ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: سەركە اقپاراتتارى

جولدانعان ۋاقىتى: 22:10 - 2020/05/17

Нақты Көзі: https://serke.org/news/dalagram-khazakhkha-khurylghan-khakhpan-ba

Dalagram قازاققا قۇرىلعان قاقپان با؟ | Serke.org

Dalagram قازاققا قۇرىلعان قاقپان با؟ none

قازاقستاندىق «QazITHolding» ءجشس-ى بۇتكىل الەم پايدالانىپ وتىرعان facebook سەكىلدى مەسسەندجەرلەردى تارك ەتىپ، ونى الماستىراتىن الەۋمەتتىك جەلى دايىنداپ جاتىر. تۇساۋكەسەرىن تامىز ايىندا وتكىزۋ جوسپارلاعان جەلى جوباسى Dalagram دەپ اتالادى. Dalagram-نىڭ باعدارلاماسىن جانە مەسسەندجەردىڭ سمارتفوندار مەن باسقا دا قۇرىلعىلار ءۇشىن قاجەت قوسىمشالارىن جازۋعا كەتكەن قازىرگى شىعىن ميلليون دوللاردان اسىپ كەتكەن. كەيبىر مالىمەتتە بۇل تسيفر ناقتىلانىپ، Dalagram-عا كەتكەن شىعىن 1،8 ملن دوللار ەكەنى ايتىلادى. Dalagram-نىڭ كەلەشەگى بار ما، جوباعا سالىنعان قارجىنىڭ قايتارىمى بولا ما؟

جوبا اۆتورلارىن مازالاپ، تىنىشىن الىپ وتىرعان بۇل سۇراققا جاۋاپ تابۋ قيىن ەمەس. جوبا يدەياسىنداعى ورەسكەل قاتەلىكتى ايتپاس بۇرىن Dalagram-دى دايىنداپ جاتقان كومپانيانىڭ جاي-كۇيىنە از-ماز نازار سالعان ءجون.

ۆەب-پورتالدار جاساۋ ءۇشىن قۇرىلعان «QazITHolding» ءجشس-نىڭ قۇرىلتايشىسى ەكەۋ. ساۋدا-ارەندا بيزنەسىمەن شۇعىلداناتىن ايجان ابەكوۆا - جشس ديرەكتورى، ونىڭ كومپانيادا تەڭجارا ۇلەسى بار. ءىت جوباعا جۇمسالعان قارجىنىڭ تۇگەلگە جۋىعى سول كىسىنىڭ قالتاسىنان شىققان.

ەكىنشى قۇرىلتايشى – بىلايعى جۇرتقا ءوزىن ءىت مامانى ەسەبىندە تانىستىرىپ جۇرگەن مۇقامەتقالي ۇلىقپانۇلى (سۋرەتتە). بيزنەس جوبانىڭ سيپاتىنا قاراپ، Dalagram يدەياسىن ويلاپ تاپقان، «وسى جوبانى جۇزەگە اسىرساق، ميلليونەر بولىپ، بايلىققا باتىپ قالامىز» دەگەن باستاماشى م.ۇلىققپانۇلى ەكەنىن كورەمىز. ول 3 جىلدان استام ۋاقىت Dalagram-نىڭ كومپيۋتەرىك باعدارلاماسىن جازۋعا مامانداردى جۇمىلدىردى جانە ولارعا جالاقى تولەپ، شارۋانى باسقارىپ وتىردى. ونىڭ ايتۋىنشا، ءقازىر Dalagram الەۋمەتتىك جەلىسى دايىن. كۇزگە سالىم جوبانىڭ تۇساۋكەسەرىن جاساپ، بىردەن ىسكە كىرىسىپ كەتپەك. دەگەنمەن، ودان وڭدى ناتيجە شىعا قويايدى. سەبەبى Dalagram-نىڭ بيزنەس جوبالىق نەگىزدەمەسى جوق.

«Dalagram-دى قانشا ادام پايدالانادى؟»، «جۇرت ۇيرەنشىكتى الەۋمەتتىك جەلىنى تاستاپ، Dalagram-عا وتەتىن قولدانۋشىلاردىڭ سانى قانشا بولادى؟»، «قازاقتىلدىلەرگە ارنالعان ۇلتتىق جوبا» ءۇشىن ۇلتشىل سەزىمگە بەرىلىپ كەتەتىن قازاقتاردىڭ سانى قانشا؟» جانە ت.ب. سۇراقتارعا جاۋاپ جوق. سەبەبى جوبا اۆتورلارى الەۋمەتتانۋشىلارعا تاپسىرىس بەرىپ، الەۋمەتتىك ساۋالناما جۇرگىزگەن ەمەس. سوندىقتان Dalagram-دى قارجىلاندىرعان قۇرىلتايشى جوباعا جۇمساعان قارجىنىڭ قايتارىمى بولاتىن-بولمايتىنىن تۇسىنبەي دال بولىپ ءجۇر. ونىڭ بيزنەستەگى سەرىكتەسى – م.ۇلىقپانۇلى Dalagram-نىڭ ۇكىمەتكە قاجەت ەكەنىن، ايتەۋىر ءبىر ينۆەستور قىزىعۋشىلىق تانىتىپ، جوبانى ساتىپ الاتىنىن ايتىپ ۇمىتتەندىرىپ قويادى. كەيدە ول ءوزىنىڭ Dalagram-ىن پاۆەل دۋروۆ جاساعان Telegram-مەن سالىستىرا سويلەيدى. ونىڭ مۇنىسى بەكەر. جوباعا قارجى سالعان قۇرىلتايشىنىڭ ءۇمىتىن تۋالاي ءۇزىپ جىبەرەتىن بىرنەشە سەبەپ بار.

بىرىنشىدەن، رەسەي ازاماتى پاۆەل دۋروۆتىڭ مەنەدجمەنتى مىقتى. ول Telegram-دى كەمى ءورىستىلدى اۋديتورياعا ارناپ جاسادى. بۇل اۋديتوريانىڭ اۋقىمى وتە كەڭ، ءورىستىلدى حالىق رەسەيدە عانا ەمەس، بۇرىن سوۆەت وداعىنا كىرگەن مەملەكەتتەردە ولاردىڭ سانى كوپ. سونىمەن قاتار، رەسەيدىڭ مەملەكەتتىك يدەولوگياسى «ورىس الەمىنە» نەگىزدەلگەن، اينالاسىنا مادەني، اقپاراتتىق جانە باسقا دا ىقپال جاساۋدى ماقسات تۇتقان. قالاي دەپ ايتساق تا، پ.دۋروۆ جانە ونىڭ Telegram-ى رف بيلىگىنىڭ قولداۋىنا يە. ال Dalagram-نىڭ كەلەشەگى جوق. تازا قازاقشا الەۋمەتتىك جەلىنى پايدالانعىسى كەلەتىن قازاقتار ساناۋلى، ءقازاقتىلدى قولدانۋشىلاردىڭ تۇگەلگە جۋىعى facebook سەكىلدى ترانسۇلتتىق الەۋمەتتىك جەلىنىڭ اعىلشىنشا نەمەسە ورىسشا نۇسقاسىن ەمىن-ەركىن پايدالانىپ ءجۇر. ولار سەزىمگە بەرىلىپ، «Dalagram – ۇلتتىق جوبا ەكەن» دەپ وزدەرىنە ىڭعايلى، ۇيرەنشىكتى بولىپ قالعان ورتاسىنان كەتپەيدى.

ەكىنشىدەن، الەۋمەتتىك جەلىلەر مەن باسقا دا مەسسەندجەرلەر جوباسى ءسوز بوستاندىعىنا، پىكىر الۋاندىعىنا، ادامداردىڭ باي ءارى مول اقپاراتپەن قامتىلۋىن قاناعاتتاندىرۋ يدەياسىنا باعىندىرىلىپ جاسالادى. ول ليبەراليزم مەن دەموكراتياعا، اشىق قوعام قاعيدالارىنا ارقا سۇيەيدى. بۇل - ءىت سالاسىنداعى بيزنەس جوبانىڭ باستى ستراتەگياسى. ارينە، كوممۋنيستىك قىتاي، سولتۇستىك كورەيا سياقتى توتاليتارلىق رەجيمدەگى ەلدەر الەمنەن وقشاۋلانىپ، الەمدىك ينتەرنەت ارقىلى سىرتتان كەلەتىن اقپاراتتى شەكتەپ، ەل ىشىندە اۆتونومدى مەسسەندجەرلەر جاساپ العان. قاراپ وتىرساق، Dalagram يدەياسى دا الدەبىر ەلدىڭ، الدەبىر ۇلتتىڭ وقشاۋلانۋىنا ارنالعان ءىت جوبا ەكەنى بايقالادى. جوبا اۆتورى «قازاقستان دا ەرتە مە، كەش پە قىتاي مەن سولتۇستىك كورەيانىڭ جولىنا تۇسەدى» دەپ قاتە ويلاپ قالسا كەرەك-تى. وعان سەبەپ تە جوق ەمەس.

وسىدان بىرنەشە جىل بۇرىن مەملەكەتتەن قارجىلاندىرىلعان «قازكونتەنت» كومپانياسى قازاقستاندىقتاردى الەم حالقى پايدالانىپ وتىرعان youtube بەينە-پورتالىنان وقشاۋلاۋ ماقساتىندا KazTube مەسسەندجەرىن جاساعان. ونى «مازمۇنى ۇلتتىق يدەياعا تولى، العاشقى ۇلتتىق بەينە-پورتال» دەپ ابدەن جارنامالادى. امىرشىل-اكىمشىل ادىسكە سالىپ مەملەكەتتىك باق-تىڭ جاساعان حابارلارىن، ۆيدەولارىن، فيلمدەرىن «ۇلتتىق پورتالعا» جۇكتەۋگە مىندەتتەدى. قانشاما كۇشتەسە دە، جۇرت KazTube-گە قارامايتىن بولدى. مۇنىڭ اياعى نە بولدى؟ جوباعا سالىنعان مول قارجى جەلگە ۇشتى – ءKazTube-نى ءقازىر ەشكىم پايدالانبايدى. وسى جايتتى Dalagram يدەياسىنىڭ اۆتورى مۇقامەتقالي ۇلىقپانۇلى بىلمەيدى ەمەس، بىلەدى. ءتىپتى، ول بىلتىر نۇر-سۇلتانعا بارىپ اقپارات مينيسترلىگىنىڭ شەنەۋنىكتەرىمەن كەزدەسىپ، Dalagram جوباسىن ۇسىنىپ، ماسەلەنى تالقىلاپ قايتقان. ونىڭ نۇر-سۇلتان ساپارىنان ورالعان سوڭ ءوزىنىڭ ءىت بيزنەستەگى سەرىكتەسىنە قانداي ءۇمىت سىيلايتىن ءسوز ايتقانىن بىلمەيمىز... ال قازاقستان الەمدىك قاۋىمداستىقتان وقشاۋلانبايتىنى، ليبەراليزم مەن دەموكراتيا پرينتسيپتەرىنە ادال بولىپ قالا بەرەتىنى انىق. ەڭ جوعارى دەڭگەيدە قابىلدانعان ساياسي شەشىم ازىرگە وزگەرە قويمايدى. سوندىقتان اقپارات جانە يدەولوگيا سالاسىنا جاۋاپتى شەنەۋنىكتەردىڭ Dalagram سەكىلدى جوبانى قولداي كەتۋى نەعايبىل. مۇنداي جاعدايدا Dalagram قوعامعا قاجەتسىز بولىپ قالعان ءىت جوبالاردىڭ كۇرەسىنىنە بارىپ قوسىلىپ، قوقىس ىشىندە شاڭ باسىپ جاتادى.

بۇل ماقالا Dalagram جاباسىن ىسكە العىسىز ەتۋ ءۇشىن، قانداي دا ءبىر ءىت بيزنەستىڭ تامىرىنا بالتا شابۋ ءۇشىن جازىلىپ وتىرعان جوق. ەگەر Dalagram ازىق-تۇلىك نەمەسە تۇرمىستىق تۇتىنۋ تاۋارلارىن شىعارۋدى كوزدەيتىن بيزنەس جوبانىڭ اتاۋى بولعاندا، وندا كاسىپكەرلەردىڭ شارۋاسىنا، بيزنەس جوسپارىنا ارالاسۋ ادامگەرشىلىككە جات بولار ەدى. بۇل بيزنەس جوبا حالىقتىڭ ساياسي جانە باسقا دا ەركىندىگىنە قاتىستى ماسەلە بولىپ تۇر جانە Dalagram يدەياسى قازاق قوعامىن سولتۇستىك كورەيا حالقى سياقتى اقپاراتتىق قارا تۇنەككە يتەرمەلەيتىن، ادامزات قۇندىلىقتارىنا ءقاۋىپ توندىرەتىن پيعىلدان تۋعانى ايقىن. مۇنداي جوبانى قولداماق تۇگىلى، ونىڭ قۇيتىرقى ادىسپەن جۇزەگە اسىپ كەتۋىنىڭ جولىن كەسۋ كەرەك.

بەرىك مىڭجاسار

ايدارى: تۇتىن 17.05.2020 21

قاتىستى مازمۇن


كەلۋ قاينارى: http://www.elarna.net/koru.php?tur=39&id=1180329

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ىندەتتەن ساقتانۋ - تىزگ 28 مينوت
وتكەن جىلدىڭ سوڭىندا شي 28 مينوت
ليونەل مەسسي جازعى تران 28 مينوت
اقتوبەدە ارمەنيادان اكە 1 ساعات
”زات تانىستىراتىن جۇرگى 1 ساعات
ورتالىق تەلەۆيزياسىنىڭ: 1 ساعات
ءمادريدتىڭ «رەالى» كوما 1 ساعات
رايونىمىز ”1 - ماۋسىم“ 1 ساعات
بيىل جازعى استىقتان مول 1 ساعات
«ۆاسكو دا گاما» فۋتبول 1 ساعات
«بارىستى» ەندى كىم باپت 2 ساعات
تۇركىستانعا ساياحاتتاۋش 2 ساعات
مەملەكەتتىك حالىق قۇرىل 2 ساعات
حالىقارالىق زاڭ ماماندا 2 ساعات
كاميل گادجيەۆ: ابدۋلمان 2 ساعات
پۋتين ءوز وكىلەتىن ارتت 2 ساعات
ۆولونتەرلىك پەن اقشا جي 2 ساعات
دامۋ سىندى وسى ”باس كىل 2 ساعات
ەلىمىزدە كوروناۆيرۋستان 2 ساعات
ەلىمىز ونەركاسىپ ساندى 2 ساعات
سكەيتبوردينگتەن وليمپيا 2 ساعات
بەردىبەك ساپارباەۆ بازا 3 ساعات
ساۋد ارابياسىندا ىشكى ا 3 ساعات
قازاقستانداعى بانكتەر ء 3 ساعات
بلوكبەكەتتە قايتىس بولع 3 ساعات
الماتىدا توي وتكىزۋگە ر 3 ساعات
قازاقستاندا COVID-19 جۇ 3 ساعات
كارانتيندەگى مەرەكە  3 ساعات
جۇڭگونىڭ 5-ايداعى جاساۋ 3 ساعات
قازاقستاندىق حوككەي كلۋ 3 ساعات