ءتۇرى: قالا مەن دالا گازەتى جانە استانا اقشامى گازەتى
جولدانعان ۋاقىتى: 21:30 - 2021/02/17
اقتاۋ قالاسىندا ۇلتتىق قۇندىلىقتاردى ۇلىقتاۋ ماقساتىندا «اجەدەن عيبرات» كلۋبى قۇرىلدى. سانالى تاربيە مەن سالت ءداستۇردى جاس ۇرپاق بويىنا ءسىڭىرۋ ءۇشىن ولار تانىمدىق ساباقتار وتكىزىپ، ۇرشىق ءيىرۋ مەن بالقايماق قايناتۋدى كورسەتەدى.
اقپاننىڭ 16 كۇنى كلۋب مۇشەلەرى «Microsoft Teams» ونلاين پلاتفورماسىندا باس قوسىپ، العاشقى كەزدەسۋ وتكىزدى. اقتاۋ قالاسىنداعى «نازارباەۆ زياتكەرلىك» مەكتەبىنىڭ 7-سىنىپ وقۋشىسى زەرە قۇرمانبايدىڭ اجەسى رىستى ديۋمباەۆا ۇرشىق ءيىرۋ جولدارىن كورسەتتى.
كلۋب مۇشەلىگىندە 7، 8 جانە 11 سىنىپ وقۋشىلارىنىڭ اجەلەرى بار. ولار ازىرگە «حالقىن سۇيگەن، سالتىن سۇيەر»، «ون ساۋساعىنان بال تامعان»، «قازاق – قوناقجاي حالىق» اتتى ءۇش تاقىرىپتا ساباق وتكىزەدى.
ەندى اجەلەر الداعى ۋاقىتتا ۇلتتىق سۋسىندار مەن تاعامداردى دايىنداۋ ءادىسىن كورسەتەدى. بۇدان بولەك كيىز ءۇي جابدىقتارى مەن توقىما توقۋ، ويۋ باستىرۋدى ۇيرەتەدى
اقتاۋ قالاسىنداعى «نازارباەۆ زياتكەرلىك» مەكتەبىنىڭ ءباسپاسوز قىزمەتى
تاعى وقىڭىز:ماڭعىستاۋ وبلىسى اكىمىنىڭ ورىنباسارى سپۋتنيك V ۆاكتسيناسىن سالدىردى
