ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-22656264749 %51 %
2019-08-23535344954 %46 %
2019-08-24421202749 %51 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قالا مەن دالا گازەتى جانە استانا اقشامى گازەتى

جولدانعان ۋاقىتى: 12:30 - 2019/06/06

اكىم بەرگەن تاپسىرماسىنىڭ ورىندالۋ بارىسىن تەكسەردى | DalaNews

اكىم بەرگەن تاپسىرماسىنىڭ ورىندالۋ بارىسىن تەكسەردى

تاياۋدا الماتى وبلىسى اكىمى اماندىق باتالوۆ وبلىس ورتالىعىنداعى قۇرىلىس نىساندارىن ارالاۋ بارىسىندا قالا ماڭىنداعى تۇرعىن اۋداندار مەن ساياجايلارعا دا باردى، – دەپ حابارلايدى الماتى وبلىسى اكىمىنىڭ ءباسپاسوز قىزمەتى.

«ىنتىماق-3» تۇرعىن اۋدانىنا اتباسىن بۇرعان وبلىس اكىمى تۇرعىندارىمەن كەزدەسىپ، تۇرعىن اۋداننىڭ ماسەلەلەرىن تالقىلادى، ولارمەن بىرگە پروبلەمالىق جەرلەردى ارالاپ، ولاردىڭ شەشىمى تۋرالى تۇرعىندارعا بايانداپ بەردى.

بۇعان دەيىن اقپان ايىندا وسى تۇرعىن اۋداندى ارالاعانىندا وبلىس اكىمىنە تۇرعىندار جول جوندەلسە، سۋ جانە ەلەكترمەن قامتۋ ماسەلەلەرى شەشىلسە دەگەن وتىنىشتەرىن ايتقان بولاتىن. سول كەزدە اماندىق باتالوۆ ايتىلعان ماسەلەلەر بويىنشا ءتيىستى تاپسىرمالار بەرگەن.

بۇگىنگى كۇنى سول جۇمىستار قارقىندى اتقارىلىپ جاتىر. جەلتوقسان كوشەسىندە ورتاشا جوندەۋ جۇمىستارى باستالعان، وعان 161 ملن. تەڭگە بولىنگەن، جولعا اسفالت توسەلەدى. اۋداننىڭ ۇزىندىعى 30 شاقىرىم بولاتىن 31 كوشەسىنە بيىلعى جىلى جەرگىلىكتى بيۋدجەتتەن 655 ملن. تەڭگە قاراستىرىلىپ وتىر.

جۋىق ارادا سۋمەن قامتۋ ماسەلەسى دە شەشىلەدى. ەكى اپتادان سوڭ بارلىق قاجەتتى تەكسەرۋ جۇمىستارىنان سوڭ «ىنتىماققا» سۋ قوسىلادى. جوبانىڭ جالپى قۇنى – 203،4 ملن. تەڭگە، جۇيەنىڭ ۇزىندىعى – 16،1 كم.

وتكەن جولى تۇرعىندار ەلەكتر جارىعىنىڭ ءجيى وشەتىنىن ايتىپ شاعىم بىلدىرگەن. بۇل ماسەلەنىڭ دە ءتۇيىنى تارقاماق. ەلەكترمەن قامتۋ جۇيەسىنىڭ جالپى ۇزىندىعى 20 كم، جوبانىڭ قۇنى – 289،5 ملن. تەڭگە. قازىرگى كەزدە جۇمىستاردىڭ 84 % اياقتالدى، شىلدەنىڭ سوڭىنا قاراي جاڭا ترانسفورماتور قويىلادى.

ىنتىماقتىقتار وسى جولى وبلىس اكىمىنەن ۇيگە سۋ كىرگىزۋ ماسەلەسىن شەشۋدى سۇرادى. ولار ءاربىر ۇيگە سۋ كىرگىزۋ اقىسىن ءۇي يەسى ءوزى تولەيتىنىن بىلەتىندىكتەرىن، تۇرعىن اۋداندا تەك ءبىر عانا تراكتور بولعاندىقتان، كەزەكتى ۇزاق كۇتۋگە تۋرا كەلەتىنىن جانە جالعىز تراكتور جۇمىس اقىسىنىڭ قۇنىن تىم شارىقتاتىپ جىبەرگەنىن ايتتى. اماندىق باتالوۆ قالا اكىمى عالىمجان ءابدىرايىموۆقا جۇمىستى قولجەتىمدى باعادا جىلدام ءارى ساپالى اتقاراتىن مەردىگەر كومپانيا تابۋدى تاپسىردى. بۇل جەردە اۆتوبۋس قاتىناسى جاعىنان دا پروبلەمالار تۋىنداپ جاتادى. بۇل ماسەلەنى باقىلاۋعا الۋ مەن قىسقا مەرزىمدە شەشۋ قالا اكىمىنە جۇكتەلدى. سول سياقتى دامۋ جوسپارىنا سايكەس مۇندا الداعى ۋاقىتتا بالاباقشا، مەكتەپ، اۋىلدىق دارىگەرلىك امبۋلاتوريا سالىنادى.

مۇنان سوڭ وبلىس اكىمى «جاستار – 2» تۇرعىن اۋدانىنا باردى. مۇندا دا سۋمەن، ەلەكترمەن قامتۋ، كارىز جۇيەسىن توسەۋ جۇمىستارى جالعاسىپ جاتىر.

جول جوندەۋ ماسەلەسى دە شەشىمىن تاپتى. تۇرعىن اۋداندا ءقازىر 13 كوشە بار. ونىڭ 2-ەۋى – نۇرلى جول مەن قوناەۆ كوشەلەرى اسفالتتالادى، وعان 82 ملن. تەڭگە ءبولىندى. قالعان 11 كوشەگە قيىرشىق تاس توسەلدى، وعان 150 ملن. تەڭگە قاراستىرىلدى.

قاراشا ايىنا قاراي سۋمەن قامتۋ جولعا قويلادى. قازىرگى كەزدە 20،8 شاقىرىمنىڭ 15،3 شاقىرىمى تارتىلعان. جۇمىستار 73،5 % اتقارىلدى.

سىرتقى ەلەكترمەن قامتۋ جۇيەسى دە جاسالۋدا، قىركۇيەك ايىندا جۇمىستار اياقتالۋى ءتيىس. تارتىلۋى ءتيىس 52،3 شاقىرىمنىڭ 30،5 شاقىرىمى تارتىلدى. جوبانىڭ جالپى قۇنى – 364،1 ملن. تەڭگە.

كارىز جۇيەلەرىن توسەۋ جالعاسىپ جاتىر. ونىڭ جالپى ۇزىندىعى 9،2 كم.

تۇرعىن اۋداندا 900 ورىندىق مەكتەپ سالىنادى، ونى جوبالاۋعا كونكۋرس جاريالاندى.

ال «شايقورعانعا» گاز اكەلىندى، جاقىن كۇندەرى ساياجايلىقتار ءوز ۇيلەرىن كوگىلدىر وتىنمەن جىلىتاتىن بولادى. ەلەكترمەن قامتۋ جۇمىستارى اياقتالىپ قالدى. ءقازىر ۇيلەرگە ەسەپتەگىش قۇرالدار ورناتىلىپ جاتىر. گازعا قوسىلعان ابونەنتتەر سانى – 622. ترانسفورماتور مەن نابەرەجنايا كوشەلەرىنە اسفالت توسەۋگە 81 ملن. تەڭگە ءبولىندى. سۋ قۇبىرى جۇيەلەرى دە توسەلۋدە. جالپى ۇزىندىعى – 13،1 كم.

اقپان ايىندا وبلىس اكىمى تۇرعىنداردىڭ ءوتىنىشى بويىنشا «قىزىل تاس» ساياجايىن قالامەن جالعاستىرىپ تۇراتىن جاڭا كوپىر سالۋدى تاپسىرعان. سول سياقتى № 14 اۆتوبۋستىڭ سوڭعى ايالداماسى ماڭىنا ەكىنشى كوپىر سالۋ دا جۇكتەلگەن بولاتىن. وسى ەكى نىساننىڭ قۇرىلىسىنا تەندەر جاريالانىپ، جوبالىق-زەرتتەۋ جۇمىستارىنا قارجى ءبولىندى. سونىمەن بىرگە تۇرعىنداردىڭ وتىنىشىمەن سوڭعى ايالداما ورناتىلدى.

ساياجايلاردى ارالاپ، ءبىرقاتار تاپسىرمالار بەرگەن وبلىس اكىمى اماندىق باتالوۆ:

– بۇگىن قالا شەتىندەگى اۋداندار مەن ساياجايلاردى تاعى ءبىر ارالاپ شىعىپ، بۇعان دەيىن بەرگەن تاپسىرمالارىمنىڭ ورىندالۋ بارىسىمەن تانىستىم. ينجەنەرلىك جەلىلەر دەر كەزىندە تارتىلماعاندىقتان، تۇرعىندار سۋ مەن ەلەكتر جەلىلەرىنە قول جەتكىزە الماي وتىردى. بارلىق تالاپتار مەن نورمالار ەسكەرىلە وتىرىپ، مەنىڭ تاپسىرمالارىم بويىنشا جۇمىس جاسالىپ جاتىر. «ىنتىماق-3» تۇرعىن اۋدانىنىڭ پروبلەمالىق ماسەلەلەرىن شەشۋدىڭ وزىنە عانا جەرگىلىكتى بيۋدجەتتەن 1 ملرد. تەڭگەدەن استام قارجى ءبولىندى. «شايقورعانعا» گاز كەلدى. الەۋمەتتىك نىساندار سالۋدىڭ قاجەت ەكەنىن دە ەستەن شىعارمايمىز. ءبىز بارلىق قاجەتتى ينفراقۇرىلىمدى دامىتۋدى جالعاستىرا بەرەمىز، – دەدى ا. باتالوۆ.


كەلۋ قاينارى: http://www.elarna.net/koru.php?tur=25&id=1005213

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


وسى ارانى باسىپ كورىڭىز 1 مينوت
جەڭىلىپ كورمەگەن مەيىرى 3 مينوت
ەندي رۋيس دجوشۋامەن ساۋ 11 مينوت
پاۆلودار وبلىسىنداعى قۇ 1 ساعات
وسى ارانى باسىپ كورىڭىز 1 ساعات
وسى ارانى باسىپ كورىڭىز 1 ساعات
#Birge#TazaQazaqstan: ء 1 ساعات
الماتىداعى قاراڭعى كوشە 1 ساعات
وسى ارانى باسىپ كورىڭىز 1 ساعات
پاۆلوداردا 120 مىڭ شارش 1 ساعات
21 جاستاعى عالىم شاعاتا 1 ساعات
ەلورداداعى فورۋمدا بلوگ 1 ساعات
وسى ارانى باسىپ كورىڭىز 2 ساعات
پاۆلودار وبلىسىندا تريا 2 ساعات
ۆولەيبول: قازاقستان قىز 2 ساعات
اتىراۋداعى مامانداندىرى 2 ساعات
گولوۆكين - دەرەۆيانچەنك 2 ساعات
قازاقستان باسكەتبولدان 2 ساعات
وسى ارانى باسىپ كورىڭىز 2 ساعات
قازاقستان باسكەتبولدان 2 ساعات
قاسىم-جومارت توقاەۆ تۋر 3 ساعات
باس ءمۇفتي جاستارمەن جۇ 3 ساعات
قاسىم-جومارت توقاەۆ تۋر 3 ساعات
ەلوردادا 25 تامىزدا وتە 3 ساعات
كومەككە مۇقتاج جاندار م 3 ساعات
«ازىرەت سۇلتان» مەشىتىن 3 ساعات
پرەزيدەنت كۋبوگى: فۋتبو 3 ساعات
اقتوبە: قان تاپسىرۋ دا 3 ساعات
جۇڭگو ۋاكىلى جۇڭگونىڭ ا 3 ساعات
​2019 جىلى ماگيستراتۋرا 4 ساعات