ءتۇرى: حابار ارناسى
جولدانعان ۋاقىتى: 21:30 - 2021/04/08
بۇل تۋرالى ءبىلىم جانە عىلىم ءمينيسترى حابارلادى. اسحات ايماعامبەتوۆتىڭ ايتۋىنشا، وسى جىلى ماگيستراتۋراعا ءتۇسۋ ءتارتىبى ءسال وزگەرگەن. بۇعان دەيىن ستۋدەنتتەر وقۋ ورنى بەكىتكەن قاعيدا بويىنشا سىنعا تۇسەتىن. ەندى ەلەكتروندى فورماتتا تەست تاپسىرادى. ءسويتىپ جيناعان بالىنا بايلانىستى گرانتقا يە بولادى. مەكتەپ بىتىرگەن تۇلەكتەر دە جوعارعى وقۋ ورنىنا ءتۇسۋ ءۇشىن ۇلتتىق ءبىرىڭعاي تەستىلەۋدى ونلاين تاپسىرادى. ءمينيستردىڭ ايتۋىنشا، بۇل تاقىرىپ ەكى جىلدان بەرى كوتەرىلىپ كەلگەن. ەندى بيىل ىسكە اسىرىلادى. تەست تاپسىرۋ ءتاسىلى وزگەرگەنىمەن، جۇيەنىڭ قۇرىلىمى قاز-قالپىندا ساقتالعان. سونداي-اق مينيستر مۇعالىمدەرگە ۆاكتسينا ەكتىرۋ مىندەتتى مە دەگەن ساۋالعا دا جاۋاپ بەردى.
اسحات ايماعامبەتوۆ، قر ءبىلىم جانە عىلىم ءمينيسترى:
- بۇگىنگى كۇنى ۆاكتسينا سالعانداردىڭ 17% مۇعالىمدەر. پەداگوگتار ۆاكتسينانى ءوز ەركىمەن الادى، ەشكىم ماجبۇرلەمەيدى. ءبىراق مينيستر رەتىندە، قازاقستاننىڭ ازاماتى رەتىندە ارىپتەستەرىمدى ءوز ەركىمەن ۆاكتسينانى سالدىرۋعا، عىلىمعا سەنۋىنە شاقىرامىن.
