بۇل تۋرالى كەمەگە تەكسەرىس جۇرگىزگەن عالىمدار مالىمدەپ وتىر. ولار سۋاستى كەمەسىنىڭ جەلدەتكىش قۇبىرىنان شىعاتىن سۋدىڭ سىنامالارىن الىپ زەرتتەگەن. ناتيجەسىندە كەمە ماڭىندا ءقاۋىپتى زاتتاردىڭ شوعىرلانۋ دەڭگەيى 800 مىڭ ەسە ارتقانى انىقتالعان. دەي تۇرعانمەن، الاڭداۋعا نەگىز جوق دەيدى عالىمدار. سەبەبى مۇنداي تەرەڭدىكتەگى لاستانۋدى تەڭىز سۋى دەرەۋ جويىپ جىبەرەدى ەكەن. ايتا كەتسەك، «كومسومولەتس» اتتى كەمە 1989 جىلى ءورت سالدارىنان سۋعا باتىپ، سالدارىنان ەكيپاجدىڭ 32 مۇشەسى قازا تاپقان ەدى. كەيىن 1700 مەتر تەرەڭدىكتە جاتقان سۇڭگۋىر كەمەنىڭ رەاكتورى سوندىرىلگەن بولاتىن. الايدا تورپەدولىق اپپاراتتاردا قايىققا قارسى يادرولىق زىمىراندار قالىپ قويعان. سوندىقتان جوسپارلى تەكسەرىس جۇمىستارى نورۆەگيادا جىل سايىن وتكىزىلىپ تۇرادى ەكەن.