ءتۇرى: 24.kz اقپاراتتارى
جولدانعان ۋاقىتى: 22:40 - 2021/02/23
ەلىمىزدىڭ ءار ايماعىنان كەلگەن ۇمىتكەرلەر اشىق اسپان استىندا بار مۇمكىندىكتەرىن كورسەتۋگە تىرىستى. بۇگىن 500 جانە مىڭ جارىم مەتر قاشىقتىقتا جەڭىمپازدار انىقتالدى. قىزدار اراسىندا قىسقا قاشىقتىقتا ينەسسا شۋمەكوۆا توپ جارسا، مىڭ جارىم مەتردە داريا گاۆريلوۆا ۇزدىك ناتيجە كورسەتتى. جىگىتتەردەن سپرينتەرلىك قاشىقتىقتا يۆان ارجانيكوۆتىڭ اسىعى الشىسىنان ءتۇستى. 1500 مەتردە ماكسيم بالاشكين ەل كۋبوگىنىڭ يەگەرى اتاندى.
الەكساندر جيگين، اعا جاتتىقتىرۋشى:
– جارىس جوعارى دەڭگەيدە ءوتتى. وكىنىشكە وراي ەلەكتروندى تابلومىز بولعان جوق. سپورتشىلاردىڭ ۋاقىت كورسەتكىشىن قولمەن ەسەپتەدىك. بۇعان دەيىنگى جارىستار ەلوردادا «الاۋ» مۇز ايدىنىندا ءوتىپ كەلگەن. جابىق كەشەنمەن اشىق اسپان استىندا وتكەن جارىستاردا ايىرماشىلىق بولادى. بۇگىن كونكيشىلەر رەكورد جاڭارتپاسا دا، وزدەرىنىڭ جەكە رەكوردتارىن قايتالاپ جاتتى.
ەڭلىك جاردەمبەك، قازاقستان جاستار قۇراماسىنىڭ مۇشەسى:
– ءقازىر جارىس جاقسى ءوتىپ جاتىر. بۇگىنگى اۋا رايى جىلى. مۇز ءتۇزۋ. 500 مەتردى 44 سەكۋندقا جۇگىردىم. مەن ءۇشىن جاقسى ناتيجە دەپ ويلايمىن. ماعان كوبىنەسە 500-بەن 3 مىڭ مەتر ۇنايدى. 3000-دا ءوزىمدى جاقسى سەزىنەمىن. قورىقپايسىڭ دا. ال 1500 جانە 1000-دا قورقىنىش بولادى.
