ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-2010832600477 %23 %
2019-09-21812349637 %63 %
2019-09-2213449044 %56 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقپارات جاڭالىقتارى

جولدانعان ۋاقىتى: 08:18 - 2019/06/13

نۇر-سۇلتان. قازاقپارات - بۇگىن، ياعني 13 ماۋسىمدا تۇلعالاردان كىمدەر دۇنيەگە كەلگەن؟ قازاقپارات وقىرماندارىنا ەسىمدەر كۇنتىزبەسىن ۇسىنادى.

ەسىمدەر


13 ماۋسىم. تۋعان كۇن يەلەرى72جىل
بۇرىن (1947) قازاقستان رەسپۋبليكاسى پرەزيدەنتىنىڭ جانىنداعى «رۋحاني جاڭعىرۋ» باعدارلاماسىن ىسكە اسىرۋ جونىندەگى ۇلتتىق كوميسسيانىڭ مۇشەسى، قازاقستان رەسپۋبليكاسىنىڭ ەڭبەك سىڭىرگەن قايراتكەرى، مەملەكەتتىك سىيلىقتىڭ لاۋرەاتى،اقىن، دراماتۋرگ نۇرلان مىرقاسىمۇلى ورازالين دۇنيەگە كەلدى.

ول الماتى وبلىسى، ۇيعىر اۋدانى، كوكباستاۋ اۋىلىندا تۋعان. 1965 جىلى ورتا مەكتەپتى بىتىرگەن سوڭ، قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىنە وقۋعا ءتۇستى.

ەڭبەك جولىن 1970 جىلى «قازاقستان پيونەرى» (قازىرگى «ۇلان») گازەتىندە ادەبي قىزمەتكەر بولىپ باستادى. 1972-1984 جىلدار ارالىعىندا رەسپۋبليكا مادەنيەت مينيسترلىگىنىڭ رەپەرتۋارلىق-رەداكتسيالىق كوللەگياسىندا رەداكتور، اعا رەداكتور، باس رەداكتور قىزمەتتەرىن اتقاردى. 1984-1986 جىلدارى رەسپۋبليكالىق قۋىرشاق تەاترىنىڭ ديرەكتورى بولدى. 1986 جىلى قازاقستان تەاتر قايراتكەرلەرى وداعىنىڭ ءبىرىنشى سەزىندە وداق باسقارماسىنىڭ ءبىرىنشى حاتشىسى بولىپ سايلانىپ، 1986 جىلى وتكەن سسسر تەاتر قايراتكەرلەرى وداعىنىڭ ءبىرىنشى سەزىندە باسقارما قۇرامىنا ەندى. 1990-1993 جىلدارى قازاق سسر جوعارعى كەڭەسىنىڭ دەپۋتاتى بولدى. 1993-1996 جىلدارى «ەگەمەن قازاقستان» گازەتىنىڭ باس رەداكتورى قىزمەتىن اتقاردى. 1996 جىلدان قازاقستان جازۋشىلار وداعىنىڭ ءبىرىنشى حاتشىسى، باسقارما ءتوراعاسى بولدى. 2013-2016 جىلدارى - قر پارلامەنتى سەناتىنىڭ دەپۋتاتى.

2017 جىلدىڭ ساۋىرىنەن«رۋحاني جاڭعىرۋ»باعدارلاماسىن ىسكە اسىرۋجونىندەگى ۇلتتىق كوميسسيا مۇشەسى.

«قۇرمەت» (2005)، «پاراسات» (2010) وردەندەرىمەن، مەدالدارمەن ماراپاتتالعان. الماتى قالاسىنىڭ قۇرمەتتى ازاماتى.


13 ماۋسىم. تۋعان كۇن يەلەرى66جىل
بۇرىن (1953) جازۋشى، اۋدارماشى، «مەكتەپ»باسپاسىنىڭ باس ديرەكتورى ەرلان ابەنۇلى ساتىبالديەۆ دۇنيەگە كەلدى.

الماتى قالاسىندا تۋعان. م.گوركي اتىنداعى ادەبيەت ينستيتۋتىنىڭ اۋدارماشىلار دايارلايتىن ءبولىمىن اياقتاعان.

رەسپۋبليكالىق «جازۋشى» باسپاسىندا رەداكتور، «جالىن» باسپاسىندا اۋدارما ءبولىمىنىڭ مەڭگەرۋشىسى، «ينەربۋك» بىرىككەن كاسىپورنىنىڭ، «ونەر» باسپاسىنىڭ ديرەكتورى، قازاق تەلەديدارى مەن راديوسى رەسپۋبليكالىق كورپوراتسياسىنىڭ پرەزيدەنتى بولىپ قىزمەت اتقارعان. ءقازىر «مەكتەپ» باسپاسىنىڭ باس ديرەكتورى. قازاق جازۋشىلارىنىڭ شىعارمالارى مەن قازاق اۋىز ادەبيەتىنىڭ ءبىرقاتار تۋىندىلارىن ورىس تىلىنە اۋدارعان.

قازاقستان رەسپۋبليكاسىنىڭ مەدالدارىمەن ماراپاتتالعان.


13 ماۋسىم. تۋعان كۇن يەلەرى64جىل
بۇرىن (1955) كومپوزيتور، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى بالنۇر بالعابەكقىزى قىدىربەك دۇنيەگە كەلدى.

الماتى قالاسىندا تۋعان. ك.بايسەيىتوۆا اتىنداعى رەسپۋبليكالىق ارناۋلى مۋزىكا مەكتەبىن، قۇرمانعازى اتىنداعى قازاق ۇلتتىق كونسەرۆاتورياسىن بىتىرگەن.

الماتى مەملەكەتتىك كونسەرۆاتورياسىندا، قازاقستان كومپوزيتورلار وداعىندا قىزمەت ىستەگەن. 2007 جىلدان بەرى «قازاقستان كومپوزيتورلار قاۋىمداستىعى» قوعامدىق بىرلەستىگىنىڭ ءتورايىمى، 2010 جىلدان بەرى ەۋرازيا كومپوزيتورلار قاۋىمداستىعىنىڭ پرەزيدەنتى.

«قارلىعاشتىڭ قۇيرىعى نەگە ايىر» اتتى تۇڭعىش ۇلتتىق بالالار بالەتىنىڭ، «قالقامان-مامىر» وپەرا-بالەتىنىڭ، «ناۋرىز مەيرام حيكاياسى» بالەتىنىڭ، سونداي-اق كوپتەگەن سيمفونيالىق پوەمالار مەن ۋۆەرتيۋرالاردىڭ، وركەسترلىك، كامەرالىق شىعارمالاردىڭ اۆتورى. ول - وتاندىق مۋزىكا تاريحىندا تۇڭعىش رەت ۇرمەلى اسپاپتار وركەسترىنە ارنالعان شىعارمالار جازعان كومپوزيتور.


13 ماۋسىم. تۋعان كۇن يەلەرى36 جىل
بۇرىن (1983) قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترى جاسلان حاسەنۇلى ماديەۆ دۇنيەگە كەلگەن.

ول الماتى قالاسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىن الەمدىك ەكونوميكا جانە حالىقارالىق قارجى ماماندىعىمەن (2004); كولۋمبيا ۋنيۆەرسيتەتى، حالىقارالىق قاتىناستار جانە مەملەكەتتىك باسقارۋ مەكتەبىن (نيۋ-يورك، اقش) ەكونوميكالىق ساياسات جونىندەگى ەكونوميكالىق ساياسات ماگيسترى دارەجەسىمەن (2007); ماسساچۋسەتس تەحنولوگيالىق ينستيتۋتى، سلوۋن بيزنەس مەكتەبىن ىسكەرلىك اكىمشىلىك ماگيسترى دارەجەسىمەن (بوستون/كەمبريدج، اقش) (2016) بىتىرگەن.

ەڭبەك جولى: «اليانس بانك» اق-دا تاعىلىمگەر (2004); «اليانس بانك» اق مامانى، جەتەكشى مامانى، قارىزدىق كاپيتال نارىعى ءبولىمىنىڭ باستىعى (2004-2006); «Morgan Stanley» ينۆەستيتسيالىق بانكىنىڭ (لوندون، ۇلىبريتانيا) قىزمەتكەرى (07.2007-10.2007); «قازىنا» تۇراقتى دامۋ قورى» اق قىزمەتكەرى، قازاقستان رەسپۋبليكاسى پرەزيدەنتى اكىمشىلىگىندە قىزمەت اتقارعان (2007-2008); «سامۇرىق-قازىنا» ۇلتتىق ءال-اۋقات قورى» اق قازىناشىلىق دەپارتامەنتىنىڭ ديرەكتورى (2008-2009); «Kazyna Capital Management» اق باسقارما ءتوراعاسىنىڭ ورىنباسارى (2009-2010); «قازاقستاننىڭ دامۋ بانكى» اق باسقارما ءتوراعاسىنىڭ ورىنباسارى (2010-2014); قازاقستان رەسپۋبليكاسى ۇلتتىق بانكى ديرەكتورىنىڭ ورىنباسارى (2014-2015); قازاقستان رەسپۋبليكاسى پرەمەر-مينيسترىنىڭ كەڭەسشىسى (08.2016-10.2016); «قازاقستان تەمىر جولى» ۇلتتىق كومپانياسى» اق باسقارما ءتوراعاسىنىڭ قارجى جونىندەگى ورىنباسارى (2017-2019).

قازىرگى لاۋازىمىن 2019 جىلعى ءساۋىر ايىنان بەرى اتقارىپ كەلەدى.


13 ماۋسىم. تۋعان كۇن يەلەرى26 جىل
بۇرىن (1993-2018) قازاقستاندىق مانەرلەپ سىرعاناۋشى دەنيس تەن دۇنيەگە كەلدى.

الماتى قالاسىندا تۋعان. دەنيس - كورەي يمپەرياسى كەزىندە داڭقتى قولباسشى بولعان گەنەرال مين گىنحونىڭ ۇرپاعى. مانەرلەپ سىرعاناۋدان بولەك، تەننيس، اكروباتيكا، تاەكۆوندو، كاراتە، جۇزۋمەن اينالىسىپ، بي جانە سۋرەت سالۋ مەكتەبىنە بارعان. مۋزىكا مەكتەبىندە 5-سىنىپتى ءتامامداپ، حورعا قاتىسقان. 2002 جىلى دەنيس تەن قاتىسقان حور ۇجىمى پۋسانداعى حور وليمپياداسىندا كۇمىس مەدال يەلەندى. كەيىننەن مانەرلەپ سىرعاناۋمەن اينالىسۋعا ءبىرجولا دەن قويدى. 2003 جىلى "حرۋستالنىي كونەك" تۋرنيرىندە ونى ەلەنا بۋيانوۆا (ۆودورەزوۆا) بايقاپ، ماسكەۋگە ءوزىنىڭ قول استىندا جاتتىعۋعا شاقىرادى. تەن ەرەسەك سپورتشىلارمەن جارىسىپ، 2006 جىلعى قازاقستان چەمپيوناتىن جەڭەدى. ءبىراق، حالىقارالىق دەڭگەيدە تەك كەلەسى جىلدان باستاپ كورىنە باستادى، وعان حالىقارالىق كونكيمەن سىرعاناۋشىلار وداعىنىڭ جاس شەكتەۋلەرى (13 جاس) سەبەپ بولدى.

سپورتتاعى جەتىستىكتەرى: ول - 2014 جىلى مانەرلەپ سىرعاناۋدان سوچي وليمپياداسىنىڭ قولا جۇلدەگەرى، 2013 جىلعى الەم چەمپيوناتىنىڭ كۇمىس جۇلدەگەرى، ءVىى قىسقى ازيا ويىندارىنىڭ چەمپيونى، ء28-شى قىسقى ۋنيۆەرسيادانىڭ (الماتى-2017) چەمپيونى، قازاقستاننىڭ ءۇش دۇركىن چەمپيونى. قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى.


كەلۋ قاينارى: http://www.elarna.net/koru.php?tur=3&id=1008282

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قازاقستان سەناتورلارى ك 10 مينوت
مىڭداعان الماتىلىق جارى 20 مينوت
22 قىركۇيەك. قازاقپارات 27 مينوت
ءابليازوۆتىڭ سىبايلاستا 1 ساعات
الماتىدا حالىق جازۋشىسى 1 ساعات
Əبۋ ناسىر ءال-فارابي جə 1 ساعات
ۆيتسە-مينيستر كوپبالالى 1 ساعات
باس پروكۋراتۋرا قازاقست 1 ساعات
ءدىنتانۋشى: ءداستۇرلى ي 1 ساعات
وسكەمەندە اپات سالدارىن 1 ساعات
باس ءارىپ پە، كىشى ءارى 1 ساعات
ۆاشينگتوندا اتىس بولىپ، 2 ساعات
نۇر-سۇلتاندا اداسىپ كەت 2 ساعات
پاۆلوداردا پوليتسەي اسى 2 ساعات
سەمەيدە ءامينا ءومىرزاق 2 ساعات
اقتوبە وبلىسىندا جەتىنش 2 ساعات
كوۆالەۆ پەن الۆارەس الع 2 ساعات
"استانا" "مانچەستەر يۋن 2 ساعات
رامازان قارساڭىندا مەشى 2 ساعات
ينتەرنەت جۇلدىزى تىكەلە 3 ساعات
قىتايدىڭ ەڭ باي ادامى ت 3 ساعات
رامازان – مۇمكىندىك ايى 3 ساعات
تۇركىستاندا Open Space 3 ساعات
جەڭىس قاسىمبەك قاراعاند 3 ساعات
وسى ارانى باسىپ كورىڭىز 3 ساعات
UFC چەمپيونى ۇيىم باسشى 3 ساعات
ەلوردادا ءتىل تۋرالى زا 4 ساعات
رىسقاليەۆتەر ءىسى: مەمل 4 ساعات
ءابليازوۆ قورقىپ وتىر - 4 ساعات
اقتوبەدە جولاقىسىن كارت 4 ساعات