ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: حابار ارناسى

جولدانعان ۋاقىتى: 23:09 - 2020/05/14

Нақты Көзі: https://khabar.kz/kk/news/kogam/item/124964-turkistan-oblysynda-300-den-asa-adam-evakuatsiyalandy

تۇركىستان وبلىسىندا 300-دەن اسا ادام ەۆاكۋاتسيالاندى

تۇركىستان وبلىسىنىڭ تاۋلى اۋداندارىندا نوسەر جاۋىننىڭ كوپ جاۋى سالدارىنان سەل ءجۇردى.

سۋ تاسقىنى وڭىردەگى تولە بي، قازىعۇرت، بايدىبەك، سايرام جانە تۇلكىباس اۋداندارىنداعى بىرنەشە ەلدى مەكەنگە زاردابىن تيگىزدى. سالدارىنان 522 ءۇيدىڭ اۋلاسىنا سۋ جايىلىپ، ءتورت ءۇيدى سۋ باستى. 300-دەن اسا ادام ەۆاكۋاتسيالاندى. سونداي-اق تولە بي اۋدانىنداعى اۋىل ارالىق ءتورت كوپىردى شايىپ كەتتى. ماماندار مال شىعىنى بار ەكەنىن ايتادى. سونداي-اق تاسقىن سۋ شىمكەنتتەگى ەڭبەكشى اۋدانىنا قاراستى ەلتاي اۋىلىن دا ابىگەرگە سالدى.

تولاسسىز جاۋىن. تاسقىن سۋ. تولەبيلىكتەردى تاعى دا ابىگەرگە سالدى. قاتتى نوسەردىڭ سالدارىنان قاسقاسۋ وزەنى ارناسىنان استى. بىرنەشە ەلدى مەكەنگە ءقاۋىپ ءتوندى. وبلىستىق تجد مالىمەتىنە سايكەس، ءتورت ءۇي مەن 376 ءۇيدىڭ اۋلاسىن سۋ باستى. بۇدان بولەك ءۇش شارۋاشىلىق نىسانى قيراپ، جەرگىلىكتى ماڭىزى بار ءتورت كوپىردى سۋ شايىپ كەتتى. سەگىز باس ءىرى قارا جانە ۇساق مال شىعىنى بولدى. اۋدان ورتالىعى لەنگىر قالاسىنداعى 20 اۋلا سۋ استىندا قالدى.

اسانعالي نازىرحانۇلى، وبلىستىق تجد باسقارما باسشىسىنىڭ ورىنباسارى:

- ءقاۋىپتى ايماقتاردان 600-گە جۋىق ادام ەۆاكۋاتسيالاندى. بۇگىنگى كۇنگە دەيىن 847 تەكشە مەتر سۋ سورىلىپ، اۆاريالىق قۇتقارۋ جۇمىستارى جۇرگىزىلۋدە. توتەنشە جاعدايلار دەپارتامەنتىنەن 242 قىزمەتكەر، 16 تەحنيكا، 44 سۋ سورۋ قۇرالى جانە جەرگىلىكتى اتقارۋشى ورگانان 256 قىزمەتكەر، 46 تەحنيكا جۇمىس ىستەپ جاتىر.

تۇركىستان وبلىسىندا تاسقىننىڭ سالدارىنان جەرگىلىكتى دەڭگەيدەگى توتەنشە جاعداي جاريالانىپ، ارنايى شتاب قۇرىلدى. ايماق باسشىسى ءومىرزاق شوكەەۆ تولە بي اۋدانىنا بارىپ، سەلدەن زارداپ شەككەن اۋماقتاردى ارالاپ كوردى. تۇرعىندارمەن كەزدەسىپ، كومەك كورسەتىلەتىنىن جەتكىزدى.

ء

ومىرزاق شوكەەۆ، تۇركىستان وبلىسىنىڭ اكىمى:

- بۇرىن سوڭدى بولماعان 40 مينۋتتىڭ ىشىندە ءبىر ايلىق جاڭبىر جاۋعان. ءالى جاۋىپ تۇر، كورىپ تۇرسىزدار. ءبىز سىزدەرمەن بىرگە وسى جەردە وتىرامىز، كەزەكشىلىكتە تۇرامىز. باستىسى باستارىڭىز، مالدارىڭىز امان، مۇلىكتەرىڭىزدىڭ ءبارى ورنىندا. قالعانىن قالپىنا كەلتىرەمىز.

نوسەر جاۋىننىڭ سالدارىنان تولە بيدەن بولەك، تاعى دا ءۇش اۋدانداعى بىرنەشە ەلدى مەكەندى سۋ باستى. قازىعۇرت اۋدانىندا التى ءۇي مەن ەمحانانىڭ اۋلاسىنا سۋ جايىلدى. كوكىبەل اۋىلىنان 133 ادام ەۆاكۋاتسيالاندى. بارلىق ەۆاكۋاتسيالانعان تۇرعىن تۋىستارىنىڭ ۇيلەرىنە جايعاستىرىلدى. قازىرگى تاڭدا سۋ باسقان ايماقتارداعى ارىقتاردى تازالاۋ جۇمىستارى جۇرگىزىلۋدە.

ساكەن قالقامانوۆ، وبلىس اكىمىنىڭ ورىنباسارى:

- سونداي-اق تاسقىن سۋ سايرام، قازىعۇرت، بايدىبەك جانە تۇلكىباس اۋداندارىنداعى كەيبىر اۋىلدارعا دا ءقاۋىپ ءتوندىردى. اۋداندىق قۇتقارۋ قىزمەتى ماماندارىنىڭ حابارلاۋىنشا، سايرام اۋدانىندا اقسۋكەنت، قاراسۋ، قارابۇلاق، مانكەنت اۋىلدارىنداعى جەتى ءۇيدىڭ اۋلاسىن سۋ باستى.

بايدىبەك اۋدانىندا دا ءۇش ەلدى مەكەندەگى 13 ءۇي اۋلاسىن سۋ باسقان. تۇراقتى اۋىلىنان 55 ادام ءقاۋىپسىز جەرگە كوشىرىلدى. سۋ دەڭگەيى اۋىلدا 20 سم-گە دەيىن كوتەرىلگەن. سۋ تاسقىنى زاردابىن جويۋعا 612 مامان مەن 84 تەحنيكا جانە 47 موتاپوما جۇمىلدىرىلدى.

تاسقىن سۋ شىمكەنت قالاسىنا قاراستى ەلتاي ەلدى مەكەنىنە دە ءقاۋىپ ءتوندىردى. كوپ مولشەردەگى ارىق سۋى ارناسىنا سىيماي، سالدارىنان 60 تۇرعىن ءۇيدىڭ اۋلاسىن باستى. ءۇش شارۋاشىلىقتىڭ قۇرىلىسى قيرادى. 150 ادام ءقاۋىپسىز ايماققا كوشىرىلدى. سۋدىڭ دەڭگەيى 20-دان 50 سم-گە دەيىن كوتەرىلدى. «تاسقىن سۋ جىلدا كەلەدى، جىلدا بىرەۋدىڭ سارايى قۇلايدى»، – دەيدى ەلتايلىقتار.

ء

رابيا تۇرداليەۆا، ەلتاي اۋىلىنىڭ تۇرعىنى:

- سۋ قىردان كەلەدى، جەردەن شىقپايدى. توبەدەن كەلىپ اعىپ جاتىر. جىل سايىن وسىنداي بولادى. كەشە ءبارىن مەكتەپكە كوشىردى. ءبىز ءۇيىمىز قىردا بولعان سوڭ شىقپاي وتىرمىز. سۋ جەتپەيدى. ءارى قاراي قۇرعاق. مىنا جاقتىڭ ءبارى سەل بولىپ كەتتى. ءبارىن مەكتەپكە اۆتوبۋسپەن كوشىردى.

ەلتاي ەلدى مەكەنىندەگى سەلدىڭ زاردابىن جويۋ ءۇشىن ارنايى كوميسسيا قۇرىلاتىن بولدى. سۋ باسقان ايماقتى ارالاعان شاھار باسشىسى مۇرات ايتەنوۆ تاسقىننىڭ زاردابىن تەز ارادا جويۋدى تاپسىردى. اۆاريالىق-قۇتقارۋ جۇمىستارىنا قالالىق تجد-دان 57 قىزمەتكەر، 14 تەحنيكا مەن 14 موتوپومپا جۇمىلدىرىلدى. ال بادام وزەنىنىڭ تاسۋ قاۋىپىنە بايلانىستى سۋ باسۋ ايماعىنان 300 ادام ەۆاكۋاتسيالاندى. قۇتقارۋ جۇمىستارىنا 279 قىزمەتكەر مەن 64 تەحنيكا تارتىلدى.

ماديار جاقسىباەۆ، شىمكەنت قالاسى تجد باسشىسىنىڭ ورىنباسارى:

- قازىرگى تاڭدا ەلتاي اۋىلىندا قالپىنا كەلتىرۋ، سۋ سورۋ جۇمىستارى جالعاسۋدا. مۇندا دەپارتامەنتتىڭ، ۇلتتىق ۇلاننىڭ جانە جەرگىلىكتى ورگانداردىڭ قىزمەتكەرلەرى جۇمىلدىرىلعان. قاجەتتى تەحنيكالار مەن جۇك كولىكتەرى كومەك كورسەتۋدە. اتقارىلعان جۇمىستاردىڭ ناتيجەسنىدە سۋ باسقان اۋلالار تازالانىپ جاتىر. زارداپ شەككەندەر مەن قايتىس بولعاندار جوق. جاعداي تولىق باقىلاۋدا.

ء

قازىر سەل جۇرگەن بارلىق ەلدى مەكەندە قۇتقارۋ، سۋ سورۋ، قالپىنا كەلتىرۋ جۇمىستارى جۇرگىزىلىپ جاتىر. ال ءقاۋىپسىز ايماققا كوشىرىلگەن تۇرعىندار قاجەتتى زاتتار مەن ىستىق تاماقپەن قامتىلعان.

اۆتورلارى: جاندوس جۇمابەك، ەربولات ءابىش


كەلۋ قاينارى: http://www.elarna.net/koru.php?tur=31&id=1178533

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


شىعىس قازاقستاندا شەتەل 1 مينوت
تۇركىستان وبلىسىنىڭ مەش 7 مينوت
تاۋەلسىز ەلدىڭ ءتول نىش 7 مينوت
الماتىدا «عىلىم ورداسىن 9 مينوت
اقتوبەنىڭ ءبىر اۋدانى ك 9 مينوت
تارازدا 90 وتباسى باسپا 9 مينوت
ەلوردادا اسكەريلەر دەزي 13 مينوت
«باقىتتى وتباسى» باعدار 19 مينوت
وزبەكستاندا شەتەل اۆتوك 19 مينوت
اتىراۋدا كوروناۆيرۋستان 19 مينوت
مەسسي باستاعان ويىنشىلا 19 مينوت
ماقتاارالدا تۇرعىندارعا 28 مينوت
بىلىكتىلىك تەستىلەۋدەن 29 مينوت
ارالداعى سانيتارلىق بەك 29 مينوت
توقاەۆقا سوعىس جاعدايىن 29 مينوت
تەمەكىگە تاۋەلدىلىكتەن 29 مينوت
اتىراۋدا كوروناۆيرۋستان 29 مينوت
World Athletics توكيو و 1 ساعات
قاراعاندىدا رامىزدەر كۇ 1 ساعات
ەلىمىزدە سوتتاردىڭ جۇمى 1 ساعات
ورالدا بىرنەشە باعىتتاع 1 ساعات
ەلوردادا جەر ۇيدە گاز ب 1 ساعات
نۇر-سۇلتان: جەر ۇيدە گا 1 ساعات
دسم كوروناۆيرۋسپەن كۇرە 1 ساعات
وسى ارانى باسىپ كورىڭىز 1 ساعات
حالىق شاعىمىن ونلاين تۇ 1 ساعات
نۇر-سۇلتاندا جۇمىسشى ما 1 ساعات
شانا شاڭىراعىنىڭ شىراقش 1 ساعات
«اسەكەڭ ءۇمىتىمىزدىڭ شا 1 ساعات
قىزىلوردادا سوڭعى ءبىر 1 ساعات