ءتۇرى: حابار ارناسى
جولدانعان ۋاقىتى: 21:57 - 2021/04/05
«قازاق پروزاسىنىڭ دارابوزى» اتانعان حالىق جازۋشىسى، مەملەكەتتىك سىيلىقتىڭ يەگەرى قابدەش ءجۇمادىلوۆ 85 جاسقا قاراعان شاعىندا ومىردەن ءوتتى. نۇرسۇلتان نازارباەۆ مارقۇمنىڭ وتباسى مەن تۋعان-تۋىستارىنا كوڭىل ايتۋ جەدەلحاتىن جولدادى.
ەلباسى كورنەكتى قالامگەردىڭ ومىردەن وتۋىنە بايلانىستى ورنى تولماس اۋىر قايعىعا ورتاق ەكەنىن جەتكىزدى. «قابدەش ءجۇمادىلۇلى قازاق ادەبيەتىنىڭ دامۋىنا قوماقتى ۇلەس قوسقان اسا تالانتتى تۇلعا بولدى. ابزال ازاماتتىڭ ەسىمى مەن جارقىن بەينەسى جۇرتشىلىق جادىنان ەشقاشان ۇمىتىلمايتىنىنا سەنەمىن»، – دەلىنگەن جەدەلحاتتا.
