Clubhouse الەۋمەتتىك جەلىسىنە بەلگىسىز حاكەرلەر شابۋىل جاسادى، - دەپ حابارلايدى Tengrinews.kz ءتىلشىسى Tech Crunch سايتىنا سىلتەمە جاساپ.
Clubhouse ءباسپاسوز حاتشىسى ريما ءباناسيدىڭ مالىمدەمەسىنە قاراعانا، وسى دەمالىس كۇندەرى شابۋىلداۋشىلاردىڭ ءبىرى پايدالانۋشىلاردىڭ اڭگىمەسىن جاسىرىن تىڭداي العان. سونداي-اق، حاكەر بۇل چاتتاردى ءۇشىنشى تاراپقا، ءوزىنىڭ ۆەب-سايتىنا جۇكتەگەن.
"بۇل ادامنىڭ ەسەپتىك جازباسى ءبىرجولا بۇعاتتالدى جانە ءبىز مۇنداي جاعدايلاردىڭ الدىن الۋ ءۇشىن قوسىمشا قاۋىپسىزدىك شارالارىن قوستىق"، - دەدى كومپانيا وكىلى.
SIO ديرەكتورى جانە Facebook قاۋىپسىزدىك قىزمەتىنىڭ بۇرىنعى باسشىسى الەكس ستاموستىڭ ايتۋىنشا، الەۋمەتتىك جەلى اڭگىمەنىڭ قۇپيالىعىنا جاۋاپ بەرە المايدى.
"حاكەرلەر Clubhouse قوسىمشاسىن جاساۋ ءۇشىن پايدالانىلعان JavaScript الگوريتمى نەگىزىندە جەلىنى بۇزۋ سيستەماسىن قۇرعان. قولدانۋشى الەۋمەتتىك جەلىدەگى لوگينىن بۇكىل الەممەن قاشىقتان ءبولىسۋدىڭ ءادىسىن ويلاپ تاپتى"، - دەدى الەكس ستاموس.
الەۋمەتتىك جەلى وكىلدەرى مۇنداي جاعدايدىڭ الدىن الۋ ءۇشىن قانداي قادامدار جاسالعانىن تۇسىندىرۋدەن باس تارتتى.
پلاتفورما تەك iPhone يەلەرى ءۇشىن قول جەتىمدى بولعاندىقتان جانە وعان باسقا قولدانۋشىنىڭ شاقىرۋىمەن عانا تىركەلەتىندىكتەن، ادامدار Clubhouse-قا كىرۋدىڭ ءارتۇرلى ءتاسىلىن ويلاپ تاۋىپ جاتىر. مىسالى، سويلەسەتىن بولمەلەردى جاسىرىن جازىپ الاتىن Telegram-بوت جاساعان بەلگىسىز حاكەرلەر بار.
ايتا كەتەيىك، Google-دىڭ بۇرىنعى قىزمەتكەرلەرى جاساعان جاڭا Clubhouse الەۋمەتتىك جەلىسى جىلدام تانىمالدىققا يە بولىپ كەلەدى. الەۋمەتتىك جەلى App Store-دان جۇكتەلگەن قوسىمشالار اراسىندا ءبىرىنشى ورىنعا يە بولدى. Clubhouse - تەك اۋديو حابارلامالارعا ارنالعان الەۋمەتتىك قوسىمشا. باعدارلامادا تانىمال سپيكەرلەرگە تىكەلەي سۇراق قويۋ مۇمكىندىگى بار. سونىسىمەن ول تىڭداۋشىلار قىزىعۋشىلىعىن تۋدارادى. ازىرگە باعدارلاما تەك iPhone پايدالانۋشىلارىنا قول جەتىمدى.
قازاقستاندىقتار Clubhouse الەۋمەتتىك جەلىسىنە "شاقىرتۋ" ساتا باستادى
اقش-تا دا الەۋمەتتىك جەلىگە شاقىرتۋلار ساتىلىپ جاتىر. باعاسى 20 دوللاردان 800 دوللارعا دەيىن.
سىلتەمەسىز جاڭالىق وقيسىز با؟ وندا "ۆكونتاكتە" جەلىسىندە پاراقشامىزعا تىركەلىڭىز!
ءتۇرى: TengriNews.Kz
جولدانعان ۋاقىتى: 14:10 - 2021/02/23
