ءتۇرى: حابار ارناسى
جولدانعان ۋاقىتى: 21:03 - 2021/04/02
سونىڭ ءبىرى – اقمولانىڭ اكىمى ەرمەك مارجىقپاەۆ پرەزيدەنتكە ءوڭىردىڭ دامۋى، سۋ تاسقىنىنا قارسى ءىس-شارالار مەن ۆاكتسيناتسيالاۋ بارىسى جايىندا ايتىپ بەردى. اكىم ارشالى مەن تسەلينوگراد اۋداندارى تۇرعىندارىن گازبەن قامتۋ جۇمىسى جوسپارعا ساي جۇرگىزىلىپ جاتقانىن جەتكىزدى. سونداي-اق اكىم قوسشىنىڭ الەۋمەتتىك جانە ينفراقۇرىلىمدىق جاعدايىن جاقسارتۋ جۇمىستارىن جۇرگىزىپ جاتقانىن دا حابارلادى. بۇل پرەزيدەنتتىڭ ءوز تاپسىرماسى بولاتىن.
مەملەكەت باسشىسى تەلەفون ارقىلى سويلەسكەن تاعى ءبىر ءوڭىر اكىمى – قۇمار اقساقالوۆ بولدى. سولتۇستىك قازاقستان وبلىسىنىڭ اكىمى پرەزيدەنتكە ايماقتاعى سانيتارلىق-ەپيدەميولوگيالىق احۋال جايىن ايتىپ بەردى. ءقازىر وبلىس كوكتەمگى ەگىس جۇمىستارىنا ازىرلىكتى باستاپ كەتتى. مۇنىمەن قوسا، قۇمار اقساقالوۆ «ەڭبەك» باعدارلاماسى اياسىندا وزگە وڭىرلەردەن سولتۇستىككە قونىس اۋدارعان ازاماتتاردى باسپانامەن تولىق قامتۋعا ۋادە ەتتى. قاسىم-جومارت توقاەۆ قوس اكىمگە وڭىردەگى ەپيداحۋالدى تۇراقتاندىرۋدى، كوكتەمگى ەگىس جۇمىستارىن ساپالى جۇرگىزۋدى جانە باسقا دا ءبىرقاتار تاپسىرمالار جۇكتەدى.
