تۇركىستان وبلىسىندا 20 936 ادام ەكپە قابىلدادى. ونىڭ 13 887 – مەديتسينا قىزمەتكەرلەرى، 5407 – پەداگوگ. 600-گە جۋىعى قۇقىق قورعاۋ ورگاندارى مەن 500-گە جۋىعى ءارتۇرلى توپتاعى ازاماتتار، – دەپ حابارلايدى Dalanews.kz تۇركىستان وبلىسى اكىمىنىڭ ءباسپاسوز قىزمەتىنە سىلتەمە جاساپ.
ەپيدەميولوگيالىق احۋالدى ەسكەرە وتىرىپ، ءساۋىر ايىندا ەكپە سالدىرۋعا نيەت بىلدىرگەندەردىڭ سانى ارتقان. ءقازىر ەكپە قابىلداعاندار دارىگەرلەردىڭ باقىلاۋىندا.
وبلىستا ەكىنشى كومپونەنتپەن 10 مىڭعا جۋىق ۆاكتسينا الدى. ەسكە سالا وتسەك، ەكپە سالۋ ءتۇرلى سانات بويىنشا كەزەگىمەن جۇرگىزىلۋدە. ينفەكتسياعا قارسى ۆاكتسيناتسيالاۋ جۇمىستارى قالاداعى 65 ەمدەۋ مەكەمەسىندە جۇرگىزىلۋدە.
بۇگىنگى تاڭدا ۆاكتسينا سالدىرۋ – كوروناۆيرۋس اۋرۋىنىڭ تارالۋىن بولدىرماۋدىڭ بىردەن- ءبىر جولى بولىپ وتىر. ۆاكتسينا تەگىن جانە ەرىكتى تۇردە سالىنادى.
سوڭعى تاۋلىكتە تۇركىستان وبلىسىندا 13 ادامدا COVID-19 ىندەتى انىقتالدى. تاۋلىكتىك ءوسىم 0،28 % قۇرايدى. جالپى وبلىستا پاندەميا بەلەڭ الاعالى 600 مىڭعا جۋىق پتر- سىنامالارى الىنعان. سوڭعى تاۋلىكتە زەرتحانالاردا 3 مىڭداي ادام تەكسەرىلگەن. جۇقپالى اۋرۋلار اۋرۋحاناسىندا بارلىعى 610 ورىن بار. جالپى، پاندەميا باستالعالى ينفەكتسياسى راستالعان 4598 جاعداي تىركەلدى. ولاردىڭ 2933-دا اۋرۋ سيمپتومسىز وتكەن بولاتىن. ايتا كەتەيىك، تۇركىستان وبىلىسى جاسىل ايماقتا. بۇگىنگى كۇنى الەمنىڭ 221 ەلىندە 130 ملن-نان استام كۆي جاعدايى تىركەلىپ وتىر.
تاعى وقىڭىز:تۇركىستاندىق دارىگەرلەر شالا تۋعان ۇشەمنىڭ ءومىرىن ساقتاپ قالدى