تۇركىستان. قازاقپارات - بىلتىر جەتىساي اۋدانى بويىنشا اۋداندىق ماڭىزى بار اۆتوموبيل جولى مەن ەلدى مەكەندەرگە قاراستى 53 كوشەگە ورتا جوندەۋ جانە 219 كوشەگە اعىمداعى (تاس توسەۋ) جول جوندەۋ جۇمىستارى جۇرگىزىلگەن.
بۇل تۋرالى قازاقپارات تۇركىستان وبلىسىنىڭ وڭىرلىك كوممۋنيكاتسيالار قىزمەتىنە سىلتەمە جاساپ حابارلايدى.
ونداعى مالىمەتتەرگە قاراعاندا، اۋداندا «اۋىل - ەل بەسىگى» باعدارلاماسى اياسىندا 15،2 شاقىرىمدى قۇرايتىن 22 كوشەگە ورتا جوندەۋ، «جۇمىسپەن قامتۋدىڭ جول كارتاسى» باعدارلاماسى بويىنشا 1،68 شاقىرىمدىق 1 كوشەگە ورتا جوندەۋ جانە 3 كوشەگە جاياۋ جۇرگىنشىلەرگە ارنالعان جول سالۋ جۇمىستارى جۇرگىزىلگەن.
سونىمەن قاتار، وبلىستىق بيۋدجەت ەسەبىنەن 185 كوشەنىڭ جول جوندەلسە، جەرگىلىكتى بيۋدجەت ەسەبىنەن 30 كوشەگە ورتا جوندەۋ جانە 34 كوشەگە اعىمداعى جوندەۋ (تاس توسەۋ) جۇمىستارى جۇرگىزىلدى. سونداي-اق، جول قاۋىپسىزدىگىن قامتاماسىز ەتۋ ماقساتىندا 6 كوشە قيىلىسىنا باعدارشامدار ورناتىلىپ، ستاندارتقا ساي 9 جاساندى جول كەدەرگىلەرى مەن 114 جول بەلگىلەرى ورناتىلدى.
2020 جىلى جەتىساي اۋدانىنىڭ جول سالاسىن دامىتۋعا جالپى 5 ملرد تەڭگە قارجى باعىتتالعان. وعان ۇزىندىعى 31 شاقىرىم - رەسپۋبليكالىق، 26،8 شاقىرىم - وبلىستىق جانە اۋداندىق ماڭىزى بار اۆتوموبيل جولدارى مەن ەلدى مەكەندەرگە قاراستى 50 كوشەگە ورتاشا، 218 كوشەگە اعىمداعى (تاس توسەۋ) جوندەۋ جانە 5 كوشەگە جاياۋ جۇرگىنشىلەرگە ارنالعان جول سالۋ جۇمىستارى جۇرگىزىلىپ، پايدالانۋعا بەرىلگەن.
«بيىل جەتىساي اۋدانىندا «اۋىل – ەل بەسىگى» باعدارلاماسى بويىنشا جالپى ۇزىندىعى 18،1 شاقىرىمدى قۇرايتىن 20 نىسانعا ورتا جوندەۋ جۇمىستارىن جۇرگىزۋ جوسپارلانىپ وتىر. وبلىستىق جانە جەرگىلىكتى بيۋدجەت ەسەبىنەن جالپى ۇزىندىعى 25،7 شاقىرىمدى قۇرايتىن 32 كوشەگە ورتا جوندەۋ جانە 13،2 شاقىرىمدىق 24 كوشەگە اعىمداعى (تاس توسەۋ) جول جوندەۋ جۇمىستارى جۇرەدى»، - دەيدى جەتىساي اۋدانى جولاۋشىلار كولىگى جانە اۆتوموبيل جولدارى ءبولىمىنىڭ باسشىسى نۇركەن المەش.
ءتۇرى: قازاقپارات جاڭالىقتارى
جولدانعان ۋاقىتى: 22:06 - 2021/02/23
