ايتا كەتەيىك، جەرگىلىكتى تۇرعىندار ەمدەۋ مەكەمەسىنىڭ قاجەتتىگى تۋرالى الماتى وبلىسى اكىمى اماندىق باتالوۆتىڭ بىلتىرعى ەسەپ بەرۋ جيىنىندا ۇسىنىس  ايتقان ەدى. سوعان سايكەس قۇرىلىس جۇمىستارى قولعا الىنىپ ءبىر جىلدا ەسكى عيماراتتىڭ ورنىنا جاڭاسى تۇرعىزىلدى. ەل يگىلىگىنە بەرىلگەن مەكەمەدە  العاش رەت ەكپە ەگىلە باستادى.

جاندوس قابىلحان جاڭا امۋلاتوريادا ەڭ ءبىرىنشى بولىپ ەكپە سالدىردى. قالا تۇرعىنى جاساندى جولمەن يممۋنيتەتىن كۇشەيتۋ ارقىلى قاتەرلى ىندەتتەن ساقتانباق.

جاندوس قابىلحان، قالا تۇرعىنى:

- 10 مينۋت بۇرىن ۆاكتسينا الدىم. اۋىرماس ءۇشىن. ەندى جارتى ساعات ىشىندە ەش وزگەرىس بولماسا ۇيىمە قايتا بەرۋىمە رۇقسات. ءقازىر ءوزىمدى جاقسى سەزىنىپ جاتىرمىن. وسى ۆاكتسينادان كەيىن. 

بۇرىنعى امبۋلاتوريا 1954 جىلى سالىنىپتى. اۋماعى 400 شارشى مەتر بولاتىن. ال قازىرگىسى ودان ءۇش ەسەگە ۇلكەن. زاماناۋي تەحنيكامەن جابدىقتالعان مەكەمەدە 42 مامان جۇمىس ىستەيدى. 

- قۇتتى بولسىن. مەملەكەت باسشىسى قاسىم-جومارت كەمەلوۆيچتىڭ ارقاسىندا كوردىڭدەر، قيىن كەزدە قورىقپاي جۇمىس جاساعاندارىڭا قانشاما كومەك كورسەتىپ جاتىر. ءقازىر حالىققا ساپالى جاقسى ساپالى قىزمەت كورسەتۋ كەرەك. پاتەر بەرىپ جاتىرمىز. باسقا-باسقا جاعدايلارىڭنىڭ ءبارىن جاساپ بەرەمىز.

مەكەمەدە بالالاردى دامىتۋ، ماسساج، فيزيوتەراپيا، ستوماتولوگيا سىندى بىرنەشە ءبولىم جاڭادان اشىلدى. ارنايى ۋلترادىبىستىق زەرتتەۋ قۇرىلعىسى قويىلىپ وتىر. اياعى اۋىر ايەلدەر ءۇشىن دە جاعداي جاسالعان.

اسقار ورالباەۆ، ەركىن دارىگەرلىك امبۋلاتورياسىنىڭ مەڭگەرۋشىسى:

- جۇكتى ايەلدەرگە وتە قيىن. مىنا جەردەن قالاعا بارۋعا. سولارعا ادەيى ءتورت بولمە جاساپ قويدىق. وسى جەردە قابىلدايدى. ءبارى حالىقتىڭ يگىلىگى ءۇشىن. حالىقتار اندا مىندا جۇگىرمەس ءۇشىن ءبارى وسى جەردە جاسالادى.  ستوماتولوگقا دا وسى جەردە قارالادى. 

تالدىقورعاننان بولەك بيىل جامبىل، قاراساي اۋداندارىندا ەكى دارىگەرلىك امبۋلاتوريا اشىلادى. سونىمەن قاتار شالعاي اۋىلداردا جيىرما ءمودۋلدى مەديتسينالىق پۋنكت پايدالانۋعا بەرىلمەك. 

اۆتورلار: شىڭعىس قاليدەن، ولجاس بايبوسىنوۆ