيشى قىزدىڭ ءبىر جەرىنە قايتا-قايتا سۋماڭداتىپ قىستىرىپ جىبەرمەكشى بولعان اقشانىڭ قانشا دوللار ەكەنى انىق كورىنىپ تۇر. بۇل – فاكت. اسىرەسە، ۆيدەو فاكتىنى تەرىستەۋ مۇمكىن ەمەس - شىندىقتان قاشىپ قۇتىلا المايسىڭ. سونى رەكتور دا، جوعارى وقۋ ورىندارىنا جاۋاپتى مينيستر دە ەسكەرمەگەنى قىنجىلتادى. مۇنداعى ەڭ دۇرىس شەشىم – رەكتور ابايسىزدا ءوزىنىڭ اشكەرە بولىپ قالعانىن مويىنداپ، بۇدان بىلاي ادەپسىز جەرگە بارمايتىنى جونىندە ۋادە بەرۋى كەرەك ەدى. وعان قاتاڭ سوگىس بەرىپ، قىزمەتىندە قالدىرۋ نەمەسە جات قىلىعى ءۇشىن رەكتور قىزمەتىنەن الىپ تاستاۋ ءمينيستردىڭ دەڭگەيىندە شەشىلۋى ءتيىس شارۋا بولاتىن. وكىنىشتى، داۋ ول مەجەدەن ءوتىپ كەتىپتى. رەكتور قاتىسقان سول ءبىر ىڭعايسىز وقيعا سوت پروتسەسى ارقىلى تاعى دا قوعام تالقىسىنا ءتۇسىپ، دۇربەلەڭ تۋعىزايىن دەپ تۇر. سوت ءبىر شەشىم شىعارار، ءبىراق شەشىم قانداي بولسا دا رەكتورعا ودان كەلىپ-كەتەر پايدا جوق، مينيستر دە ەشتەڭە ۇتپايدى.

ەراسىل بەردىبەك

ايدارى: تەكەمەت 19.05.2020 30

قاتىستى مازمۇن


كەلۋ قاينارى: http://www.elarna.net/koru.php?tur=39&id=1182057

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


پرەزيدەنت بالالاردى قۇت 1 مينوت
شىلدە ايىندا جيناق دەپو 1 مينوت
ەرتەڭ الاكولگە پويىز جۇ 1 مينوت
ەلوردادا جىل سايىن 30-د 1 مينوت
بريتاندىق عالىمدار كارا 2 مينوت
قىتايلىقتار جىل سوڭىنا 4 مينوت
قمدب: Call-ورتالىع 6 مينوت
قىزىلوردا وبلىسىندا 4 ج 7 مينوت
تاياۋ شىعىس جانە قىتاي 7 مينوت
بەيبىت جينالىستار تۋرال 7 مينوت
ەلورداداعى تاستاندى بال 10 مينوت
IKOMEK109: ۇيدە وتىرىپ 10 مينوت
رايونىمىزدان 4 عىلىم - 11 مينوت
اقش-تا تارتىپسىزدىكتەر 11 مينوت
كولەمدى كورىنىستى ميفتى 11 مينوت
عالام ەۆوليۋتسياسىنىڭ ب 12 مينوت
انا مەن بالانى قولداۋعا 12 مينوت
قىتايلىقتار جىل سوڭىنا 12 مينوت
الماتى وبلىسىندا ايۋمەن 13 مينوت
قاسىم-جومارت توقاەۆ بۇل 16 مينوت
بالالاردى قورعاۋدىڭ حال 19 مينوت
پرەزيدەنت توقاەۆ بالالا 19 مينوت
ايدىن بايىس. «58-ستاتيا 21 مينوت
ەلىمىزدىڭ قاي وڭىرلەرىن 21 مينوت
يسلام الەمىندەگى ءداستۇ 21 مينوت
شىمكەنت: ساياسي قۋعىن-س 21 مينوت
نۇر-سۇلتان قالاسىنداعى 21 مينوت
شىمكەنت جانە تۇركىستان 21 مينوت
نۇر-سۇلتاندا اۋا رايىنا 22 مينوت
بالالاردى قورعاۋدىڭ حال 25 مينوت