Tele2 وپەراتورى جەلىگە "250+" باعدارلاماسى بويىنشا قوسىلعان ابونەنتتەر ءۇشىن "تۋعان جەر" ارنايى ءتاريفىن ەلىمىزدە ءبىرىنشى بولىپ ازىرلەپ، ىسكە قوستى. ونى پايدالانۋشىلار مەملەكەتتىك، ءبىلىم بەرۋ جانە دامۋ ءۇشىن ماڭىزى زور باسقا دا پلاتفورمالارعا شەكسىز قولجەتىمدىككە جانە تۇرعىلىقتى ايماقتاعى جەلى ىشىندە شەكتەۋسىز قوڭىراۋلارعا قول جەتكىزە الادى.
قازاقستاندا اۋىل ادامدارىنىڭ ۇيالى ينتەرنەتتى پايدالانۋ اياسى قارقىندى ءوسىپ كەلەدى. بيىلعى جىلدىڭ تەك العاشقى ەكى ايىندا عانا "250+" باعدارلاماسى بويىنشا Tele2 جەلىسىنە قول جەتكىزگەن ابونەنتتەر ترافيگى جارتى ميلليون گيگابايتتان استى. اۋىلدىق جەردە ينتەرنەتتى دامىتۋدىڭ ماڭىزدىلىعىن تۇسىنە وتىرىپ، وپەراتور ءوز رەسۋرستارىنىڭ ەداۋىر بولىگىن بايلانىس ساپاسىن جاقسارتۋى ءتيىس جاڭا ينفراقۇرىلىمدىق نىساندارعا عانا ەمەس، جاڭا الەۋمەتتىك باعدارلانعان ونىمدەردى دامىتۋعا دا ءبولۋدى جوسپارلاپ وتىر.
"ينتەرنەت ءومىر ساپاسىن جاقسارتۋ ءۇشىن" - "تۋعان جەر" بىرەگەي ءتاريفىنىڭ نەگىزىندە ءدال وسىنداي يدەيا جاتىر. ونى ازىرلەۋ بارىسىندا كومپانيانىڭ ماماندارى نەعۇرلىم ماڭىزدى رەسۋرستاردىڭ: eGOV ەلەكتروندىق ۇكىمەتىنىڭ سايتىنىڭ، ءبىلىم بەرۋ پورتالدارىنىڭ، قازاقستاندىق باق، سونداي-اق اۋىلداردا قاشىقتان جۇمىس ىستەۋدى جانە اۋىلداردا وقۋدى دامىتۋ ءۇشىن 250+ باعدارلامالاردىڭ قولجەتىمدى بولۋىن ەسكەردى.
وتكەن جىلى Tele2 كومپانياسى شاعىن اۋىلدىق ەلدى مەكەندەردى كەڭ جولاقتى ينتەرنەتپەن قامتاماسىز ەتكەن "250+" باعدارلاماسىن ىسكە اسىرۋعا بەلسەندى قاتىستى. كومپانيا ءۇشىن شالعاي اۋدانداردا ينفراقۇرىلىمدىق نىسانداردى قۇرىپ دامىتۋ، اۋىلدىق جەرلەردە جەلىنى بەلسەندى كەڭەيتۋ، جاڭا تەحنولوگيالىق شەشىمدەردى ەنگىزۋ ماڭىزدى بولدى.
سەرگەي كونكوۆ، Tele2 باس ديرەكتورى:
"كومپانيامىز ءۇشىن "250+" باعدارلاماسى بويىنشا بازالىق ستانتسيالاردى ورناتۋ بويىنشا بارلىق جۇمىستاردى 2020 جىلعى 31 جەلتوقسانعا دەيىن اياقتاۋ وتە ماڭىزدى بولدى. وسىنىڭ ارقاسىندا مىڭداعان اۋىل تۇرعىنى جاڭا جىلدى جاقسى ينتەرنەتپەن قارسى الدى. ەندىگى ماقساتىمىز ارنايى تاريف قۇرۋ بولدى. بۇل اۋىل ادامدارىنا راسىندا دا پايدالى بولۋى ءۇشىن، كەڭ جولاقتى ينتەرنەتكە قولجەتىمدىكپەن قاتار بايلانىس قۇرالدارىن، ءبىلىم مەن مۇمكىندىكتەر ۇسىنۋ اسا ماڭىزدى. ماسەلەن، بەسبارماق دايىنداۋ ءۇشىن ادامنىڭ قولىنا ەت پەن ۇندى ۇستاتىپ قويۋ جەتكىلىكسىز - وعان ازىرلەۋ ءادىسىن ۇيرەتۋ كەرەك. ەڭ دۇرىسى - وسىعان ۇيرەتەتىن بەينە جازبا ۇسىنۋ. ارنايى تاريف اۋىل ادامدارىنا وزدەرى ءۇشىن نەعۇرلىم قىزىق باعىتتا دامۋعا كومەكتەسەدى".
سىلتەمەسىز جاڭالىق وقيسىز با؟ وندا "ۆكونتاكتە" جەلىسىندە پاراقشامىزعا تىركەلىڭىز!
ءتۇرى: TengriNews.Kz
جولدانعان ۋاقىتى: 16:40 - 2021/03/31
