فۋتزال
كاكا «بەنفيكامەن» ماتچ جايلى: كىمنىڭ مىقتى ەكەنىن ويىن شەشەدى
«قايرات» افك باس باپكەرى پاۋلو ريكاردو فيگەيرا سيلۆا (كاكا) Prosports.kz تىلشىسىنە بەرگەن ەكسكليۋزيۆتى سۇحباتىندا چەمپيوندار ليگاسىنىڭ 1/4 فينالىنداعى جەرەبە جايلى ءوز ويىڭ ايتتى.
- كلۋبتار رەيتينگى بويىنشا «قايراتقا» «بەنفيكادان» باسقا قارسىلاس تۇسپەيتىنىن بىلگەن كەزدە قانداي سەزىمدە بولدىڭىز؟
- ەگەر بارلىق فاۆوريتتەر 1/8 فينالدا جەڭىسكە جەتەتىن بولسا، وندا تور ءدال وسىنداي بولاتىنىن بىلدىك. كەزەڭ وتكەن سايىن قارسىلاستاردىڭ دەڭگەيى دە كۇشەيە تۇسەدى. ءبارى دە مىقتى. سوندىقتان، «بەنفيكامەن» وينايتىنىمىزدى بىلگەن كەزدە ەرەكشە سەزىمدە بولدىم دەپ ايتا المايمىن.
- «بەنفيكامەن» وتەتىن ماتچقا كوماندا قالاي دايىندالىپ جاتىر، قورقىنىش جوق پا؟
- قورقاتىن ۋاقىتىمىز دا جوق. كەزەڭ-كەزەڭمەن دايىندالىپ جاتىرمىز: الدىمەن، «يۋنايتەد گالاتستى» زەرتتەدىك، كەيىن «بەنفيكاعا» دايىندىقتى باستادىق. ءبىز ءقازىردىڭ وزىندە رۋمىن كلۋبىمەن ماتچتان كەيىن جاتتىعۋ پروتسەسىنە ورالىپ جاتىرمىز، الدا قازاقستان چەمپيوناتى مەن ۋەفا چەمپيوندار ليگاسىندا وتە ماڭىزدى ماتچتار بار.
- «بەنفيكاعا» ارنايى دايىندالاسىز با؟ قوسىمشا زەرتتەپ دەگەندەي. نەمەسە ءتۋرنيردىڭ وسى كەزەڭىندە كوماندالاردىڭ مىقتى-وسال تۇستارى ايقىن بايقالىپ تۇرا ما؟
- مەنىڭ ويىمشا، ءار كوماندا قارسىلاستارىنا قانداي دا ءبىر توسىنسىي دايىندايدى. ءبىراق ونى ءبىلۋ ءۇشىن قارسىلاستىڭ قاتارىنا جىبەرەتىن بارلاۋشى كەرەك (كۇلدى). سوندىقتان ادەتتەگىدەي دايىندالامىز. ولاردىڭ نە دايىنداپ جاتقانىن بىلە المايمىز، تەك بولجايمىز. ءبىراق ول دا دۇرىس بولماۋى مۇمكىن.
- كۇتپەگەن جوسپار دايىنداپ، پورتۋگالدىقتاردى تاڭقالدىراۋ ويدا بار ما؟ الدە «قايرات» ادەتتەگىدەي باقىتىن شابۋىلدان ىزدەپ، قارسىلاسقا بەيىمدەلمەي مە؟
- باپكەر رەتىندە ايتارىم، ءار كوماندا ءوز ويىنىڭ ويناۋى كەرەك. ايتكەنمەن، قارسىلاستى بۇگە-شۇگەسىنە دەيىن زەرتتەپ، ۇتىمدى تاكتيكا قولدانۋعا تىرىسامىز.
- «قايراتتىڭ» «بەنفيكادان» باستى ارتىقشىلىعى، جانە كەمشىلىگى نەدە؟
- باستى ارتىقشىلىق ماتچتىڭ قاي جەردە وتەتىنى انىقتالعاننان كەيىن بەلگىلى بولادى - مينسكىدە، الماتىدا، ماسكەۋدە نەمەسە پورتۋگاليادا. كوپ نارسە وسىعان بايلانىستى. دەڭگەيلەس كوماندالار جولىعادى، ال كىمنىڭ مىقتى ەكەنىن ويىن شەشىپ بەرەدى.
ءتۇرى: الامان سپورت جاڭالىقتارى
جولدانعان ۋاقىتى: 22:00 - 2021/02/23
پىكىرلەر
0