ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: حابار ارناسى

جولدانعان ۋاقىتى: 00:51 - 2020/05/14

Нақты Көзі: https://khabar.kz/kk/news/sayasat/item/124942-mazhilis-ojyn-biznesi-turaly-zan-zhobasyn-birinshi-okylymda-makuldady

Oiyn biznesi

ەلىمىزدەگى بۋكمەكەرلىك كەڭسەلەر مەن توتاليزاتورلار الماتى جانە اقمولا وبلىستارىنداعى ارنايى ويىن ايماعىنا اۋىستىرىلادى.

بۇگىن ءماجىلىس دەپۋتاتتارى ويىن بيزنەسىنە قاتىستى زاڭ جوباسىنا وسىنداي وزگەرىس ەنگىزىپ، ءبىرىنشى وقىلىمدا ماقۇلدادى.

قۇمار ويىنعا قۇشتارلىقتىڭ سوڭى كوپ جاعدايدا قۇردىمعا جىبەرەدى. ويىنشىنى قالاي دا قۇتقارۋ قاجەت. ۇكىمەت «ويىنشى ءوزىن-وزى شەكتەپ، ءوتىنىش جازۋى ءتيىس» دەگەن ۇسىنىس جاسادى. ءبىراق دەپۋتاتتار ەسىل-دەرتى ويىنعا كەتكەن جان ونى ءوز كۇشىمەن جەڭە المايتىنىن ەسكەرىپ، جاڭا نورما ەنگىزدى. ول بويىنشا قۇمار ويىنشىنى ودان شىعارۋ ءۇشىن تۋىستارى سوتقا بەرە الادى.

اقتوتى رايىمقۇلوۆا، قازاقستان رەسپۋبليكاسى مادەنيەت جانە سپورت ءمينيسترى:

- ۋاكىلەتتى مەملەكەتتىك ورگانداردا بۋكمەكەرلىك كەڭسەلەر مەن ويىنشىلاردىڭ اراسىنداعى اقشا وپەراتسيالارى تۋرالى تولىق جانە دۇرىس اقپاراتپەن قامتاماسىز ەتۋ ءۇشىن جانە ءباس تىگۋگە قاتىسۋدان شەكتەۋ تەتىگىن ىسكە اسىرۋ ءۇشىن ستاۆكالاردى ەسەپكە الۋ ورتالىعىن قۇرۋ كوزدەلەدى.

ياعني قۇزىرلى ورگاندار ورتالىق ارقىلى تولىق باقىلاۋ جۇرگىزەدى. بۇل – بيزنەستى كولەڭكەدەن شىعارۋعا سەپ. ەلىمىزدە ارنايى ويىن ايماقتارى اقمولا وبلىسىنداعى بۋراباي كۋرورتى مەن الماتى وبلىسىنداعى قاپشاعاي قالاسىندا ورنالاسقان. زاڭ جوباسىنا ەنگىزىلگەن تاعى ءبىر وزگەرىس: بۇكىل بۋكمەكەرلىك كەڭسە مەن توتاليزاتورلار ارنايى وسى 2 ايماققا كوشىرىلەدى. ياعني ويناعىسى كەلگەن ازامات قالا ىشىندە ارنايى ويىن ايماعىنا بارۋى قاجەت. ەسكەرەتىن جايت: ويىن قۇرالدارىن كوشىرۋ كەزىندە بيۋدجەتكە سالماق تۇسپەيدى.

قانات باەدىلوۆ، قازاقستان رەسپۋبليكاسى قارجى ءمينيسترىنىڭ ورىنباسارى:

- بۇل نىسانداردى ارنايى بولىنگەن اۋماقتارعا اۋىستىرعاننان بيۋدجەتكە ءتۇسىم ازايمايدى. سەبەبى ارنايى بولىنگەن اۋماقتاردا ەلەكتروندى كاسسا كوبەيەدى. ونىڭ ستاۆكاسى 10 ەسە كوپ. سوعان سايكەس ويىن بيزنەسىنەن قوسىمشا سالىق الاتىن بولامىز. ويىن بيزنەسىنىڭ نىساندارى مەن ويىنشىلاردىڭ ناقتى قارجى اينالىمىن دا اشىق كورە الامىز.

قۇجاتتىڭ ۇكىمەت ۇسىنعان نۇسقاسىندا الماتى وبلىسىندا 2، ماڭعىستاۋ وبلىسىندا 1 – بارلىعى 3 جاڭا ويىن ايماعىن قۇرۋ ۇسىنىلعان بولاتىن. الايدا ءماجىلىس دەپۋتاتتارى زاڭ جوباسىن تالقىلاۋ بارىسىندا قوسىمشا ويىن ايماقتارىن اشۋ تۋرالى نورمانى الىپ تاستادى.

ايگۇل شايىموۆا، قازاقستان رەسپۋبليكاسى ۇلتتىق ەكونوميكا ءمينيسترىنىڭ ورىنباسارى:

- ۇيلەستىرۋشى ورگان بيزنەستىڭ بۇل ءتۇرىن الىپ تاستاپ وتىرعان جوق. تەك قانا ارنايى ويىن ايماقتارىندا جۇزەگە اسىرۋدى ۇسىندى.

ء

ماجىلىس ءتوراعاسى زاڭ جوباسىنا ەنگىزىلگەن جاڭا وزگەرىستەر ويىن بيزنەسىن بارىنشا ءتيىمدى ۇيلەستىرۋگە جول اشاتىنىن اتاپ ءوتتى. ويىن بيزنەسىندە اشىقتىق پايدا بولادى. قۇجات سونداي-اق قۇمار ويىندارعا پسيحولوگيالىق تۇرعىدا تاۋەلدى جانداردىڭ قاتارىن ازايتۋعا سەپ.

نۇرلان نىعماتۋلين، قازاقستان رەسپۋبليكاسى پارلامەنتى ءماجىلىسىنىڭ ءتوراعاسى:

- اكىمشىلىك باسقارۋ جەتىلدىرىلىپ، ەكونوميكانىڭ بۇل سالاسىنان مەملەكەتتىك بيۋدجەتكە ءتۇسىم وسەدى. ستاۆكالاردى ەسەپكە الۋ ورتالىعى بولادى. جاسىرىن ارەكەت ەتۋ توقتايدى. بارلىعى جاريا تۇردە جۇرەتىن بولادى. قارجى مينيسترلىگى دە مۇنى راستاپ وتىر. ولار قاجەتتى ەسەپ جۇرگىزگەن. ەلىمىزدە بيزنەستىڭ بۇل ءتۇرى جابىلمايدى، ونى رەتتەۋ تەتىكتەرى ەسكەرىلگەن. حالىقارالىق نورمالارعا ساي كەلتىرىلىپ وتىر.

ايتا كەتەيىك، زاڭ جوباسىنىڭ تاعى جاڭاشىلدىعى بۋكمەكەرلىك كەڭسەلەردە تەك سپورتتىق وقيعالارعا ستاۆكا قويۋعا رۇقسات ەتىلمەك. ءماجىلىس دەپۋتاتتارى بۇگىن سونداي-اق دەنساۋلىق كودەكسىنىڭ جوباسىن ەكىنشى وقىلىمدا ماقۇلدادى. قۇجاتقا مەملەكەت باسشىسىنىڭ تاپسىرمالارىن ورىنداۋعا باعىتتالعان نورمالار ەنگىزىلىپ وتىر. وندا توتەنشە جاعداي رەجيمى مەن كارانتيندە دەنساۋلىق ساقتاۋ جۇيەسىنىڭ جۇمىسىن جەتىلدىرۋ جولدارى كورسەتىلگەن.

اۆتورى: ينديرا جىلقايداروۆا


كەلۋ قاينارى: http://www.elarna.net/koru.php?tur=31&id=1177602

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ءقازىر ەلىمىزدە كوروناۆ 2 مينوت
سينوپتيكتەر شقو-دا ۇسىك 2 مينوت
ءۇش وبلىستا كارانتينگە 5 مينوت
اقش قالالارىندا ناسىلشى 8 مينوت
كازاحستانسكي كومپوزيتور 8 مينوت
حانافيلەردى نەگە ماتۋري 8 مينوت
«كۇي-live» دومبىراشىلار 8 مينوت
مەملەكەت باسشىسى ۇقك ال 8 مينوت
مەكتەپ ديرەكتورلارىنىڭ 8 مينوت
قازاقستان چەمپيوناتىنىڭ 8 مينوت
مىنا اقشا 6-ايدان باستا 8 مينوت
وبلىستار اراسىنداعى اۆت 11 مينوت
16 جىل بويى قىزمەت ەتكە 11 مينوت
تاراز قالاسىندا 90 ادام 14 مينوت
ءقازىر ەلىمىزدە كوروناۆ 17 مينوت
تىلەۋحان ابىلداەۆ الەۋم 17 مينوت
عىلمي جولمەن ەگىن ەگىپ، 18 مينوت
قىتايدىڭ ويىن-ساۋىق سال 18 مينوت
ءبىرقاتار ءوڭىردىڭ اكىم 18 مينوت
بعم مۇعالىمدەردىڭ بىلىك 20 مينوت
توقاەۆ قازاقستاندىقتارد 23 مينوت
ءۇش وبلىستا كارانتين شا 23 مينوت
اقتاۋدا وڭىرلىك ەكولوگي 23 مينوت
10 ماۋسىمنان باستاپ تاع 23 مينوت
الماتىدا 10 مىڭنان استا 26 مينوت
توقاەۆ ۇقك ءتوراعاسى كا 26 مينوت
16 جىل بويى قىزمەت ەتكە 26 مينوت
ءبىرقاتار لاۋازىم يەلەر 28 مينوت
انا تىلىندەگى اقپارات ا 28 مينوت
پارگەليا دەگەن نە؟ 28 مينوت