نۇر-سۇلتان. قازاقپارات - قۇرلىقتىق حوككەي ليگاسى اياسىندا ەلوردالىق «بارىس» بۇگىن، 23 اقپاندا ەلوردادا رەسەيدىڭ «اك بارس» (قازان) كومانداسىمەن كەزدەستى، دەپ حابارلايدى قازاقپارات ءتىلشىسى.

ۇقساس جاڭالىقتار

تۇركىستان قالاسىندا بەكزات ساتتارحانوۆ اتىنداعى سپورت كەشەنى سالىنادى

تەننيس: پۋتينتسەۆا ادەلايدا ءتۋرنيرىنىڭ ەكىنشى اينالىمىنا شىقتى حوككەي: «بارىستىڭ» بۇگىنگى ويىنىن قايدان كورۋگە بولادى تەننيس: كۋكۋشكين نۇر-سۇلتان ءتۋرنيرىنىڭ ەكىنشى اينالىمىنا شىعا المادى

ەكى كوماندا بۇعان دەيىن 40 مارتە شەبەرلىك بايقاستى. ونىڭ ون سەگىزىندە «بارىس» باسىمدىق تانىتسا، قالعانىندا «اك بارستىڭ» مەرەيى ۇستەم بولدى. ەلوردالىق كلۋب ولاردىڭ قاقپاسىنا 75 شايبا سوقسا، ءوز قاقپاسىنا 137 گول جىبەرىپ الدى.

ايتا كەتەرلىگى، ەكى كوماندا اراسىنداعى سوڭعى ءتورت ويىندا رەسەيلىك كلۋبتىڭ ءۇش مارتە مەرەيى ۇستەم بولدى.

سوندىقتان بۇگىنگى ويىن تارتىستى ءوتتى. ەلوردالىق كوماندا ساپىنان كيورتيس ۆالك 19-مينۋتتا مەرگەندىگىمەن كوزگە ءتۇستى. ال 32-مينۋتتا داررەن ديتس ەسەپتى ۇلعايتتى.

بۇدان كەيىن «اك بارس» ساپىنان ۆيكتور تيحونوۆ 34، دميتري يۋدين 50-مينۋتتا گول سوعىپ، تارازى باسىن تەڭەستىردى. ال 51-مينۋتتا فيل ۆارونە «بارىستى» تاعى دا العا شىعارسا، وعان رەسەيلىك حوككەيشى كيريلل پەتروۆ ءبىر شايبامەن جاۋاپ قايىردى.

نەگىزگى كەزەڭ 3:3 ەسەبىمەن تەڭ اياقتالىپ، ويىن وۆەرتايمعا ۇلاستى. وۆەرتايمدا «اك بارس» ساپىنان ارتيوم گاليموۆ جەڭىس شايباسىن سوقتى. وسىلايشا ەلوردالىق كوماندا قارسىلاسىنا 3:4 ەسەبىمەن جول بەردى.

ەندى «بارىس» سىرت ايدىندا قىتايدىڭ «كۋنلۋن رەد ستار» كومانداسىمەن كەزدەسەدى.

ەستەرىڭىزگە سالا كەتەلىك، «بارىس» بۇدان بۇرىن ەلوردادا «سيبيرگە» ەسە جىبەردى.