ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-19580345151 %49 %
2019-08-20544275358 %42 %
2019-08-21000 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قالا مەن دالا گازەتى جانە استانا اقشامى گازەتى

جولدانعان ۋاقىتى: 15:45 - 2019/08/01

دوسىم ساتپاەۆ: "مۇنىڭ بارىنە "نۇر وتان" جاۋاپتى" | DalaNews

دوسىم ساتپاەۆ: “مۇنىڭ بارىنە “نۇر وتان” جاۋاپتى”

«قازاقستانداعى پارلامەنت سايلاۋى پارتيالار تۋرالى زاڭناما وزگەرگەننەن كەيىن عانا ءوتۋى ءتيىس»، – دەپ ەسەپتەيدى ساياساتتانۋشى دوسىم ساتپاەۆ.

 ونىڭ پىكىرىنشە پارتيالار تۋرالى قازىرگى قولدانىستاعى زاڭ بۇگىنگى جۇيەنىڭ ءجون سىلتەۋىمەن جازىلعان.

«تۇنەۋكۇنى تۇڭعىش پرەزيدەنت نۇرسۇلتان نازارباەۆ «نۇر وتانداعى» «وڭ قولى» بايبەكپەن كەزدەسىپ، پارلامەنتتى ءبىر ءوزى بيلەپ-توستەپ وتىرعان پارتيانىڭ الداعى ۋاقىتتا اتقارار جۇمىسىن تارازىلادى.

تۇڭعىش پرەزيدەنت پارتيا باعدارلاماسىن تاعى ءبىر تالقىدان وتكىزىپ، جاڭالاۋ قاجەتتىگىن، «نۇر وتاننىڭ» قاراپايىم حالىققا جاقىن بولۋى كەرەكتىگىن ايتىپ، وسى جۇمىستى بايبەككە تاپسىردى.

قاراپايىم حالىققا جاقىن بولۋ… ءاي، قايدام بۇل قول جەتپەس ارمان «نۇر وتان» ءۇشىن. سەبەبى، بۇل پارتيا ءالىمساقتان الەۋمەتتىڭ ەمەس، نومەنكلاتۋرانىڭ، بيلىكتەگى ات توبەلىندەي توپتىڭ سويىلىن سوعار قۇرىلىم ەكەنىن ەڭبەكتەگەن بالادان، ەڭكەيگەن قارياعا دەيىن بىلەدى.

قازاقستاندا وسى كۇنگە دەيىن ورىن العان تولقۋلار مەن دۇمپۋلەرگە كەلگەندە بيلىك پەن حالىقتىڭ اراسىنداعى دانەكەر بولۋعا جاراماي، جۇمعان اۋزىن اشپاعان «نۇر وتان» بۇدان بىلاي قالىڭ بۇقارانىڭ مۇڭ-مۇقتاجىنا قۇلاق ءتۇرىپ، ەلدەگى اسقىنعان الەۋمەتتىك احۋالدى رەتكە كەلتىرەدى دەگەنگە يلانۋ قيىن.

بيلىك تىزگىنىن ۇستاعان اكىم-قارالار، مينيسترلەر جانە وزگە دە «بارىپ كەل شاۋىپ كەلدىڭ» ساناتىنداعى شەندى-شەكپەندىلەر تۇگەلدەي وسى پارتيانىڭ مۇشەسى ەكەنىن ەسكەرسەك، ولاردىڭ جۇمىسىنداعى ولقىلىقتار مەن شيكىلىكتەرگە ءبىرىنشى كەزەكتە «نۇر وتان» جاۋاپتى.

ولاردىڭ بىلىكسىزدىگى مەن قابىلەتسىزدىگى ەلدەگى ەرەۋىل پەن الەۋمەتتىك دۇمپۋلەرگە تۇرتكى بولدى، پارتيا قاتارىنداعى اتقامىنەرلەردەن ەل الدەقاشان كۇدەر ۇزگەن، تۇپتەپ كەلگەندە جۇرتتىڭ كەتەۋى كەتىپ، جوقشىلىققا ۇرىنۋىنا ءبىرىنشى كەزەكتە پرەزيدەنتتىك پارتيا «نۇر وتان» جاۋاپتى.

ەسكى پارتيالىق زاڭنامانىڭ ەرەجەلەرىن وزگەرتپەي، ايتقانعا كونىپ، ايداۋعا جۇرەتىن ەسكى پارتيالىق ويىنشىلاردى الامانعا قوسىپ قازاقستاندا مەرزىمىنەن بۇرىن پارلامەنتتىك سايلاۋ وتكىزۋ – كۇلكىلى.

بۇل كۇنى كەشەگى پرەزيدەنت سايلاۋىن ەسكە سالاتىن جاتتاندى ستسەناري، بۇدان بىلاي بيلىك جۇرتتى مۇنداي ارزان ايلامەن الداي المايدى.

كۇنى كەشەگى پرەزيدەنت سايلاۋىندا قاسىم-جومارت توقاەۆتىڭ توپجارارىنا ەشكىم كۇماندانعان جوق. كۇللى اكىمشىلىك رەسۋرس، بيلىكتىڭ تابانىن جالاعان بلوگەرلەر مەن مەديا قۇرىلىمدار، ساۋساعىن سورعان ساۋەگەيلەر مەن ساراپشىلار، ءتىپتى ونىڭ «قۋىرشاق» قارسىلاستارى دا ساياسي الاڭدا كۇرەسكەن سىڭاي تانىتقانمەن، تۇپتەپ كەلگەندە توقاەۆتىڭ سويىلىن سوقتى.

دال وسى ستسەناريدى پارلامەنت سايلاۋىندا قايتالار بولسا، قالعاندارىنان قارا ءۇزىپ كەلەتىن پارتيانى سىزدەر مەن ايتپاق-اق بىلەسىزدەر. «نۇر وتاننىڭ» اسىعى الشىسىنان تۇسەدى تاعى دا. ال وزگەلەرى ساندا بار، ساناتتا جوق، سايلاۋ وتكەسىن قۇمعا ءسىڭىپ جوعالادى. 

بيلىك ءدۇيىم دۇنيەنى دۇمشە ساناۋدى دوعارۋى قاجەت.

ەلىمىزدەگى پارلامەنت سايلاۋى پارتيالار تۋرالى زاڭدى دەموكراتيالىق تالاپتارعا ساي وزگەرتكەننەن كەيىن عانا ءوتۋى ءتيىس.

«نۇر وتان» الدەقاشان ىستەن شىققان ەسكى كومپيۋتەر سەكىلدى. ونىڭ باعدارلاماسىن جاڭالاپ، جاڭا ارناعا تۇسىرۋگە تىرىسقانمەن تۇك وزگەرمەيدى.

ەلدەگى پارتيالىق جۇيەنى وزگەرتۋ ءۇشىن ساياسي ساحنادا جاڭا ويىنشىلاردىڭ، جاڭا بۋىننىڭ پايدا بولۋىنا جول اشۋ قاجەت. بۇعان جاسالار العاشقى قادام – پارتيالار تۋرالى زاڭنامانى وزگەرتۋ. 

قازىرگى قولدانىستاعى زاڭ ساياساتقا ارالاسقىسى كەلەتىن ازاماتتاردىڭ ادىمىن اشتىرماي وتىر. حالقىنىڭ سانى ازعانتاي-اق مەملەكەتتە ءاربىر پارتيانىڭ 40 مىڭ تارتا مۇشەسى بولۋى ءتيىس دەيدى، بارلىق وڭىرلەر مەن قالالاردا پارتيا فيليالى بولۋى مىندەت دەيدى.

كوپپارتيالىق ساياسي باسەكەنى بەسىگىندە تۇنشىقتىرۋدىڭ تۇرپايى امالى بۇل. 
شەكتەۋلەردىڭ بارلىعىن الىپ تاستاۋ قاجەت، پارتيا مۇشەلەرىنىڭ سانىنا جانە ونىڭ وڭىرلەردەگى فيليالىنا قاتىستى تالاپتى دا تومەندەتۋ كەرەك.

جاقىندا ءماسليحات سايلاۋىنا قاتىستى زاڭناماعا ەنگىزىلگەن وزگەرتۋلەر دە دەموكراتيانى تابانعا تاپتاۋمەن تەڭ.

بۇدان بىلاي ءماسليحات سايلاۋىنا بۇرىنعىداي ءوزىن-وزى ۇسىنعاندار ەمەس، تەك ساياسي پارتيالار عانا قاتىسا الادى.

دەمەك، ءماسليحات سايلاۋى دا پارتيالىق ء«تىزىم» بويىنشا «ىرىكتەلىپ» الىناتىن، وزىندىك ۇستانىمى مەن ۇستىنى جوق پارلامەنت سايلاۋىنىڭ كوشىرمەسىنە اينالادى دەگەن ءسوز.

دەموكراتيا ءوز الدىنا، بيلىك بۇل ارادا ءماسليحات سايلاۋىنا ءوتىپ، «وزىمە تيەسىلى اۋداننىڭ ماسەلەسىن شەشەمىن» دەگەن بەلسەندىلەردىڭ قۇقىن شەكتەپ وتىر.

بيلىك پارلامەنت سايلاۋىن قۋىرشاق پارتيالاردىڭ اتكەنشەگىنە اينالدىرۋدى جالعاستىرا بەرسە، بۇل ەلدە تۇك وزگەرمەيدى. پارلامەنت ءباز-باياعىشا پرەزيدەنت اكىمشىلىگى مەن ۇكىمەتتىڭ ايتقانىنان شىقپايتىن، امىرىنە قۇلدىق ۇراتىن كەمتار قۇرىلىمنىڭ كەيپىندە قالادى. بۇل ءوز كەزەگىندە ەلدى بۇگىنگىدەن بەتەر تىعىرىققا تىرەپ، الەۋمەتتىك تولقۋدىڭ ودان ءارى كۇشەيۋىنە الىپ كەلەدى”، – دەيدى ساياساتتانۋشى. 

ازىرلەگەن، دۋمان بىقاي


كەلۋ قاينارى: http://www.elarna.net/koru.php?tur=25&id=1029601

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


سقو-دا 2 جاسار ءسابي تە 4 مينوت
بقو-دا ءشوپتىڭ باعاسى ش 4 مينوت
بەلگىلى كاسىپكەر قىز ۇز 4 مينوت
اسقار مامين ەڭبەك مينيس 4 مينوت
نۇر-سۇلتان قالاسىنداعى 14 مينوت
قوستاناي وبلىسىندا 1 مل 14 مينوت
اسەت يرعاليەۆ قر ۇلتتىق 14 مينوت
جامبىلدىق 110 وتباسى ەل 14 مينوت
ءسىبىر جاراسىن جۇقتىرما 24 مينوت
ورتالىق ازيا ەلدەرىمەن 24 مينوت
وسى ارانى باسىپ كورىڭىز 24 مينوت
ميگرانتتار كەمەسىنىڭ يت 24 مينوت
اقمولا وبلىسىندا دالا ج 1 ساعات
قولايسىز اۋا رايىنا باي 1 ساعات
بىرنەشە ەر ادامعا الداپ 1 ساعات
تۇركيادا كۇردتەردىڭ شەر 1 ساعات
تۇركىستاندا سىبايلاس جە 1 ساعات
وسى ارانى باسىپ كورىڭىز 1 ساعات
21 تامىز، سارسەنبى كۇنگ 1 ساعات
"ۇلى اباي ۇنەمى سىنعا ا 1 ساعات
تۇركىستاندا ەكسپورتتى د 1 ساعات
اقتوبەدە ۇستىنە تەلەديد 1 ساعات
20.08.2019 - اقپارات - 1 ساعات
سقو-دا ەكى جاسار قىز تە 2 ساعات
قر پرەزيدەنتى اقوردادا 2 ساعات
يتاليا پرەمەر-مينيسترى 2 ساعات
ۇشاق نۇر-سۇلتان اۋەجايى 2 ساعات
دارىگەرگە قول كوتەرگەن 2 ساعات
پاراليمپيادالىق ويىندار 2 ساعات
«جىبەك جولى – ديالوگ جو 2 ساعات