ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: حابار ارناسى

جولدانعان ۋاقىتى: 01:27 - 2020/05/15

Нақты Көзі: https://khabar.kz/kk/news/kogam/item/124972-biyl-600-mynnan-astam-student-emtikhan-tapsyrady

Studentter

قازاقستاندىق ستۋدەنتتەردىڭ قاشىقتان وقىتۋ كەزىندە ورىنداعان جۇمىستارىنا بۇگىنگە دەيىن 1 ملن-نان اسا باعا قويىلىپتى.

ارينە، ونلاين وقۋدىڭ باعاسى دا ونلاين بولارى انىق. ءبىراق «سۋدىڭ دا سۇراۋى بار» ەمەس پە؟. باعا قويىلدى، دەمەك ءبىلىمى سوعان ساي ما، دالەلدەۋى ءتيىس.

ەمتيحان تاپسىرىپ، ديپلوم قورعايتىن ءسات تە كەلىپ جەتتى. بيىل 600 مىڭنان استام ستۋدەنت ەمتيحان تاپسىرسا، سونىڭ 142 مىڭدايى ءبىتىرۋشى كۋرستار ەكەن. سولقىلداق  تسيفرلىق جۇيەنىڭ زاردابىن ابدەن تارتقان ولارعا سالا مينيسترلىگى تۇسىنىستىك تانىتىپ، جەڭىلدىك جاساۋى مۇمكىن بە؟

ەلدەگى 116 جوعارى وقۋ ورنى جارتى ميلليوننان استام ستۋدەنتىن ونلاين وقىتۋعا جىبەرگەنىنە ارتىق-كەمى جوق، تۋرا 60 كۇن بولدى بۇگىن. بۇل الپىس كۇن بىزدەگى تسيفرلىق جۇيەنىڭ اقساپ تۇرعانىن اشكەرەلەپ بەردى. سويتە تۇرا وقىتۋشىعا دا، ستۋدەنتكە دە جەڭىلدىك بەرىپ جاتقان ەشكىم جوق. ساباقتار تۇگەل كەستەگە ساي جۇرگىزىلدى. وعان ينتەرنەت بايلانىسى بارلار قاتىستى، بايلانىسى ناشارلارى تاۋ-تاستى كەزىپ كەتتى.

دانيار ەرەجەپوۆ، ستۋدەنت /قوستاناي وبلىسى/:

- بىرىنشىدەن، ۇيگە بەرىلەتىن تاپسىرما كوبەيدى. ءبارىن ءوز بەتىنشە ورىنداۋىڭ كەرەك. ول دا وڭاي ەمەس. ونىڭ ۇستىنە ستۋدەنتتەردىڭ بارىندە بىردەي كومپيۋتەر، ينتەرنەت بار دەۋگە كەلمەيدى. بىر-بىرىمىزگە بارىنشا كومەكتەسۋگە تىرىستىق. ەمتيحانداردى قالاي تاپسىراتىنىمىز ازىرگە بەلگىسىز. تولىعىمەن كەيىنگە قالدىرسا دۇرىس بولار ەدى.

ء

بىراق مينيسترلىك ەمتيحاندى قالاي الۋ كەرەكتىگىن ءار وقۋ ورنىنىڭ قۇزىرىنا قالدىردى. ياعني قاشىقتان تاپسىرۋعا نەمەسە جيىنتىق باعانىڭ نەگىزىندە قويۋعا، وعان مۇمكىندىك بولماسا، كەيىنگە شەگەرۋگە رۇقسات بەردى. ءبىراق كەي وقۋ ورىندارىندا ستۋدەنتتەردىڭ الدى العاشقى ەمتيحاندارىن باستاپ تا كەتتى.

سىمبات بەگىمباي، ستۋدەنت /تۇركىستان وبلىسى/:

- ونلاين تۇردە تاپسىرعان ەمتيحاننىڭ ۋنيۆەرسيتەتتە ءجۇرىپ تاپسىرعاننان قاتتى ايىرماشىلىعى جوق. ءبىراق بىزگە ۋنيۆەرسيتەتتە ءجۇرىپ تاپسىرعان ءتيىمدى ەدى. سەبەبى ەمتيحانالدى سۇراقتار وتە كوپ بولعاندىقتان، ءبىز ولاردى دوستارىمىزبەن وتىرىپ، پىكىر الماسىپ تالقىلايتىنبىز. ال ءقازىر ونلاين تۇردە بولعان سوڭ از ۋاقىتتىڭ ىشىندە دايىندىق كىشكەنە جەتكىلىكسىز بولىپ وتىر.

كارانتين كەزەڭى سوڭعى كۋرس ستۋدەنتتەرى ءۇشىن دە كۇتپەگەن توسىن جايلارعا تولى بولعالى تۇر. بيىل ءبىر دە ءبىر جوعارى وقۋ ورنىندا سالتاناتتى شارا اتىمەن بولمايدى. ديپلومدى قورعاۋ دا ونلاين، ءتىپتى تابىستاۋ دا ونلاين ءوتۋى ابدەن مۇمكىن.

ميراس داۋلەنوۆ، قر ءبىلىم جانە عىلىم ۆيتسە-مينيسترى:

- ستۋدەنتتەردىڭ ءبىلىمى ەكى كەزەڭ بويىنشا باعالانادى. ءبىرىنشىسى – ديپلومدىق جۇمىسىن قورعاۋ. ولار بۇل جوباسىن اقپان-ناۋرىز ايلارىندا الدىن الا قورعاپ شىققان بولاتىن. ياعني نەگىزگى كەزەڭنەن ءوتتى. ەندى كەشەندى ەمتيحاندى ءارقايسىسى ءوز مۇمكىندىكتەرىنە قاراپ ونلاين نەمەسە جازباشا تاپسىرادى نەمەسە جيىنتىق بالمەن ەسەپتەۋگە بولادى.

قالاي بولعاندا دا پاندەميا قازىرگى جاعدايدان ساباق الىپ، تالداۋ جۇرگىزىپ، بۇل سالالاردى تۇبەگەيلى رەفورمالاۋ كەرەك ەكەنىن كورسەتىپ وتىر. ويتكەنى تسيفرلىق جۇيەدەگى شيكىلىك نەبارى ەكى اي ىشىندە سالانى سانسىراتىپ تاستادى.

ىلياس تۇستىكباەۆ، قازاقستان ستۋدەنتتەرى اليانسىنىڭ پرەزيدەنتى:

- ولار ءبىرشاما قيىندىقتارعا تاپ بولدى. ءبىر ۇيدە مەكتەپ وقۋشىسى دا، ستۋدەنت تە، اتا-اناسى دا ونلاين رەجيمگە كوشىپ وتىر. وسى ورايدا تەحنيكانىڭ جەتىسپەۋشىلىگى، ينتەرنەت جىلدامدىعىنىڭ از بولۋى، ماتەريالدىڭ جەتىسپەۋشىلىگى، كىتاپحاناعا بارا الماۋى سەكىلدى قيىندىقتارعا تاپ بولعان بولاتىن.

ال ستۋدەنتتەردىڭ قاشان قالىپتى وقۋ رەجيمىنە كوشەرى ازىرگە بەلگىسىز. كۇزدە ىندەتتىڭ ەكىنشى تولقىنى ءجۇرىپ وتەدى دەگەن دە بولجام بار. سوندىقتان مينيستر اسحات ايماعامبەتوۆ وسى باستان قامدانۋعا كوشكەن ءتارىزدى. وقۋعا ونلاين قۇجات تاپسىرۋ، تەگىن تاماققا، جاتاقحاناعا ونلاين ءوتىنىش جازۋ سەكىلدى جۇمىستاردى قازىردەن پىسىقتاپ جاتىر.

اۆتورلارى: شىنار اسانقىزى، تيمۋر قازاعۇلوۆ


كەلۋ قاينارى: http://www.elarna.net/koru.php?tur=31&id=1178580

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ورالدا تالاپتى ساقتاماع 2 مينوت
بىلتىر قازاقستاندا قانش 2 مينوت
بەلگىلى جۋرناليست سەرىك 5 مينوت
قازاقستاندا كوروناۆيرۋس 5 مينوت
ەلىمىزدە كوروناۆيرۋستان 8 مينوت
COVÙ‰D-19: قازاقستاندا 9 مينوت
نۇر-سۇلتان قالاسى مادەن 9 مينوت
جاساۋ كاسىبىنىڭ تيبىن و 18 مينوت
ءبىر ءمۇعالىم — ءبىر كا 19 مينوت
"بايقوڭىردىڭ" 19 مينوت
الماتىدا جولاۋشىلار اۆت 19 مينوت
ورالدا بىرنەشە باعىتتاع 19 مينوت
اياعان ساندىباي، «مىسل» 20 مينوت
ۇلتتىق پاركتەردى دامىتۋ 20 مينوت
وقۋلىقتاردى ساراپتاۋ جۇ 23 مينوت
الماتىداعى مەديتسينا قى 26 مينوت
كەنجەكول تۇرعىنى ءۇيىنى 26 مينوت
كوروناۆيرۋستى سيمپتومسى 29 مينوت
مەملەكەتتىك رامىزدەر قا 29 مينوت
الاكولدە دەمالۋشىلاردان 29 مينوت
مەملەكەتتىك قولداۋ باعد 29 مينوت
توكيو وليمپياداسى جەڭىل 29 مينوت
ء «قازاقفيلمنىڭ» الدىند 1 ساعات
اقتوتى رايىمقۇلوۆانىڭ ح 1 ساعات
باتىسقازاقستاندىق جاستا 1 ساعات
اناعۇرلىم كوپ بازارلاند 1 ساعات
مۇعالىمدەر كۇنىنە ەكى ق 1 ساعات
ايماعامبەتوۆ: «مۇعالىمد 1 ساعات
ە.بىرتانوۆ: كۆي جۇقتىرع 1 ساعات
مادەنيەت كوكتەمەگەن جەر 1 ساعات