ءتۇرى: 24.kz اقپاراتتارى
جولدانعان ۋاقىتى: 00:30 - 2021/02/24
بيلىك بۇل ەكپەنى ەل استاناسىنداعى ەگدە ادامدارعا سالۋدى جوسپارلاپ وتىر. مەحيكوداعى ۆاكتسينالاۋ ناۋقانى ەرتەڭ باستالادى. بۇل ەل كوروناۆيرۋسقا قارسى العاشقى پرەپاراتتى «فايزەر» كومپانياسىنان وتكەن جىلدىڭ اياعىندا الدىرعان ەدى.
مارسەلو ەبرارد، مەكسيكا سىرتقى ىستەر ءمينيسترى:
– رەسەي ءوز ەلىندە ۆاكتسينالاۋدى ءالى تولىق اياقتاماسا دا، بىزگە ەكپە بەرىپ وتىر. ارينە تەگىن ەمەس. ءبىراق رەسەي ۇكىمەتى رۇقساتىن بەرمەي، ءبىز ءۇشىن قولجەتىمسىز بولار ەدى. مەكسيكاعا جاسالعان جاناشىرلىق دەپ قابىلدايمىز.
ال تايلاند قىتاي ۆاكتسيناسىن قولدانۋعا رۇقسات بەردى. ەل بيلىگىنىڭ مالىمدەۋىنشە، «سينوۆاك» ەكپەسىنىڭ العاشقى لەگى ەرتەڭ كەلۋى كەرەك. ال ەكىنشى پارتيا ناۋرىزدا، ءۇشىنشى لەگى ساۋىردە جەتكىزىلەدى. تايلاندتا ءبىرىنشى كەزەكتە مەديتسينا قىزمەتكەرلەرى، ناۋقاستار مەن جاسى 60-تان اسقان تۇرعىندار ەگىلەدى.
