22 اقپان. نۇر-سۇلتان. Sunna.kz – ەل استاناسى نۇر-سۇلتان قالاسىنداعى «راحىمقىزى رايسا انا» مەشىتىنىڭ ايەل جاماعاتى اراسىندا اللانىڭ 99 كوركەم ەسىمىن جاتقا ايتۋدان ينتەلەكتۋالدىق جارىس بولىپ ءوتتى، دەپ حابارلايدى وكىلدىكتىڭ ءباسپاسوز قىزمەتىنە سىلتەما جاساعان Sunna.kz سايتى.

ايتا كەتەيىك، اتالمىش سايىس يسلام كۇنتىزبەسىندە «قاسيەتتى ءۇش اي» دەپ قوسارلانا اتالاتىن ەرەجەپ، شاعبان، رامازان ايلارىنىڭ قۇرمەتىنە وراي ۇيىمداستىرىلىپ وتىر.

قاسيەتتى قۇران اياتتارىمەن اشىلعان جارىس كىرىسپەسىندە جۇرگىزۋشىلەر ءدال وسى ءۇش ايدىڭ ماڭىزدىلىعى مەن قاسيەتى جايىندا، بۇل ايلاردا اتقارىلاتىن ساۋاپتى امالدار جايىندا ماعلۇمات ايتىپ ءوتتى. سونداي-اق، كورەرمەندەر نازارىنا بۇگىنگى جارىستىڭ ماڭىزىن ايشىقتاي تۇسەتىن ارنايى بەينەروليكتەر كورسەتىلدى. ءتىپتى، ءۇش كەزەڭنەن وتكەن جارىس اراسىنداعى ءۇزىلىس كەزىندە سۇراق-جاۋاپ ۆيكتوريناسى ويناتىلىپ، «انا ءقادىرى» اتتى كورىنىس قويىلدى.

شارا سوڭىندا سايىسقا قاتىسىپ، جۇلدەلى ورىنعا يە بولعان قىز-كەلىنشەكتەر  ماحمەتتولا ساياكوز (1-ورىن)، اۋەزحان جانسايا (2-ورىن)، بايمۇحامبەتوۆا اسەلگە (3-ورىن) اقشالاي سىيلىقتار تابىستالدى.