ءتۇرى: 24.kz اقپاراتتارى
جولدانعان ۋاقىتى: 00:30 - 2019/08/14
رەسەيدىڭ چەليابى قالاسىنداعى دوستىق ۇيىندە ول ءۇشىن ارنايى بولمە جابدىقتالعان. جەكە بۇرىشتا ۇلى اقىن شىعارمالارىنىڭ ورىس تىلىندەگى جيناعى، وي-تولعامدارى جازىلعان ماتەريالدار تۇر. كەز كەلگەن ادام سول جەرگە بارىپ، بەينەجازبا جاساي الادى. ۇيىمداستىرۋشىلاردىڭ ايتۋىنشا، رەسەيلىكتەردىڭ اراسىندا اباي شىعارماشىلىعىنا دەگەن قىزىعۋشىلىق جوعارى. ەستافەتانىڭ وڭتۇستىك ورال وڭىرىندە كەڭ سيپات الۋى وسى سوزىمىزگە دالەل دەيدى ولار.
يۋليا لاپيدۋس، چەليابى وبلىستىق دوستىق ءۇيىنىڭ ديرەكتورى:
- ءبىزدىڭ وڭىردە 150-دەن استام ۇلت وكىلدەرى مەكەن ەتەدى. وسى دوستىق ۇيىندە ءجيى باس قوسامىز. اباي شىعارمالارىن بىرگە وقيمىز. شىنىمەن اقىننىڭ وي تەرەڭدىگى، تانىم كەڭدىگى تاڭقالدىرادى. ونىڭ ادەبي مۇراسى بۇكىل ادامزاتتىڭ رۋحاني قازىناسى دەپ بىلەمىن.
