يراكتىڭ بۇرىنعى باسشىسى ساددام حۋسەيننىڭ قىزى "ال-ارابيا" ساۋد ارناسىنا ەكسكليۋزيۆ سۇحبات بەردى. بۇل تۋرالى NoonPost مىسىرلىق باسىلىمى جازدى، - دەپ حابارلايدى ينوسمي.
راگاد ساددام حۋسەين 15 جىلداي جۇرت الدىنا شىقپاعان، بۇقارالىق اقپارات قۇرالىندا دا، اراب ارنالارىندا دا كوپ كورىنبەگەن. سوندىقتان ونىڭ اياق استى شىعۋى ساراپشىلار اراسىندا قىزۋ تالقىعا تۇسكەن.
باسىلىم مالىمەتىنشە، راگاد ەشقاشان ساياسي تۇلعا بولماعان، الايدا اقپاراتتىق الاڭعا شىققان سايىن ەلەۋلى ساياسي قاراما-قايشىلىق سەبەبى بولعان. وعان راگادتىڭ بۇرىنعى يراك پرەزيدەنتىنىڭ قىزى بولۋى عانا ەمەس، سونىمەن قاتار، ونىڭ ەل كوشباسشىسىنىڭ جاقتاستارى اراسىندا تانىمالدىعى دا سەبەپ بولعان.
ساۋد ارناسىنا بەرگەن سۇحباتىندا ول اكەسى تۋرالى، بالالىق شاعى مەن حۋسەين كامەلمەن بىرگە تۇرعان كەزدەگى ەستەلىگى مەن ونىڭ ءولىم سەبەبى، يراكتىڭ كۋۆەيتكە باسىپ كىرۋى، سونداي-اق، ەلدەگى بۇگىنگى جاعدايعا كوزقاراسى مەن ونىڭ اۋماعىندا قاقتىعىستى قوزدىرۋداعى يراننىڭ ءرولى تۋرالى ويىن ءبولىستى.
ساددام حۋسەيننىڭ كەزىندە يراكتى سالىستىرا وتىرىپ، راگاد "بۇرىن حالىق قۇرمەتكە يە بولعانىن جانە ولاردى ەشكىم رەنجىتە الماعانىن" ايتادى.
"ادامدار ولاردىڭ بالالارى ءقاۋىپسىز جەردە تۇرىپ جاتىر دەگەن سەنىممەن ءومىر ءسۇردى"، - دەيدى راگاد.
سول كەزدە تەلەجۇرگىزۋشى ساددام حۋسەين بيلىك ەتكەن كەزەڭدە ەركىندىك بولماعانىن ەسكە سالدى.
"ال ەركىندىك دەگەن نە؟ ەگەر بۇل ديكتاتۋرانى جويۋ جانە دەموكراتيانى قۇرۋ ۇرانىمەن جاۋلاپ الۋ بولسا، وندا يراكتىقتارعا مۇنداي ەركىندىك قاجەت ەمەس"، - دەدى ول.
اڭگىمە ساددام حۋسەيننىڭ اينالاسىنداعى ادامدارعا دەگەن قاتىگەزدىگى تۋرالى بولعان كەزدە راگاد اكەسى تۋرالى ەستەلىگىن ءبولىستى:
"بالالارىمەن بىرگە بالىق اۋلاۋعا، جۇزۋگە، اتقا مىنۋگە باراتىن، ال ۇيگە كەلگەن كەزدە ولاردى قۇشاقتاپ، ءسۇيىپ الاتىن"، - دەيدى ول.
سونىمەن قاتار، راگاد ساددام حۋسەين كۇيەۋىنىڭ ولىمىنە قاتىستى پىكىر ءبىلدىردى. ونىڭ سوزىنشە، بۇل رۋلىق اكت بولعان جانە كۇيەۋى ونىڭ كوز الدىندا ولتىرىلگەن.
تەلەجۇرگىزۋشىنىڭ "ول الداعى تاڭدا ەلدىڭ ساياسي ومىرىنە ارالاسۋى مۇمكىن بە؟" دەگەن سۇراعىنا راگاد ء"بارى دە مۇمكىن" دەپ جاۋاپ بەردى.
ءوز كەزەگىندە، باسىلىم نەلىكتەن ساۋد ارابيا تەلەارناسى يراكتىڭ بۇرىنعى پرەزيدەنتىنە قاتىستى رەداكتسيالىق ساياساتىن وزگەرتكەنىن تۇسىنبەگەن. سەبەبى ارنا ساددام حۋسەينگە جانە ونىڭ رەجيمىنە قارسى تۇرعان.
ماقالا اۆتورى بۇعان قاتىستى ءوز ويىن بىلدىرگەن. ونىڭ سوزىنشە، راگاد ساددام حۋسەين دە سۇحبات الۋ ءۇشىن بەكەر تاڭدالماعان كورىنەدى.
سىلتەمەسىز جاڭالىق وقيسىز با؟ وندا "ۆكونتاكتە" جەلىسىندە پاراقشامىزعا تىركەلىڭىز!
ءتۇرى: TengriNews.Kz
جولدانعان ۋاقىتى: 13:00 - 2021/02/23
