ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-161515454335 %65 %
2019-09-171646515737 %63 %
2019-09-18815255847 %53 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: 24.kz اقپاراتتارى

جولدانعان ۋاقىتى: 22:50 - 2019/06/12





ەلوردادا مەملەكەت باسشىسى قاسىم-جومارت توقاەۆتى ۇلىقتاۋ ءراسىمى وتتى، دەپ حابارلايدى «حابار 24».

سالتاناتتى شارا تاۋەلسىزدىك سارايىندا ۇيىمداستىرىلدى. قازاقستاننىڭ جاڭا پرەزيدەنتى ەلدىڭ تۇرمىسىن تىكتەپ، جاعدايىن جاقسارتۋعا نەگىزدەلگەن 10 باعىتتى اتادى.

ەسەپ بەرۋمەن ەسى شىعىپ جۇرەتىن شەندى مەن شەكپەندىنىڭ ارقانى كەڭگە سالاتىن كەزى بۇگىن. القىنعان ءمينيستردى، اسىققان دەپۋتاتتتى كورمەيسىڭ. بىر-بىرىمەن ەمەن-جارقىن سويلەسىپ، ءحال سۇراسىپ جاتىر. ەندى ءبىرى سۋرەتكە ءتۇسىپ، تاريحي ءساتتى تاعاتسىزدانا كۇتىپ ءجۇر. سەبەبى ەل كەزەكتى كوشباسشىسىن تاڭدادى. پرەزيدەنت ۇلىقتالعان كۇن بۇگىن.

بۇل جولعى ۇلىقتاۋ ءراسىمى ءسال وزگەشە ءوتتى. قاسىم-جومارت توقاەۆ تاۋەلسىزدىك سارايىنا ىركەس-تىركەس كولىكپەن كەلگەن جوق.

ەل نىشاندارى ورناتىلدى. قۇرمەت قاراۋىلى كونستيتۋتسيانى ورتاعا الىپ شىقتى. كوك سارايعا كەلگەن كوپشىلىك الدىمەن ەلباسى نۇرسۇلتان نازارباەۆقا قۇرمەت كورسەتتى. ەلدىڭ ىرگەسىن قالاپ، ەڭسەسىن تىكتەگەن تۇڭعىش پرەزيدەنت بيىل ناۋرىزدا ءوز وكىلەتتىگىن توقتاتىپ، ەل باسقارۋ تىزگىنىن قاسىم-جومارت توقاەۆقا تابىستاعان ەدى. كوپ ۇزاماي ەلباسى سەنىم ارتقان ساياساتكەرگە ەلى دە ەش كۇمانسىز داۋىس بەردى.

ساياسي دودادا 7 بىردەي ۇمىتكەر باق سىنادى. ءبىراق سايلاۋشىلاردىڭ 70 پايىزدان استامى قاسىم-جومارت توقاەۆتى تاڭدادى. تاجىيبەلى ديپلوماتتى پرەزيدەنت بولۋعا لايىقتى دەپ تانىدى.

قازاقستان حالقىنا ادال قىزمەت ەتۋگە، قر كونستيتۋتسياسى مەن زاڭدارىن قاتاڭ ساقتاۋعا، ازاماتتاردىڭ قۇقىقتارى مەن بوستاندىقتارىنا كەپىلدىك بەرۋگە، وزىمە جۇكتەلگەن مىندەتتەردى ادال اتقارۋعا سالتاناتتى تۇردە انت ەتەمىن.

ورتالىق سايلاۋ كوميسسياسىنىڭ ءتوراعاسى بەرىك يماشەۆ مەملەكەت باسشىسىنا پرەزيدەنت كۋالىگىن تابىستادى. ءدال وسى ساتتەن باستاپ ءبىزدىڭ ەل تاعى ءبىر تاريحي كەزەڭگە اياق باستى. بۇل بەيبىت كۇنگە، تولايىم تابىسقا، جارقىن بولاشاققا جاسالعان قۇتتى قادام بولارىنا ەل سەنەدى.

قاسىم-جومارت توقاەۆ، قازاقستان رەسپۋبليكاسىنىڭ پرەزيدەنتى:

– قۇرمەتتى وتانداستار! ەڭ الدىمەن ماعان زور سەنىم ارتىپ، قولداۋ كورسەتكەن بارشا قازاقستان حالقىنا العىس ايتامىن! بۇل سايلاۋ شىن مانىندە دەموكراتيا تالاپتارىنا ساي ءوتتى. سايلاۋ الاڭىندا ناعىز اشىق باسەكەگە ءتۇسۋ مۇمكىندىگى بولدى. بارلىق ساياسي كۇش وكىلدەرى قاتىستى. ساياسي باعدارلامالار سايىسقا تۇسكەن ءادىل دودا بولدى. سايلاۋ – سايىسقا تۇسۋشىلەردىڭ پىكىرى عانا تالاسقا تۇسەتىن جارىس دەيدى. راسىندا ءادىل پىكىر. وسى وتە ماڭىزدى ساياسي باسەكەدە ءبىزدىڭ حالقىمىزدىڭ دانالىعى جەڭدى. سوندىقتان بۇل جەڭىس – حالقىمىزدىڭ جەڭىسى.

قاسىم-جومارت توقاەۆ ەل مۇددەسىن وزگەدەن ەرەك كورەدى. قايشى پىكىر تانىتقاندى قاقپاقىل قىلاتىنداردان ادا. مەملەكەت باسشىسى ساياسي كوزقاراسى بولەك جاندارعا قىرعيداي تيەتىندەردىڭ ارەكەتىنە توسقاۋىل قويامىن دەدى. ءبىزدىڭ ەلدە ءتۇرلى پىكىردىڭ بولۋى زاڭدى. ءبىراق تۇتاس ۇلت بولۋدى ۇمىتپاعان ابزال. پرەزيدەنت ءوز سوزىندە وسىنى مەڭزەدى. 

قاسىم-جومارت توقاەۆ، قازاقستان رەسپۋبليكاسىنىڭ پرەزيدەنتى:

– پرەزيدەنت رەتىندە حالقىمىزعا مىنانى ايتقىم كەلەدى. ەلىمىزدىڭ ءار ازاماتىنىڭ قۇقىعىن قورعاۋ – مەنىڭ باستى ماقساتىم. ولاردى ساياسي كوزقاراستارى مەن ۇستانىمدارىنا قاراي بولۋگە جول بەرمەيمىن. ءتۇرلى ساياسي جانە قوعام قايراتكەرلەرىنەن كەلىپ تۇسكەن قۇندى ۇسىنىستاردى، باستامالاردى مەن ءوز جۇمىسىمدا مىندەتتى تۇردە ەسكەرەمىن. اشىق جانە ءادىل جۇمىس ىستەيمىن. ءبىز ءۇشىن ەڭ ماڭىزدى مىندەت – زاڭعا ساي ادال قىزمەت ەتۋ. ءبىزدىڭ ءبىر عانا وتانىمىز بار، تاعدىرىمىز ءبىر. حالقىمىزدىڭ جارقىن بولاشاعى ءۇشىن ءبارىمىز بىرگە ەڭبەك ەتەمىز.

وسىعان دەيىن مەملەكەت باسشىسى وڭىرلەردى ارالادى، ەلدىڭ ءحالىن ءبىلدى. قوردالانعان جايتتاردان قۇلاقدار بولدى. ولقى تۇستىڭ ءبارىن ءتىزدى. جۇيەلى جوسپار ازىرلەپ، جۇرتقا ۇسىندى. ەندى سونى الداعى 5 جىلدا جۇزەگە اسىرادى. 

– قاسىم-جومارت توقاەۆ، قازاقستان رەسپۋبليكاسىنىڭ پرەزيدەنتى:

– ءبىز قوعامداعى وزەكتى ماسەلەلەردى ايقىن كورىپ وتىرمىز. ونىڭ شەشۋ جولدارىن بىلەمىز. بۇگىن حالىقتى، ەڭ الدىمەن، نە مازالايدى؟ ەڭ ءبىرىنشى، ازاماتتار بارلىق جەردە ادىلدىك ورناۋىن قالايدى. الەۋمەتتىك ساياساتتان باستاپ مەملەكەتتىك ورگانداردىڭ حالىققا ءادىل قىزمەت كورسەتۋىن تالاپ ەتەدى. حالىقتى تولعاندىرىپ وتىرعان باستى ماسەلە – تابىس كولەمىنىڭ ازايۋى. حالىقارالىق قارجى نارىقتارىنىڭ تۇراقسىزدانۋى، تەڭگەنىڭ دەۆالۆاتسياسى حالىقتىڭ تابىسىنا كەرى اسەر ەتتى. ميلليوننان استام ازامات بانكتەن نەسيە الۋعا ءماجبۇر بولدى. تابىسى جوعارى جانە تومەن ازاماتتاردىڭ اراسىنداعى الشاقتىق – ءبىزدىڭ قوعامدى مازالايتىن تاعى ءبىر وزەكتى ماسەلە. ارينە مۇنداي قۇبىلىستار بۇكىل الەمدە بار، دەگەنمەن توقمەيىلسىپ وتىرا بەرۋگە بولمايدى. سوندىقتان ءدال وسى وتكىر الەۋمەتتىك-ەكونوميكالىق جانە ساياسي ماسەلەنى شەشۋ ءۇشىن ورتامەرزىمدى كەشەندى شارالار قابىلداۋ قاجەت.

پرەزيدەنت 10 باعىتتى ۇسىندى. اۋەلگىسى – حالىقتىڭ تۇرمىسىن تىكتەۋ. ەلدىڭ جاعدايى جاقسارماي، مەملەكەتتىڭ ادىمى الشاڭدامايدى. قادامدى قارىشتاتۋ ءۇشىن جەگى قۇرتتاي جابىسقان جەمقورلىق دەيتىن دەرتتەن ايىعۋ قاجەت. سوندىقتان پاراقورلىقپەن كۇرەس ەندى تىپتەن كۇشەيەدى. شەشىم شىعاراردا سوت تا ادامداردى الالاماۋى كەرەك. قالتاسى قالىڭدار قۇتىلىپ، قاراپايىم حالىق تۇتىلىپ قالاتىن كەز كەلمەسكە كەتەدى.     

قاسىم-جومارت توقاەۆ، قازاقستان رەسپۋبليكاسىنىڭ پرەزيدەنتى:

– جاڭا جۇمىس ورىندارىن اشۋ جانە حالىقتى لايىقتى جالاقىمەن قامتۋ. ۇلتتىق تابىستى ءادىل ءبولۋ ماسەلەسى بۇل – ستراتەگيالىق ماڭىزدى دۇنيە. مەملەكەتتىك بيۋدجەتتىڭ قاراجاتىن، ەڭ الدىمەن كەلەشەگى زور ماقساتتارعا جانە جاڭا جۇمىس ورىندارىن اشۋعا ءبولۋ قاجەت. ءتۇرلى ساناتتاعى ازاماتتاردىڭ قولجەتىمدى باسپاناعا يە بولۋىنا ايرىقشا نازار اۋدارامىن. ءبىزدىڭ الدىمىزدا ءبىرىڭعاي تۇرعىن ءۇي ساياساتىن جاساقتاۋ مىندەتى تۇر. ۇكىمەت وسى باعىتتا ناقتى شارالار قابىلدايدى.

مۇعالىمدەر مەن دارىگەرلەردىڭ مارتەبەسى ارتادى. ەندى سەنبىلىككە جەگىلگەن، قاعازعا كومىلگەن ۇستازدى، اقشا بەرسەڭ ەمدەيتىن، اقشاسى جوقتى سەزبەيتىن اق حالاتتىلاردى كورمەيمىز. مەملەكەت باسشىسى ادىلەتتى الەۋمەتتىك ساياسات قالىپتاستىرۋدى ماقسات ەتەدى. تۇتاس ەلدى تۇعىرعا شىعارۋ ءۇشىن وڭىرلەردى تۇرلەندىرۋ كەرەك. ايماقتار دامىعاندا عانا مەملەكەت ىلگەرىلەدى دەپ ايتۋعا بولادى.

قاسىم-جومارت توقاەۆ، قازاقستان رەسپۋبليكاسىنىڭ پرەزيدەنتى:

– «رۋحاني جاڭعىرۋ» قۇندىلىقتارى ءبىزدىڭ باستى رۋحاني باعدارىمىز بولىپ قالا بەرەدى. تاريحقا قۇرمەتپەن قاراۋ، وتانعا ادال بولۋ، عىلىم-بىلىمگە دەگەن ۇمتىلىس – مۇنىڭ بارلىعى ءبىزدىڭ حالقىمىزدىڭ بويىنداعى اسىل قاسيەتتەر. بۇل قاسيەتتەر ءبىزدىڭ حالقىمىزدىڭ بىرلىگىن جانە ۇلتىمىزدىڭ جاسامپازدىعىن نىعايتادى، باسەكەگە قابىلەتتى ەل بولۋعا جول اشادى. قازاقستاندى بولاشاققا باستايتىن - جاستار. سوندىقتان بۇل باعدارلامانى جاس ۇرپاقتى تاربيەلەۋگە باعىتتاۋىمىز قاجەت. كەيىنگى بۋىننىڭ كەجەگەسى كەيىن تارتپاۋ كەرەك. جاستار ەڭبەكسۇيگىش، وتانىنا قالتقىسىز قىزمەت ەتۋگە ءازىر بولۋى قاجەت. ولاردىڭ بيلىككە كەلۋى ەندى جيىلەيدى.

قاسىم-جومارت توقاەۆ جاقىندا ۇكىمەتتە ءاۋىس-تۇيىس بولاتىنىن ايتقان. جاس ماماندار ەندى ۆەدومستۆولاردىڭ تىزگىنىن ۇستايدى. ويتكەنى ءقازىر ەلگە جاڭا كوزقاراس، تىڭ سەرپىن كەرەك.

قاسىم-جومارت توقاەۆ، قازاقستان رەسپۋبليكاسىنىڭ پرەزيدەنتى:

– ءبىز الدىمىزداعى بارلىق قيىندىقتاردى بىرگە ەڭسەرەمىز. ءبىز قۋاتتى ءارى گۇلدەنگەن قازاقستاننىڭ وركەندەۋى ءۇشىن بىرگە ەڭبەك ەتەمىز. انتقا ادال بولۋ، سەرتكە بەرىك بولۋ – مەنىڭ حالىق الدىنداعى پارىزىم. قازاقستاننىڭ جارقىن بولاشاعى ءۇشىن، حالىق ءۇشىن ايانباي ەڭبەك ەتۋگە سەرت بەرەمىن.

پرەزيدەنتتى ۇلىقتاۋ ءراسىمىن تاماشالاۋعا تاۋەلسىزدىك سارايىنا 2 جارىم مىڭ ادام كەلگەن. شەتەلدىك مەيماندار بولعان جوق. تەك قازاقستانداعى وزگە ەلدىڭ ەلشىلەرى عانا قاتىستى. ۇلىقتاۋ راسىمىنەن سوڭ قاسىم-جومارت توقاەۆ ساپ تۇزەگەن ساقا ساربازداردىڭ سالتاناتتى شەرۋىن تاماشالادى.

قازاقستاندى الەم بىلەدى. قازاقستاندى قۋاتتى مەملەكەت دەپ تانيدى. ءبىزدىڭ ەلدى باسەكەگە قابىلەتتى دەپ سانايدى. ءبىراق وزگە ەلدىڭ بەرگەن باعاسى ەمەس، ءوز ەلىڭنىڭ بەرگەن باتاسى ىستىق بولار. مەملەكەت باسشىسى قاسىم-جومارت توقاەۆ ەندى ەلباسىنىڭ بارلىق باستامالارىن ءارى قاراي دامىتىپ، جۇزەگە اسىرماق.

داستان سەيىلحانۇلى، ءتىلشى:

– مۇقىم جۇرتتىڭ مىزعىماس بىرلىگىن ساقتاۋعا سەرت بەرگەن پرەزيدەنت ءوزى ايتقان 10 باعىتتىڭ ورىندالۋىن ءجىتى قاداعالايدى. ەلباسى سالعان سارا جولدان تايماي، مەملەكەتتىڭ دامۋىنا سۇبەلى ۇلەس قوسۋعا دايار قاسىم-جومارت توقاەۆ بۇگىنگى ۇلىقتاۋ راسىمىنەن كەيىن شانحاي ىنتىماقتاستىق ۇيىمىنىڭ كەزەكتى سامميتىنە قاتىسۋدى جوسپارلاپ وتىر. حالىقارالىق جيىن بيىل بىشكەكتە وتەدى.

اۆتورلارى: داستان سەيىلحانۇلى، ومىربەك ءىزىموۆ


كەلۋ قاينارى: http://www.elarna.net/koru.php?tur=38&id=1008195

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ددۇ ساراپشىسى قاراعاندى 1 مينوت
نىسانانى ايقىنداپ، نەگى 2 مينوت
قازاقستاننىڭ ساياسي قاي 2 مينوت
تيانشان تورى 2 مينوت
قازاقستاندىقتارعا جاڭا 2 مينوت
اعاجاي التاي تورى 2 مينوت
شقو-دا 500 ورالمان قازا 4 مينوت
اقتوبە وبلىسى ەلورداداع 7 مينوت
نۇر-سۇلتانداعى دامىتۋ و 10 مينوت
تايقازان-620: «قايتا ور 12 مينوت
وسى ارانى باسىپ كورىڭىز 12 مينوت
ءبىر توپ سۆياششەننيك &q 12 مينوت
اقتوبە وبلىسى ەلورداداع 16 مينوت
بريتانيالىق ساراپشىلار 19 مينوت
اداسقاننىڭ الدى ءجون بە 21 مينوت
كۇرەس تۇرلەرىنەن ءاچ: ب 21 مينوت
تيانشان تورى 21 مينوت
دۇنيە جۇزىلىك باۋ - باق 22 مينوت
اعاجاي التاي تورى 22 مينوت
وسى ارانى باسىپ كورىڭىز 22 مينوت
مەملەكەت تۋىن ءىلىپ، مە 22 مينوت
بيىل نەسيە سەرىكتەستىكت 25 مينوت
تاريح 27 مينوت
بوكستان ءاچ: ساكەن بيبو 1 ساعات
الەم تاريحىنان تەست ءبى 1 ساعات
وسى ارانى باسىپ كورىڭىز 1 ساعات
ماڭعىستاۋ، باتىس قازاقس 1 ساعات
الماتىنىڭ جايلى قالالىق 1 ساعات
قازاقستاندا الداعى كۇند 1 ساعات
قۇدالاردى قايتارۋ وپەرا 1 ساعات