ءتۇرى: 24.kz اقپاراتتارى
جولدانعان ۋاقىتى: 19:30 - 2021/02/23
بۇل تۋرالى مەمفيستەگى سەنت-دجۋد بالالار زەرتتەۋ گوسپيتالى حابارلادى، دەپ جازادى BBC.
ارسەنو جەر وربيتاسىنا اتتاناتىن ەڭ جاس ادام اتانباق.
«ومىرىمدەگى ەڭ ۇلكەن قۇپيانى ءبىر جارىم اي ساقتاپ كەلدىم. ەندى الەممەن بولىسسەم بولادى. بۇل ميسسيا كوپ ادامداردى العا جەتەلەيدى، سەنىم سىيلايدى دەپ ويلايمىن»، – دەدى ول.
ارسەنو 10 جاستا بولعاندا، ونىڭ سۇيەك قاتەرلى ىسىگىنە شالدىققانى راستالعان. سودان بەرى ول سەنت-دجۋد اۋرۋحاناسىندا ەم قابىلداپ كەلىپتى. بويجەتكەنگە حيمياتەراپيا جانە سۇيەك اۋىستىرۋ بويىنشا بىرنەشە وپەراتسيا جاسالعان.
ارسەنو – وسىنداي جاراقاتپەن عارىشقا جىبەرىلەتىن دە تۇڭعىش ادام.
قىز بالانىڭ جول شىعىندارىن Shift4 Payments كومپانياسىنىڭ باس ديرەكتورى دجارەد ايزەكمان وتەپ قويعان. ول تاعى ەكى ادامنىڭ شىعىندارىن دا ءوز موينىنا العان. ال ولاردىڭ ەسىمى 28 اقپان كۇنى اياقتالاتىن بايقاۋ ناتيجەسىندە بەلگىلى بولادى.
بۇعان دەيىن SpaceX بيىل عارىش تۋريستەرىن وربيتاعا ۇشىراتىنىن حابارلاعانبىز. ال ونىڭ قۇنى 10 دوللاردى قۇرايدى ايتىلعان.
