ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقپارات جاڭالىقتارى

جولدانعان ۋاقىتى: 18:54 - 2020/05/23

Нақты Көзі: https://www.inform.kz/kz/almaty-oblysynda-koronavirusty-anyktaytyn-zhetinshi-zerthana-iske-kosylady_a3653358

الماتى وبلىسىندا كوروناۆيرۋستى انىقتايتىن جەتىنشى زەرتحانا ىسكە قوسىلادى

تالدىقورعان. قازاقپارات - الماتى وبلىسىندا كوروناۆيرۋستى انىقتايتىن جەتىنشى زەرتحانا ىسكە قوسىلادى. تالدىقورعاندا بوي كوتەرگەن نىساننىڭ جۇمىسىمەن ۇكىمەت باسشىسىنىڭ ورىنباسارى ەرالى توعجانوۆ تانىستى، دەپ حابارلايدى قازاقپارات ءتىلشىسى.

الماتى وبلىسىنا جۇمىس ساپارىمەن كەلگەن قر پرەمەر-مينيسترى اسقار مامينمەن بىرگە دەلەگاتسيا قۇرامىندا ۇكىمەت باسشىسىنىڭ ورىنباسارى ەرالى توعجانوۆ تا بولىپ، ۆيتسە-پرەمەر تالدىقورعانداعى قۇرىلىسى اياقتالعان ورتالىقتاندىرىلعان مەديتسينالىق زەرتحاناعا باردى.

ەرالى توعجانوۆتىڭ جەتىسۋ وڭىرىنە جاساعان ساپارى نەگىزىنەن كوروناۆيرۋس ىندەتىمەن كۇرەس شارالارىمەن تانىسىپ، ءبىلۋ ماقساتىنا باعىتتالدى.

ۆيتسە-پرەمەر وبلىس اكىمىنىڭ ورىنباسارى باتىرجان بايجۇمانوۆپەن بىرگە زەرتحانا عيماراتىن ارالاپ كوردى.


ب. بايجۇمانوۆ ورتالىق سالۋ جوباسى مەملەكەتتىك-جەكەمەنشىك ارىپتەستىك شەڭبەرىندە جۇزەگە اسىرىلعانىن ايتتى. قۇرىلىسى اياقتالعان عيماراتتى ماۋسىم ايىندا اشۋ جوسپارلانعان. مەديتسينالىق مەكەمە وبلىستاعى ء7-شى زەرتحانا. سوندىقتان № 7 زەرتحانا رەتىندە جۇمىسقا كىرىسەتىن بولادى.

3 قاباتتى عيماراتتىڭ قۇرىلىسى، زەرتحانالىق مۇمكىندىكتەرى، پاتسيەنتتەر قابىلداۋ رەتى جانە باسقا دا مالىمەتتەردى ەرالى توعجانوۆقا «وليمپ» كلينيكو-دياگنوستيكالىق زەرتحانانىڭ الماتى وبلىستىق فيليالىنىڭ ديرەكتورى ارمان شاۋحين بايانداپ بەردى. ونىڭ ايتۋىنشا، زەرتحانا كونسۋلتاتيۆتى-دياگنوستيكالىق قىزمەت كورسەتەتىن مەكەمە بولماق. زەرتحانانىڭ قۇرىلىس جۇمىستارىن بۇدان نەعۇرلىم ەرتە مەرزىمدە اياقتاۋ جوسپارلانعانىمەن، ىندەتتىڭ تارالۋى قۇرىلىستىڭ ءبىراز كەشىكتىرىلۋىنە سەبەپ بولعان. دەگەنمەن بۇگىنگى كۇنى قۇرىلىس جۇمىستارى، ىشكى ارلەۋى تولىق اياقتالعان. قاجەتتى قۇرال-جابدىقتار اكەلىنگەن، ىسكە قوسۋعا دايىن.


ەرالى توعجانوۆ جۇقپالى اۋرۋلاردى دياگنوستيكالايتىن، سول قاتاردا كوروناۆيرۋسقا پتر تالداۋىن جاسايتىن زەرتحانالار ورنالاساتىن ەكىنشى قاباتتى تولىق ارالاپ كوردى. مۇندا قويىلاتىن قۇرال-جابدىقتار، قورعانۋ شارالارى، زارارسىزداندىرۋ پروتسەسى جايلى سۇراپ ءبىلدى.

وبلىس اكىمىنىڭ ورىنباسارى باتىرجان بايجۇمانوۆ بۇگىنگى كۇنى وڭىردە COVID-19 ينفەكتسياسىنا تەكسەرۋدىڭ تاۋلىگىنە 2،5 مىڭ زەرتتەۋى جاسالسا، وسى زەرتحانا ىسكە قوسىلعاننان كەيىن زەرتتەۋ سانىن 3 مىڭعا جەتكىزۋگە مۇمكىندىك بار ەكەنىن ايتتى. ال جالپى وبلىستا بۇگىنگە دەيىن 38 مىڭنان استام زەرتتەۋ جاسالعان.

ۆيتسە-پرەمەرگە وبلىستاعى كوروناۆيرۋس ىندەتىنىڭ بۇگىنگى تارالۋ جايى، ەمدەۋ شارالارى، ينفەكتسيالىق توسەك پەن پروۆيزورلىق ستاتسيونارلاردىڭ جاعدايى تۋرالى تولىق ماعلۇمات بەرىلدى.

«ەڭ الدىمەن ىندەت جۇقتىرۋ ءقاۋپى جوعارى توپقا جاتاتىن مەديتسينا ماماندارى، پوليتسيا قىزمەتكەرلەرى جانە باسقا دا ىندەتپەن كۇرەس شالارارىنا تارتىلعان ازاماتتاردى تەكسەرۋدەن وتكىزۋ ۇزدىكسىز جۇرگىزىلۋى كەرەك. وبلىستىڭ قىتايمەن، سول سياقتى شىعىس قازاقستان، جامبىل وبلىستارىمەن شەكتەسەتىن اۋماقتارىن ءجىتى باقىلاۋ كەرەك. سىرتتان كەلگەندەرى، شەت مەملەكەتتەردەن كەلىپ جاتقان ستۋدەنتتەرىمىزدى، سىرتقاتتارمەن بايلانىستا بولعان ازاماتتاردى پروۆيزورلىق ستاتسيونارلارعا كارانتينگە الۋ جۇمىستارى ءتيىستى دەڭگەيدە بولۋى ءتيىس. ىندەتتەن قايتىس بولۋ دەرەگىنە جول بەرمەۋىمىز كەرەك. وبلىستاعى بۇل باعىتتاعى جۇمىستارعا قانىقپىن. جۇمىستى وسى قارقىندا جالعاستىرا بەرىڭىزدەر»، - دەدى ە. توعجانوۆ.

سول سياقتى ۆيتسە-پرەمەر «وليمپ» زەرتحاناسىنىڭ قىزمەت كورسەتۋ باعالارى جايلى سۇراپ، حالىقتىڭ جاعدايىنا سايكەس بولۋىن دا ەستە ۇستاۋ كەرەكتىگىن ايتتى.


اتاپ وتسەك، ورتالىقتاندىرىلعان مەديتسينالىق زەرتحانانىڭ قۇرىلىسى 2018 جىلدىڭ شىلدە ايىندا باستالعان بولاتىن. الداعى ماۋسىم ايىندا اشۋ جوسپارلانعان. جالپى الاڭى – 2016 شارشى مەتر. قۇرىلىسىن جۇرگىزگەن مەردىگەر ۇيىم – «ناتسسترويليدەر» جشس.



كەلۋ قاينارى: http://www.elarna.net/koru.php?tur=3&id=1185150

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ەل تارىقپاسىن دەسەك... 3 مينوت
جايىلىم پروبلەماسىن تال 6 مينوت
بۇگىن - مەملەكەتتىك رام 9 مينوت
الاتاۋ مەن الماتى 9 مينوت
اۋىلداعى اياق كيىم فابر 12 مينوت
4 ماۋسىم. قازاقپارات كۇ 15 مينوت
وتاندىق ءونىم 72 ەلگە ە 18 مينوت
لي كچياڭ شاندۇڭدا قىزمە 18 مينوت
اۋىلداعى اعايىن ينتەرنە 21 مينوت
ماقتاارالداعى احۋال باق 24 مينوت
ايقىن باعىت، تۋرا جول 30 مينوت
توقال الۋ ءۇشىن بايبىشە 1 ساعات
ازاتتىقتىڭ ايشىقتى نىشا 1 ساعات
جۇمىسقا قابىلدايمىن: سق 1 ساعات
دۇنيە جۇزىندە جاڭا تيپت 1 ساعات
كوپ ەل قايراتكەرلەرى: ش 1 ساعات
جامبىل وبلىسىندا بالىق 2 ساعات
حان جىڭ حايناندا تەكسەر 2 ساعات
ەركىن ساۋدا پورتىن جوعا 2 ساعات
فۋتبول. ۋەفا تۇركيالىق 2 ساعات
ەكى ءماجىلىس رۋحىنىڭ ءم 3 ساعات
ۆوروگوۆسكي نامىسىن قورع 3 ساعات
قوستاناي وبلىسىندا ارمە 3 ساعات
كەدەيلىكتەن قۇتىلدىرۋدا 3 ساعات
تۇلەكتەر اتتەستات الدى 4 ساعات
ەڭ جوعارى حالىق سوتى مە 4 ساعات
«ەلەكتروندىق بيرجاداعى» 4 ساعات
مينسك قالاسى تمد-نىڭ ۆە 4 ساعات
جۇمىسقا ورنالاستىرعان ء 4 ساعات
مۇحتار تىلەۋبەردى كاناد 4 ساعات