ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قالا مەن دالا گازەتى جانە استانا اقشامى گازەتى

جولدانعان ۋاقىتى: 12:00 - 2020/05/20

Нақты Көзі: https://dalanews.kz/53119

توقاەۆ ەۋرازيالىق وداقتىڭ وكىلەتتىگىن كەڭەيتۋدى قولدامادى | DalaNews

توقاەۆ ەۋرازيالىق وداقتىڭ وكىلەتتىگىن كەڭەيتۋدى قولدامادى

كۇنى كەشە عانا جوعارى ەۋرازيالىق ەكونوميكالىق كەڭەستىڭ شاعىن قۇرامداعى ونلاين وتىرىسى ءوتتى. وعان ەۋرازيالىق وداققا مۇشە ەلدەردىڭ باسشىلارى قاتىسىپ، ۇيىمنىڭ جۇمىسىنا قاتىستى ويلارىن ورتاعا سالدى. ءوز كەزەگىندە قازاقستان پرەزيدەنتى قاسىم-جومارت توقاەۆ تا ەۋرازيالىق ەكونوميكالىق كەڭەستىڭ جۇمىسىنا قاتىستى وي-پىكىرىن اشىپ ايتتى. مەملەكەت باسشىسى ىندەت كەزىندە تۋىنداعان بارلىق شەكتەۋلەر مەن كەدەرگىلەردى كەزەڭ-كەزەڭىمەن الىپ تاستاۋدى، ورتاق اقپاراتتىق رەسۋرستاردى قۇرۋ ءىسى ءتيىستى دەڭگەيدە ىسكە اسپاي جاتقانىن، العا تارتتى. سونىمەن قاتار وداققا مۇشە ەلدەردىڭ وزگە ەلدەرمەن كەلىسسوزدەرىندە ەەك وكىلەتتىلىگىن كەڭەيتۋ باسى ارتىق دۇنيە ەكەنىن اتاپ ءوتتى.

قاسىم-جومارت توقاەۆ ونلايىن وتىرىستا كوروناۆيرۋسپەن كۇرەس ماسەلەسىن جانە ودان كەيىن شەكتەۋلەردى الىپ تاستاۋ كەزىندە كولىك بيلىگىنىڭ، سانيتارلىق قىزمەتتەردىڭ، شەكارالىق ۆەدومستۆولاردىڭ ۇيلەسىمدى جۇمىسىن قامتاماسىز ەتۋدىڭ ماڭىزىنا توقتالدى.

– ءوزارا تاۋار اينالىمى كولەمىنىڭ ساقتالىپ، ارتا ءتۇسۋىن قامتاماسىز ەتۋگە جاردەمدەسۋ، ونىڭ نومەنكلاتۋراسى مەن بالانسىنىڭ ءارتاراپتاندىرىلۋىن قامتاماسىز ەتۋ ماڭىزدى. ىندەت كەزىندە تۋىنداعان بارلىق شەكتەۋلەر مەن كەدەرگىلەردى كەزەڭ-كەزەڭىمەن الىپ تاستاۋ جوسپارى قاجەت. ءبىزدىڭ دەنساۋلىق ساقتاۋ، سانيتارلىق-ۆەتەرينارلىق جانە باقىلاۋدىڭ باسقا دا سالالارىنداعى ۆەدومستۆولارىمىز داعدارىستان ساباق الىپ، ءبىر جاعىنان ازاماتتارىمىزدىڭ قاۋىپسىزدىگىن، ەكىنشى جاعىنان تاۋارلاردىڭ كەدەرگىسىز قوزعالىسىن قامتاماسىز ەتەتىن ءوزارا ءىس-قيمىلدىڭ لايىقتى تەتىكتەرىن ۇسىنۋى ءتيىس، – دەدى قازاقستان پرەزيدەنتى.

سونىمەن بەرگە قازاقستان پرەزيدەنتى ەۋرازيالىق ەكونوميكالىق وداقتىڭ كىرىكتىرىلگەن اقپاراتتىق جۇيەسىن ىسكە قوسۋ جۇمىسىن جانداندىرۋ قاجەت ەكەنىن دە العا تارتتى. بۇل تۋرالى شاعىن قۇرامداعى ونلاين وتىرىستا قاسىم-جومارت توقاەۆ 2015 جىلدان بەرى ورتالىققا 88 پروتسەستىڭ تەك 19-ى نەمەسە 21 پايىزى عانا ەنگىزىلگەنىن ايتتى.

– تسيفرلاندىرۋ – ەلدەرىمىزدىڭ مەملەكەتتىك ورگاندارىنىڭ ءوزارا ءىس-قيمىلىنىڭ باستى اسپەكتىسى، بيزنەس-پروتسەستەردى جەڭىلدەتۋگە، ءوزارا تاۋار اينالىمىن ارتتىرۋعا، بيزنەسكە اكىمشىلىك جۇكتەمەلەردى تومەندەتۋگە سەپتىگىن تيگىزەدى، – دەدى قاسىم-جومارت توقاەۆ.

قازاقستان پرەزيدەنتى قاسىم-جومارت توقاەۆ ەۋرازيالىق ەكونوميكالىق كوميسسيانىڭ وكىلەتتىگىن كەڭەيتۋ ماسەلەسى مۇقياتتىلىقتى قاجەت ەتەتىنىن مالىمدەدى.

– قىزمەتتەردىڭ ساۋداسى بويىنشا ەاەو-عا مۇشە مەملەكەتتەردىڭ ءۇشىنشى ەلدەرمەن ەكىجاقتى كەلىسسوزدەرىنە ەۋرازيالىق ەكونوميكالىق كوميسسيانى قاتىستىرۋعا قۇقىق بەرۋ تۋرالى ەەك-تىڭ وكىلەتتىگىن كەڭەيتۋ ماسەلەسى – مۇقياتتىلىقتى قاجەت ەتەدى، – دەدى پرەزيدەنت. مەملەكەت باسشىسى بۇل ماسەلە قوسىمشا زەرتتەۋدى تالاپ ەتەتىنىن ايتىپ ءوتتى.

– شىن مانىندە، مۇنىڭ ءىس جۇزىنە قالاي ىسكە اسىرىلاتىنىن ەلەستەتۋ قيىن: ەكىجاقتى كەلىسسوزدەرگە كوميسسيا وكىلى قاتىسىپ وتىرادى. قىزمەتتەردى ساۋدالاۋ سالاسىندا ينۆەستيتسيالار – ۇلتتىق قۇزىرەتتىلىككە جاتادى. سەبەبى ول باسقا ەلدەردىڭ مۇددەلەرىنە قايشى كەلمەيدى. تيىسىنشە، بۇل جۇمىسقا كوميسسيانىڭ ادامي جانە قارجىلىق رەسۋرستارىن تارتۋ – اشىعىن ايتقاندا بىزگە تۇسىنىكسىز. ەگەر تاراپتار ءۇشىنشى ەلدەرمەن كەلىسىمنەن كەيىن ەەك-كە اقپارات بەرسە، جەكەلەگەن جاعدايلاردا كەلىسسوزدەرگە دايىندىق جۇمىستارىنا كونسۋلتاتسيالىق كەڭەس سۇراسا، كەلىسسوزگە قاجەتتى اقپاراتپەن، تاجىريبەمەن الماسسا – ماسەلە باسقا، – دەدى ق.توقاەۆ.

– بۇكىل الەمدە داعدارىس جاعدايىندا ساتىپ الۋشى سۇرانىسى تومەندەپ، كاسىپورىندار جابىلادى، تاريحي كولىك بايلانىستارى ۇزىلەدى. مۇنداي كەزدە كولىك-لوگيستيكالىق قىزمەتتەردى دامىتۋ قاجەت. ەلدەرىمىز گەوگرافيالىق تۇرعىدا وڭتايلى ورنالاسقان. الايدا، قولدا بار الەۋەت ءالى جۇزەگە اسىرىلعان جوق. بۇل جۇمىستار اياسىندا ءبىز ۇلتۇستىلىك تاۋار وتكىزۋ جۇيەسىن قۇرۋعا كىرىسىپ كەتتىك. 2020 جىلعا قاراي ول 24 كوتەرمە-تاراتۋ ورتالىعىنان تۇراتىن بولادى، – دەدى قر پرەزيدەنتى.

مەملەكەت باسشىسىنىڭ ايتۋىنشا، بۇل شامامەن 5 ملن توننا اگروونىمدى ساقتاۋعا، وڭدەۋگە جانە تاراتۋعا مۇمكىندىك بەرەدى. «وداقتىڭ مۇددەلىك تانىتاتىن ەلدەرىنە تاۋار تاراتۋدىڭ ورتاق جەلىسىن قۇرۋ مۇمكىنشىلىگىن قاراستىرۋدى ۇسىنامىن. سونىمەن قاتار وداعىمىزعا مۇشە مەملەكەتتەرگە بۇل باستاماعا ينۆەستورلار، مەردىگەرلەر، پايدالانۋشىلار رەتىندە بەلسەندى قاتىسۋدى ۇسىنامىن»، – دەدى قاسىم-جومارت توقاەۆ.

جوعارعى ەۋرازيالىق ەكونوميكالىق كەڭەستىڭ شاعىن قۇرامداعى ونلاين وتىرىسىندا قازاقستان پرەزيدەنتى قاسىم-جومارت توقاەۆ ەاەو-نىڭ شىعىنى كوپ كەيبىر شەشىمدەرىن كەيىنىرەك ورىنداۋدى ۇسىندى.

– بۇگىندە ەلدەرىمىزدىڭ بيزنەسى وتە كۇردەلى جاعدايعا تاپ بولىپ وتىر. ءوندىرىستى دامىتۋ جوسپارى، جەتكىزۋ تىزبەگى بۇزىلىپ، كرەديتورلىق بەرەشەك ءوسىپ كەتتى. ءىس جۇزىندە بارلىق رەسۋرس جۇمىستى تۇراقتاندىرۋعا، جۇمىس ورىندارىن ساقتاۋعا جۇمىلدىرىلعان. سوندىقتان، وداق ورگاندارىنىڭ بارىنشا شىعىندى جەكەلەگەن شەشىمدەرىن ورىنداۋ اقىلعا قونىمدى بولماق ەمەس. قالاي دەسەك، ۇيىمىمىزدىڭ قازىرگى دامۋ كەزەڭىندە. مۇنداي شەشىمگە مىندەتتى تاڭبالاۋدى ەنگىزۋ جوسپارىن جاتقىزۋعا بولادى. ءبىراق، بۇل ماسەلەنى كوميسسيا اياسىندا ۇكىمەت قاراۋى ءتيىس، – دەدى قازاقستان پرەزيدەنتى.

مەملەكەت باسشىسى قازىردەن باستاپ داعدارىستان كەيىنگى كەزەڭگە دايىندالۋ قاجەتتىگىن باسا ايتتى. «قازاقستان ۇكىمەتى داعدارىسقا قارسى جوسپار ازىرلەدى. ءدال وسىنداي جۇمىس وزگە دە ەلدەردە جۇرگىزىلگەنىنە سەنىمدىمىن. سوندىقتان سىرتقى سىن-تەگەۋرىندەرگە جاۋاپ قايتارۋ جانە داعدىرستان كەيىنگى كەزەڭدە ەكونوميكانى دامىتۋ شارالارىن تالقىلاۋ ءۇشىن ەلدەرىمىزدىڭ قارجى-ەكونوميكالىق بلوك مينيسترلىكتەرى باسشىلارىنىڭ، تولىقتاي العاندا ۇكىمەت الاڭىن قۇرىپ، بەلسەندى پايدالانۋدى ۇسىنامىن»، – دەدى قاسىم-جومارت توقاەۆ.

تاعى وقىڭىز:

توقاەۆ: “شەنەۋنىكتىڭ مىندەتى ەلگە قىزمەت ەتۋ. ايتپەسە نەسىنە ءجۇر؟”


كەلۋ قاينارى: http://www.elarna.net/koru.php?tur=25&id=1182422

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


«انامنىڭ ءتىلى – ايبىنى 1 مينوت
ايدا بالاەۆا قازاقستاند 2 مينوت
مەملەكەتتىك تەلەارنالار 2 مينوت
عىلىمعا جاڭاشىلدىق قاجە 8 مينوت
باس ءمۇفتي: يمامنىڭ ءار 8 مينوت
”ءبىز باقىتتى ءبىر ءۇيل 8 مينوت
كوش ءۇمىتتى اقتادى ما؟ 8 مينوت
پاۆلودار وبلىسىندا كورو 8 مينوت
قاراعاندىدا مەكتەپ تۇلە 8 مينوت
ايماعىمىز ەسىرتكىگە تيى 8 مينوت
يتاليانىڭ AlÙ‰talÙ‰a اۋ 8 مينوت
2020-جىلى 6-ايدىڭ 4-كۇن 8 مينوت
ىشكى موڭعۇلدا استىق ەگى 8 مينوت
پورتۋگاليا چەمپيوناتى ق 8 مينوت
ازاماتتىق پارىز — 12 مينوت
ايدا بالاەۆا مەملەكەتتى 17 مينوت
قر ەڭبەك جانە حالىقتى ا 18 مينوت
بۇگىن ‒ قازاقستاننىڭ مە 18 مينوت
سىبايلاس جەمقورلىققا قا 18 مينوت
پۋتين اركتيكا ماڭىندا ت 18 مينوت
اياعان ساندىباي «مىسل» 19 مينوت
سولتۇستىك قازاقستان وبل 20 مينوت
ايدا بالاەۆا: قاسيەتتى 23 مينوت
اقمولالىق بوكسشى قىزدار 23 مينوت
اۋقاتتانۋ جولىن كەڭەيتى 28 مينوت
ءۇرىمجى ەكونوميكالىق، ت 28 مينوت
قاز باعىمشىلىعىمەن شۇعى 28 مينوت
اقتوبەدە زاۋىتتا بولعان 28 مينوت
بيىل قاراعاندىنى اباتتا 29 مينوت
بۇگىن ەلىمىزدىڭ باسىم ب 29 مينوت