ءتۇرى: قالا مەن دالا گازەتى جانە استانا اقشامى گازەتى
جولدانعان ۋاقىتى: 15:15 - 2021/02/23
بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ادۆوكاتى پرەزيدەنت قاسىم-جومارت توقاەۆقا ۇندەۋ جولداپ، ەكس-مينيستردىڭ «زاڭسىز قۋدالانۋىن» باقىلاۋىنا الۋدى ءوتىندى.
ادۆوكات دميتري كۋرياچەنكونىڭ سوزىنە قاراعاندا، نۇر-سۇلتان قالاسىنىڭ تەرگەۋ سوتى 12 اقپاندا ءبىرتانوۆتىڭ ءۇيقاماق مەرزىمىن ناۋرىز ايىنىڭ سوڭىنا دەيىن ۇزارتقان. ادۆوكات 22 اقپاندا توقاەۆقا ۇندەۋ جولداعانىن دا حابارلاعان. ء«بىراق ۇندەۋىمدى وعان جەتكىزبەي قويا ما دەپ قورقامىن» دەدى ادۆوكات اگەنتتىككە.
49 جاستاعى ەلجان ءبىرتانوۆ 2017 جىلدىڭ قاڭتارىنان بيىلعى ماۋسىم ايىنىڭ سوڭىنا دەيىن دەنساۋلىق ساقتاۋ ءمينيسترى قىزمەتىن اتقارعان. ول كوروناۆيرۋسپەن اۋىرعاندار سانى كۇرت كوبەيىپ، اۋرۋحانالاردا ورىن جەتپەي قالعان تۇستا وتستاۆكاعا كەتكەن. ونىڭ ورنىنا الەكسەي تسوي قىزمەتكە كەلدى، ال ءبىرتانوۆ ەل كوزىنە تۇسپەي كەتتى.
بىلتىر قاراشادا ونىڭ ء«ىرى كولەمدە قارجى جىمقىرۋ» كۇدىگى بويىنشا ۇستالعانى حابارلاندى. سول كەزدە ءبىرقاتار جەرگىلىكتى باق ءبىرتانوۆتىڭ تسيفرلاندىرۋعا بولىنگەن 526 ميلليون تەڭگە كولەمىندە (1،2 ميلليون دوللار) قاراجاتتى «يەمدەندى» دەپ ايىپتالعانىن ءجازدى.
بىرتانوۆ ۇستالعاننان كەيىن الەۋمەتتىك جەلىدە ونى قولداۋ اكتسيالارى ءوتتى. قولدانۋشىلار بيلىكتەن ونى بوساتۋدى سۇراعان.
قاڭتار ايىندا سوت ونىڭ ءۇيقاماق مەرزىمىن 28 اقپانعا دەيىن سوزعان ەدى.
بىرتانوۆ كومانداسىندا ءمينيستردىڭ ورىنباسارى بولىپ جۇمىس ىستەگەن ولجاس ابىشەۆ بىلتىر تامىزدىڭ باسىندا قامالدى. كەيىنىرەك بۇرىنعى ۆيتسە-مينيسترگە اقپاراتتىق جۇيەلەر قۇرۋ ءۇشىن بولىنگەن 500 ملن تەڭگەدەي قاراجاتتى جىمقىردى دەگەن ايىپ تاعىلعانى بەلگىلى بولدى.
قازاقستان – تمد-دا كوروناۆيرۋستان ەڭ كوپ زارداپ شەككەن ەلدەردىڭ ءبىرى. ساراپشىلاردىڭ كوبى بۇعان جەمقورلىق، دەنساۋلىق ساقتاۋ سالاسىنداعى اشىقتىقتىڭ جوقتىعى سياقتى جايتتار سەبەپ بولدى دەگەن تۇجىرىم جاساعان.
