ەكىباستۇزدا كىسى قولىنان قازا بولعان ەر ادام "سەۆەرنىە مەس" اق KEGOK فيليالىندا 4 رازريادتى جوعارى ۆولتتى جەلىلەردى جوندەۋ جونىندەگى ەلەكتر مونتەرى بولىپ جۇمىس ىستەگەن، - دەپ حابارلايدى Tengrinews.kz ءتىلشىسى.
مارقۇم جانات جۇمكەنۇلى ماقسۇتوۆتىڭ ارىپتەستەرى ونىڭ بۇل كاسىپورىندا اشىلعان كۇنىنەن باستاپ قىزمەت ەتەتىنىن ايتتى. ول جوعارى ۆولتتى جەلىلەردە جۇمىس ىستەۋ كەزىندە قولدانىلاتىن ارنايى تەحنيكانىڭ قىر-سىرىن جەتىك مەڭگەرگەن ەكەن.
ارىپتەستەرى ونىڭ ءارقاشان ءوز مىندەتتەرىن وتە ادال اتقارعانىن جانە تاۋلىكتىڭ كەز كەلگەن ۋاقىتىندا جوندەۋ پروفيلاكتيكالىق جانە اۆاريالىق-قالپىنا كەلتىرۋ جۇمىستارىنا قاتىسۋ ءۇشىن قىزمەت ورنىنا بارۋعا دايىن ەكەنىن ەسكە الادى.
مارقۇم ۇجىمىندا ۇلكەن قۇرمەتكە يە بولعان، ونى ارىپتەستەرى جاۋاپتى، مىندەتتى ادام دەيدى.
جۇمىسىنا سىڭىرگەن ەڭبەگى ءۇشىن ول ەنەرگەتيك كۇنىنە وراي ەكىباستۇز اكىمىنىڭ جانە كومپانيا فيليالىنىڭ قۇرمەت گراموتالارىمەن، سونداي-اق كومپانيانىڭ جيىرما جىلدىعىنا ارنالعان مەرەيتويلىق مەدالىمەن ماراپاتتالعان.
"ول نەبارى 60 جاستا ەدى. مەيىرىمدى، ۇقىپتى ادام. قاراپايىم، سابىرلى، جاناشىر ادام، قيىن كەزدەردە ءارقاشان جولداستارىنىڭ جانىنان تابىلاتىن"، - دەيدى ارىپتەستەرى.
فيليال قىزمەتكەرلەرىنىڭ ايتۋىنشا، جانات ماقسۇتوۆ ەكى قىز بەن ءبىر ۇل تاربيەلەپ وتىرعان.
ايتا كەتەيىك، 23 اقپاندا تاڭعى ساعات 8 شاماسىندا ەكىباستۇزداعى ۇيلەر اۋلاسىنىڭ بىرىنەن ەر ادامنىڭ دەنەسى تابىلدى. بەينەباقىلاۋ كامەراسىنا ءتۇسىپ قالعان كادرلاردان ەر ادام قوقىس توگۋگە شىقانى كورىنەدى. قايتار جولدا وعان مەديتسينالىق ماسكا مەن كوزىلدىرىك كيگەن بەلگىسىز ادام وق اتىپ، وقيعا بولعان جەردەن ءىزىن سۋىتقان.
پوليتسيا دەپارتامەنتى كۇدىكتى ءالى ۇستالماعانىن حابارلادى. سونداي-اق، پوليتسيا قىزمەتكەرلەرى وقيعانىڭ كۋاگەرلەرى بولسا 102 ءنومىرى بويىنشا حابارلاسۋدى سۇرادى.
سىلتەمەسىز جاڭالىق وقيسىز با؟ وندا "ۆكونتاكتە" جەلىسىندە پاراقشامىزعا تىركەلىڭىز!
ءتۇرى: TengriNews.Kz
جولدانعان ۋاقىتى: 19:20 - 2021/02/23
