ءتۇرى: حابار ارناسى
جولدانعان ۋاقىتى: 13:54 - 2021/02/20
بۇل جايىندا پرەزيدەنتتىڭ قابىلداۋىندا بولعان تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى. بۇل بيۋدجەتتىڭ ميللياردتاعان قارجىسىن ۇنەمدەۋگە مۇمكىندىك بەرمەك. سونداي-اق مينيستر قازاقستاندا بايلانىس ساپاسىنىڭ تالاپتارى بەكىتىلگەنىن حابارلادى.
ەندى بايلانىس ساپاسىنىڭ پارامەترلەرىن بۇزعاندار ءبىر 1000 اەك كولەمىندە ايىپپۇل تولەۋى ءتيىس. بۇعان دەيىن قازاقستاندا بايلانىس ساپاسىنىڭ تومەنگى شەگى رەگلامەنتتەلمەگەن بولاتىن. مينيستر پرەزيدەنتكە «eGov mobile» قوسىمشاسىنا بيومەتريالىق سايكەستەندىرۋ جۇيەسىن ەنگىزۋ جونىندە ايتتى. بۇل مەملەكەتتىك قىزمەتتەردى الۋدى وڭاي ءارى تەزدەتە تۇسەدى.
سونىمەن قاتار قاسىم-جومارت توقاەۆقا ەلەكتروندى ارىز-شاعىمدار قىزمەتى جۇيەسى تانىستىرىلدى. بۇل جۇيە ارقىلى قازاقستاندىقتار كومپيۋتەر تۇيمەسىن بىرنەشە مارتە باسۋ ارقىلى ءوتىنىش-شاعىمدارىن جىبەرىپ، ءتۇرلى ورگاننان جاۋاپ الا الادى. اتالعان جوبانى پرەزيدەنت قۇپتاپ، ونى ءتيىمدى ەنگىزۋدى تاپسىردى. باعدات مۋسين ەلدەگى 115 حالىققا قىزمەت كورسەتۋ ورتالىعىنىڭ ءبارىن جاڭارتۋعا ۋادە ەتتى.
