ءتۇرى: 24.kz اقپاراتتارى
جولدانعان ۋاقىتى: 19:20 - 2021/02/23
قىلمىستى سىرتقى بەينەباقىلاۋ كامەرالارى جازىپ الدى، دەپ حابارلادى Pavlodarnews.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمدەۋىنشە، بۇگىن ساعات 08:00 شاماسىندا ەكىباستۇز قالاسىنىڭ ساتباەۆ كوشەسىندەگى ءۇيدىڭ اۋلاسىندا بەلگىسىز بىرەۋ ەر ادامعا بەلگىسىز قارۋدان وق اتقان. ەر ادام العان جاراقاتىنان وقيعا ورنىندا كوز جۇمدى
«اتالعان فاكتىگە قاتىستى قر قىلمىستىق كودەكسىنىڭ 99-بابى 1-بولىگى بويىنشا سوتقا دەيىنگى تەرگەۋ باستالدى. قىلمىستى جاسادى دەپ كۇدىكتەلگەن ادامدى انىقتاۋ بويىنشا جەدەل-ىزدەستىرۋ شارالارى جۇرگىزىلىپ جاتىر، - دەدى ءباسپاسوز قىزمەتىندە.
پوليتسيا بۇل ءىس بويىنشا كەز كەلگەن اقپاراتى بار ازاماتتاردان 102 نومىرىنە حابارلاسۋدى سۇرايدى. حابارلاعان ادامنىڭ ءاتى-جونىن قۇپيا ساقتاۋعا كەپىلدىك بەرىلەدى.
قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 201-بابىنا سايكەس تەرگەۋ مۇددەسىنە ساي وزگە اقپارات تاراتىلمايدى.
