ءتۇرى: قالا مەن دالا گازەتى جانە استانا اقشامى گازەتى
جولدانعان ۋاقىتى: 20:45 - 2021/02/19
بيلىك وپپونەنتى جاسارال ءقۋانىشالين قوعام بەلسەندىسى ماكس بوقاەۆتى ەل سەنىمىن اقتامادى دەپ ايىپتادى.
ونىڭ پىكىرىنشە بوستاندىققا شىققان بوقاەۆ بۇرىنعى پوزيتسياسىنان تايقىپ كەتكەن. ءقۋانىشالين مۇنى جانبولات مامايدان كورەدى.
“ماكس تۇرمەدە وتىرعاندا ونى ماماي، تالعان ايان جانە بيلىكتىڭ باسقا دا جالدامالى جانسىزدارى قورشاپ الىپ، ءوز “قامقورلىعىنا” الدى. ماكستىڭ ماماي قۇرعان پارتيانى قولدايتىنىنا كوزىم جەتتى” – دەيدى ول.
قۋانىشالين وسى ارادا بۇدان تۋرا ءبىر جىل الەمجەلىدە “ماكستى مامايدىڭ پارتياسىنا تارتۋ بيلىكتىڭ كومەگىمەن ءجۇرىپ جاتىر” دەگەن پوست جازعانىن ەل ەسىنە سالىپتى. وسى سەبەپتى دە بوقاەۆ بوستاندىققا شىققاندا، ونى بىردەن قۇتتىقتاماي، ءالىپتىڭ ارتىن باققان.
“وكىنىشكە وراي، ونىڭ اينالاسىندا ماماي مەن مامايشىلدار ءجۇر. بوقاەۆ مامايدىڭ پارتياسىنا قوسىلام دەگەن ويىنان اينىماپتى. سوعان قاراماي سوڭىنا دەيىن ءۇمىت ۇزگىم كەلمەدى. ء“قايتىپ ءۇيىرىن تابار” دەگەن سەنىمدە ءجۇردىم. الايدا ماكستىڭ سوڭعى سۇحباتى بۇل ماسەلەگە نۇكتە قويعانداي بولدى.
ونىڭ 30 جىل بويى ەل بيلەگەن نازارباەۆتى كەمشىلىكتەرى ءۇشىن جاۋاپكەرشىلىكتەن بوساتىپ، “دەمالىسقا جىبەرۋ” جانە جاعدايدى “ازامات سوعىسىنا جەتكىزبەۋ” ءۇشىن بيلىكپەن “ديالوگ قۇرۋ” تۋرالى ەش اقىلعا سىيمايتىن، كۇرەسكەرگە ءتان ەمەس ۇسىنىستارى ءۇمىتىمنىڭ بىت-شىتىن شىعاردى!”، – دەيدى جاسارال مىرزا.
قوعام بەلسەندىسىنەن كوڭىلى قالعان ول تۇرمەگە دەيىنگى بوقاەۆ پەن تۇرمەدەن كەيىنگى بوقاەۆ ەكى بولەك ادام دەپ ەسەپتەيدى. ءقۋانىشاليننىڭ پىكىرىنشە بۇگىنگە جۇيەمەن استىرتىن كەلىسىمگە كەلگەن “كۇرەسكەرلەردى” قازاق قوعامى قابىلدامايدى. “ماكس بوقاەۆ، وكىنىشكە وراي، حالىق سەنىمىن اقتامادى”، – دەيدى ول.
