ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: حابار ارناسى

جولدانعان ۋاقىتى: 23:30 - 2020/05/12

Нақты Көзі: https://khabar.kz/kk/news/sayasat/item/124914-kasym-zhomart-tokaev-khalykaralyk-auezhajdy-kalpyna-keltiru-zhosparymen-tanysty

قاسىم-جومارت توقاەۆ حالىقارالىق اۋەجايدى قالپىنا كەلتىرۋ جوسپارىمەن تانىستى

الماتى حالىقارالىق اۋەجايىندا جاڭا تەرمينال سالىنادى.

وسىلايشا جولاۋشى اعىنى جىلىنا 6 ملن-عا ارتا تۇسپەك. الماتىعا جۇمىس ساپارىمەن بارعان مەملەكەت باسشىسى قاسىم-جومارت توقاەۆ حالىقارالىق اۋەجايدى قالپىنا كەلتىرۋ جوسپارىمەن تانىستى. سونداي-اق پرەزيدەنت قالادا قايتا جوندەلىپ جاتقان جانە قۇرىلىسى ەندى باستالعان ءبىرقاتار نىسانعا باردى. ەندى الماتىنىڭ اجارى ءتىپتى ارتا تۇسەدى. جولى كەڭەيەدى، بوتانيكالىق باعى تۇرلەنەدى.

بۇل – قاسىم-جومارت توقاەۆتىڭ ەلدەگى توتەنشە جاعداي اياقتالعاننان كەيىنگى العاشقى جۇمىس ساپارى. ەشتەڭە وزگەرگەن جوق، سول الاتاۋ، سول بوكتەر. ساپاردىڭ ەرەكشەلىگى تەك ساقتىقتا، ماسكاسىز جۇرگەن ەشكىم جوق. جاڭا قوجايىن، جاڭا تەرمينال. الماتى حالىقارالىق اۋەجايىنىڭ ەندىگى يەسى تۇرىك كومپانياسى الداعى ەكى جىلدا حالىقارالىق اۋەقاتىناستارى ءۇشىن جاڭا تەرمينال سالاتىن بولدى. جوبانىڭ قۇنى – 150 ملن ەۋرو. اۋماعى 55 مىڭ شارشى مەتر، وسىلايشا الماتى حالىقارالىق اۋەجايىنداعى جولاۋشىلار اعىنى قوسىمشا 6 ملن ادامعا ارتاتىن بولادى. قاسىم-جومارت توقاەۆ مۇنداي جوسپارمەن الماتى اۋەجايى ورتالىق ازياداعى ەڭ ءىرى اۆياتسيالىق حابقا اينالاتىنىنا سەنىم ءبىلدىردى.

الماتىنىڭ ءبىر پروبلەماسى – كولىك كەپتەلىسى. مۇنى مەگاپوليستىڭ جەتىنشى اكىمى باقىتجان ساعىنتاەۆ تا جاقسى بىلەدى. مىنا جول ايرىعى سول پروبلەمانى تۇگەل شەشپەسە دە، الماتىلىقتاردىڭ جولداعى ازابىن جەڭىلدەتە تۇسەدى. بۇقتىرما كوشەسىمەن قيىلىساتىن «قۇلجا» تاسجولىندا كولىكتەرگە ارنالعان ءۇش دەڭگەيلى جول ايرىعى الماتىنىڭ سولتۇستىك-شىعىس بولىگىنە تۇسەتىن جۇكتەمەنى ازايتادى. جوبانىڭ قۇنى – 20،2 ملرد تەڭگە. قۇرىلىسى وتكەن جىلى شىلدەدە باستالعان، 2022 جىلعى اقپاندا اياقتالۋى ءتيىس.

ء

بىراق ءقازىر جولداعى كەپتەلىستەن دە ماڭىزدى پروبلەما بار. ول – كوروناۆيرۋسپەن كۇرەس. ەلدە ەپيدەميلوگيالىق جاعداي تۇراقتالعانمەن، جۇقتىرعاندار سانى بەس مىڭنان اسىپ كەتتى. سونىڭ دەنى – الماتىدا.

ەندى الماتىلىقتار كولىكتەن شىقپاي-اق، كوروناۆيرۋستىق ينفەكتسياعا تەست تاپسىرا الدى. پرەزيدەنت الماتىدا اشىلعان ءموبيلدى سكرينينگ-ورتالىقتىڭ جۇمىسىمەن تانىستى.

مۇنداي ءموبيلدى سكرينينگ-ورتالىقتاردى وڭتۇستىك كورەيا العاش بولىپ قولدانا باستادى. الماتىداعى كورەيلىك كلينيكا كۇنىنە 150 ادامنىڭ تەست الۋعا ءازىر. ناتيجەسى ءبىر تاۋلىكتە بەلگىلى بولادى.

مين حيسۋك، MPK Clinic's باس ديرەكتورى:

- درايۆەرس رۋم، ياعني كولىكتەن شىقپاي تەست تاپسىرۋ تاجىريبەسى ءقازىر كوپ ەلدە بار. بۇل ەڭ الدىمەن مەديتسينالىق قىزمەتكەرلەردى ينفەكتسيا جۇقتىرۋدان ساقتاندىرادى. پروتسەدۋرا وڭاي، ءبىراق تالاپتارى بار. كولىكتە جۇرگىزۋشىنىڭ ءوزى جانە ارتتا ءبىر جولاۋشى عانا وتىرۋى ءتيىس. جانە ءبارى مىندەتتى تۇردە ماسكامەن كەلۋى كەرەك.

وسىلايشا كلينيكا قىزمەتكەرلەرى الداعى ەكى ايدا الماتىلىقتاردىڭ دەنىن كوروناۆيرۋستىق ينفەكتسياعا تەكسەرىپ شىعۋعا نيەتتى. ارينە ءاربىرىنىڭ ەمەس، قالتاسى كوتەرگەننىڭ. سەبەبى قىزمەت اقىلى، 15 500 تەڭگە تۇرادى.

نەللي لاپتەۆا، الماتى قالاسىنىڭ تۇرعىنى:

- بۇل وتە ىڭعايلى. ەشقانداي قۇجات تولتىرعان جوقپىز، پروتسەدۋراعا بار بولعانى بىرنەشە مينۋت كەتتى. قالا ورتالىعىندا ورنالاسقان، تەرمينال ارقىلى تولەۋگە بولادى. ءيا، باعاسى قىمبات، ءبىراق ەسەسىنە قىزمەت كورسەتۋ ساپاسى جاقسى، ۋاقىتىڭ كەتپەيدى.

قازاقستاندىق دارىگەرلەر مۇنداي ىندەتپەن العاش رەت بەتپە-بەت كەلىپ وتىر. پرەزيدەنتپەن كەزدەسكەن دارىگەرلەر العاشىندا ابدىراپ قالعاندارىن جاسىرماي ايتتى. قورقىنىش، سەنىمسىزدىك. ءبىراق مەملەكەتتىك دەڭگەيدە دەر كەزىندە قابىلدانعان شارالار، ۋاقىتىندا كورسەتىلگەن كومەكتىڭ ارقاسىندا ىندەت اۋىزدىقتالدى. دارىگەرلەر وسىنداي سىن ساعاتتا ەرەكشە قولداۋ بىلدىرگەنى ءۇشىن قاسىم-جومارت توقاەۆقا العىسىن ايتتى. مەملەكەت باسشىسى دا مەدبيكەلەردى مەرەكەمەن قۇتتىقتاۋدى ۇمىتقان جوق.

الماتىنىڭ باس بوتانيكالىق باعىن قالپىنا كەلتىرۋ جۇمىستارى دا اياقتالۋعا جاقىن. باقتى قايتا قالپىنا كەلتىرۋ جۇمىسىن بولات وتەمۇراتوۆ قورى 2018 جىلى باستاعان. باقشانى قالپىنا كەلتىرۋگە 5 ملرد تەڭگە جۇمسالدى. بوتانيكالىق باقتا 175 مىڭعا جۋىق جاڭا وسىمدىك وتىرعىزىلدى. قاسىم-جومارت توقاەۆ قالا اكىمدىگى مەن قوردىڭ بىرلەسكەن جۇمىستارىن جوعارى باعالادى. مەملەكەت باسشىسىنىڭ ويىنشا، قالا تۇرعىندارى مەن قوناقتارىنىڭ تاڭداۋى تاۋدان كەيىن وسى بوتانيكالىق باققا ءتۇسۋى ءتيىس.

قاسىم-جومارت توقاەۆ، قازاقستان رەسپۋبليكاسىنىڭ پرەزيدەنتى:

- بوتانيكالىق باق – الماتىلىقتار مەن قازاقستاندىقتار ءۇشىن، اسىرەسە وسىندا تۋىپ ءوسىپ، جاستىق شاعىن وتكىزگەندەر ءۇشىن تانىمال جەر. الماتى تۇرعىندارىن وسى اۋماقتى ساقتاۋعا، وعان ءوز ۇيىندەي قاراۋعا شاقىرامىن. اكىمدىك پەن قور بىرىگىپ، ۇلكەن ءارى كەرەك جۇمىس اتقاردى دەپ ويلايمىن.

الماتىدا الەۋمەتتىك قىزمەت كورسەتۋ ءۇيى اشىلادى. ول ءۇشىن مىنا ەسكى عيماراتتى جوندەۋگە جول كارتاسى اياسىندا 1،3 ملرد تەڭگە بولىنگەن. بۇل مەكەمە حالىقتىڭ الەۋمەتتىك جاعدايى تومەن توپتارىنا ء«بىر تەرەزە» قاعيداتى بويىنشا ءتۇرلى قىزمەت كورسەتەدى. «پاندەمياعا قاراماستان، ازاماتتارىمىزدى الەۋمەتتىك تۇرعىدان قامتاماسىز ەتۋ ماسەلەلەرىمەن اينالىسۋ ماڭىزدى. بۇل – باسىم ءارى ستراتەگيالىق مىندەت»، –دەدى پرەزيدەنت.

دانيار الكەبايۇلى، الەۋمەتتىك ءال-اۋقات باسقارماسى باسشىسىنىڭ ورىنباسارى:

- جوسپار بويىنشا بۇل عيمارات اشىلعان سوڭ وسى جەرگە بارلىق مەملەكەتتىك قىزمەت ورنالاساتىن بولادى. Open space جانە ءبىر تەرەزە قاعيداتى بويىنشا جۇرگىزىلەتىن بولادى.

قاسىم-جومارت توقاەۆ وسى نىساندى ارالاۋ بارىسىندا ۇكىمەتكە بەرگەن جەكە تابىس سالىعىنىڭ ۇدەمەلى ولشەمىن ەنگىزۋ تۋرالى تاپسىرماسىنىڭ ءمانىن تۇسىندىرە كەتتى. قازاقستان پرەزيدەنتىنىڭ پىكىرىنشە، بۇل جاڭالىقتىڭ ماقساتى – الەۋمەتتىك ادىلدىكتى قامتاماسىز ەتۋ. مۇنداي جۇيە ءبىرقاتار مەملەكەتتە قولدانىلادى.

قاسىم-جومارت توقاەۆ، قازاقستان رەسپۋبليكاسىنىڭ پرەزيدەنتى:

- ءبىز بۇل ماسەلەگە الەۋمەتتىك ادىلدىكتى قامتاماسىز ەتۋ جاعىنان قاراۋىمىز قاجەت. جەكە تابىس سالىعىنىڭ ۇدەمەلى ولشەمىن ەنگىزۋدىڭ تۇپكى ماعىناسى مىنادا جاتىر، تابىسى از ازاماتتار از سالىق تولەۋى ءتيىس. سايكەسىنشە، تابىسى كوپ ازاماتتار سالىقتى كوپ تولەۋى قاجەت. مىسالى مەنىڭ ويىمشا، ايىنا 250-300 مىڭ تەڭگە جالاقى الاتىن ازاماتتار تابىس سالىعىن 7% مولشەرلەمە بويىنشا تولەۋى ءتيىس. ياعني قازىرگى 10% تومەن بولۋى كەرەك. ال ايىنا 300 مىڭ تەڭگەدەن 1،5-2 ملن تەڭگەگە دەيىن تابىس تاباتىندار ءۇشىن قازىرگى 10% مولشەرلەمە ساقتالادى. ال 25 ملن تەڭگەدەن كوپ تابىس تاباتىن ازاماتتار ءۇشىن پايىزدىق مولشەرلەمە كولەمى ارتۋى ءتيىس دەگەن پىكىردەمىن. ارينە، مولشەرلەمە كولەمىن ۇكىمەتتىك كوميسسيا انىقتايتىن بولادى. ول ءتۇرلى بولۋى مۇمكىن.

دەگەنمەن پرەزيدەنت: «جەكە تابىس سالىعىنىڭ پايىزدىق مولشەرلەمەسى 15% اسپاۋى كەرەك»، –دەپ ەسەپتەيدى. بۇل ماسەلەنى ماماندار ءالى تالقىلايدى، وڭ، تەرىسىن باعالايدى، ءبىراق توقەتەرىن پرەزيدەنت ايتادى. ال الەۋمەتتىك ادىلدىك ورناتۋ ماسەلەسىندە قاسىم-جومارت توقاەۆتىڭ ۇستانىمى بەلگىلى.

اۆتورلارى: گۇلجان مارقاباەۆا، الماس ومارعاليەۆ، دۋلات ەنتەبەكوۆ


كەلۋ قاينارى: http://www.elarna.net/koru.php?tur=31&id=1176639

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


اۋىل شارۋاشىلىعىنداعى ء 27 سەكوند
قر اۋىل شارۋاشىلىعى ءمي 27 سەكوند
بيىل تامىز ايىندا جازعى 3 مينوت
يندونەزيا مۇسىلماندارى 6 مينوت
تۇركىستان: جازعى لاگەرل 6 مينوت
فۋتبول: كەرەمەت قولداۋش 6 مينوت
نەفەدوۆا حانىم پاتەرىن 6 مينوت
وقيعالار حرونيكاسى. 3 م 6 مينوت
جاڭا داۋىردەگى حالىق قۇ 6 مينوت
«حاينان ەركىن ساۋدا پور 6 مينوت
«سارىارقا» كلۋبى انتون 6 مينوت
ىلە-الاتاۋ ۇلتتىق پاركى 9 مينوت
تۇلكىباس اۋدانىندا اۋىل 9 مينوت
سۋارمالى جەرلەردىڭ كولە 9 مينوت
پرەزيدەنت: رەسەي – قازا 12 مينوت
بايقوڭىر كۇللى ادامزات 12 مينوت
كوروناۆيرۋسپەن كۇرەستەگ 15 مينوت
الماتى: 3 ماۋسىمداعى تۇ 15 مينوت
جاڭ سىشۋە جولداس قايتىس 16 مينوت
ن.نىعماتۋلين: باستى ماق 16 مينوت
شقو-دا بيزنەس نىساندارى 16 مينوت
ەۋروپارلامەنت دەپۋتاتى 16 مينوت
ۇلتتىق ۆاليۋتانىڭ دوللا 16 مينوت
ورالدا اۆتوكولىك ءجاسوس 18 مينوت
پاندەميا كەزىندە جاقسىل 18 مينوت
توقاەۆ: "قازاقستان 21 مينوت
كوروناۆيرۋسقا قارسى ۆاك 21 مينوت
لاتىن قارپىنە بىرتىندەپ 21 مينوت
بقو: ء231-شى باسپانانىڭ 21 مينوت
1 ماۋسىمنان باستاپ egov 21 مينوت