ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-101398437443 %57 %
2019-11-111849557649 %51 %
2019-11-121083283341 %59 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: TengriNews.Kz

جولدانعان ۋاقىتى: 00:50 - 2019/10/13

ء"بىر كورپەنىڭ استىندا جاتىپ، ءارتۇرلى ءتۇس كورەدى". توقاەۆ پرەزيدەنتتەرگە قىتاي ماقالىن ايتتى - ەل جاڭالىقتارى | Tengrinews
ء"بىر كورپەنىڭ استىندا جاتىپ، ءارتۇرلى ءتۇس كورەدى". توقاەۆ پرەزيدەنتتەرگە قىتاي ماقالىن ايتتى 04 قازان، 09:29
3
قاسىم-جومارت توقاەۆ "ۆالداي" پىكىرتالاس كلۋبىندا ءسوز سويلەپ تۇر. © اقوردا سايتىنان

قاسىم-جومارت توقاەۆ رەسەي پرەزيدەنتى ۆلاديمير ءپۋتيننىڭ شاقىرتۋىمەن جىل سايىن وتەتىن "ۆالداي" حالىقارالىق پىكىرتالاس كلۋبىنىڭ XVI پلەنارلىق سەسسياسىنا قاتىستى. الەمنىڭ ونداعان ەلىنەن كەلگەن بەدەلدى ساياساتكەرلەر مەن بەلگىلى ساراپشىلاردىڭ، قوعام قايراتكەرلەرىنىڭ باسىن قوسقان بيىلعى فورۋم عالامدىق گەوساياساتتاعى شىعىستىڭ ءرولى تاقىرىبىنا ارنالدى.

مەملەكەت باسشىسى شاراعا قاتىسۋشىلاردىڭ الدىندا سويلەگەن سوزىندە قازاقستان تاريحي جانە گەوگرافيالىق ورنالاسۋ جاعىنان شىعىسپەن دە، باتىسپەن دە بايلانىس ورناتقانىن اتاپ ءوتتى.

"بىز يسلامدىق، كونفۋتسياندىق جانە شىعىسحريستياندىق وركەنيەتتەردىڭ توعىسىندا ورنالاسقانبىز. ۇلى جىبەك جولى، التىن وردا، ەۋرازيالىق ءومىر سالتى قازاقتاردىڭ مادەني كودىنىڭ نەگىزگى بولشەگىن قۇرايدى"، - دەدى قاسىم-جومارت توقاەۆ.

پرەزيدەنتتىڭ ايتۋىنشا، "ازيا عاسىرى" دەگەنىمىز، بۇل - حالىقتىڭ ءوسۋ قارقىنى، جالپى ىشكى ءونىم، ساۋدا، ونەركاسىپ جانە جوعارى تەحنولوگيالىق ءوندىرىس.

"2018 جىلى الەمنىڭ ەڭ تابىستى 500 ءىرى كومپانياسىنىڭ 210-ى ازيالىق بولعان. ازيا كومپانيالارى تسيفرلىق تەحنولوگيالار سالاسىندا الەمدەگى كوشباسشىلاردىڭ ءبىرى سانالادى. بۇل قۇرلىقتاعى ەلدەر عالامدىق جالپى ىشكى ءونىمنىڭ 50 پايىزىن قامتاماسىز ەتىپ، حالىقارالىق ساۋدا مەن ينۆەستيتسيالاردى ىنتالاندىرۋدا"، - دەدى مەملەكەت باسشىسى.

بايانداما بارىسىندا عالامدىق جانە ايماقتىق دامۋدىڭ وڭ تەندەنتسيالارىمەن قاتار، سىن-قاتەرلەرى دە ايتىلدى. قاسىم-جومارت توقاەۆ كورەي تۇبەگى، وڭتۇستىك قىتاي تەڭىزى، كاشمير، اۋعانستان، يەمەن، سيريا، پالەستينا-يزرايل قاقتىعىس ايماعى، يران ماسەلەسى سەكىلدى كوپتەگەن ايماقتاعى قاقتىعىس وشاقتارى گەوساياساتتاعى "باياۋ جارىلاتىن ميناعا" اينالعانىن ايتتى.

قازاقستان پرەزيدەنتى ايماقتاعى نەگىزگى ەلدەردىڭ اراسىنداعى بىر-بىرىنە دەگەن سەنىم تاپشىلىعى، "قىرعي-قاباق سوعىس" ەلەمەنتتەرىنىڭ قايتا باس كوتەرۋى، قاقتىعىستار، سانكتسيالار مەن سەنىمسىزدىكتەرگە جەتەلەيتىنىن اتادى.

"ازياداعى قاۋىپسىزدىكتى بولشەكتەۋگە قاتىستى ءتيىمدى فورمۋلالار ىزدەۋ قاجەت. بۇگىندە ءارتۇرلى ەكىجاقتى اليانستار، ايماقتىق جانە سۋبايماقتىق ينستيتۋتتار "ساياسات كورپەسىن" وزدەرىنە تارتۋدا. قىتاي حالقى ايتپاقشى، ازيادا ء"بىر كورپەنىڭ استىندا جاتىپ، ءارتۇرلى ءتۇس كورەدى"، - دەدى مەملەكەت باسشىسى.

قاسىم-جومارت توقاەۆ قازاقستان 2020-2022 جىلدارى ازياداعى ءوزارا ىقپالداستىق جانە سەنىم شارالارى جونىندەگى كەڭەسكە ءتوراعالىق ەتۋ بارىسىندا وزگە دە كوپجاقتى ينستيتۋتتارمەن بايلانىستى كۇشەيتۋدى جوسپارلاپ وتىرعانىن ءمالىم ەتتى.

قازاقستان باسشىسىنىڭ ايتۋىنشا، كليماتتىڭ وزگەرۋى دە كۇن تارتىبىندەگى وزەكتى ماسەلە بولىپ قالا بەرمەك.

"عالامدىق جىلىنۋ مۇزداقتاردىڭ ەرۋىن، شولەيتتەر مەن توپىراقتىڭ قۇنارسىزدانۋىن جىلدامداتىپ جىبەرەدى. وسىعان بايلانىستى ازياداعى قاقتىعىستار تازا اۋىز سۋ كوزدەرىن باقىلاۋعا قاراي ويىسۋى مۇمكىن. ال بۇل- ورتالىق ازيا ايماعىنداعى تۇراقسىزدىق تۋدىرۋى ىقتيمال ماسەلەنىڭ ءبىرى ەكەنى بەلگىلى"، - دەپ مالىمدەدى پرەزيدەنت.

مەملەكەت باسشىسى قاقتىعىستاردىڭ الدىن الۋ ماقساتىندا وزگە مەملەكەتتەرمەن جانە حالىقارالىق ۇيىمدارمەن جۇيەلى جانە بىرلەسكەن جۇمىس جۇرگىزۋدى دۇرىس دەپ سانايتىنىن ايتتى.

سونىمەن قاتار، قازاقستان ەاەو اياسىندا كونسترۋكتيۆتى جۇمىستى جالعاستىرا بەرمەك.

"كونيۋنكتۋرانىڭ ناشارلاۋىنا بايلانىستى تۋىنداعان قيىندىقتارعا قاراماستان، ءبىزدىڭ ۇجىمدىق بىرلەستىگىمىز بەدەلدى ەكونوميكالىق ۇيىمعا اينالىپ كەلەدى. بۇعان ۇيىمنىڭ ساۋدا ارىپتەستىك جەلىسىنىڭ سينگاپۋردان سەربياعا دەيىنگى كەڭىستىكتى قامتۋى ايقىن دالەل"، - دەدى قاسىم-جومارت توقاەۆ.

ەلىمىزدىڭ بىتىمگەرشىلىك ماسەلەسىندەگى ۇستانىمىن ايتا كەلە، پرەزيدەنت قازاقستاننىڭ ايماقتىق قاقتىعىستاردى رەتتەۋدە ءادىل اراعايىندىقتى جاقتايتىنىن ايتتى. مەملەكەت باسشىسى تاياۋ شىعىس ءۇشىن، ونىڭ ىشىندە، سيريا بويىنشا استانا پروتسەسىندە ومىرشەڭ شەشىمدەر ىزدەستىرۋگە دايىن ءارى قولداۋعا ءازىر ەكەنىن مالىمدەدى. قازاقستان سوڭعى ايلاردا شيەلەنىسىپ كەتكەن اۋعانستانداعى جاعدايدى باقىلاۋدا ۇستايدى جانە كومەكتەسۋدى جالعاستىرا بەرەدى.

مەملەكەت باسشىسى قازاقستاننىڭ ءارقاشان قارۋسىزدانۋ مەن سىندارلى ديپلوماتيانى جاقتايتىنىن اتاپ وتتى.

"قاۋىپسىزدىك پروبلەمالارىن شەشۋدە ۇجىمدىق كوزقاراستاردى ساراپقا سالاتىن الاڭ ەكەنىن دالەلدەگەن ازياداعى ءوزارا ىقپالداستىق جانە سەنىم شارالارى جونىندەگى كەڭەس زور ءرول اتقارۋى مۇمكىن. وسى فورۋمدى تولىققاندى ۇيىمعا اينالدىرۋ ماسەلەسىن تالقىلايتىن ۋاقىت كەلدى"، - دەدى قاسىم-جومارت توقاەۆ.

باياندامادا قازاقستان قازىرگى زاماننىڭ سىن-قاتەرلەرىنە توتەپ بەرۋ قىزمەتىن جالعاستىرا بەرەتىنى ايتىلدى.

"قاۋىپسىزدىكتىڭ سان قىرلى قاتەرلەرىن كەشەندى تۇردە شەشپەي، ازيانىڭ ەكونوميكالىق عاجايىبىن جۇزەگە اسىرۋ مۇمكىن ەمەس. ۇجىمداسىپ ارەكەت ەتپەسەك "ازيانىڭ دامۋ عاسىرىنىڭ" ورنىنا بۇكىل عالامعا كەسىرى تيەتىن كومەسكىلەنگەن "ازيانىڭ كۇڭگىرت كۇندەرىنە" تاپ بولۋىمىز مۇمكىن"، - دەدى پرەزيدەنت.


سۋرەتەر اقوردا سايتىنان

قاسىم-جومارت توقاەۆ باتىستىڭ ءوزارا ءىس-قيمىلىنسىز شىعىستا ءتيىمدى قاۋىپسىزدىك ارحيتەكتۋراسىن قالىپتاستىرۋ مۇمكىن ەمەس دەپ سانايدى. وسى ورايدا، ول قازاقستاننىڭ اوسشك مەن ەقىۇ ۇيىمدارىنىڭ مۇمكىندىكتەرىن بىرىكتىرۋ تۋرالى ۇسىنىسىن ەسكە ءسالدى.

"بىزدىڭ ايماقتاعى ورتاق جۇمىسىمىزدىڭ نەگىزگى باعىتى تەرروريزم جانە ەكسترەميزممەن، ۇيىمداسقان قىلمىسپەن، زاڭسىز ميگراتسيامەن، ەسىرتكى تاسىمالىمەن كۇرەس بولۋى ىقتيمال. ال ادامي كاپيتالدى دامىتۋ، مەملەكەتتىك باسقارۋدىڭ ۇزدىك ۇلگىلەرىن ەنگىزۋ، يننوۆاتسيالىق مۇمكىندىكتەردى جەتىلدىرۋ، سۋ رەسۋرستارىن ءتيىمدى ءارى تەڭدەي پايدالانۋ - ءبىزدىڭ جاسامپازدىق جولىنداعى دامۋىمىزدىڭ باستى باعدارى بولۋى ءتيىس"،- دەدى مەملەكەت باسشىسى.

پلەنارلىق سەسسيا بارىسىندا رەسەي پرەزيدەنتى ۆلاديمير پۋتين، يوردانيا كورولى ءىى ابداللا، ازەربايجان پرەزيدەنتى يلحام اليەۆ، فيليپپين پرەزيدەنتى رودريگو دۋتەرتە ءسوز سويلەدى.


كەلۋ قاينارى: http://www.elarna.net/koru.php?tur=19&id=1059250

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


بقو-دا اپتا بويى ىزدەست 4 مينوت
اتىراۋ وبلىسىندا 257 ال 4 مينوت
ەلوردا يمامدارىنىڭ ءىىى 6 مينوت
"گەوساياسي تۇراقسى 6 مينوت
قاراعاندى وبلىستىق تاۋا 10 مينوت
نۇرسۇلتان نازارباەۆ ءبى 13 مينوت
شەتەلدىك ەلشىلەر قر پرە 15 مينوت
ءىىى ايماقتىق يمامدار ف 15 مينوت
中国哈萨克语广播网 16 مينوت
نازارباەۆ الپاۋىت ەلدەر 16 مينوت
چيليدە 75 مىڭ ادام ۇكىم 16 مينوت
قوستاناي وڭىرىندەگى قر 19 مينوت
قوسشىداعى كولىك كەپتەلى 25 مينوت
ەلوردا يمامدارىنىڭ ءىىى 26 مينوت
ەۆو مورالەس مەكسيكانىڭ 26 مينوت
موجنو لي چيتات ناماز، ە 1 ساعات
ورالدا اۆتوبۋس ەكى جايا 1 ساعات
پىلدەر قىرىلىپ جاتىر... 1 ساعات
اعاجاي التاي تورى 1 ساعات
جانىبەك ءالىمحانۇلى WBC 1 ساعات
ونەركاسىپ جانە ينفورمات 1 ساعات
وسى ارانى باسىپ كورىڭىز 1 ساعات
اقتوبەدە ەكونوميكالىق ت 1 ساعات
ونكوورتالىقتارعا مەديتس 1 ساعات
ەلوردا يمامدارىنىڭ ءىىى 1 ساعات
پوچەمۋ مى نە پومنيم، كا 1 ساعات
الماتى اكىمدىگى تەلەورت 1 ساعات
ADEBIPORTAL.KZ | ادەبيە 1 ساعات
وقيعالار حرونيكاسى. 12 1 ساعات
WhatsApp ءبىرجولا قارا 1 ساعات