نۇر-سۇلتان. قازاقپارات - ءساۋىر ايىندا «ارسەلورميتتال تەمىرتاۋ» اق ءوندىرىستى جاڭعىرتۋ مەن قايتا قۇرۋدىڭ ستراتەگيالىق دامۋ جوسپارىن ۇسىنادى، دەپ حابارلايدى قازاقپارات ەكولوگيا مينيسترلىگىنە سىلتەمە جاساپ.
بۇعان دەيىن قازاقستاننىڭ ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ «ارسەلورميتتال» كومپانياسىنىڭ ۆيتسە-پرەزيدەنتى ۆيجاي گويال مىرزامەن كەزدەسكەن ەدى.
«2019 جىلدىڭ سوڭىندا كومپانيامەن مەموراندۋم بەكىتتىك. كومپانيا 4 جىل ىشىندە شىعارىندىلاردىڭ 30%-ىن ازايتۋ تۋرالى مىندەتتەمە الدى. 2020 جىلدىڭ قورىتىندىسى بويىنشا مينيستر باستاعان توپ تەمىرتاۋدا ءۇش رەت كەڭەس وتكىزدى. قاڭتار ايىندا دا بارىپ كەلدى، ءبىراق كومپانيا بۇل مىندەتتەمەلەردى ورىنداماي جاتىر. مەموراندۋم بويىنشا تالاپتاردىڭ نەگە ورىندالماي جاتقانى تۋرالى وتە قاتاڭ اڭگىمە بولدى»، - دەدى قر ەگترم ەكولوگيالىق رەتتەۋ جانە باقىلاۋ كوميتەتىنىڭ ءتوراعاسى زۋلفۋحار جولداسوۆ نۇر-سۇلتاندا وتكەن جۋرناليستەرگە ارنالعان بريفينگتە.
ونىڭ ايتۋىنشا، كومپانيا قازىرگى پاندەمياعا، كارانتين شارالارىنا جانە جابدىقتاردى جەتكىزۋدىڭ قيىندىعىنا جانە باسقا دا سەبەپتەردى ايتقان.
«كومپانيا ءساۋىر ايىنىڭ سوڭىنا دەيىن شىعارىندىلاردى جاڭعىرتۋ، قايتا جاراقتاندىرۋ جانە ازايتۋ بويىنشا تولىق ستراتەگيانى ۇسىنۋعا ۋادە بەردى. مينيستر بارلىق تالاپتاردى ايتتى: 4 جىل ىشىندە شىعارىندىلاردى كەم دەگەندە 30% تومەندەتۋدى قامتاماسىز ەتۋ، حالىق پەن مەملەكەتتىك ورگاندار شىعارىندىلاردىڭ ناقتى كولەمىن كورە الۋى ءۇشىن بارلىق شىعارىندىلاردى اۆتوماتتاندىرۋ قاجەت»، - دەپ اتاپ ءوتتى ز. جولداسوۆ.
سونىمەن بىرگە ز. جولداسوۆ ۋادە مەن ستراتەگيالار ورىندالماسا، كومپانياعا ءقاۋىپ تونەتىنىن ايتتى.
«ەگەر ورىندالماسا، رۇقساتتى قايتارىپ الۋ ماسەلەسى دە قاراستىرىلۋى مۇمكىن. رۇقساتتى كەرى قايتارىپ الۋ ارينە، جابۋدى، توقتاتا تۇرۋدى قامتيدى. ياعني، بۇل مىندەتتەمەلەردى قاتاڭ قويىپ، ولاردىڭ ورىندالۋىن قاداعالايتىن بولامىز»، - دەدى كوميتەت ءتوراعاسى.
سونداي-اق، تەمىرتاۋ قالاسىندا ءۇش جىل ىشىندە 500 مىڭ اعاش وتىرعىزۋ جوسپارى بار
ءتۇرى: قازاقپارات جاڭالىقتارى
جولدانعان ۋاقىتى: 22:48 - 2021/02/23
