ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: TengriNews.Kz

جولدانعان ۋاقىتى: 09:50 - 2019/11/05

Нақты Көзі: http://kaz.tengrinews.kz/article/almatyida-belgl-hirurg-nurtas-kazyibaevtyin-kurmetne-1016/

الماتىدا بەلگىلى حيرۋرگ نۇرتاس قازىباەۆتىڭ قۇرمەتىنە مەموريال اشىلدى - ماقالالار | Tengrinews
الماتىدا بەلگىلى حيرۋرگ نۇرتاس قازىباەۆتىڭ قۇرمەتىنە مەموريال اشىلدى 22 قىركۇيەك، 22:55
0
نۇرتاس قازىباەۆ
نۇرتاس قازىباەۆ

الماتىدا بەلگىلى حيرۋرگ نۇرتاس قازىباەۆقاەسكەرتكىش تاقتا ورناتىلدى، - دەپ حابارلايدى Tengrinews.kz ءتىلشىسى. مەموريال تولەباەۆ جانە قازىبەك بي كوشەلەرىنىڭ قيىلىسىندا ورنالاسقان. ول كورنەكتى حيرۋرگ تۇرعان ءۇيدىڭ الدىنا قويىلدى.

سالتاناتتى اشىلۋ ءراسىمىن نۇرتاس قازىباەۆتىڭ جاقىن دوسى، عالىم الماز شارمان وتكىزدى. ء"بىزدىڭ نۇرتاس ءوز زامانىنىڭ ۇزدىك حيرۋرگتارىنىڭ ءبىرى بولعان. ونى "حالىق اكادەميگى" دەپ اتاعان. ونىڭ ءومىرى وتە قىسقا بولسا دا، نۇرتاس ارتىنان تاماشا ءىز قالدىردى. ارىپتەستەرىمىزدىڭ اراسىندا ءبىز ونى دارىندى حيرۋرگ دەپ اتايتىنبىز، ەمدەلۋشىلەر اراسىندا - "قولى التىن ادام"، ال دوستاردىڭ اراسىندا - جاقسىلىق جارشىسى"، - دەيدى الماز شارمان.

نۇرتاس قازىباەۆتى ەسكە الۋعا جاقىندارى مەن بەلگىلى عالىمدار، سونداي-اق، ەلىمىزدىڭ مەملەكەت قايراتكەرلەرى جينالدى. ايتا كەتەيىك، حيرۋرگتىڭ مەموريالى ونىڭ اكەسى - جۋرناليست، جازۋشى جانە قوعام قايراتكەرى كاكىمجان قازىباەۆتىڭ ەسكەرتكىش تاقتاسىنىڭ جانىندا ورناتىلدى.

اكادەميك كوپجاسار ناريباەۆتىڭ ايتۋىنشا، نۇرتاس قازىباەۆ ءوز حالقىنىڭ لايىقتى ۇلى بولا العان. "نۇرتاس، امال نە، ءبىزدى ەرتە تاستاپ كەتتى، ءبىراق ارتىنان ۇلكەن مۇرا، جاقسى ىستەر مەن اتىن قالدىردى. نۇرتاس اكەسىنىڭ ۇلى بولىپ تۋسا، ءومىرىنىڭ سوڭىندا بۇكىل قازاق حالقىنىڭ ۇلى بولىپ كەتتى. ادامدار ونى جاقسى كورەتىن. شىنىندا دا، ول التىن قولدى حيرۋرگ ەدى. ول وتە كۇردەلى وتالارعا بىلەك سىبانا كىرىسەتىن، ەم جاساۋعا ءوزىنىڭ بارلىق كۇشى مەن جان-دۇنيەسىن سالاتىن. ول سكالپەلمەن عانا ەمەس، جاقسى سوزدەرىمەن دە ەمدەگەن. وكىنىشكە قاراي مۇنداي دارىگەرلەر وتە از"، - دەيدى اكادەميك.

1995 جىلى تالانتتى حيرۋرگ نۇرتاس قازىباەۆتى سوۆمينوۆ اۋرۋحاناسىنا شاقىرعان، ول قازىرگى پرەزيدەنت ءىسى باسقارماسىنىڭ ورتالىق كلينيكالىق اۋرۋحاناسى. ءبىر جىلدان كەيىن ول مەكەمەنىڭ حيرۋرگيالىق ءبولىمىن باسقاردى.

"ول 36 جاستا بولعاندا ونى ءبىزدىڭ كلينيكاعا كوشۋگە كوندىردىك. ونىڭ كەلۋىمەن ۇلكەن وزگەرىستەر باستالدى، حيرۋرگياعا دەگەن كوزقاراس وزگەردى. نۇرتاس كاكىمجانۇلى باتىل بولعان، ول تاجىريبەمەن قاتار عىلىمي ءبىلىم الۋدى قاتار الىپ جۇرگەن، ءوزىنىڭ تالىمگەرىمەن كەڭەسىپ، حيرۋرگيانى وتە جوعارى دەڭگەيگە كوتەرگەن. ونى بۇكىل مەديتسينا الەمىن بىلگەن، وعان كۇندىز-تۇنى قوڭىراۋ شالاتىن. تەلەفونىن ەشقاشان سوندىرمەيتىن. ول ءومىردى، ادامداردى وتە جاقسى كوردى. كوزگە جىلت ەتىپ كورىندى دە جوق بولدى. ول بارلىعىنا ۇلگەرەتىن، ءبىراق وزىنە قامقور بولمادى"، - دەدى اۋرۋحانانىڭ ۆيتسە-پرەزيدەنتى شولپان ايۋپوۆا.

2011 جىلى مەديتسينالىق مەكەمەدە ينتەرۆەنتسيالىق كارديولوگيا بولىمشەسى اشىلدى. وعان باسشى بولۋعادانيار ماحانوۆ شاقىرىلعان.

"نۇرتاس قازىباەۆ تۋرالى دارىگەر جانە حيرۋرگ رەتىندە ەستىمەگەن بولاتىنمىن، جەكە وزىمەن 2011 جىلى عانا تانىستىم. بىزدە قالادا حيرۋرگتەر كوپ، ءبىراق ولاردىڭ اراسىندا اڭىز ادامدار بار. بولىمشەنىڭ اشىلۋىنا اكىمشىلىكپەن قاتار نۇرتاس قازىباەۆ ۇلكەن كومەك كورسەتتى. ول ماعان دارىگەر تاڭداۋعا دەيىن كەڭەستەر بەرەتىن. ول ءوزىنىڭ مارتەبەسىنە قاراماستان، ادامدارمەن قاراپايىم، ەركىن سويلەسەتىن. ول تىڭداي بىلەتىن، ناقتى كەڭەس بەرە الاتىن.

ەڭ باستىسى ماعان ونىڭ ادامگەرشىلىك قاسيەتى ۇنايتىن، ەشكىمگە جوق دەمەيتىن. ادامدار كەلىپ سۇرايدى، ول وتا جاسادى. ول وتە تارتىمدى كىسى ەدى: ونىمەن سويلەسكەن ايەلدەردىڭ بارلىعى جايناپ كەتەتىن. ولار نۇرتاسقا ۇناۋعا تىرىساتىن، سەبەبى مۇنداي ادامنىڭ نازارى قىمبات تۇرادى. قۇتتىقتاۋ كەزىندە ول ءاردايىم جۇرگىزۋشى بولاتىن جانە كەز كەلگەن قىزمەتكەرگە كۇلكى سىيلاپ، بەتىنەن سۇيەتىن. ونىڭ اۋرۋحاناداعى بارلىق دەرلىك قىزمەتكەردىڭ اتىن جاتقا بىلەتىنىنە تاڭعالاتىنمىن، سەبەبى ولاردىڭ سانى 1500-دەن اسادى"، - دەدى ماحانوۆ.

حيرۋرگ ارىپتەستەرىنىڭ ايتۋىنشا، ورتالىق كلينيكالىق اۋرۋحاناعا كەلگەننەن كەيىن ول ۇيىمداستىرۋشىلىق قابىلەتىنىڭ ارقاسىندا تۇبەگەيلى وزگەرىسكە اكەلەتىن شارالار قابىلداۋعا شەشىلەتىن. نۇرتاس قازىباەۆ بۇرىنعى سوۆمينكادا وپەراتسيالىق بلوك قۇرىپ، ونى بارلىق جاڭا قۇرالدارمەن باتىس ۇلگىسى بويىنشا جابدىقتاي الدى. ودان كەيىن دارىندى حيرۋرگ جانىنا جاس جانە باستاماشىل كومەكشىلەردى جيناپ، ولاردىشەت ەلگە وقۋعا جىبەرگەن.

"بىلىمى مەن ەڭبەكقورلىعىنىڭ ارقاسىندا نۇرتاس مۇنى جۇزەگە اسىرا الدى. نۇرتاستىڭ ارىپتەستەرى ونى قۇرمەتتەپ، جاقسى كورەتىنىنە ريزامىن. كەي دارىگەرلەردىڭ كابينەتىنە كىرگەندە نۇرتاستىڭ پورترەتى ءىلىنىپ تۇرادى. دەمەك، ونىڭ ەسىمى مەن جاساعان ىستەرى ۇمىتىلمايدى"، - دەدى اكادەميك كوپجاسار نارىباەۆ.

Consumor aliis inserviendo - وسىنداي قىسقا لاتىنشا انىقتاما نۇرتاس قازىباەۆتىڭ جارقىن ءومىرىن سيپاتتايدى. ول "بىرەۋگە جارىق جول كورسەتىپ، ءوزىم جانامىن" دەگەن ماعىنانى بەرەدى.

"نۇرتاس كوپ ادامنىڭ ەسىندە.ول وتا جاساعان، تۋىستارى مەن جاقىندارىن قۇتقارعان ەمدەلۋشىلەردى ءجيى كەزدەستىرەمىن. مەن نۇرتاستى ماقتان تۇتامىن، سەبەبى ول مىڭداعان ادام ءومىرىن قۇتقارىپ قالعان. ول كەتكەن كەزدە ءبىز نۇرتاستىڭ 30 جىلدىق كارەراسىندا جاساعان جۇمىس كولەمىن تولىق تۇسىنبەگەن ەكەنبىز، - دەيدى بەلگىلى حيرۋرگ باتىر قازىباەۆ. - ەسىمدە، ول وقىپ جۇرگەن كەزدە ۇيدە حيرۋرگيالىق قۇرالدار بولعان. كورپە ەسىمدە، ونى كەسىپ قايتا-قايتا تىگەتىن. نۇرتاس ءوزىنىڭ حيرۋرگيالىق داعدىلارىن ۇنەمى جەتىلدىرۋ ءۇشىن، وڭ جانە سول قولىمەن بىردەي وتا جاسايتىن. سول كەزدە مەن بۇل حيرۋرگتىڭ ۇزاق جولىنىڭ باستاماسى عانا ەكەنىن تۇسىنبەگەنمىن، ول ءوز ناۋقاستارىن اۋرۋمەن بەتپە-بەت قالدىرماۋعا تىرىساتىن، ءتىپتى ولارمەن ءومىرىنىڭ سوڭعى مينۋتىنا دەيىن قالعان كەزدەرى بولعان".

الماتى اكىمدىگىنىڭ حابارلاۋىنشا، كوميسسيانىڭ سوڭعى وتىرىسىندا قالادا مەموريالدىق تاقتالاردى ورناتۋ بويىنشا 74 ءوتىنىش قارالعان. ولاردىڭ ء14-ى عانا ماقۇلداۋ الدى.

2013 جىلى حيرۋرگ نۇرتاس قازىباەۆ تۋرالى فيلم ءتۇسىرىلدى.

نۇرتاس قازىباەۆ 2012 جىلدىڭ 5 تامىزىندا 54 جاسىندا قايتىس بولعان. ءوز كارەراسىندا ول 30 مىڭعا جۋىق وتا جاساپ، 5000-نان استام ءۇمىتى ۇزىلگەن ناۋقاستى قۇتقارعان. ول 50-گە جۋىق عىلىمي جۇمىس جازىپ، قۇرساق قۋىسىنىڭ ءار ءتۇرلى اۋرۋلارىن ەمدەۋدىڭ 5 حيرۋرگيالىق تاسىلدەرىن ويلاپ تاپقان. 2011 جىلى كاسىبي ەڭبەگى ءۇشىن "قۇرمەت"وردەنىمەن ماراپاتتالعان.


نۇرتاس قازىباەۆ، "قۇرمەت" وردەنى تابىس ەتىلگەننەن كەيىن

نۇرتاس قازىباەۆ حيرۋرگيا سالاسىنداعى ونەرتابىستا بەس پاتەنتتىڭ يەگەرى جانە قازاقستانداعى لاپاروسكوپيالىق حيرۋرگيانىڭ اكەسى سانالادى. 2013 جىلى قازاقستان رەسپۋبليكاسى پرەزيدەنت ءىسى باسقارماسىنىڭ ورتالىق كلينيكالىق اۋرۋحاناسىندا زامانىنىڭ ەڭ ۇزدىك حيرۋرگتەرىنىڭ ءبىرى سانالاتىن نۇرتاس قازىباەۆتىڭ قۇرمەتىنە ەسكەرتكىش تاقتاسى ورتاتىلدى.


كەلۋ قاينارى: http://www.elarna.net/koru.php?tur=19&id=1068023

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ارمەنيا-ازەربايجان شەكا 3 مينوت
ددسۇ قازاقستانعا 2،7 مل 4 مينوت
سالاماتتى ساپار، تومەن 13 مينوت
شي جينپيڭ سينگاپۋردىڭ ز 13 مينوت
مەملەكەتتىك دەنساۋلىق س 13 مينوت
ارمەنيا - ءازىربايجان ق 13 مينوت
اقمولا وبلىسىنداعى ءدار 13 مينوت
سەرگەي موروزوۆ UFC-دە ق 13 مينوت
اقتاۋعا اقتوبەدەن دارىگ 19 مينوت
شىمكەنتتە كوروناۆيرۋسپە 23 مينوت
اسەرلى سەلفي جاسايمىن د 23 مينوت
تۇركىستان وبلىسىنداعى ا 25 مينوت
سايرامدىق كاسىپكەرلەر ا 28 مينوت
تۇركىستانداعى حالىقارال 1 ساعات
ساياحاتشىلاردى ءتانتى ە 1 ساعات
پاۆلودار وبلىسىندا جاعا 1 ساعات
بىزگە ۆەتنام، وڭتۇستىك 1 ساعات
سبەربانك “سويۋزمۋلتفيلم 1 ساعات
ىستىق قانىن توككەن قىلم 1 ساعات
قىزعالداقتى قالا | “ادى 1 ساعات
اتىراۋدا كوممۋنالدىق تو 1 ساعات
تۇركىستان وبلىسى اكىمىن 1 ساعات
ساۋدا ىستەر مينيسترلىگى 1 ساعات
ماسۆيدال: تەز ارادا ۋسم 1 ساعات
ەڭبەك مينيسترلىگى: 42 5 1 ساعات
ەڭبەك مينيسترلىگى: 42 5 1 ساعات
ەپيدەميولوگيا عىلىمي-زە 1 ساعات
قازاقستان وپەك+ كەلىسىم 1 ساعات
COVID-19: فرانتسيا پرەز 1 ساعات
تاسقىننان ساقتانۋ، قۋاڭ 1 ساعات