ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-212416771848 %52 %
2019-11-222306629247 %53 %
2019-11-2321870335 %65 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: TengriNews.Kz

جولدانعان ۋاقىتى: 10:00 - 2019/11/05

كاكىمجان قازىباەۆ جايلى ەستەلىكتەر: ەرلىك پەن ادامگەرشىلىك حاقىندا - ماقالالار | Tengrinews
كاكىمجان قازىباەۆ جايلى ەستەلىكتەر: ەرلىك پەن ادامگەرشىلىك حاقىندا 23 قىركۇيەك، 15:34
0

قازاق جۋرناليستيكاسىندا وزىندىك جازۋ مانەرىمەن ءىز قالدىرعان بەلگىلى پۋبليتسيست، قوعام قايراتكەرى، جازۋشى، جۋرناليست كاكىمجان قازىباەۆتىڭ تۋعانىنا بيىل 90 جىل تولدى. وسىعان وراي،رەسپۋبليكالىق عىلىمي-پراكتيكالىق كونفەرەنتسيا ءال-فارابي اتىنداعى قازاق ۇلتتىق ۋنيۆەرسيتەتىندە ۇيىمداستىرىلىپ، جيىنعا قازىرگى قازاق جۋرناليستيكاسىنىڭ اعا بۋىنى، تۇلعانىڭ جاقىن تۋىستارى، ۋنيۆەرسيتەت ستۋدەنتتەرى قاتىستى. كاكىمجان قازىباەۆ عۇمىرىنان سىر شەرتەتىن ەستەلىكتەر ايتىلىپ، قايراتكەر بولمىسىن سۋرەتتەيتىن باياندامالار وقىلدى. نازارلارىڭىزعا كونفەرەنتسيا بارىسىندا ءسوز سويلەگەن ازاماتتاردىڭ بايانداماسىنان ۇزىندىلەر ۇسىنامىز.

عالىمقايىر مۇتانوۆ
اكادەميك، قازۇۋ رەكتورى

العاش بولىپ ءسوز العان عالىمقايىر مۇتانوۆ جينالعان جۇرتپەن امانداسىپ، ءىلتيپات كورسەتتى. كاكىمجان قازىباەۆتىڭ تۋعانىنا 90 جىل تولۋىنا ارنالعان كونفەرەنتسيانىڭ شىمىلدىعىن ءتۇرىپ، ەستەلىك ايتۋعا كەلگەن اعا-بۋىن مەن شاكىرتتەرىنە العىسىن بىلدىردى.پرەزيدەنت قاسىم-جومارت توقاەۆتىڭ ارنايى جەدەلحاتىن وقىپ، ىستىق لەبىزىن ارنادى.

- بۇگىندە ونەگەلى ومىرىمەن وسكەلەڭ ۇرپاققا ۇلگى بولىپ وتىرعان كاكىمجان قازىباەۆتىڭ ۇلت رۋحانياتى ءۇشىن سىڭىرگەن ەڭبەگى ۇمىتىلمايدى. حالىقتىڭ يگىلىگى ءۇشىن ايانباي ەڭبەك ەتكەن ءبىرتۋار اعامىزدىڭ وتباسىنا اماندىق، باقىت، باق-بەرەكە تىلەيمىن! قازاقستان رەسپۋبليكاسىنىڭ پرەزيدەنتى – قاسىم-جومارت توقاەۆ. نۇر-سۇلتان. اقوردا" - دەپ جازىلعان جەدەلحاتتا.

باۋىرجان جاقىپ، اقىن، قر ۇعا مۇشە-كوررەسپوندەنتى
"كاكىمجان قازىباەۆتىڭ جازۋشىلىق قىرى"

- تۋعانىنا توقسان جىل تولىپ وتىرعان اعامىزدىڭ مەرەيتويلىق عىلىمي كونفەرەنتسياسىندا مەن ول كىسىنىڭ جازۋشىلىق قىرىنا توقتالماقپىن. كاكىمجان قازىباەۆ مەملەكەتتىك قىزمەتتە جۇرگەنىنە قاراماستان قازاق پۋبليتسيستيكاسى مەن كوركەم ادەبيەتىنىڭ دامۋىنا ولشەۋسىز ۇلەس قوستى. قازۇۋ-دىڭ جۋرناليستيكا فاكۋلتەتىندە پەداگوگيكالىق قىزمەتىن قوسا اتقاردى. قازىباەۆتىڭ قالامىنان "كەرنەگەن كەك"، "قۇپيا"، "ىزعار"، "سۇراپىل"، "وكتيابر ورەندەرى" سياقتى تۋىندىلار دۇنيەگە كەلدى. قازاقتىڭ جاۋجۇرەك ۇلى راقىمجان قوشقارباەۆتىڭ ەرەن ەرلىگىن التى الاشقا العاش تانىتقان كاكىمجان قازىباەۆتىڭ جۋرناليستىك زەرتتەۋى ءدال سول ەرلىكتىڭ وزىمەن پارا-پار دەسەك ارتىق ايتقاندىق ەمەس. كاكىمجان اعانىڭ جۋرناليستىك قىزمەتى، رەداكتورلىق شەبەرلىگى، پۋبليتسيستيكاسى تەرەڭ زەرتتەلدى. مەنىڭ عىلىمي جەتەكشىلىگىممەن بۇل تاقىرىپتا زۋحرا ەرماعانبەتوۆا 2007 جىلى كانديداتتىق ديسسەرتاتسيا قورعادى.

كاكىمجان قازىباەۆتىڭ "قىشىما" پوۆەسى جىلى يۋمورعا تولى. وقيعاسى دا كۇلكىلى شىعارما. مۇندا قالامگەر جوعارى باسشىلىق قىزمەتتەگى ادامداردىڭ جاعىمپازدانعان كەسكىن-كەلبەتىن، بەت-بەينەسىن جاسايدى. پوۆەستەگى باستى كەيىپكەر قاسىم – ءوز ءىسىن جەتىك بىلەتىن، تۋرا سويلەيتىن ءپرينتسيپشىل ادام. ءبىراق ونىسى وزىنە سور بالىپ، باستىقتارعا ۇناي بەرمەيدى. شىندىقتى ايتامىن دەپ تالاي وپىق جەگەنى بار. سونىسىمەن ەكى رەت قىزمەتىمەن قوشتاسقان. ەندىگى قىزمەتى – فەرما مەڭگەرۋشىسى. شىعارمادا كوكپ ورتالىق كاميتەتىنىڭ ءبىرىنشى حاتشىسى نيكيتا سەرگەەۆيچ حرۋششەۆتىڭ قازاقستانعا كەلگەن ساپارى قىزىقتى سيۋجەتپەن ورىلەدى.

قازاقستان كينەماتوگرافيستەر وداعىنا جينالىسقا بارعان كاكىمجان قازىباەۆ بىلاي دەپتى: "تۋىسقان وداقتاس رەسپۋبليكالاردا، اتاپ ايتقاندا وزبەكستان، قىرعىزستان، تاجىكستان مەن تۇركىمەنستاندا بۇل تۇرعىدا شىعارماشىلىق جاعىنان ءوسۋ بايقالادى. ولار وزدەرىنىڭ كوركەم ادەبيەتىنىڭ قۇندىلىقتارىن باعالاي بىلەدى. شىعارمالارىن ۋاقىتىلى ەكرانداپ وتىرادى. ءبىز نەگە ولاردان ۇلگى المايمىز؟ الەمدىك كلاسسيكانىڭ ءىنجۋ-مارجانى بولىپ تابىلاتىن مۇحتار اۋەزوۆتىڭ "اباي جولى" رومانىن ەكرانعا شىعارا الماي جۇرگەنىمىز قازاقستاننىڭ كينەماتوگرافيستەرىنە ابىروي اكەلمەسى انىق" دەگەن ەكەن كاكىمجان قازىباەۆ.

كوپجاسار نارىباەۆ، قوعام جانە مەملەكەت قايراتكەرى، اكادەميك
"كاكىمجان قازىباەۆتىڭ قايراتكەرلىگى"

- مەن كاكىمجان اعامەن وسىدان 60 جىل بۇرىن، 1959 جىلى تانىستىم. سودان بەرى، ول كىسىنىڭ ءومىرىنىڭ سوڭىنا دەيىن قاتىناسىمىز ۇزىلگەن ەمەس. ون شاقتى جىل قۇداي قوسقان كورشى بولدىق. جانۇيامىزبەن، بالا-شاعامىزبەن ارالاسىپ كەتتىك. اركەز اقىلىن ايتىپ، جول سىلتەپ وتىراتىن. كاكىمجان اعامىز پاراساتقا باي، ويى تەرەڭ، ورەسى بيىك، ءورىسى كەڭ كورنەكتى قايراتكەر ەدى.

كاكەڭ حاتشى كەزىندە وداقتىق ماڭىزى بار، ءتىپتى الەمدىك ءمانى بار كوپتەگەن جيىندار وتكىزدى. سونىڭ ءبىرى – شوقان ءۋاليحانوۆتىڭ 150 جىلدىعى. حاتشى قازىباەۆ بۇل جيىندى الەمدىك دەڭگەيدە، يۋنەسكو اياسىندا وتكىزۋگە قول جەتكىزدى. ناتيجەسىندە كوپ سەريالى كوركەم فيلم ءتۇسىرىلدى. وداقتىق عىلىم اكادەمياسىندا حالىقارالىق عىلىمي سيمپوزيۋم وتكىزىلدى. ءسويتىپ ءوزىمىزدىڭ ماقتان تۇتاتىن شوقانىمىزدى بۇكىل الەمگە تانىتۋعا ۇلكەن ۇلەس قوستى.

اعامىزدىڭ كوزى تىرىسىندە سەنىمدى سەرىگى بولعان، ومىرلىك دوسى، وتباسىنىڭ بەرەكەسى، اقىلشىسى، قامقورشىسى بولعان، ومىردەن وتكەن سوڭ اۋلەتتىڭ شاڭىراعىن شايقالتپاي، وتىن وشىرمەي، اتىن اسقاقتاتىپ، جوعىن جوقتاپ، رۋحاني مۇراسىن تۇگەندەپ، ونى كەڭىنەن دارىپتەي بىلگەن ۇلاعاتتى ۇستاز، ەلىمىزگە ەرەن ەڭبەگى سىڭگەن قايراتكەر ورىنشا جەڭگەمىزدىڭ ورنى ەرەكشە. كاكىمجان قازىباەۆ – قازاقستان تاريحىندا اتى التىن ارىپپەن جازىلعان ءىرى تۇلعا، كورنەكتى قايراتكەر، الىپ ازامات.

سۇلتان ءورازالى، جازۋشى، تەلەجۋرناليست
"
كاكىمجان قازىباەۆتىڭ 4 ەرلىگى"

- ءبىرىنشى ەرلىگى: ورىنشا اپامىزعا ۇيلەنگەنى. اپىر-توپىر زامان ورناپ، حالىق جاۋلارىن، ولاردىڭ تۋعان-تۋىستارىن قاماپ، ايداۋعا جىبەرىپ جاتقان. ورىنشا اپامىز – حالىق جاۋىنىڭ قىزى. بۇل كىسىمەن سويلەسىپ، ۇيلەنبەك تۇگىلى قاسىنا بارعان ادامنىڭ ءوزى ەسەپكە ىلىنەتىن. وسىنى بىلە تۇرا، ەشتەڭەگە قاراماستان، توسقاۋىلدى بۇزىپ-جارىپ، جاس جىگىت ۇيلەنۋگە شەشىم قابىلدايدى. ەرلىك پە؟ ەرلىك.

ەكىنشى ەرلىگى: راقىمجان قوشقارباەۆ ەرلىگىن وداققا تانىتىپ، ادىلدىككە قول جەتكىزۋ جولىنداعى كۇرەسكەرلىگى. جۋرناليستيكادا ءبىر تاقىرىپقا قاتىستى ماقالانى 1 رەت جازىپ، ارتىنشا ماسەلەنى اياقسىز قالدىراتىن جۋرناليستەر از ەمەس. كاكىمجان قازىباەۆ سياقتى 1 تاقىرىپ شەڭبەرىندە بىرنەشە جىل ىزدەنىپ، سول ماسەلەگە جۋرناليستىك عۇمىرىن ارناعان جۋرناليستەر نەكەن ساياق. تاباندىلىعىنىڭ ارقاسىندا ول كىسى راقىمجان قوشقارباەۆ جايلى بارلىق جانردا قالام تەربەدى. بۇل كاكىمجان قازىباەۆتىڭ جۋرناليستيكاداعى ەرلىگى.

ۇشىنشى ەرلىگى: كەڭەس داۋىرىندە ءوزىنىڭ حالقىنا، مادەنيەتىنە قارسى سويلەگەن باسشىلار بيلىكتەن قولداۋ تاۋىپ، "جاقسى ادام" اتانىپ ءجۇردى. ال بۇل كىسى قازاقتىڭ جەرى توز-توز بولماسىن دەپ نەمىس اۆتونومياسىن قۇرعىزباۋدى مىقتاپ قولعا الىپ، وسى جولدا ايانباي كۇرەستى. كاشەنوۆ اعامىزدان كەيىن، وسى جۇكتى كوتەرە العان – كاكىمجان اعا. بۇل – ساياساتتاعى ەرلىگى.

تورتىنشى ەرلىگى: كۇندىز-تۇنى قازتاگ-تا وت پەن سۋدىڭ ورتاسىندا ءجۇرىپ، ونىمەن قوسا پارتيانىڭ جۇمىسىمەن اينالىسىپ، بۇكىل كۇش-قۋاتتى جۇمىسقا جۇمساعان ادام كەشكىسىن ۇيىنە كەلىپ، بالا-شاعاسى ۇيقىعا كەتكەندە رومان جازۋعا وتىرعان. بۇل كەز كەلگەن ادامنىڭ قولىنان كەلە بەرمەيتىن دۇنيە. جازۋشىلىق ەرلىگى وسى دەر ەدىم.

كاكىمجان قازىباەۆ اشارشىلىق، قۋعىن-سۇرگىن كەزەڭىندە دۇنيەگە كەلگەن ادام. ءبىر ستاتيستيكادان وقىعانىم بار، اشارشىلىق جىلدارىندا قازاقستاندا تۋعان 1000 بالانىڭ بىرەۋى عانا ءتىرى قالعان ەكەن. ولار كىمدەر، كاكىمجان قازىباەۆ، شەرحان مۇرتازا، كامال سمايىلوۆ، ساپار بايجانوۆ، حايدوللا تىلەمىسوۆ، مۇقان ماماجانوۆ سياقتى تۇلعالار. مىنە، وسى ۇرپاق بىردەن پۋبليتسيستيكاعا، جۋرناليستيكاعا بەت بۇرىپ، قازاقتىڭ ادەبيەت، مادەنيەتىن ىلگەرىلەتتى.

جانبولات اۋىپباەۆ، جۋرناليست، جازۋشى
"ك.قازىباەۆتىڭ شىعارماشىلىعى: تاقىرىپ، ىزدەنىس، تاجىريبە"

-1986 جىلى كاكىمجان اعا مەنى “لەنينشىل جاستىڭ” قىزمەتكەرى رەتىندە جۇمىسقا الدى. 3-4 جىگىت جۋرناليستتىك قىزمەتىمىزدى قاتار باستادىق. 3 جىلدىڭ ىشىندە كاكەڭ ءبىزدى اتتاي تاعالاپ شىعاردى. 1989 جىلى كاكىمجان اعاعا ىلەسىپ ىسساپارمەن اقسۋ اۋدانىنا باردىق. بارعانشا راقىمجان اعا تۋرالى، قايتار جولدا دا راقىمجان اعا تۋرالى ايتتى. الماتىعا جاقىنداعان تۇستا: ء“بىز ەندى دەربەس زەينەتكەر بولامىز، قوعامدىق ومىردەن الىستايمىز. مەن ەكى كۇن بويى راقىمجان قوشقارباەۆ جايلى ايتتىم. وسى كۇنگە دەيىن راقىمجان اعالارىڭ جايلى ءبىرشاما قۇجات جينادىم. الماتىعا جەتكەننەن كەيىن، سونىڭ ءبىر داناسىن مەن ساعان بەرەمىن. قولىڭ تيگەندە قارارسىڭ” دەدى. ول كەزدە جاسپىز. ءوزى 30 جىل اينالىسقان راقىمجان قوشقارباەۆقا قاتىستى قۇجاتتى ماعان بەرگەلى جاتقاندا، باسىندا شوشىپ، قوبالجىدىم. وسى وقيعادان كەيىن، كوپ وتپەي كاكىمجان اعا ومىردەن ءوتىپ كەتتى. سوندا جالعانمەن قوشتاساتىنىن سەزگەندەي، كاكەڭ راقىمجان قوشقارباەۆ قۇجاتتارىن بىزگە اماناتتاپ كەتتى.

ورىنشا قارابالينا-قازىباەۆا، قر ەڭبەك سىڭىرگەن قايراتكەرى، ۇلاعاتتى ۇستاز
كاكىمجان قازىباەۆتىڭ جۇبايى

-ديماش احمەتۇلى كاكەڭدى جوعارى لاۋازىمعا، حاتشىلىققا شاقىرعاندا بۇل ۇسىنىستان باس تارتىپ، بارماي ءجۇردى. ءبىراز ۋاقىت وتكەندە ديمەكەڭ كەڭسەسىنە قايتا شاقىرىپ “نە ىستەيتىن بولدىڭ، ويلانعان بولارسىڭ” دەپ سۇراعاندا، كاكەڭ سول بۇرىنعى جاۋابىن ايتادى. “وندا پورتبيلەتىڭدى وتكىز” دەگەسىن، كاكەڭ بۇل قىزمەتكە كىرىسۋگە قۇلىقسىز كەلىسىمىن بەرىپتى. ءبىراق حاتشى بولىپ جۇرگەنىندە ىلعي ايتاتىن “ادىلەتتىلىك تومەنگى جاقتا عانا بار. جوعارىدا، اسىرەسە، اناۋ ماسكەۋدە ادىلەت جوق” دەپ. ول كىسى ادىلەتسىزدىكتى ۇناتپايتىن. جازىقسىز جاندار ايىپتالىپ جاتسا، سولاردى قۇتقارىپ قالۋعا تىرىساتىن.

سىزدەرگە كاكەڭنىڭ 1987 جىلدىڭ توعىزىنشى ايىندا جازىلعان مىنا ءبىر جازباسىن وقىپ بەرەيىنشى: “مەن ۇزاق ۋاقىت اۋزىمدى اشپاۋعا، ءۇنىمدى شىعارماي، ىشتەن تىنۋعا ءماجبۇر بولدىم. بۇگىن مەنىڭ جان دۇنيەم الاي-دۇلەي. مەن بۇدان بىلاي شىداي المايمىن. حالقىمنىڭ ابىرويىنا نۇقسان كەلىپ جاتقاندا، مەن ۇندەمەي قالا المايمىن. مەن يدەولوگيا ءۇشىن كۇرەستىم. ميىمنان ساي-سۇيەگىمە دەيىن يدەولوگ بولىپ، مەن كوممۋنيستىك يدەولوگيا ءۇشىن ءوزىمدى قۇربان ەتۋگە دايار ەدىم. پاتريوت، ينتەرناتسيونال بولىپ تاربيەلەنگەن مەنىڭ كوزقاراسىمدى رەسپۋبليكادا قابىلدانعان ءبىر عانا قاۋلى تۇبەگەيلى وزگەرتتى. مەنىڭ حالقىم بارلىق ەلدىڭ الدىندا ۇلتشىل دەپ ايىپتالعاندا، مەن اينالامداعىلارعا دەگەن سەنىمىمدى جوعالتتىم. ءوزىم قول استىلارىندا قىزمەت ەتكەن جوعارىداعىلاردان كوڭىلىم قالدى. تارازىعا سالىنباي قابىلدانعان قۇجات ماعان عانا ەمەس، باسقالارعا دا اسەر ەتتى. بۇگىندە ءبىز، بارلىعىمىز قابىلدانعان سول قۇجاتتان قورقامىز، جاسقانامىز. اقىلدى قورقىنىش جەڭىپ كەتەدى. سول قورقىنىش ءبىزدى بىردە الاي، بىردە بىلاي لاقتىرادى...بۇگىندە مەنىڭ ءتىلىم تۇنشىعۋدا. ءتىل ولسە ۇلتىمىز دا ولەدى. قازاق ءتىلىنىڭ جاعدايى وتە مۇشكىل. قازاق ءتىلىنىڭ مۇشكىل ءحالىن تۇزەتۋ ءۇشىن، جانداندىرۋ ءۇشىن ءتيىستى زاڭ قابىلدانۋ كەرەك. مەن قۇر شوپپەن اۋىز ءسۇرتىپ، كوپ سويلەگەنشە تۇلعالىق بيىكتىكتى قولدايمىن” دەپ جازعان ەدى كاكىمجان قازىباەۆ.

باتىر قازىباەۆ،Alash Media Group مەدياحولدينگىنىڭ باس ديرەكتورى
كاكىمجان قازىباەۆتىڭ ۇلى

- 1989 جىلدىڭ قازانىندا اكەم دۇنيەدەن ءوتتى. وسى جىلدىڭ باسىندا ول كىسى ۇلكەن اپكەسىنە بيىل دۇنيەدەن وتەتىنىن سەزىپ جۇرگەنىن ايتقان ەكەن. ءومىرىنىڭ سوڭعى جىلىندا اكەم شىعارماشىلىققا مىقتاپ كوڭىل ءبولدى. بىرنەشە پۋبليتسيستيكالىق شىعارما، پوۆەست، رومان، پەسا جازدى. تاڭعى 4-تە تۇرىپ جازۋ ۇستەلىنە وتىراتىن. ۇلگەرۋگە تىرىستى. بۇگىندە اكەمنىڭ شىعارمالارى ءوز وقىرمانىن تاپتى. ول ۇلگەرگەن ەكەن.

اليا قوشقارباەۆا
حالىق قاھارمانى راقىمجان قوشقارباەۆتىڭ قىزى

- كاكىمجان اعانىڭ اۋلەتىمەن ءبىزدىڭ وتباسى تىعىز بايلانىستا بولدى. ءقازىر دە بايلانىسىمىز ۇزىلگەن ەمەس. ەكى ءۇيدىڭ بالالارى بىرگە وستىك. اكەم مەن كاكىمجان اعانىڭ ارالاس-قۇرالاس بولۋىنا باۋىرجان مومىشۇلى تۇرتكى بولعان. باتىر اتا مەنىڭ اكەمنىڭ سول كەزدەگى ەشكىمگە بەيمالىم ەرلىگى جايلى جازۋدى كاكىمجان اعاعا تاپسىرعان ەكەن. سودان بەرى ەكى ءۇي اراسىندا بەرىك بايلانىس ورنادى. كاكىمجان اعانىڭ ۇلى باتىردىڭ ەسىمىن مەنىڭ اكەم قويعان.

ول كىسى كوركەم مىنەزدى، سابىرلى، اينالاسىنا شۋاق شاشىپ تۇراتىن جايدارى جان ەدى. سويلەگەن ءار سوزىنەن جىلۋلىق بىلىنەتىن. ناعىز ينتەلەگەنت ادام ەدى.

كاكىمجان قازىباەۆ ومىرىنەن، ومىرلىك كوزقاراسى، شىعارماشىلىعى مەن بۇرىن سوڭدى ءبىز بىلمەگەن قىرلارى جايلى تالاي اڭگىمە ايتىلدى. قايراتكەردىڭ كوزىن كورگەن بۋىننىڭ اسەرلى اڭگىمەسى كونفەرەنتسيا زالىندا وتىرعان وسكەلەڭ ۇرپاقتىڭ تۇپكى ساناسىنا جەتتى دەپ انىق ايتا الامىز. تۇلعانىڭ تۋىندىلارى، شىنايى وبرازدارعا تولى شىعارمالارى باردا كاكىمجان قازىباەۆ ەسىمى ەشقاشان ۇمىتىلمايدى.


كەلۋ قاينارى: http://www.elarna.net/koru.php?tur=19&id=1068030

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قازاقستاندا رەفەرەندۋم 8 مينوت
شىمكەنتتە سالىنىپ جاتقا 18 مينوت
ىنتىماقتاستىق تۋرالى مە 23 مينوت
مەشىت شاكىرتتەرى مەن ۇس 28 مينوت
ەلىمىزدە العاش رەت ەرەك 1 ساعات
نيۋ-يورك پوليتسەيى ديما 1 ساعات
جەمقورلىققا قارسى قىزمە 1 ساعات
ۆولونتەردىڭ ءبىرىڭعاي د 1 ساعات
الماتى - بىشكەك تاسجولى 1 ساعات
«اك بارس» «بارىستىڭ» قا 1 ساعات
قاردى كەشىكپەي شىعارۋ ت 1 ساعات
قورعانىس مينيسترلىگى بي 1 ساعات
قتج "تىڭدايتىن" جامىلعى 1 ساعات
ارىپتەستەرىمىز جۇلدە ال 1 ساعات
قوستاناي وبلىسىندا جولد 1 ساعات
قاراعاندىدا بورىشكەرلەر 2 ساعات
كەلەشەگى زور كاسىپورىند 2 ساعات
اقش-تا سىناق كەزىندە Sp 2 ساعات
مينيستر 2020 جىلعى توكي 2 ساعات
راحماديەۆتىڭ اتى بەرىلد 2 ساعات
الماتىدا ەڭ جوعارى جالا 2 ساعات
اياز كۇنى ىستىق شاي تار 2 ساعات
ولەسيا كەكسەلگە قاتىستى 2 ساعات
قوستانايدا ساياجاي ورتە 2 ساعات
پاۆلودار وبلىسىندا ءبىر 2 ساعات
ارال تەڭىزىندە جوعالعان 2 ساعات
حالىق ۇنىنە قۇلاق اساتى 2 ساعات
ەلوردالىق ەرىكتىلەر تۇر 2 ساعات
كوكشەتاۋدا «اقان سەرى» 2 ساعات
نۇر-سۇلتاندا كاميل مۋلل 3 ساعات