ءتۇرى: قالا مەن دالا گازەتى جانە استانا اقشامى گازەتى
جولدانعان ۋاقىتى: 13:15 - 2021/02/23
ماڭعىستاۋ وبلىسىنىڭ ورتالىعى اقتاۋ قالاسىنداعى 15 شاعىن اۋداندى اباتتاندىرۋ جۇمىستارى جۇرگىزىلۋدە، – دەپ حابارلايدى Dalanews.kz اقپارات اگەنتتىگى اقتاۋ قالالىق قۇرىلىس ءبولىمىنىڭ باسشىسى ەلدار ماشىرىقوۆ مالىمدەمەسىنە سىلتەمە جاساپ.
– اتالعان جوبا 15 شاعىن اۋداندى تولىق قامتيدى. جالپى، 13500 شارشى مەتر جەرگە اسفالت-بەتون توسەلىنەدى. تارقاتىپ ايتساق، 2700 شارشى مەترگە جاياۋ جۇرگىنشى جولىن سالۋ، 1200 شارشى مەتر اۋماققا بالالار ويىن الاڭىن جانە 450 شارشى مەترگە فۋتبول الاڭىنىڭ قۇرىلىسى قاراستىرىلعان. قازىرگى تاڭدا وسى جۇمىستار قارقىندى جۇرۋدە. كەشەندى اباتتاندىرۋ جۇمىستارى جىل اياعىندا تولىقتاي اياقتالاتىن بولادى، – دەدى ەلدار ماشىرىقوۆ.
قازىر جوندەۋ جۇمىستارىنىڭ 30%-ى اياقتالعان. ءبىر ويىن الاڭى سالىنعانىن ايتا كەتۋىمىز كەرەك. الداعى ۋاقىتتا جارىق شامدار، ورىندىقتار، قوقىس جاشىكتەرى ورناتىلادى دەپ جوسپارلانۋدا.
«جۇمىسپەن قامتۋدىڭ – 2020» باعدارلاماسى اياسىندا 25-كە جۋىق ادام جۇمىسپەن قامتىلعان.
تاعى وقىڭىز:ماڭعىستاۋلىق كاسىپكەر اۋلاسىنان شىققان مينەرالدى سۋدى ارنايى قۇتىعا قۇيىپ، ساۋداعا شىعاردى
